RÒMƐŊ Ɓiɓan ɓi ɓi ghɛɓsii lɛ ɓɛɛ konag kì woògh kaàtà ànɛ
Ɓiɓan ɓi ɓi ghɛɓsii lɛ ɓɛɛ konag kì woògh kaàtà ànɛ
Ajɛ̀m ì rìwu ɗì rìghèmɓɛ̀n ɗi Kiris, ki pisɛɛ yɛ̀ɛ Ɓɛ̀yudɛ̀n ɓɛdɛŋ ɓɛ ɓɛ lɔɔghrɛngà ɓɛ gherɛ̀n Yeesus, fɛlɛ yɛ̀ɛ Akilas rì Pirisilya ɓɛ kaàtà Mɛ̀kìkìì mɛ Ɓɛkɛ̀nì-fìtom a ɓuŋi (18:2), ɓɛ tumɛ̀ngà rì sààtì ɗi Syeesyee à Ɓɔlɛ a Rom di beg yi mɛ ghaghi lɛsàg. Fɔɔnnɛ kìseŋi ki ǹtonto ki ɓaghà di ki ti wɔɔ, cààmɛ̀n ki Pol à kɛ̀ɛ̀kɛɛ a Sirii, rì a Azii Minɛɛr ànɛ ɓɛɛ̀ rereŋi gɛɛ̀nɛ lɛ Turikii ànɛ a Azii, rì ɓi kìlɔŋ ki Gìrɛg ɓi rìkakàlì ɗi Syeesyee à Ɓɔlɛ. Bɛ̀ll à faghà Pol ntɛ̀g wulɛ a ghagsi ɓum Jɛ̀ɛ̀ yìì à kpaŋ a ɓɛ̀yɔ̀ŋyɔ̀ŋ ɓɛ zi. Kìɓan kiǹ kɛɛ̀ki à ɓaghà rì zày ìnɛ lɛ a kpaŋ a Rom rì a Kpanya. Ɓɛ yii ɓi nkòo à ki kpagà tì a Kpanya. Wɔ̀lɛ, ɓi rìɓùŋɛ̀n ɗi rikɛ̀ɛ̀ ɗii ɗiǹ, Pol à kàngà ɓɛ̀kìristɛ̀n ɓɛ a Rom (1:7). Gàɓ ìdɛŋ ìnɛ ɓi ɓɔ ìi nti ì taŋzàg yɛ̀ɛ ɓɛ-Pirisilya ɓɛɛ̀ Akilas (16:3-5).
Kaàtà ànɛ àrì ɓiì ghɛɓsii Pol lɛ a resi ɓɛ̀kìristɛ̀n ɓɛ a Rom kìsay ki Bɛ̀ll à faghà nyi lɛ a ghagsi Syeesyee à Ɓɔlɛ a ɓumɓɛ ɓɛ yin Ɓɛ̀yudɛ̀n. Kaàtà ànɛ yɛɛ konaagh kì tɛɛ̀zii Syeesyee à Ɓɔlɛ ànɛ Pol à kakàlìghà, ànɛ nyimiɗ a reŋii lɛ <<Ìtèɗ wu Bɛ̀ll à ti kìlàg kìsay ri wɔ lɛ a ghɛɓsi ɓum ɓɛ̀cèm ɓɛ ɓɛ gherɛɛ, à tumɛ̀n lɛ Ɓɛ̀yudɛ̀n, à kpaŋ lɛ ɓumɓɛ ɓɛ yin Ɓɛ̀yudɛ̀n>> (1:16).
Kìɓan ki ki yeesìghà ɓɛ̀kìristɛ̀n ɓɛ ǹtonto ki ɓaghà nɗɛli wu ɓɛ̀kìristɛ̀n ɓɛ ɓɛ ɓaghà ɓi ɓiyali ɓi Ɓɛ̀yudɛ̀n ɓɛ ghɛɛ̀sɛ̀ngà kì ɓaà rì wɔ ɓi san ànɛ a ɓìdɔ̀gsɛna ɓi Ɓɛ̀yudɛ̀n. Pol à ɓugà kìɓan ki ɓi ɓɛ̀kaàtà ɓii ɓɛdɛŋ fɛlɛ yɛ̀ɛ ànɛ à kàngà Ɓɛ̀gàlat. Pol à kalii lɛ Syeesyee à Ɓɔlɛ ànɛ nyiì làalamɓɛ̀n ànɛn à rì ɓisuu ɓum ɓɛ̀cèm kɛ̀ɛ̀ ǹlànag. Fɔɔnnɛ à tɛɛ̀zii kì rèsii yɛ̀ɛ Bɛ̀ll a ghɛɛghɛɓsì mum ànɛ à ɗimgà, àa soo rì la di à tyweeyii nyi (1:18--8:39).
Ajɛ̀m ìnɛn innɛ Pol à ɓuŋi kìɓan ki lɛ kìgwey ki ɓum a Isirayɛl ki ɓeni lɔŋ Kiris ɓi maa cààmɛ̀n. Pol lɛ rìɓèn ɗi ɓɛ ɓeni Kiris ɗiǹ ɗi yogsii ɓi com ɓi fèg à Bɛ̀ll, ɓisuulɛ geesɛ̀n ìrì ɓiì siitɛɛ ki ghɛnɛɛ ɓi kìɓan kiǹ (9:1--11:36). Ɓigomìnɛ kìrɔnɗem ànɛ Bɛ̀ll a rèresi ɓumɓɛ ɓɛ yin Ɓɛ̀yudɛ̀n à ghɛ̀ɛ̀sɛɛ kì ɓàlɛɛ yɛ̀ɛ ǹɗereŋi wu à reŋii ɓɔ lɛ ɓɛɛ ghɛɓ cɛɓ ki ki ri nyɔn lɛ kɔɔ̀kɔɔ̀ ɓisu wii (12:1--15:13).
Ɓi ri ratɛ̀n ɗi kaàtà wìì anɛ, Pol à wogsii ɓɔ lɛ àrì rì rìyitì ɗi lɛ a kpaŋ̀ a lɔ̀ŋkaa; ɓìtɔkì ɓyɛɛ simi kaàtà ànɛ (15:14--16:27).
Ɓum ɓɛ̀cèm ɓɛ ɓɛɛ̀ kaakaa lɛ ɓɛɛ ghɛǹ ɓi kaàtà ànɛ ɓɛ konaagh kì rèsii kiɓan ki ɓi gòri ìnɛ Bɛ̀ll à fafa ɓum ɓi Yeesus Kiris, ɓɛ ri ɓiì ɓaà lɛ, i ɓɛ ɓali kaàtà ànɛ Pol à kàngà Ɓɛ̀ròmɛŋ ànɛ, ɓɛ kuuràg geesɛ̀n ì Bɛ̀ll (11:33-36); ɓɛ ki ɓa girig ɓɛ tiniyɛn lɛ ɓɛɛ ɓɔgsi Bɛ̀ll yɛ̀ɛ ki ghɛɛ̀sɛɛ lɛ ti ɓɔgsi nyi.
ទើបបានជ្រើសរើសហើយ៖
RÒMƐŊ Ɓiɓan ɓi ɓi ghɛɓsii lɛ ɓɛɛ konag kì woògh kaàtà ànɛ: BAFNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bafia Nouveau Testament © Bible Society of Cameroon, 2019.
RÒMƐŊ Ɓiɓan ɓi ɓi ghɛɓsii lɛ ɓɛɛ konag kì woògh kaàtà ànɛ
Ɓiɓan ɓi ɓi ghɛɓsii lɛ ɓɛɛ konag kì woògh kaàtà ànɛ
Ajɛ̀m ì rìwu ɗì rìghèmɓɛ̀n ɗi Kiris, ki pisɛɛ yɛ̀ɛ Ɓɛ̀yudɛ̀n ɓɛdɛŋ ɓɛ ɓɛ lɔɔghrɛngà ɓɛ gherɛ̀n Yeesus, fɛlɛ yɛ̀ɛ Akilas rì Pirisilya ɓɛ kaàtà Mɛ̀kìkìì mɛ Ɓɛkɛ̀nì-fìtom a ɓuŋi (18:2), ɓɛ tumɛ̀ngà rì sààtì ɗi Syeesyee à Ɓɔlɛ a Rom di beg yi mɛ ghaghi lɛsàg. Fɔɔnnɛ kìseŋi ki ǹtonto ki ɓaghà di ki ti wɔɔ, cààmɛ̀n ki Pol à kɛ̀ɛ̀kɛɛ a Sirii, rì a Azii Minɛɛr ànɛ ɓɛɛ̀ rereŋi gɛɛ̀nɛ lɛ Turikii ànɛ a Azii, rì ɓi kìlɔŋ ki Gìrɛg ɓi rìkakàlì ɗi Syeesyee à Ɓɔlɛ. Bɛ̀ll à faghà Pol ntɛ̀g wulɛ a ghagsi ɓum Jɛ̀ɛ̀ yìì à kpaŋ a ɓɛ̀yɔ̀ŋyɔ̀ŋ ɓɛ zi. Kìɓan kiǹ kɛɛ̀ki à ɓaghà rì zày ìnɛ lɛ a kpaŋ a Rom rì a Kpanya. Ɓɛ yii ɓi nkòo à ki kpagà tì a Kpanya. Wɔ̀lɛ, ɓi rìɓùŋɛ̀n ɗi rikɛ̀ɛ̀ ɗii ɗiǹ, Pol à kàngà ɓɛ̀kìristɛ̀n ɓɛ a Rom (1:7). Gàɓ ìdɛŋ ìnɛ ɓi ɓɔ ìi nti ì taŋzàg yɛ̀ɛ ɓɛ-Pirisilya ɓɛɛ̀ Akilas (16:3-5).
Kaàtà ànɛ àrì ɓiì ghɛɓsii Pol lɛ a resi ɓɛ̀kìristɛ̀n ɓɛ a Rom kìsay ki Bɛ̀ll à faghà nyi lɛ a ghagsi Syeesyee à Ɓɔlɛ a ɓumɓɛ ɓɛ yin Ɓɛ̀yudɛ̀n. Kaàtà ànɛ yɛɛ konaagh kì tɛɛ̀zii Syeesyee à Ɓɔlɛ ànɛ Pol à kakàlìghà, ànɛ nyimiɗ a reŋii lɛ <<Ìtèɗ wu Bɛ̀ll à ti kìlàg kìsay ri wɔ lɛ a ghɛɓsi ɓum ɓɛ̀cèm ɓɛ ɓɛ gherɛɛ, à tumɛ̀n lɛ Ɓɛ̀yudɛ̀n, à kpaŋ lɛ ɓumɓɛ ɓɛ yin Ɓɛ̀yudɛ̀n>> (1:16).
Kìɓan ki ki yeesìghà ɓɛ̀kìristɛ̀n ɓɛ ǹtonto ki ɓaghà nɗɛli wu ɓɛ̀kìristɛ̀n ɓɛ ɓɛ ɓaghà ɓi ɓiyali ɓi Ɓɛ̀yudɛ̀n ɓɛ ghɛɛ̀sɛ̀ngà kì ɓaà rì wɔ ɓi san ànɛ a ɓìdɔ̀gsɛna ɓi Ɓɛ̀yudɛ̀n. Pol à ɓugà kìɓan ki ɓi ɓɛ̀kaàtà ɓii ɓɛdɛŋ fɛlɛ yɛ̀ɛ ànɛ à kàngà Ɓɛ̀gàlat. Pol à kalii lɛ Syeesyee à Ɓɔlɛ ànɛ nyiì làalamɓɛ̀n ànɛn à rì ɓisuu ɓum ɓɛ̀cèm kɛ̀ɛ̀ ǹlànag. Fɔɔnnɛ à tɛɛ̀zii kì rèsii yɛ̀ɛ Bɛ̀ll a ghɛɛghɛɓsì mum ànɛ à ɗimgà, àa soo rì la di à tyweeyii nyi (1:18--8:39).
Ajɛ̀m ìnɛn innɛ Pol à ɓuŋi kìɓan ki lɛ kìgwey ki ɓum a Isirayɛl ki ɓeni lɔŋ Kiris ɓi maa cààmɛ̀n. Pol lɛ rìɓèn ɗi ɓɛ ɓeni Kiris ɗiǹ ɗi yogsii ɓi com ɓi fèg à Bɛ̀ll, ɓisuulɛ geesɛ̀n ìrì ɓiì siitɛɛ ki ghɛnɛɛ ɓi kìɓan kiǹ (9:1--11:36). Ɓigomìnɛ kìrɔnɗem ànɛ Bɛ̀ll a rèresi ɓumɓɛ ɓɛ yin Ɓɛ̀yudɛ̀n à ghɛ̀ɛ̀sɛɛ kì ɓàlɛɛ yɛ̀ɛ ǹɗereŋi wu à reŋii ɓɔ lɛ ɓɛɛ ghɛɓ cɛɓ ki ki ri nyɔn lɛ kɔɔ̀kɔɔ̀ ɓisu wii (12:1--15:13).
Ɓi ri ratɛ̀n ɗi kaàtà wìì anɛ, Pol à wogsii ɓɔ lɛ àrì rì rìyitì ɗi lɛ a kpaŋ̀ a lɔ̀ŋkaa; ɓìtɔkì ɓyɛɛ simi kaàtà ànɛ (15:14--16:27).
Ɓum ɓɛ̀cèm ɓɛ ɓɛɛ̀ kaakaa lɛ ɓɛɛ ghɛǹ ɓi kaàtà ànɛ ɓɛ konaagh kì rèsii kiɓan ki ɓi gòri ìnɛ Bɛ̀ll à fafa ɓum ɓi Yeesus Kiris, ɓɛ ri ɓiì ɓaà lɛ, i ɓɛ ɓali kaàtà ànɛ Pol à kàngà Ɓɛ̀ròmɛŋ ànɛ, ɓɛ kuuràg geesɛ̀n ì Bɛ̀ll (11:33-36); ɓɛ ki ɓa girig ɓɛ tiniyɛn lɛ ɓɛɛ ɓɔgsi Bɛ̀ll yɛ̀ɛ ki ghɛɛ̀sɛɛ lɛ ti ɓɔgsi nyi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bafia Nouveau Testament © Bible Society of Cameroon, 2019.