Mak 14
14
Amam dambami Juda ma'i moha Jisas noga'
(Mt 26:1-5; Lu 22:1-2; Jo 11:45-53)
1Anona nemaf bu'unai sa'i Pasova ma esis Juda sonda' gwa'aimi lu'wami sagwa' anona bret owa' neatef lu'unai. Nimeguf biam ata' mape ma nemaf anama bu'unai sa'i sea' gwa'aimi Pasova ea' notaga. Nemaf anama amam mawalipasa mi'uli Godi maloma anom pris dambami ma'i mondambaho' miti anona eaf ma mombalo' Jisas mohana neaga'. 2Amam ma'iam na'ama ma'i, “Nemaf anama sanda' gwa'aimi lu'wami afa' ina ombalo'ana, hapainai. Na'ama epes hiesi ukup aom sohafel sonda' wandaf.”
Ano'w nemata'w kwakolo' sanda newala balaga Jisasi
(Mt 26:6-13; Jo 12:1-8)
3Nemaf anama Jisas nape Betani, nape ipat anona aman Saimoni. Fowa' awes aonai nanda' alop ananinai nambo', dei' ambo'ona. Jisas ata' nape na' gwa'aimi etin nalomana, ea' ano'w nemata'w kwahapila anona botol sanda'ana si'i otam, sanda alogw bu'wami ma'anai satalom otamba lu'wami mala botol anama, agilinama nad. Ea' kopalia botol anama kwakolo'am mowala balaga Jisasi.
4Ea' enis epes sape satolom sa'i, “Dei' maina kwakolo' sanda amama mafe' etin?”
Ea' esis ukup numbutim kwapete'as ma akwa'w, 5ea' sa'i, “Dei' afa' ofa'am enis epes sose'afa moni nikila' 300 kina sotalom ofa'ana oso' epes isima kwahusa gwa'aimi maim, andeande'.”
Esis ukup numbutim endilisi mapoma nemata'w akwama.
6Ea' Jisas na'ipas na'i, “Ipe' kwaho'w. Ipe' ina ukup aoma akwa'w, owa'. Akwa'w kwanda' waf bu'unai ma Ae'. 7Isima gwa'aimi maim a'asi la'ela'ef sape salomepa. Maina nemaf pi'i pigiambamas pese'as moni, andeande' pese'asana. Epes isima sape salomepa nimeguf hiami, ea' ae' owa'. Ae' ina elomepa epe nimeguf hiami, owa'. 8Maol anama akwa'w kwogawana, kwanda'ana. Felefele'ma nambimb esis sehe ega' ma sowe hi'agif. Okom ako'unai napoma felefele'ma ae' ega'. Na'ama dei' kofa'ai sanda amama kwafi'i kwakolo'am mowala balaga ae'anai kwakolo'am mowala alop ae'anai ma kwandondomba ae' ma seawe. 9Endilisi Ae' a'ipipa, ganima etap anae' wambel hiagoma anona nemaf si'ipasa basef bu'wami Godi, si'ipasa basef ako'umi wapoti' ma ukup mopoma waf bu'unai akwa'w kwanda'meanai.”
Judas nihi'amba Jisasa agufumi Juda ma mofa'ana mohana neaga'
(Mt 26:14-16; Lu 22:3-6)
10Amam amama Jisasi 12-peleim anona amamunai agilinama Judas Kariotinai nafe'ma amam pris hiami dambami. Anan na'i ni'ipama Jisas atona napoma mofe' mombalo'ana. 11Amam mame' basef ananimi mandanifel endilisi. Ea' ma'i basef mandame'mam na'ama ma'i, “Andeande', afa' ose'ena anona moni.”
Ea' Judas na'i nefe' nogolopa anona eafa nihi'ambama Jisas amama mombalo'ana.
Jisas na' gwa'aimi lu'wami sa'i Pasova naloma alupumi ananimi
(Mt 26:17-25; Lu 22:7-14,21-23; Jo 13:21-30)
12Nemaf anama sali' sa' gwa'aimi lu'wami sa'i Pasova esis sa' bret anama owa' neatef lu'unai, nemaf anama saha sipsip noganai sondolalima Goda sonda' gwa'aimi amama si'i afagof hiami sanda'am.
Ea' alupumi Jisasi mahali'ana ma'i, “Ine' na'i afa' ofe' ondondomba ipat enima ma afa' ofe' onda' gwa'aimi amama?”
13-14Ea' Jisas na'ipa ananimi biam na'i, “Ipe' pefe' piwis gani wambel lu'unai, piti anona aman eaf nofa' embel malep lu'unai. Ea' pigi'mana pefe' piwis ipat anama anan nefe' niowisanai. Ea' pihali' kofagena ma ipat anama pi'i, ‘Dembinai afa'inai na'ipafa na'i, rum ae'anai nape eti? Anan na'i no'wa afa' atofa alupufai ope onda' gwa'aimi amama Pasova.’ 15Ea' nihi'ambepa rum anama lu'unai nape ilif, ea' sandombana tebol siaifah ma'oh etifim. Ipe' pendondombamafa gwa'aimi rum anama.”
16Ea' amam mafe' mawis wambel anama mati amama si'i Jisas nali' na'ipami ea' mandondomba gwa'aimi amama Pasova rum anama. 17Wambomota felefele'ma owamb, Jisas naloma alupumi 12-peleim mafe' mataga ipat anama 18Mawis ata' mape ma' gwa'aimi etin, Jisas na'ipam na'i, “Ae' a'ipipa endilisi, anona afa'inai dei' nape nalomafa na' gwa'aimi, atuwasi nefe' nihi'amba amam naumbiha Ae' efe' eapoma.”
19Amam mame' na'ama ukup amamumi nimanim ea' mahali'ana atona etin ma'i, “Ae' o emi?”
20Ea' Jisas na'ipam na'i, “Anona afa'inai 12-peleim naloma ae' wahapila bret walata disi, ea' anama atona. 21Ae' ataga epen enidilisiwei, naman enis epes sehe ega', si'i Buk Baibel na'iama Ae'. Ea' aman anama nowalapa Ae' ma naumbih, anan uwahipina endilisi. Nambimb nimanimi awami endilisi motagamana. Fowa' mama'wana owa' ata' kolanai, andeande'. Ama anan ina notagama nimanimi amama awami, owa'.”
Jisas nase'ama bret naloma embel wain alupumi ananimi
(Mt 26:26-30; Lu 22:15-20; 1 Ko 11:23-25)
22Jisas nalomam ata' mape ma' gwa'aimi etin, nafela anona bret, nanda' beten nanifela God, nawalona nase'am na'ipam na'i, “Ipe' felana pea'ana. Bret anama alop Ae'anai.”
23Ea' nafela anona kap embel wain nalanai nanda' beten nanifela God naso' amam hiami ma' embel etin. 24Ea' na'ipam na'i, “Embel amama esimbel Ae'ami manda' basef amama God na'i endilisimi atomi motaga la'ifim. Ae' ekolo'wama igiambama amam nematawa hiesi. 25Ae' a'ipipa endilisi, ae' ina ata' etanima ea' embel wain wapoti', owa'. Efe' etaga wambel Godi, ea' anona wain dambainai.”
26Amam manda' anona awaf ea' mawisi mafe' mondowasa' halaf lawah oliv motawama.
Jisas na'i Pita atuwasi nombaho' agel Jisasi
(Mt 26:31-35; Lu 22:31-34; Jo 13:36-38)
27Ea' Jisas na'ipa alupumi na'i, “Fowa' gani Baibel na'i na'ama na'i, God na'i,
‘Anona nemaf owagama gani, Ae' eha aman anama numafi sipsipi noga'. Ea' sipsip amama atuwasi mofa' mofe' atona etin.’
Ea' Jisas na'ipam na'i, atuwasi ipe' pekwaha pembale'efa ae' pefa' pefe' atona etin, si'i fowa' gani God na'iam.
28Ea' nambimb ae' etanima ehafel wapoti', ili'ipa efe' etap hiagoma Galili.”
29Ea' Pita nagwamana na'i, “I'i amam hiami ine'imi mokwahina, hapaimi, ae' owa'.”
30Ea' Jisas nagwamana basef na'i, “Ae' a'ipina basef endilisi, dei' owamb anae', awata ata' owa' nonda'am bif, ine' nembaho' agel ae'anai ni'i wenif ni'i, ‘Ae' owa' egawa Jisas.’ ”
31Ea' Pita na'ipana mehip na'i, “I'i esis sohafa, afa' biafa oga' etin. Ae' ina embaho' agel ine'inai, owa'.”
Ea' alupumi hiami Jisasi ma'iam na'ama etin hi'alam.
Jisas nape anagon Getsemani lawah oliv motawama nanda' beten
(Mt 26:36-46; Lu 22:39-46)
32Ea' Jisas naloma alupumi ananimi mafe' mataga anona etap Getsemani, ea' na'ipam na'i, “Ipe' pepe na'ae. Ae' efe' gani wa'ol enda' beten.”
33Ea' Jisas nao'wa Pita naloma Jems naloma Jon mafe' malomana. Ea' opaf Jisasi aona kwapete'ana. 34Ea' na'ipam na'i, “Opaf ae'anai nimanina endilisi ma ega', nomonas ae'ami aom endilisi. Ipe' pepe na'ae pindumafuma pepe pehafa ae' etanimai iefi'i.”
35Ea' Jisas nandamboma nafe', nambe' opaf na'oh etap nanda' beten. Na'i notofa amamaga awami amama anan atuwasi meatagamanai. 36#Ro 8:15; Ga 4:6; Mk 10:38; Jo 6:38Ea' nahali' God na'i, “Aba#14:36 Basef amama aba ma'i Ahalome. Ahalome, ine' la'ifinai ma nanda' amamaga hiami hi'alam. Nekwahome nimanimi amama. Ea' nila okom ine'inai atona, ae' owa'.”
37Anan nahali'ana ea', nohafel notanima nafe'ma alupumi ananimi mapoma. Nafe' natolom ea', nati amam ma'oh maga' mafe'. Ea' nofala Saimon Pita na'i, “Saimon, ipe' ata' owa' pepe, pa'oh etin a'amon? Dei' maina ipe' owa' la'ifipama pepe pehafa ae'? Nogota ina ata' laona ma ie'ipipa a'i pepe, owa'. 38#Lu 11:4Ipe' pindumafuma andeande' pepe penda' beten. Na'ama amamaga meagwambipei meatagamepa. Endilisi ukup ipe'imi ma'i awima penda' beten, ea' alop owa' la'ifina, ala'uta naepa ma penda beten pelome.”
39Jisas na'ipam na'ama ma ea', notanima nafe' nanda' beten. Nahali'anama basef amama atom nali' nahali'anamami. 40Nahali'ana ea' nandamboma notanima nafi'i amam mapoma nati ata' ma'oh. Ea' ninimbalom mohafel ma'i, “Atuwasi afa' wi'ipana maim basef?”
Ambeh maham ea' ma'oh maga' mafe'. 41Ea' anan nandamboma notanima nafe' wapoti' nanda' beten si'i do'ok nali' nanda' beten bif. Ea' notanima nafi'mai amam na'ipam na'i, “Ipe' papoma noma'w pa'oh etin? Dei' ipe' koh ea', hafel. Dei' nemaf anae' anona aman nifi'i nulumai anom amam awami mufi'i mowa' ae' ataga epen endilisiwei. 42Hafel! Afa' ofe' uti aman anama nihi'ambama ae' dei' nafi'i.”
Judas nawalapa Jisasa amam naumbih
(Mt 26:47-56; Lu 22:47-53; Jo 18:3-12)
43Jisas ata' naitu na'ipam etin, anona aman nafi'i. Aman anama Judas anona amam 12-peleim alupumi ananimi nafi'i nalumai amam hiami mahapila bainahi belep malomana mafi'i. Amam pris dambami malumai amam agufumi dambami esis Judai masapa'am mafi'i.
44Aman anama nawalapa Jisasi, nali' na'ipam nanda' ikwaf nihi'ambam na'i, “Atuwasi piti ae' iesisi' dalogwanai, aman anama ea' Jisas ma'una. Ipe' pembalo'ana pewa'ana andeande' pefa'ana pefe'.”
45Amam ata' mataga etin, Judas nafe'ma Jisas na'ipana na'i, “Dembinai Tisa.”
Ea' nasisi' dalogwana. 46Ea' amam membalo' Jisas. 47Ea' anona aman naitu felefele'ma Jisasi nagiai bainat naha anona aman nanda'mana maola pris dembinai nape nali'ma pris hiami, natopa' aliga ananinai pele'atana nowa.
48Ea' Jisas na'ipa amam naumbih na'i, “Ipe' pefa'ai bainah maloma belep pafi'i pa'i pewa' anona aman aonai nanda' wal napa' naloma gavmani? 49Nimeguf hiami ae' ape alomepa felefele'ma ipat lu'unai Godi awalapa basef bu'wami ma esis aman nematawa hiesi, ea' ipe' owa' pembale'e. Ea' dei' paila basef mape Baibeli pafi'i pewa'e si'i basef fowa' gani ma'iam. Ae' a'i basef amama dei' motaga endilisi mola' gwa'aimi.”
50Ea' alupumi ananimi hiami makwahona mafa' mafe' hi'alam.
Anona aman sa'unai nafa' nafe'
51Ea' anona aman sa'unai nagi'ma Jisas nafi'i nowaho' anona lowaf afitinai ea' amam mahapila bainah maloma belep ma'i mombalo'ana. 52Ea' anan nakwaha lowaf atona na'oh ea' nafa' nafe' etin.
Amam manda' kotima Jisas
(Mt 26:57-68; Lu 22:54-55,63-71; Jo 18:13-14,19-24)
53Amam mofa' Jisas mafe'ma pris dembinai nape nali'ma pris hiami. Anan naloma amam pris dambami maloma amam dambami Judai maloma amam mawalipasa mi'uli Godi amam hiami mandakolas etifigin. 54Ea' Pita ina nalomam etin nafe', owa'. Anan nagi'mam nafe' nawis endalelemba pris anama dembinai ea' nape naloma amam polisman mapoma nif. 55Ea' amam pris dambami maloma amam dambami Juda hiami mumafi koti ma'i mogolopa enis epesa sombaso'mana ma anom basefa moha Jisas neaga'. Ea' amam ina mati enis, owa'. 56Esis hiesi sambaso'mana ma anom basef ea' ina sa'i endilisimi mafe' etifigin, owa'. Sa'iam mafe' deindei.
57Ea' amam maitu mambaso'mana ma anom basef na'ama ma'i, 58“Afa' wame' Jisas na'iam na'ama na'i, ‘Ipat lu'unai Godi epes sanda'anai, nambimb Ae' etalona, ma nimeguf wanom ea' efelona notawa wapoti'. Ea' Ae' ina enda' lagof epesi efelona, owa'.’ ”
59Basef amama amam ma'iami ina ma'i endilisimi mafe' etifigin, owa'. Ma'iam mafe' deindei. 60Ea' pris anama dembinai naitu la'afen nahali' Jisas na'ama na'i, “Ine' negwa basef amama, o owa'? Dei' maina amam ma'ipina basef na'ama?”
61Ea' Jisas nasopama malogel naitu. Anan ina nagwamana basef anan, owa'. Ea' pris anama dembinai nahali'ana wapoti' na'i, “Ine' Krais aman anama God nandandepena nasapa'ena nafi'i o owa'? Ine' nogalomana Godi ape' manda' lotumanai, o owa'?”
62Ea' Jisas na'i, “Endilisi ae' ma'uwi. Ea' anona nemaf ipe' piti ae' ataga epen endilisiwei epe lagel da'isinai Godi, epe otaga ilif itanimai ifi'i petolowe.”
63Jisas na'iam na'ama, ea' pris anama okom wandafuna, ea' nahape' lowaf anama nalanai na'iam na'i, “Ape' ina ata' mofalai enis epes wapoti' sifi'i si'i anom basefa anan, owa'. 64Anan nanda' God findiwana ea' amama pame'am. Dei' ipe' ukup mape ma'imama?”
Ea' amam hiami ma'i anom basef mandame'mam ma'i, “Anan nanda' waf aonai afa' ohana nega'.” 65Ea' anom mohafel misisi'wafana masopama naep ananimi mahana ma'ipana ma'i, “Ni'i basef si'i profet newalapa emi nahena.”
Ea' amam polisman mafi'i mahana mofa'ana mafe'.
Pita nambaso'mas nambaho' agel Jisasi
(Mt 26:69-75; Lu 22:56-62; Jo 18:15-18,25-27)
66-67Ano'w nemata'w kwanda'mana maol pris anama dembinai kwafi'i kwati Pita napoma nif ipat ande'. Ea' kwaitu kwatolona kogawana kwa'ipana na'ama kwa'i, “Enina ine' nape naloma Jisas Nasaretinai.”
68Ea' Pita nambaho' agel Jisasi na'ipakw na'i, “Owa'. Ae' ina egawa basef ofagema ine' na'iami.”
Ea' anan nohafel nafe' felefele'ma endambel uta, anona awata nonda'am. 69Ea' nemata'w akwama kwatolona kwa'ipas isima saitu felefele'i wapoti' kwa'ipas na'ama kwa'i, “Aman anama wapoti' alupunai Jisasi.”
70Ea' Pita na'iam wapoti' na'i, “Ae' ina egawana, ae' owa'.”
Nogota bandana ea' enis saitu felefele'i sa'ipa Pita wapoti' sa'i, “Endilisi, ine' alupinai naloma amam Jisasi. Ine' wapoti' aman Galilinai.”
71Dei' Pita nambaho' agel Jisasi na'i basef la'ifimi na'i, “Endilisi ilif, ae' ina egawa aman anama ipe' pa'ianai, owa'.”
72Anan na'iam ea', awata nanda'am bif ea' Pita okokoma basef do'ok Jisas na'ipanami na'i, “Awata owa' ata' nonda'am bif, ine' nembaso'mas ni'iam wenif ni'i, ‘Owa' negawea.’ ”
Ea' Pita okom napoma basef amama ea' nalef mehip.
ទើបបានជ្រើសរើសហើយ៖
Mak 14: aojF
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2013, Wycliffe Bible Translators, Inc. All rights reserved.
Mak 14
14
Amam dambami Juda ma'i moha Jisas noga'
(Mt 26:1-5; Lu 22:1-2; Jo 11:45-53)
1Anona nemaf bu'unai sa'i Pasova ma esis Juda sonda' gwa'aimi lu'wami sagwa' anona bret owa' neatef lu'unai. Nimeguf biam ata' mape ma nemaf anama bu'unai sa'i sea' gwa'aimi Pasova ea' notaga. Nemaf anama amam mawalipasa mi'uli Godi maloma anom pris dambami ma'i mondambaho' miti anona eaf ma mombalo' Jisas mohana neaga'. 2Amam ma'iam na'ama ma'i, “Nemaf anama sanda' gwa'aimi lu'wami afa' ina ombalo'ana, hapainai. Na'ama epes hiesi ukup aom sohafel sonda' wandaf.”
Ano'w nemata'w kwakolo' sanda newala balaga Jisasi
(Mt 26:6-13; Jo 12:1-8)
3Nemaf anama Jisas nape Betani, nape ipat anona aman Saimoni. Fowa' awes aonai nanda' alop ananinai nambo', dei' ambo'ona. Jisas ata' nape na' gwa'aimi etin nalomana, ea' ano'w nemata'w kwahapila anona botol sanda'ana si'i otam, sanda alogw bu'wami ma'anai satalom otamba lu'wami mala botol anama, agilinama nad. Ea' kopalia botol anama kwakolo'am mowala balaga Jisasi.
4Ea' enis epes sape satolom sa'i, “Dei' maina kwakolo' sanda amama mafe' etin?”
Ea' esis ukup numbutim kwapete'as ma akwa'w, 5ea' sa'i, “Dei' afa' ofa'am enis epes sose'afa moni nikila' 300 kina sotalom ofa'ana oso' epes isima kwahusa gwa'aimi maim, andeande'.”
Esis ukup numbutim endilisi mapoma nemata'w akwama.
6Ea' Jisas na'ipas na'i, “Ipe' kwaho'w. Ipe' ina ukup aoma akwa'w, owa'. Akwa'w kwanda' waf bu'unai ma Ae'. 7Isima gwa'aimi maim a'asi la'ela'ef sape salomepa. Maina nemaf pi'i pigiambamas pese'as moni, andeande' pese'asana. Epes isima sape salomepa nimeguf hiami, ea' ae' owa'. Ae' ina elomepa epe nimeguf hiami, owa'. 8Maol anama akwa'w kwogawana, kwanda'ana. Felefele'ma nambimb esis sehe ega' ma sowe hi'agif. Okom ako'unai napoma felefele'ma ae' ega'. Na'ama dei' kofa'ai sanda amama kwafi'i kwakolo'am mowala balaga ae'anai kwakolo'am mowala alop ae'anai ma kwandondomba ae' ma seawe. 9Endilisi Ae' a'ipipa, ganima etap anae' wambel hiagoma anona nemaf si'ipasa basef bu'wami Godi, si'ipasa basef ako'umi wapoti' ma ukup mopoma waf bu'unai akwa'w kwanda'meanai.”
Judas nihi'amba Jisasa agufumi Juda ma mofa'ana mohana neaga'
(Mt 26:14-16; Lu 22:3-6)
10Amam amama Jisasi 12-peleim anona amamunai agilinama Judas Kariotinai nafe'ma amam pris hiami dambami. Anan na'i ni'ipama Jisas atona napoma mofe' mombalo'ana. 11Amam mame' basef ananimi mandanifel endilisi. Ea' ma'i basef mandame'mam na'ama ma'i, “Andeande', afa' ose'ena anona moni.”
Ea' Judas na'i nefe' nogolopa anona eafa nihi'ambama Jisas amama mombalo'ana.
Jisas na' gwa'aimi lu'wami sa'i Pasova naloma alupumi ananimi
(Mt 26:17-25; Lu 22:7-14,21-23; Jo 13:21-30)
12Nemaf anama sali' sa' gwa'aimi lu'wami sa'i Pasova esis sa' bret anama owa' neatef lu'unai, nemaf anama saha sipsip noganai sondolalima Goda sonda' gwa'aimi amama si'i afagof hiami sanda'am.
Ea' alupumi Jisasi mahali'ana ma'i, “Ine' na'i afa' ofe' ondondomba ipat enima ma afa' ofe' onda' gwa'aimi amama?”
13-14Ea' Jisas na'ipa ananimi biam na'i, “Ipe' pefe' piwis gani wambel lu'unai, piti anona aman eaf nofa' embel malep lu'unai. Ea' pigi'mana pefe' piwis ipat anama anan nefe' niowisanai. Ea' pihali' kofagena ma ipat anama pi'i, ‘Dembinai afa'inai na'ipafa na'i, rum ae'anai nape eti? Anan na'i no'wa afa' atofa alupufai ope onda' gwa'aimi amama Pasova.’ 15Ea' nihi'ambepa rum anama lu'unai nape ilif, ea' sandombana tebol siaifah ma'oh etifim. Ipe' pendondombamafa gwa'aimi rum anama.”
16Ea' amam mafe' mawis wambel anama mati amama si'i Jisas nali' na'ipami ea' mandondomba gwa'aimi amama Pasova rum anama. 17Wambomota felefele'ma owamb, Jisas naloma alupumi 12-peleim mafe' mataga ipat anama 18Mawis ata' mape ma' gwa'aimi etin, Jisas na'ipam na'i, “Ae' a'ipipa endilisi, anona afa'inai dei' nape nalomafa na' gwa'aimi, atuwasi nefe' nihi'amba amam naumbiha Ae' efe' eapoma.”
19Amam mame' na'ama ukup amamumi nimanim ea' mahali'ana atona etin ma'i, “Ae' o emi?”
20Ea' Jisas na'ipam na'i, “Anona afa'inai 12-peleim naloma ae' wahapila bret walata disi, ea' anama atona. 21Ae' ataga epen enidilisiwei, naman enis epes sehe ega', si'i Buk Baibel na'iama Ae'. Ea' aman anama nowalapa Ae' ma naumbih, anan uwahipina endilisi. Nambimb nimanimi awami endilisi motagamana. Fowa' mama'wana owa' ata' kolanai, andeande'. Ama anan ina notagama nimanimi amama awami, owa'.”
Jisas nase'ama bret naloma embel wain alupumi ananimi
(Mt 26:26-30; Lu 22:15-20; 1 Ko 11:23-25)
22Jisas nalomam ata' mape ma' gwa'aimi etin, nafela anona bret, nanda' beten nanifela God, nawalona nase'am na'ipam na'i, “Ipe' felana pea'ana. Bret anama alop Ae'anai.”
23Ea' nafela anona kap embel wain nalanai nanda' beten nanifela God naso' amam hiami ma' embel etin. 24Ea' na'ipam na'i, “Embel amama esimbel Ae'ami manda' basef amama God na'i endilisimi atomi motaga la'ifim. Ae' ekolo'wama igiambama amam nematawa hiesi. 25Ae' a'ipipa endilisi, ae' ina ata' etanima ea' embel wain wapoti', owa'. Efe' etaga wambel Godi, ea' anona wain dambainai.”
26Amam manda' anona awaf ea' mawisi mafe' mondowasa' halaf lawah oliv motawama.
Jisas na'i Pita atuwasi nombaho' agel Jisasi
(Mt 26:31-35; Lu 22:31-34; Jo 13:36-38)
27Ea' Jisas na'ipa alupumi na'i, “Fowa' gani Baibel na'i na'ama na'i, God na'i,
‘Anona nemaf owagama gani, Ae' eha aman anama numafi sipsipi noga'. Ea' sipsip amama atuwasi mofa' mofe' atona etin.’
Ea' Jisas na'ipam na'i, atuwasi ipe' pekwaha pembale'efa ae' pefa' pefe' atona etin, si'i fowa' gani God na'iam.
28Ea' nambimb ae' etanima ehafel wapoti', ili'ipa efe' etap hiagoma Galili.”
29Ea' Pita nagwamana na'i, “I'i amam hiami ine'imi mokwahina, hapaimi, ae' owa'.”
30Ea' Jisas nagwamana basef na'i, “Ae' a'ipina basef endilisi, dei' owamb anae', awata ata' owa' nonda'am bif, ine' nembaho' agel ae'anai ni'i wenif ni'i, ‘Ae' owa' egawa Jisas.’ ”
31Ea' Pita na'ipana mehip na'i, “I'i esis sohafa, afa' biafa oga' etin. Ae' ina embaho' agel ine'inai, owa'.”
Ea' alupumi hiami Jisasi ma'iam na'ama etin hi'alam.
Jisas nape anagon Getsemani lawah oliv motawama nanda' beten
(Mt 26:36-46; Lu 22:39-46)
32Ea' Jisas naloma alupumi ananimi mafe' mataga anona etap Getsemani, ea' na'ipam na'i, “Ipe' pepe na'ae. Ae' efe' gani wa'ol enda' beten.”
33Ea' Jisas nao'wa Pita naloma Jems naloma Jon mafe' malomana. Ea' opaf Jisasi aona kwapete'ana. 34Ea' na'ipam na'i, “Opaf ae'anai nimanina endilisi ma ega', nomonas ae'ami aom endilisi. Ipe' pepe na'ae pindumafuma pepe pehafa ae' etanimai iefi'i.”
35Ea' Jisas nandamboma nafe', nambe' opaf na'oh etap nanda' beten. Na'i notofa amamaga awami amama anan atuwasi meatagamanai. 36#Ro 8:15; Ga 4:6; Mk 10:38; Jo 6:38Ea' nahali' God na'i, “Aba#14:36 Basef amama aba ma'i Ahalome. Ahalome, ine' la'ifinai ma nanda' amamaga hiami hi'alam. Nekwahome nimanimi amama. Ea' nila okom ine'inai atona, ae' owa'.”
37Anan nahali'ana ea', nohafel notanima nafe'ma alupumi ananimi mapoma. Nafe' natolom ea', nati amam ma'oh maga' mafe'. Ea' nofala Saimon Pita na'i, “Saimon, ipe' ata' owa' pepe, pa'oh etin a'amon? Dei' maina ipe' owa' la'ifipama pepe pehafa ae'? Nogota ina ata' laona ma ie'ipipa a'i pepe, owa'. 38#Lu 11:4Ipe' pindumafuma andeande' pepe penda' beten. Na'ama amamaga meagwambipei meatagamepa. Endilisi ukup ipe'imi ma'i awima penda' beten, ea' alop owa' la'ifina, ala'uta naepa ma penda beten pelome.”
39Jisas na'ipam na'ama ma ea', notanima nafe' nanda' beten. Nahali'anama basef amama atom nali' nahali'anamami. 40Nahali'ana ea' nandamboma notanima nafi'i amam mapoma nati ata' ma'oh. Ea' ninimbalom mohafel ma'i, “Atuwasi afa' wi'ipana maim basef?”
Ambeh maham ea' ma'oh maga' mafe'. 41Ea' anan nandamboma notanima nafe' wapoti' nanda' beten si'i do'ok nali' nanda' beten bif. Ea' notanima nafi'mai amam na'ipam na'i, “Ipe' papoma noma'w pa'oh etin? Dei' ipe' koh ea', hafel. Dei' nemaf anae' anona aman nifi'i nulumai anom amam awami mufi'i mowa' ae' ataga epen endilisiwei. 42Hafel! Afa' ofe' uti aman anama nihi'ambama ae' dei' nafi'i.”
Judas nawalapa Jisasa amam naumbih
(Mt 26:47-56; Lu 22:47-53; Jo 18:3-12)
43Jisas ata' naitu na'ipam etin, anona aman nafi'i. Aman anama Judas anona amam 12-peleim alupumi ananimi nafi'i nalumai amam hiami mahapila bainahi belep malomana mafi'i. Amam pris dambami malumai amam agufumi dambami esis Judai masapa'am mafi'i.
44Aman anama nawalapa Jisasi, nali' na'ipam nanda' ikwaf nihi'ambam na'i, “Atuwasi piti ae' iesisi' dalogwanai, aman anama ea' Jisas ma'una. Ipe' pembalo'ana pewa'ana andeande' pefa'ana pefe'.”
45Amam ata' mataga etin, Judas nafe'ma Jisas na'ipana na'i, “Dembinai Tisa.”
Ea' nasisi' dalogwana. 46Ea' amam membalo' Jisas. 47Ea' anona aman naitu felefele'ma Jisasi nagiai bainat naha anona aman nanda'mana maola pris dembinai nape nali'ma pris hiami, natopa' aliga ananinai pele'atana nowa.
48Ea' Jisas na'ipa amam naumbih na'i, “Ipe' pefa'ai bainah maloma belep pafi'i pa'i pewa' anona aman aonai nanda' wal napa' naloma gavmani? 49Nimeguf hiami ae' ape alomepa felefele'ma ipat lu'unai Godi awalapa basef bu'wami ma esis aman nematawa hiesi, ea' ipe' owa' pembale'e. Ea' dei' paila basef mape Baibeli pafi'i pewa'e si'i basef fowa' gani ma'iam. Ae' a'i basef amama dei' motaga endilisi mola' gwa'aimi.”
50Ea' alupumi ananimi hiami makwahona mafa' mafe' hi'alam.
Anona aman sa'unai nafa' nafe'
51Ea' anona aman sa'unai nagi'ma Jisas nafi'i nowaho' anona lowaf afitinai ea' amam mahapila bainah maloma belep ma'i mombalo'ana. 52Ea' anan nakwaha lowaf atona na'oh ea' nafa' nafe' etin.
Amam manda' kotima Jisas
(Mt 26:57-68; Lu 22:54-55,63-71; Jo 18:13-14,19-24)
53Amam mofa' Jisas mafe'ma pris dembinai nape nali'ma pris hiami. Anan naloma amam pris dambami maloma amam dambami Judai maloma amam mawalipasa mi'uli Godi amam hiami mandakolas etifigin. 54Ea' Pita ina nalomam etin nafe', owa'. Anan nagi'mam nafe' nawis endalelemba pris anama dembinai ea' nape naloma amam polisman mapoma nif. 55Ea' amam pris dambami maloma amam dambami Juda hiami mumafi koti ma'i mogolopa enis epesa sombaso'mana ma anom basefa moha Jisas neaga'. Ea' amam ina mati enis, owa'. 56Esis hiesi sambaso'mana ma anom basef ea' ina sa'i endilisimi mafe' etifigin, owa'. Sa'iam mafe' deindei.
57Ea' amam maitu mambaso'mana ma anom basef na'ama ma'i, 58“Afa' wame' Jisas na'iam na'ama na'i, ‘Ipat lu'unai Godi epes sanda'anai, nambimb Ae' etalona, ma nimeguf wanom ea' efelona notawa wapoti'. Ea' Ae' ina enda' lagof epesi efelona, owa'.’ ”
59Basef amama amam ma'iami ina ma'i endilisimi mafe' etifigin, owa'. Ma'iam mafe' deindei. 60Ea' pris anama dembinai naitu la'afen nahali' Jisas na'ama na'i, “Ine' negwa basef amama, o owa'? Dei' maina amam ma'ipina basef na'ama?”
61Ea' Jisas nasopama malogel naitu. Anan ina nagwamana basef anan, owa'. Ea' pris anama dembinai nahali'ana wapoti' na'i, “Ine' Krais aman anama God nandandepena nasapa'ena nafi'i o owa'? Ine' nogalomana Godi ape' manda' lotumanai, o owa'?”
62Ea' Jisas na'i, “Endilisi ae' ma'uwi. Ea' anona nemaf ipe' piti ae' ataga epen endilisiwei epe lagel da'isinai Godi, epe otaga ilif itanimai ifi'i petolowe.”
63Jisas na'iam na'ama, ea' pris anama okom wandafuna, ea' nahape' lowaf anama nalanai na'iam na'i, “Ape' ina ata' mofalai enis epes wapoti' sifi'i si'i anom basefa anan, owa'. 64Anan nanda' God findiwana ea' amama pame'am. Dei' ipe' ukup mape ma'imama?”
Ea' amam hiami ma'i anom basef mandame'mam ma'i, “Anan nanda' waf aonai afa' ohana nega'.” 65Ea' anom mohafel misisi'wafana masopama naep ananimi mahana ma'ipana ma'i, “Ni'i basef si'i profet newalapa emi nahena.”
Ea' amam polisman mafi'i mahana mofa'ana mafe'.
Pita nambaso'mas nambaho' agel Jisasi
(Mt 26:69-75; Lu 22:56-62; Jo 18:15-18,25-27)
66-67Ano'w nemata'w kwanda'mana maol pris anama dembinai kwafi'i kwati Pita napoma nif ipat ande'. Ea' kwaitu kwatolona kogawana kwa'ipana na'ama kwa'i, “Enina ine' nape naloma Jisas Nasaretinai.”
68Ea' Pita nambaho' agel Jisasi na'ipakw na'i, “Owa'. Ae' ina egawa basef ofagema ine' na'iami.”
Ea' anan nohafel nafe' felefele'ma endambel uta, anona awata nonda'am. 69Ea' nemata'w akwama kwatolona kwa'ipas isima saitu felefele'i wapoti' kwa'ipas na'ama kwa'i, “Aman anama wapoti' alupunai Jisasi.”
70Ea' Pita na'iam wapoti' na'i, “Ae' ina egawana, ae' owa'.”
Nogota bandana ea' enis saitu felefele'i sa'ipa Pita wapoti' sa'i, “Endilisi, ine' alupinai naloma amam Jisasi. Ine' wapoti' aman Galilinai.”
71Dei' Pita nambaho' agel Jisasi na'i basef la'ifimi na'i, “Endilisi ilif, ae' ina egawa aman anama ipe' pa'ianai, owa'.”
72Anan na'iam ea', awata nanda'am bif ea' Pita okokoma basef do'ok Jisas na'ipanami na'i, “Awata owa' ata' nonda'am bif, ine' nembaso'mas ni'iam wenif ni'i, ‘Owa' negawea.’ ”
Ea' Pita okom napoma basef amama ea' nalef mehip.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2013, Wycliffe Bible Translators, Inc. All rights reserved.