Rom 1
1
Basef ofagema Pol na'ipa esis Roma maol aposel anan nanda'anai
1Ae' Pol ape owina Krais Jisas anda' maola anan atona. God nofale ma enda' maol aposel ea' nosahe'e ma ewalapa basef bu'wami ananimi.
2-4Basef amama mape na'ama. Fowa' gani God nanda' basef la'ifimi ea' na'ipa amam profet Ananimi mawalipasam manda'am mail buk Godi. Basef amama ma'i Nogalomana ananinai, Jisas Krais Dembinai ape'inai. Anan nataga epen endilisinai nataga wambota aman dembinai king Deviti. Ea' dei' Ambal Bu'unai Godi nawalapana alihina ma pepel Godi, anan Nogalomana Ananinai endilisi. Ambal anama nafelona nohafel hi'agif wapoti'. 5Lagof Jisasi atom God nagiambame nanda'e la'ifiwi anda' maol aposela afela agel Jisas Kraisi lu'una. Anan nanda'am na'ama ma anona nemaf amam nematawa hiesi sembale'efana sila basef ananimi. 6Ipe' wapoti' pape paloma amam nematawa isima Kraisi. Ipe' pame' fala Jisas Kraisi ea' pailana pape Ananipei.
7Ipe' epes Romipei, God okom nainailipa nofalepa pape amam nematawa Ananipei etipa. Ae' anda' basef amama mafi'mipei. Ae' a'i God Ahalomapa ape'inai noloma Dembinai ape'inai Jisas Krais migiambamepa monda'epa la'ifipa opalef ipe'imi mope awanem.
Pol na'i niti esis Rom
8Ae' a'i ata' ili' i'i basef amama. Ae' anifela God ae'anai ma agel Jisas Kraisi, anifelona ma ipe' wapoti'. Dei' main, esis etap gani hiagoma sa'i basef amama ma ipe' pembale'efana. 9-10God nogawa maina nemaf anda' betenanai okom ae'anai napoma ipe' anda'mepa beten. Ae' anda' maol Godi aloma okom ae'anai si'ina awalipasa basef bu'wami ma Nogalomana ananinai. Beten ae'anai nape na'ama. Fowa' nimeguf hiami ahali'ana ma efo'o ietilipa. Owa'etin. Dei' wapoti' ahali'ana ma Anan ni'i awi, a'i nonda'me anona eaf efo'o ietilipa.
11Ae' okom na'i endilisi ma anona nemaf efo'o ietilipa ma enda'epa petaga la'ifipa ease'epa anom amamaga bu'wami Ambal Godi nasi'ipam etini. 12Amama na'ama. Ae' a'i bale'ef ae'anai nigiambama ipe' ea' bale'ef ipe'inai nigiambama ae' nenda' ae' etaga la'ifiwi. Amama monda'apa motaga la'ifipa opalef ape'imi na'ama etin.
13Ae' a'i ipe' alupipei ata' pegawa nimeguf hiami ae' a'i efe'mago ipe' ea' afi'i ataga dei'. Ea' anom amamaga mahopa eafa ae'. Fowa' ae' agiambama enis epes owa' Judaisi sape anagoni sataga Kristen saitu la'ifis. Ea' dei' a'i ata' igiambama ipe' wapoti' si'i agiambama esis. 14Ae' wiaf notaome ma igiambama epes hiesi sombale'efa Krais. Wiaf anama na'ama. Krais natalowe maol lu'unai dei' ae' egwamana igiambama epes isima hiesi ma sogawa waf bu'unai Godi. Epes gawaisi soloma isima gawa a'asi wapoti'. 15Amama atom dei' opaf ae'anai nohafel endilisi ma ewalapa basef bu'wami Godi ma ipe' epes Romipei wapoti'.
Basef bu'wami Godi, amama pepel Ananinai
16Ae' ina umbamahe ambal aona ewalipasa basef bu'wami Godi, owa'. Ae' embale'efa basef amama bu'wami la'ifiwi endilisi. Dei' main, amama pepel Godi nofa' emi egafis seambale'efanai sotanimani. Esis Juda sembale'efana sali' ea' ipe' hipei owa' Judaipei pagi'. 17Dei' main, basef amama bu'wami Godi ma'ipapa waf bu'unai ananinai. Anama na'ama. I'i ape' mombale'efa Jisas la'ifipa endilisi, God ni'i ape' bo'wepa andeande'. Ina anona eafa ape' meataga bo'wepa andeande' ma naep ananimi, owa'etin. Bale'ef atona. Eaf si'i Baibel na'i, “Emi egafis sembale'efa Godi, Anan ni'i esis bu'wasi andeande' sope namusi la'ela'ef.”
Amam nematawa hiesi sowa' alafugaha God
18Dei' owagama wapoti' okom numbutinai Godi nape nafi'i heven notaga nondawalap alihina ma waf hianai aonai epes sanda'anai. Anan nogwamasa nimanimi lu'wami ma epes isima hiesi sowa' alafugaha waf bu'unai Ananinai sanda' waf aonai dei' sahagofa basef endilisimi Ananimi. 19Dei' main, waf hianai Godi ina nandambaho', owa'. Maina waf dende' ma gawa epesi God nihi'ambasana nataga alihina nandawalap. 20Fowa' dambadamba God nanda' amamaga hiami mataga nogota anama nafi'i nataga dei', esis sati amamaga anan nanda'ami. Amamaga amama esis wilama sogawa ma anona waf hianai Godi esis owa' la'ifisa seatolona naepi. Amama na'ama. Esis satolona endilisi waf Godi ofagena, Anan Dembinai nikila' amam dambami hiami mape etapi. Esis sati waf anama naloma pepel lu'unai Ananinai nape la'ela'ef. Ea' amama atom dei' esis ina anona eafa sondahali' sombaho'a waf aonai esis sanda'anai sie'i, “Afa' owa' ogawae.” Owa'etin.
21Esis sogawa God nape ea' esis ina sogawa sa'i Anan bu'unai endilisi ma sosa'ma agel Ananinai lu'una o sinifelona, owa'. Ukup asasimi mapoma amamaga falafumi atom ea' opalef asasimi ina mataga andeande', owa'. Mataga aom endilisi. 22Esis aligah maso'as sa'iam sa'i, “Ape' mogawai,” ea' esis sataga ukup mahaga magaola waf bu'unai. 23Ea' sase'ana alafugaha God owa' neaga'i naloma agel lu'unai Ananinai. Esis ina sanda' lotumana sanifelona, owa'. Sambala lawah maim falafumi atom mataga god baso'omainai asasinai mandati si'i amiguf, mafis, iguf maim maloma epes owa' seape namusi la'ela'efi, ea' sanda' lotumam sanifelom.
Waf naninani aonai
24Esis sandaiwa'ma God sowa' alafugahana. Amama atom dei' Anan nakwaha esis ea' ukup asasimi mohafel la'ifim manda'as sanda' waf hianai aonai. Sanda so'a waol sahambombaga alop asasinai. 25Dei' main, esis ukup maso'asa basef Godi endilisimi ea' sagi'ma basef baso'maimi atom maho'ofa basef endilisimi Ananimi. Ea' sanda' lotuma amamaga amama God nanda'ami, ea' Anan, sesambalona. God Anan bu'unai ofagonama amamaga amama hiami, ape' mafela agel ananinai lu'una la'ela'ef endilisi.
26-27Ea' God nakwaha esis saila ukup epesi atoma sanda' waf aonai ambagof aomanai. Sanda' waf anama aonai naho'ofa waf daso'amainai. Nematawa waila waf ikiakanai waloma anowa nematawa. Anom amam wapoti' manda'am na'ama etin. Ukup amamumi mohafel endilisi maimaila anom amam malomam monda' waf aonai. Ea' waf anama nahambombaga ukup maloma alop amamunai mandahama waf aonai amam manda'anai.
28Ukup asasimi atom sandaiwa'ma sembale'efa God. Amama atom dei' nape natilis saila ukup awami asasimi atoma sanda' waf naninani aonai owa' andeande'ma epes seanda'anai. 29-30Esis sanda' waf hianai naninani aonai nape si'ina ma esis. Ukup mohafel maimaila sofa' amamaga hiami ma esis etis. Waf aonai agufuma anama. Ukup kowalepa amamaga bu'wami awami, ukup aoma soha enis epes, saha enis epes saga', migimigah sambaso'ama sofa' anom amamaga enis epesi ea' sanda' maola saha epes. Waf anama aonai asi'ina endilisi ma esis. Ea' sanda'ipama sa'i basef sawalapama sola'masa basef enis epes ma naep epes hiesi. Esis sataga naumbih saloma God, sa'i basef la'ifimi safela agof asasimi atom. Ukup mandanda' ma waf naninani aonai dambainai. Ea' sosambala basef mamasasi. 31Esis ina sagawa waf bu'unai ea' sa'i basef andeande', ea' ina saila basef amama asasimi andeande', owa'. Esis ina ukup maimaila enis epes satilis uwahipis, owa'. 32Basefa mi'uli Godi bu'unai na'ama na'i, “Epes sanda' waf na'amainai esis soga'.” Epes isima sogawa mi'uli anama, owa'etin. Sanda' waf anama aonai atona. Ea' ina sanda'ana etin, owa'. Safela agofa enis epes sanda' waf anama aonai sandanifamas.
ទើបបានជ្រើសរើសហើយ៖
Rom 1: aojF
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2013, Wycliffe Bible Translators, Inc. All rights reserved.
Rom 1
1
Basef ofagema Pol na'ipa esis Roma maol aposel anan nanda'anai
1Ae' Pol ape owina Krais Jisas anda' maola anan atona. God nofale ma enda' maol aposel ea' nosahe'e ma ewalapa basef bu'wami ananimi.
2-4Basef amama mape na'ama. Fowa' gani God nanda' basef la'ifimi ea' na'ipa amam profet Ananimi mawalipasam manda'am mail buk Godi. Basef amama ma'i Nogalomana ananinai, Jisas Krais Dembinai ape'inai. Anan nataga epen endilisinai nataga wambota aman dembinai king Deviti. Ea' dei' Ambal Bu'unai Godi nawalapana alihina ma pepel Godi, anan Nogalomana Ananinai endilisi. Ambal anama nafelona nohafel hi'agif wapoti'. 5Lagof Jisasi atom God nagiambame nanda'e la'ifiwi anda' maol aposela afela agel Jisas Kraisi lu'una. Anan nanda'am na'ama ma anona nemaf amam nematawa hiesi sembale'efana sila basef ananimi. 6Ipe' wapoti' pape paloma amam nematawa isima Kraisi. Ipe' pame' fala Jisas Kraisi ea' pailana pape Ananipei.
7Ipe' epes Romipei, God okom nainailipa nofalepa pape amam nematawa Ananipei etipa. Ae' anda' basef amama mafi'mipei. Ae' a'i God Ahalomapa ape'inai noloma Dembinai ape'inai Jisas Krais migiambamepa monda'epa la'ifipa opalef ipe'imi mope awanem.
Pol na'i niti esis Rom
8Ae' a'i ata' ili' i'i basef amama. Ae' anifela God ae'anai ma agel Jisas Kraisi, anifelona ma ipe' wapoti'. Dei' main, esis etap gani hiagoma sa'i basef amama ma ipe' pembale'efana. 9-10God nogawa maina nemaf anda' betenanai okom ae'anai napoma ipe' anda'mepa beten. Ae' anda' maol Godi aloma okom ae'anai si'ina awalipasa basef bu'wami ma Nogalomana ananinai. Beten ae'anai nape na'ama. Fowa' nimeguf hiami ahali'ana ma efo'o ietilipa. Owa'etin. Dei' wapoti' ahali'ana ma Anan ni'i awi, a'i nonda'me anona eaf efo'o ietilipa.
11Ae' okom na'i endilisi ma anona nemaf efo'o ietilipa ma enda'epa petaga la'ifipa ease'epa anom amamaga bu'wami Ambal Godi nasi'ipam etini. 12Amama na'ama. Ae' a'i bale'ef ae'anai nigiambama ipe' ea' bale'ef ipe'inai nigiambama ae' nenda' ae' etaga la'ifiwi. Amama monda'apa motaga la'ifipa opalef ape'imi na'ama etin.
13Ae' a'i ipe' alupipei ata' pegawa nimeguf hiami ae' a'i efe'mago ipe' ea' afi'i ataga dei'. Ea' anom amamaga mahopa eafa ae'. Fowa' ae' agiambama enis epes owa' Judaisi sape anagoni sataga Kristen saitu la'ifis. Ea' dei' a'i ata' igiambama ipe' wapoti' si'i agiambama esis. 14Ae' wiaf notaome ma igiambama epes hiesi sombale'efa Krais. Wiaf anama na'ama. Krais natalowe maol lu'unai dei' ae' egwamana igiambama epes isima hiesi ma sogawa waf bu'unai Godi. Epes gawaisi soloma isima gawa a'asi wapoti'. 15Amama atom dei' opaf ae'anai nohafel endilisi ma ewalapa basef bu'wami Godi ma ipe' epes Romipei wapoti'.
Basef bu'wami Godi, amama pepel Ananinai
16Ae' ina umbamahe ambal aona ewalipasa basef bu'wami Godi, owa'. Ae' embale'efa basef amama bu'wami la'ifiwi endilisi. Dei' main, amama pepel Godi nofa' emi egafis seambale'efanai sotanimani. Esis Juda sembale'efana sali' ea' ipe' hipei owa' Judaipei pagi'. 17Dei' main, basef amama bu'wami Godi ma'ipapa waf bu'unai ananinai. Anama na'ama. I'i ape' mombale'efa Jisas la'ifipa endilisi, God ni'i ape' bo'wepa andeande'. Ina anona eafa ape' meataga bo'wepa andeande' ma naep ananimi, owa'etin. Bale'ef atona. Eaf si'i Baibel na'i, “Emi egafis sembale'efa Godi, Anan ni'i esis bu'wasi andeande' sope namusi la'ela'ef.”
Amam nematawa hiesi sowa' alafugaha God
18Dei' owagama wapoti' okom numbutinai Godi nape nafi'i heven notaga nondawalap alihina ma waf hianai aonai epes sanda'anai. Anan nogwamasa nimanimi lu'wami ma epes isima hiesi sowa' alafugaha waf bu'unai Ananinai sanda' waf aonai dei' sahagofa basef endilisimi Ananimi. 19Dei' main, waf hianai Godi ina nandambaho', owa'. Maina waf dende' ma gawa epesi God nihi'ambasana nataga alihina nandawalap. 20Fowa' dambadamba God nanda' amamaga hiami mataga nogota anama nafi'i nataga dei', esis sati amamaga anan nanda'ami. Amamaga amama esis wilama sogawa ma anona waf hianai Godi esis owa' la'ifisa seatolona naepi. Amama na'ama. Esis satolona endilisi waf Godi ofagena, Anan Dembinai nikila' amam dambami hiami mape etapi. Esis sati waf anama naloma pepel lu'unai Ananinai nape la'ela'ef. Ea' amama atom dei' esis ina anona eafa sondahali' sombaho'a waf aonai esis sanda'anai sie'i, “Afa' owa' ogawae.” Owa'etin.
21Esis sogawa God nape ea' esis ina sogawa sa'i Anan bu'unai endilisi ma sosa'ma agel Ananinai lu'una o sinifelona, owa'. Ukup asasimi mapoma amamaga falafumi atom ea' opalef asasimi ina mataga andeande', owa'. Mataga aom endilisi. 22Esis aligah maso'as sa'iam sa'i, “Ape' mogawai,” ea' esis sataga ukup mahaga magaola waf bu'unai. 23Ea' sase'ana alafugaha God owa' neaga'i naloma agel lu'unai Ananinai. Esis ina sanda' lotumana sanifelona, owa'. Sambala lawah maim falafumi atom mataga god baso'omainai asasinai mandati si'i amiguf, mafis, iguf maim maloma epes owa' seape namusi la'ela'efi, ea' sanda' lotumam sanifelom.
Waf naninani aonai
24Esis sandaiwa'ma God sowa' alafugahana. Amama atom dei' Anan nakwaha esis ea' ukup asasimi mohafel la'ifim manda'as sanda' waf hianai aonai. Sanda so'a waol sahambombaga alop asasinai. 25Dei' main, esis ukup maso'asa basef Godi endilisimi ea' sagi'ma basef baso'maimi atom maho'ofa basef endilisimi Ananimi. Ea' sanda' lotuma amamaga amama God nanda'ami, ea' Anan, sesambalona. God Anan bu'unai ofagonama amamaga amama hiami, ape' mafela agel ananinai lu'una la'ela'ef endilisi.
26-27Ea' God nakwaha esis saila ukup epesi atoma sanda' waf aonai ambagof aomanai. Sanda' waf anama aonai naho'ofa waf daso'amainai. Nematawa waila waf ikiakanai waloma anowa nematawa. Anom amam wapoti' manda'am na'ama etin. Ukup amamumi mohafel endilisi maimaila anom amam malomam monda' waf aonai. Ea' waf anama nahambombaga ukup maloma alop amamunai mandahama waf aonai amam manda'anai.
28Ukup asasimi atom sandaiwa'ma sembale'efa God. Amama atom dei' nape natilis saila ukup awami asasimi atoma sanda' waf naninani aonai owa' andeande'ma epes seanda'anai. 29-30Esis sanda' waf hianai naninani aonai nape si'ina ma esis. Ukup mohafel maimaila sofa' amamaga hiami ma esis etis. Waf aonai agufuma anama. Ukup kowalepa amamaga bu'wami awami, ukup aoma soha enis epes, saha enis epes saga', migimigah sambaso'ama sofa' anom amamaga enis epesi ea' sanda' maola saha epes. Waf anama aonai asi'ina endilisi ma esis. Ea' sanda'ipama sa'i basef sawalapama sola'masa basef enis epes ma naep epes hiesi. Esis sataga naumbih saloma God, sa'i basef la'ifimi safela agof asasimi atom. Ukup mandanda' ma waf naninani aonai dambainai. Ea' sosambala basef mamasasi. 31Esis ina sagawa waf bu'unai ea' sa'i basef andeande', ea' ina saila basef amama asasimi andeande', owa'. Esis ina ukup maimaila enis epes satilis uwahipis, owa'. 32Basefa mi'uli Godi bu'unai na'ama na'i, “Epes sanda' waf na'amainai esis soga'.” Epes isima sogawa mi'uli anama, owa'etin. Sanda' waf anama aonai atona. Ea' ina sanda'ana etin, owa'. Safela agofa enis epes sanda' waf anama aonai sandanifamas.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2013, Wycliffe Bible Translators, Inc. All rights reserved.