Mak 16
16
Jisas notanima nohafel wapoti'
(Mt 28:1-8; Lu 24:1-12; Jo 20:1-10)
1Nemaf anama sapoma noma'wanai nafe' hi'alana, Maria Makdalai'wi kwaloma Maria mama'wana Jems kwaloma Salomi watala anom wel alogw bu'wami ma'ami. Awau wa'i ofa'am ofe' ondisa alop Jisasi. 2Wafilu nemaf Sande, kuhimbita atona awau ofa' wel amama wafe' hi'agif. 3Awau ata' wafe' etin eaf, wanda'ipama na'ama wa'i, “Atuwasi emi nigiambamafa nelefata owap anama nowalo utai?”
4Ea' watologon, wati owap anama lu'unai ina ata' nape nowalo uta, owa'. Enin epen nafe' nausi'ana nafe' na'oh wa'ol. 5Awau wawis hi'agif nomon, wati anona aman sa'unai tol nape uta wa'ol lagel da'isinaima. Nala anona lowaf launai afitinai. Na'ama awau gegelalasowa kwapete'awa umbamahawa. 6Ea' anan na'ipawa na'ama na'i, “Ipe' ina umbamehepa, owa'. Ae' egawepa ipe' pafi'i pegolopa Jisas Nasaretinai, esis saundana naga' lawag usi'inai tu'wanainai. Anan notanima nohafel ea', ina ata' nape na'ae, owa'. Ipe' piti na'ae sofa'ana sawisi salana nalama. Dei' wafigin nape. 7Ea' ipe' fo'o pi'ipa alupumi ananimi ea' pi'ipa Pita nalomam na'ama pi'i, ‘Jisas nali'ipa nafe' etap hiagoma Galili. Ipe' pefo'o petolona si'i nimbewa' na'ipipa.’ ”
8Ea' wakwaha hi'agif wawisi ande' wasagih wafe'. Awau umbamahawa wanda'am bombol etin. Ea' awau ina wa'ipasa basefa enis epes, owa'.
Maria Makdalai'wi kwati Jisas
(Jo 20:11-18)
9 # Lu 8:2 [Jisas notanima nohafel Sande#16:9 Niti futnot Matyu 28:1. kuhimbita atona, ea' nali' natagama Maria Makdalai'wi, fowa' natofama'wa ambagof awami 7-peleim mapai'wi. 10#Mt 28:10Akwa'w kwafe' anagon alupumi Jisasi mapoma. Ukup amamumi nimanim endilisi, mape malef. 11Ea' kwa'ipam kwa'i, “Ae' ati Jisas notanima nohafel wapoti' nape namunai.”
Amam mame' basef amama ako'umi, ea' ina meme' basef akwa'umi ma'i endilisimi, owa'.
Amam biam alupumi Jisasi matolona eaf nafe' Emeusi
(Lu 24:13-35)
12Amama mataga ea', anom alupumi Jisasi biam makwaha wambel lu'unai maila eaf nafe' aolopi mafe'. Ea' Jisas nandati na'ana nafe' natagamam. 13Amam biam matolona motanima mafe' mawalapa basef amama ma anom alupumi Ananimi mapani, ea' amam ina mombale'efam, owa'.
Jisas nase'ama maol amam alupumi ananimi
(Mt 28:16-20; Lu 24:36-49; Jo 20:19-23)
14 # 1 Ko 15:5 Amama mafe'ma ea', alupumi 11-peleim Jisasi mape ma' gwa'aimi etin, Jisas nafe' natagamam. Nimbewa' enis satolona notanima nohafel wapoti' ea' sa'ipa amam ma Anan nahafel ea'. Owa'. Amam ina membale'efas ma'i sa'i endilisi, owa'. Ma'i opalef amamumi maso'. Na'ama Jisas na'ipama basef la'ifimi.
15Ea' na'ipam na'ama na'i, “Ipe' pefe' wambel hiagoma pi'ipasa basef bu'wami Godi ma amam nematawa hiesi hi'ilas. 16#Ap 2:38Emi egafis sembale'efa ae' sofa' baptais, anona nemaf God notanima nefa'asi wapoti' ea' Ananisi. Ea' isima owa' sembale'ifi, anona nemaf God nonda'mas kota basef lu'wami ma waf aonai esis sanda'anai. 17#Ap 2:4; Ap 8:7; 10:46God nambimb nonda' esis isima sembale'efi sotaga la'ifisa sonda' ikwaf hianai naninani si'i anan nanda'anai. Ea' sohali' Ae' ma enda'as sotaga la'ifisa sili'amona ambagof awami mapeisi, ea' si'i anona diga hianai dambainai. 18Ea' sohapila iguf mahasi lagof asasimi ea' ina mohas soga', owa'. Ea' sea' embel numbutimi wapoti', esis ina soga', owa'. Ea' enis owa' seambale'efi, sea' embel amama, esis soga'. Ea' nambimb esis isima sembale'ifi sosa lagofa enis epes awes nanda'asi sotaga bo'wes wapoti'.”
God nofa' Jisas nalata heven
(Lu 24:50-53; Ap 1:9-11)
19Dembinai Jisas nawalipas na'ipas ea', God nofa'ana nalata heven. Ea' nofa' agel lu'unai nape lagel da'isinai Godi. 20Ea' alupumi Ananimi mafe' gani wambel hiagoma mawalapa basef Godi. Anan nanda'am mataga la'ifim manda' ikwaf hianai naninani si'i God nanda'anai. Enis epes sati maol anama amam manda'anai sa'i, “Endilisi, God nagiambama amam ea' ape' magawa basef Ananimi endilisimi.”]
ទើបបានជ្រើសរើសហើយ៖
Mak 16: aojF
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2013, Wycliffe Bible Translators, Inc. All rights reserved.
Mak 16
16
Jisas notanima nohafel wapoti'
(Mt 28:1-8; Lu 24:1-12; Jo 20:1-10)
1Nemaf anama sapoma noma'wanai nafe' hi'alana, Maria Makdalai'wi kwaloma Maria mama'wana Jems kwaloma Salomi watala anom wel alogw bu'wami ma'ami. Awau wa'i ofa'am ofe' ondisa alop Jisasi. 2Wafilu nemaf Sande, kuhimbita atona awau ofa' wel amama wafe' hi'agif. 3Awau ata' wafe' etin eaf, wanda'ipama na'ama wa'i, “Atuwasi emi nigiambamafa nelefata owap anama nowalo utai?”
4Ea' watologon, wati owap anama lu'unai ina ata' nape nowalo uta, owa'. Enin epen nafe' nausi'ana nafe' na'oh wa'ol. 5Awau wawis hi'agif nomon, wati anona aman sa'unai tol nape uta wa'ol lagel da'isinaima. Nala anona lowaf launai afitinai. Na'ama awau gegelalasowa kwapete'awa umbamahawa. 6Ea' anan na'ipawa na'ama na'i, “Ipe' ina umbamehepa, owa'. Ae' egawepa ipe' pafi'i pegolopa Jisas Nasaretinai, esis saundana naga' lawag usi'inai tu'wanainai. Anan notanima nohafel ea', ina ata' nape na'ae, owa'. Ipe' piti na'ae sofa'ana sawisi salana nalama. Dei' wafigin nape. 7Ea' ipe' fo'o pi'ipa alupumi ananimi ea' pi'ipa Pita nalomam na'ama pi'i, ‘Jisas nali'ipa nafe' etap hiagoma Galili. Ipe' pefo'o petolona si'i nimbewa' na'ipipa.’ ”
8Ea' wakwaha hi'agif wawisi ande' wasagih wafe'. Awau umbamahawa wanda'am bombol etin. Ea' awau ina wa'ipasa basefa enis epes, owa'.
Maria Makdalai'wi kwati Jisas
(Jo 20:11-18)
9 # Lu 8:2 [Jisas notanima nohafel Sande#16:9 Niti futnot Matyu 28:1. kuhimbita atona, ea' nali' natagama Maria Makdalai'wi, fowa' natofama'wa ambagof awami 7-peleim mapai'wi. 10#Mt 28:10Akwa'w kwafe' anagon alupumi Jisasi mapoma. Ukup amamumi nimanim endilisi, mape malef. 11Ea' kwa'ipam kwa'i, “Ae' ati Jisas notanima nohafel wapoti' nape namunai.”
Amam mame' basef amama ako'umi, ea' ina meme' basef akwa'umi ma'i endilisimi, owa'.
Amam biam alupumi Jisasi matolona eaf nafe' Emeusi
(Lu 24:13-35)
12Amama mataga ea', anom alupumi Jisasi biam makwaha wambel lu'unai maila eaf nafe' aolopi mafe'. Ea' Jisas nandati na'ana nafe' natagamam. 13Amam biam matolona motanima mafe' mawalapa basef amama ma anom alupumi Ananimi mapani, ea' amam ina mombale'efam, owa'.
Jisas nase'ama maol amam alupumi ananimi
(Mt 28:16-20; Lu 24:36-49; Jo 20:19-23)
14 # 1 Ko 15:5 Amama mafe'ma ea', alupumi 11-peleim Jisasi mape ma' gwa'aimi etin, Jisas nafe' natagamam. Nimbewa' enis satolona notanima nohafel wapoti' ea' sa'ipa amam ma Anan nahafel ea'. Owa'. Amam ina membale'efas ma'i sa'i endilisi, owa'. Ma'i opalef amamumi maso'. Na'ama Jisas na'ipama basef la'ifimi.
15Ea' na'ipam na'ama na'i, “Ipe' pefe' wambel hiagoma pi'ipasa basef bu'wami Godi ma amam nematawa hiesi hi'ilas. 16#Ap 2:38Emi egafis sembale'efa ae' sofa' baptais, anona nemaf God notanima nefa'asi wapoti' ea' Ananisi. Ea' isima owa' sembale'ifi, anona nemaf God nonda'mas kota basef lu'wami ma waf aonai esis sanda'anai. 17#Ap 2:4; Ap 8:7; 10:46God nambimb nonda' esis isima sembale'efi sotaga la'ifisa sonda' ikwaf hianai naninani si'i anan nanda'anai. Ea' sohali' Ae' ma enda'as sotaga la'ifisa sili'amona ambagof awami mapeisi, ea' si'i anona diga hianai dambainai. 18Ea' sohapila iguf mahasi lagof asasimi ea' ina mohas soga', owa'. Ea' sea' embel numbutimi wapoti', esis ina soga', owa'. Ea' enis owa' seambale'efi, sea' embel amama, esis soga'. Ea' nambimb esis isima sembale'ifi sosa lagofa enis epes awes nanda'asi sotaga bo'wes wapoti'.”
God nofa' Jisas nalata heven
(Lu 24:50-53; Ap 1:9-11)
19Dembinai Jisas nawalipas na'ipas ea', God nofa'ana nalata heven. Ea' nofa' agel lu'unai nape lagel da'isinai Godi. 20Ea' alupumi Ananimi mafe' gani wambel hiagoma mawalapa basef Godi. Anan nanda'am mataga la'ifim manda' ikwaf hianai naninani si'i God nanda'anai. Enis epes sati maol anama amam manda'anai sa'i, “Endilisi, God nagiambama amam ea' ape' magawa basef Ananimi endilisimi.”]
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2013, Wycliffe Bible Translators, Inc. All rights reserved.