RÒMƐŊ 4
4
Kìɓan ki lɛ, mum à rì lɛ saaɗ ɓi mis mɛ Bɛ̀ll lɛ rìgherɛ̀n, ki ri ɓi kaàtà Bɛ̀ll
1Cɛ kɛɛ̀ki tì rì lɛ tì kpaatì min ɗi Abiraham à seŋi wìs a ǹsɛ̀ɛ̀ ànɛ ɓi mɛ̀mùù? Cɛ kɛɛ̀ki à fɔ̀ngà? 2I Bɛ̀ll à ghɛngà lɛ Abiraham à rì saaɗ à mum ɓi mɛ̀kìkì mii, di à rì lɛ à saàsànɛ̀n; kìɓan kifog, kɛ̀ɛ sanɛn ɓi mis mɛ Bɛ̀ll. 3Ɓisuulɛ kaàtà à Bɛ̀ll à kpaa lɛ Abiraham à gherɛ̀ngà Bɛ̀ll, kìɓan kiǹ kɛɛ̀ki Bɛ̀ll à ghɛngà nyi miì lɛ à rì saaɗ à mum. 4Kɔlɛ mɛ̀lèɓ mɛ ŋwaànɛ à kìi kìsay mɛ yin lɛ ɓɛ kpaa lɛ geesɛ̀n yɛɛ̀nɛ ɓɛ kii nyi; mɛ ri lɔŋ mɛlèɓ mɛ à ghɛ̀ɛ̀sɛɛ kì terì. 5Wɔ̀lɛ i mum à kìi ɓi kisay, kìɓan kifog à gherɛ̀n Bɛ̀ll ànɛ à ti à kìlàg lɛ ǹkì-kìɓe a ɓa lɛ saaɗ ɓi mis mii, rìgherɛ̀n ɗii ɗi ki lɛ Bɛ̀ll a ghɛǹ nyi lɛ saaɗ à mum. 6Kìɓan kiǹ kɛɛ̀ki Davit à rèsii kìnyàà ki ŋwaànɛ Bɛ̀ll à teri lɛ saaɗ à mum, kɛ̀ɛ fiɓi mɛkìkìì mii.
7Mààgh rì ɓumɓɛ Bɛ̀ll à mɛ kì lɛ: à càɗ mɛ̀nànì maa, à ki cenɛn ɓɔ ɓìɓe ɓyàa. 8Mààgh rì mum ànɛ Bɛ̀ll à ɓàli ɓi kiɓe kii.
9Nni kìnyàà kiǹ ki ri nya lɔŋ ɓisuu ɓumɓɛ ɓɛ ri ɓɛ̀kɛ̀rɛn gìn ki ri girig ɓisuu ɓɛroɓɛ ɓɛ yin ɓɛkɛ̀rɛn? Tì kalii yì lɛ: Bɛ̀ll à ghɛngà Abiraham lɛ saaɗ à mum ɓisuu righerɛ̀n ɗii. 10Kìɓan kiǹ ki kilɛ̀ngà ɓi cààmɛ̀n ki be? Ki ɓaghà di Abiraham à ti ǹkɛ̀rɛn giǹ di à ka yin ǹkɛ̀rɛn? Ki kilɛɛ ɓi di à mɛ kɛ̀rɛ̀n; ki ɓaa lɔŋ di à ka yin ǹkɛ̀rɛn. 11Fɔlɔɔ nnɛ ɓɛ faghà nyi kɛ̀rɛ̀n ɓi sìg à kìrèmzɛnà ki lɛ, à rì saaɗ à mum lɛ rìgherɛ̀n, cààmɛ̀n ki à ɓaghà di à ka kɛrɛn ɓi; kìɓan kiǹ kɛɛ̀ki à rì miì seŋi ɓum ɓɛ̀cèm ɓɛ ɓɛ gherɛɛ, nsoò ɓɛ̀roɓɛ ɓɛ yin ɓɛ kɛ̀rɛn, lɛ di ɓɛɛ ɓa lɛ saaɗ ɓi mis mɛ Bɛ̀ll. 12À rì tì girig seŋi ɓumɓɛ ɓɛ ri ɓɛ̀kɛ̀rɛn, ɓɛ ɓɛ rɔɓi ɓi lɔŋ lɛ kɛ̀rɛ̀n nyi rì nyi, kìɓan kifog ɓɛ ɓɛɛ̀ nɔ̀ɔnɔɔ̀tì kìfèèghrɛnà ki righerɛ̀n ɗi Abiraham à seŋi wìs a ɓaghà rì ɗyɔ, di à ka kɛrɛn ɓi.
Rìgherɛ̀n ɗi Abiraham
13I Bɛ̀ll à kàkà Abiraham rì dòò yii lɛ ɓɛ ri ɓiì fɔ̀ni zi ɓi mɛ̀wus, ǹkàg wiǹ wu falɛ̀ngà ɓi ɓisuulɛ Abiraham à ɓègà ɓìdɔ̀gsɛna; kìɓan kifog Bɛ̀ll à faghà nyi ǹkàg wiǹ lɛ à ghɛngà nyi lɛ à rì lɛ saaɗ ɓi mis mii lɛ rìgherɛ̀n. 14I mum àa tekì mɛ̀wus mɛ ɓi ǹkàg wu Bɛ̀ll à faghà lɛ rìɓèŋ ɗi ɓidɔ̀gsɛna, di rìgherɛ̀n ɗi yin min ɗi gɛɓsɛ̀n, ǹkàg wiǹ wu ɓa com ki zɛy. 15Ɓisuulɛ ɓìdɔ̀gsɛna ɓi ti ɓi syogàg yì bim i Bɛ̀ll, rì tì lɛ mum à yin lɛ à kpì kìdɔ̀gsɛna jàŋ inɛ ɓìdɔ̀gsɛna ɓi yin.
16Fɔlɔɔ nnɛ ǹkàg wu falɛ̀ngà lɛ rìgherɛ̀n lɛ di wɛɛ ɓa yɛ̀ɛ rìɓòò ɗi Bɛ̀ll à kìi ɓum zɛy rì zɛy, wu ɓa ɓisuu dòò yi Abiraham yìcèm, wɛ̀ kɛɛ̀ ɓa lɔŋ lɛ ɓisuu dòò yi yɛɛ̀ ɓèŋɓeŋ ɓidɔ̀gsɛna; wu ɓa tì girig ɓisuu ɓɛroɓɛ ɓɛ gherɛɛ lɔŋ yɛ̀ɛ Abiraham à seŋi wìs a ɓɛ̀sɛ̀ɛ̀ ɓɛ̀cèm à gherɛ̀ngà, lɔŋ yɛ̀ɛ ki ri kìkànɛn lɛ: 17Ǹɗɛsìghà wɔ̀ lɛ u ɓa seŋi à ɓìlɔ̀ŋ lɛ ɓìlɔ̀ŋ. Abiraham à rì seŋì wìs ɓi mis mɛ Bɛ̀ll ànɛ nyii gherɛ̀ngà, Bɛ̀ll ànɛn nnyɛɛ ti à falàg ɓìloŋ cɛɓ, à ki kìlag lɛ com ki ki ka ɓaghà ɓi, kɛɛ ɓa. 18Abiraham à kìghà lɛ, à gherɛ̀n, à ki ɗyàɓag, jàŋ inɛ com ki mum à ɓaghà lɛ à ɗyàɓàg ki ɓaghà ɓi; fɔlɔɔ nnɛ à ghalà seŋi ɓìlɔ̀ŋ lɛ ɓìlɔ̀ŋ lɔŋ yɛ̀ɛ Bɛ̀ll à kpaaghà nyi lɛ: Dòò yɔɔ yi ɓaa gɛ bàlì fɛlɛ. 19Fɔlɔɔ nnɛ rìgherɛ̀n ɗii ɗi fɔghìghà ɓi, kɛ̀ɛ ki foŋ nto ɓi rìɓa ɗi lɛ nyoo yìì i ti ǹtɔ̀gtiyɛn, lɛ à ɓaghà di à ti nunùg bèg mɛ̀tin mɛtaǹ, Sara kɛ̀ɛ ki ɓa ti giɓ a cem ànɛ à sòɓtì cɛ̀y. 20Ɓi nkàg wu Bɛ̀ll à faghà nyi, à tekà ɓi nyoey lɛ a tuùzi, kìɓan kifog rìgherɛ̀n ɗii ɗi fatìghà nyi ìtèɗ, à ki fa Bɛ̀ll rìkem. 21A gherɛ̀ngà rì ǹɗem wii wucèm lɛ Bɛ̀ll à rì rì ìtèɗ wulɛ à ki com ki à kàagh lɛ à ɓiì kìi. 22Kìɓan kiǹ kɛɛ̀ki Bɛ̀ll à ghɛngà nyi miì lɛ à rì saaɗ à mum.
23Wɔ̀lɛ àa ɓisu wii cɛ̀ncii nnɛ ki ri kìkànɛn lɛ, ɓɛ ghɛngà nyi lɛ saaɗ à mum ɓisuu kiɓan kiǹ. 24Ki ri girig kìkànɛn ɓisu wis; ɓìsi ɓɛ rìgherɛ̀n ɗis ɗi ɓiì ki lɛ Bɛ̀ll a ghɛǹ ɓìsi lɛ ɓum ɓɛ saaɗ, lɛ rìgherɛ̀n ɗi tì gherɛɛ roànɛ à ghèmzìghày a ɓìloŋ Kan wìs Yeesus. 25Yeesus ànɛ̀n nnɛ ɓɛ kaɓkà ɓisuu ɓiɓe ɓis, à ghèmɓɛ̀n a ɓìloŋ lɛ di ti ɓa lɛ saaɗ ɓi mis mɛ Bɛ̀ll.
ទើបបានជ្រើសរើសហើយ៖
RÒMƐŊ 4: BAFNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bafia Nouveau Testament © Bible Society of Cameroon, 2019.
RÒMƐŊ 4
4
Kìɓan ki lɛ, mum à rì lɛ saaɗ ɓi mis mɛ Bɛ̀ll lɛ rìgherɛ̀n, ki ri ɓi kaàtà Bɛ̀ll
1Cɛ kɛɛ̀ki tì rì lɛ tì kpaatì min ɗi Abiraham à seŋi wìs a ǹsɛ̀ɛ̀ ànɛ ɓi mɛ̀mùù? Cɛ kɛɛ̀ki à fɔ̀ngà? 2I Bɛ̀ll à ghɛngà lɛ Abiraham à rì saaɗ à mum ɓi mɛ̀kìkì mii, di à rì lɛ à saàsànɛ̀n; kìɓan kifog, kɛ̀ɛ sanɛn ɓi mis mɛ Bɛ̀ll. 3Ɓisuulɛ kaàtà à Bɛ̀ll à kpaa lɛ Abiraham à gherɛ̀ngà Bɛ̀ll, kìɓan kiǹ kɛɛ̀ki Bɛ̀ll à ghɛngà nyi miì lɛ à rì saaɗ à mum. 4Kɔlɛ mɛ̀lèɓ mɛ ŋwaànɛ à kìi kìsay mɛ yin lɛ ɓɛ kpaa lɛ geesɛ̀n yɛɛ̀nɛ ɓɛ kii nyi; mɛ ri lɔŋ mɛlèɓ mɛ à ghɛ̀ɛ̀sɛɛ kì terì. 5Wɔ̀lɛ i mum à kìi ɓi kisay, kìɓan kifog à gherɛ̀n Bɛ̀ll ànɛ à ti à kìlàg lɛ ǹkì-kìɓe a ɓa lɛ saaɗ ɓi mis mii, rìgherɛ̀n ɗii ɗi ki lɛ Bɛ̀ll a ghɛǹ nyi lɛ saaɗ à mum. 6Kìɓan kiǹ kɛɛ̀ki Davit à rèsii kìnyàà ki ŋwaànɛ Bɛ̀ll à teri lɛ saaɗ à mum, kɛ̀ɛ fiɓi mɛkìkìì mii.
7Mààgh rì ɓumɓɛ Bɛ̀ll à mɛ kì lɛ: à càɗ mɛ̀nànì maa, à ki cenɛn ɓɔ ɓìɓe ɓyàa. 8Mààgh rì mum ànɛ Bɛ̀ll à ɓàli ɓi kiɓe kii.
9Nni kìnyàà kiǹ ki ri nya lɔŋ ɓisuu ɓumɓɛ ɓɛ ri ɓɛ̀kɛ̀rɛn gìn ki ri girig ɓisuu ɓɛroɓɛ ɓɛ yin ɓɛkɛ̀rɛn? Tì kalii yì lɛ: Bɛ̀ll à ghɛngà Abiraham lɛ saaɗ à mum ɓisuu righerɛ̀n ɗii. 10Kìɓan kiǹ ki kilɛ̀ngà ɓi cààmɛ̀n ki be? Ki ɓaghà di Abiraham à ti ǹkɛ̀rɛn giǹ di à ka yin ǹkɛ̀rɛn? Ki kilɛɛ ɓi di à mɛ kɛ̀rɛ̀n; ki ɓaa lɔŋ di à ka yin ǹkɛ̀rɛn. 11Fɔlɔɔ nnɛ ɓɛ faghà nyi kɛ̀rɛ̀n ɓi sìg à kìrèmzɛnà ki lɛ, à rì saaɗ à mum lɛ rìgherɛ̀n, cààmɛ̀n ki à ɓaghà di à ka kɛrɛn ɓi; kìɓan kiǹ kɛɛ̀ki à rì miì seŋi ɓum ɓɛ̀cèm ɓɛ ɓɛ gherɛɛ, nsoò ɓɛ̀roɓɛ ɓɛ yin ɓɛ kɛ̀rɛn, lɛ di ɓɛɛ ɓa lɛ saaɗ ɓi mis mɛ Bɛ̀ll. 12À rì tì girig seŋi ɓumɓɛ ɓɛ ri ɓɛ̀kɛ̀rɛn, ɓɛ ɓɛ rɔɓi ɓi lɔŋ lɛ kɛ̀rɛ̀n nyi rì nyi, kìɓan kifog ɓɛ ɓɛɛ̀ nɔ̀ɔnɔɔ̀tì kìfèèghrɛnà ki righerɛ̀n ɗi Abiraham à seŋi wìs a ɓaghà rì ɗyɔ, di à ka kɛrɛn ɓi.
Rìgherɛ̀n ɗi Abiraham
13I Bɛ̀ll à kàkà Abiraham rì dòò yii lɛ ɓɛ ri ɓiì fɔ̀ni zi ɓi mɛ̀wus, ǹkàg wiǹ wu falɛ̀ngà ɓi ɓisuulɛ Abiraham à ɓègà ɓìdɔ̀gsɛna; kìɓan kifog Bɛ̀ll à faghà nyi ǹkàg wiǹ lɛ à ghɛngà nyi lɛ à rì lɛ saaɗ ɓi mis mii lɛ rìgherɛ̀n. 14I mum àa tekì mɛ̀wus mɛ ɓi ǹkàg wu Bɛ̀ll à faghà lɛ rìɓèŋ ɗi ɓidɔ̀gsɛna, di rìgherɛ̀n ɗi yin min ɗi gɛɓsɛ̀n, ǹkàg wiǹ wu ɓa com ki zɛy. 15Ɓisuulɛ ɓìdɔ̀gsɛna ɓi ti ɓi syogàg yì bim i Bɛ̀ll, rì tì lɛ mum à yin lɛ à kpì kìdɔ̀gsɛna jàŋ inɛ ɓìdɔ̀gsɛna ɓi yin.
16Fɔlɔɔ nnɛ ǹkàg wu falɛ̀ngà lɛ rìgherɛ̀n lɛ di wɛɛ ɓa yɛ̀ɛ rìɓòò ɗi Bɛ̀ll à kìi ɓum zɛy rì zɛy, wu ɓa ɓisuu dòò yi Abiraham yìcèm, wɛ̀ kɛɛ̀ ɓa lɔŋ lɛ ɓisuu dòò yi yɛɛ̀ ɓèŋɓeŋ ɓidɔ̀gsɛna; wu ɓa tì girig ɓisuu ɓɛroɓɛ ɓɛ gherɛɛ lɔŋ yɛ̀ɛ Abiraham à seŋi wìs a ɓɛ̀sɛ̀ɛ̀ ɓɛ̀cèm à gherɛ̀ngà, lɔŋ yɛ̀ɛ ki ri kìkànɛn lɛ: 17Ǹɗɛsìghà wɔ̀ lɛ u ɓa seŋi à ɓìlɔ̀ŋ lɛ ɓìlɔ̀ŋ. Abiraham à rì seŋì wìs ɓi mis mɛ Bɛ̀ll ànɛ nyii gherɛ̀ngà, Bɛ̀ll ànɛn nnyɛɛ ti à falàg ɓìloŋ cɛɓ, à ki kìlag lɛ com ki ki ka ɓaghà ɓi, kɛɛ ɓa. 18Abiraham à kìghà lɛ, à gherɛ̀n, à ki ɗyàɓag, jàŋ inɛ com ki mum à ɓaghà lɛ à ɗyàɓàg ki ɓaghà ɓi; fɔlɔɔ nnɛ à ghalà seŋi ɓìlɔ̀ŋ lɛ ɓìlɔ̀ŋ lɔŋ yɛ̀ɛ Bɛ̀ll à kpaaghà nyi lɛ: Dòò yɔɔ yi ɓaa gɛ bàlì fɛlɛ. 19Fɔlɔɔ nnɛ rìgherɛ̀n ɗii ɗi fɔghìghà ɓi, kɛ̀ɛ ki foŋ nto ɓi rìɓa ɗi lɛ nyoo yìì i ti ǹtɔ̀gtiyɛn, lɛ à ɓaghà di à ti nunùg bèg mɛ̀tin mɛtaǹ, Sara kɛ̀ɛ ki ɓa ti giɓ a cem ànɛ à sòɓtì cɛ̀y. 20Ɓi nkàg wu Bɛ̀ll à faghà nyi, à tekà ɓi nyoey lɛ a tuùzi, kìɓan kifog rìgherɛ̀n ɗii ɗi fatìghà nyi ìtèɗ, à ki fa Bɛ̀ll rìkem. 21A gherɛ̀ngà rì ǹɗem wii wucèm lɛ Bɛ̀ll à rì rì ìtèɗ wulɛ à ki com ki à kàagh lɛ à ɓiì kìi. 22Kìɓan kiǹ kɛɛ̀ki Bɛ̀ll à ghɛngà nyi miì lɛ à rì saaɗ à mum.
23Wɔ̀lɛ àa ɓisu wii cɛ̀ncii nnɛ ki ri kìkànɛn lɛ, ɓɛ ghɛngà nyi lɛ saaɗ à mum ɓisuu kiɓan kiǹ. 24Ki ri girig kìkànɛn ɓisu wis; ɓìsi ɓɛ rìgherɛ̀n ɗis ɗi ɓiì ki lɛ Bɛ̀ll a ghɛǹ ɓìsi lɛ ɓum ɓɛ saaɗ, lɛ rìgherɛ̀n ɗi tì gherɛɛ roànɛ à ghèmzìghày a ɓìloŋ Kan wìs Yeesus. 25Yeesus ànɛ̀n nnɛ ɓɛ kaɓkà ɓisuu ɓiɓe ɓis, à ghèmɓɛ̀n a ɓìloŋ lɛ di ti ɓa lɛ saaɗ ɓi mis mɛ Bɛ̀ll.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bafia Nouveau Testament © Bible Society of Cameroon, 2019.