RÒMƐŊ 10
10
1Ɓɔɔsoŋ̀ com ki nɗem wɛ̀m wɛɛ̀ kɔ̀nkɔ̀n, ki mɛ̀ɛ nki tɔtɔg Bɛ̀ll ɓisu waa ki ri lɛ ɓɛɛ ghɛǹ cɛɓ. 2Ɓisuulɛ ǹɗì lɛ m̀ɓa ɓɔ wusìnɛ̀ɗ ɓi rìfalɛ̀n ɗi ɓɛ ri ɓɛ̀falɛn ri Bɛ̀ll, kìɓan kifog rìfalɛ̀n ɗiǹ ɗi bas̀ ɓi zɛ̀ɗ i rìwog. 3Yɛ̀ɛ ɓɛ yighà ɓi lannɛ Bɛ̀ll à ti à kìlàg lɛ mum à ɓa lɛ saaɗ ɓi mis mii, ɓɔɔ kaakàà bee yaa yi ɓɛ ri lɛ ɓɛ ɓa miì lɛ saaɗ ɓi mis mɛ Bɛ̀ll, ɓɛ ɓeǹ kì nɔ̀ɔ̀tii bee inɛ Bɛ̀ll à ti à kìlàg ɓum miì lɛ ɓɛɛ ɓa lɛ saaɗ ɓi mis mii. 4Ɓisuulɛ Kiris à rì rìsugtɛ̀n ɗi ɓidɔ̀gsɛna, lɛ di mum ǹcèm ànɛ à gherɛɛ a ɓa lɛ saaɗ ɓi mis mɛ Bɛ̀ll.
5Ɓi kìɓan ki ki seesee rìɓa ɗi mum à rì lɛ à ɓa lɛ saaɗ ɓi mis mɛ Bɛ̀ll lɛ rìɓèŋ ɗi ɓidɔ̀gsɛna, Moyis à kàngà lɛ: Ŋwaànɛ à nɔ̀ɔ̀tii yɛ̀ɛ ɓìdɔ̀gsɛna ɓyɛɛ̀ kpaakpàà, à rì ɓiì ghɛɓì lɛ ɓyɔ. 6Wɔ̀lɛ fɛlɛ nnɛ ki ri kì kaliyɛn ɓi san ànɛ a rìɓa ɗi mum à rì lɛ à ɓa lɛ saaɗ ɓi mis mɛ Bɛ̀ll lɛ rìgherɛ̀n: Kɔ̀ɔ kpaa ɓi nɗem wɔɔ lɛ, ghɛn yɛ̀ɛ ri ɓɔɔgh gɛ aɗyoo? Fɔlɔɔ a rì lɛ ù kɔ̀sii yì Kiris wɔɔ. 7Nsoò lɛ ù kpaa lɛ: Ghɛn yɛ̀ɛ ri sɛni gɛ a nyɔ̀ɛ̀y? Fɔlɔɔ a rì lɛ ù pɛ̀ɛ̀zii tì Kiris ɓi nyìinyìm à ɓìloŋ. 8Nni ki ri min ki kaliyɛn lɛ cɛ? Jɛ̀ɛ̀ ì rì wɔ̀ jàŋbog, yɔ̀ wɔ̀ ɓi ŋwɔm, ì ki ɓa ti wɔ ɓi nɗem, jɛ̀ɛ̀ ìnɛn ì rì jɛ̀ɛ̀ ì rìgherɛ̀n ɗi ɓìsiì làalam̀ɓɛ̀n. 9I ù pinii ŋwɔm wɔɔ ɓi nyìinyìm à ɓum, ù kpaa lɛ Yeesus à rì Kan, ù ki gherɛn ɓi nɗem wɔɔ lɛ Bɛ̀ll à ghèmzìghà nyi a ɓìloŋ, ù ɓiì ɓaà rì cɛɓ. 10Ɓisuulɛ i mum à gherɛɛ rì nɗem wii, à ɓa lɛ saaɗ ɓi mis mɛ Bɛ̀ll, i a kpaakpaa ɓi ŋwɔm wii lɛ à gherɛɛ Bɛ̀ll à fa nyi cɛɓ. 11Lɛ ki ri kìkànɛn lɛ: Mum ǹcèm ànɛ à gherɛɛ nyi, àa teɗ ɓi ǹtoòrìɗ. 12Fɔɔnnɛ gasɛ̀n ì yin ɓi nyìinyìm ànɛ lɛ rì muu Ɓɛ̀yudɛ̀n, rì muu Gìrɛg, lɛ ɓɛ̀sɛ̀ɛ̀ ɓɛ̀cèm ɓɛ ri lɔŋ Kan bog ànɛ à ti à falàg ɓumɓɛ ɓɛɛ̀ rereŋi nyi ɓyom. 13Ɓisuulɛ mum ǹcèm ànɛ à ɓiì reŋii ɗii ɗi Kan, à ɓiì ghɛɛ̀ cɛɓ.
Rìkpaakpàà ɗi ɓiɓan ɓi Bɛ̀ll ɗi ghɛɓsii
14Nni lannɛ ɓɛ ri min nyi ɓiì reŋii, di ɓɛ gherɛ̀ngà ɓi nyi? Nni lannɛ ɓɛ ri min nyi ɓiì gherɛɛ di ɓɛ woogh ɓi yɛ̀ɛ ɓum ɓɛɛ̀ kpaakpaa kiɓan kii? I ɓum ɓɛ ki kpaakpaa ɓi, lannɛ ɓɔɔ ri min ɓiì woògh? 15Nni lannɛ mum à rì ɓiì kɛ̀ɛ ki kpaakpaa di ɓɛ romi ɓi nyi? Fɛlɛ yɛ̀ɛ ki ri kìkànɛn lɛ: Ki rɔɔtɛɛ yɛ̀ɛ mɛ̀nɔ̀ɓɔ̀ lɛ u ghɛǹ ɓumɓɛ ɓɛ riì rì ɓɛ̀syeesyee ɓɛ ɓɛ̀ɓɔlɛ di ɓɛɛ yùyuiy. 16Wɔ̀lɛ ɓɛ̀sɛ̀ɛ̀ ɓɛ̀cèm ɓɛ ghaɓkà ɓi Syeesyee à Ɓɔlɛ, kìɓan kiǹ kɛɛ̀ki Ezayii a kpaaghi lɛ: Kan! Ghɛn yɛɛ gherɛ̀ngà com ki tì lààlàmɓɛ̀ngà? 17Fɔlɔɔ nnɛ rìgherɛ̀n ɗi ti ɗi fuughìì ɓi kìɓan ki ŋwaà woogh; nni kìɓan ki ɓɛ ti ɓɛ wokì, ki riì ɓi jɛ̀ɛ̀ ì Kiris.
18Nni ǹtɔɔgh lɛ, ɓɛ rɔɓkà nya ɓɛ̀ kɛɛ̀ wog? Ɓɛ ɓaghà ɓi lɛ ɓɛ rɔɓ, jɛ̀ɛ̀ yaa yi wooghrɛ̀ngà zi bimiɗ, ɓìtòkì ɓyaa ɓi kpagì lɛ rì a ɓɛ̀yɔ̀ŋyɔ̀ŋ ɓɛ zi miì.
19Nni mɛ̀ ǹtɔɔgh lɛ, Isirayɛl à wokà ɓi nya yɛɛ lɔɔ? Lɛ Moyis yɛɛ loogh kì kpaà lɛ: Mɓiì kìi lɛ yɔ̀ɔ̀tì a ki mìni rì ɓumɓɛ ɓɛ yin bimiɗ à kìlɔ̀ŋ, ǹkì com ki lɛ ɓi wog bim ri kìlɔ̀ŋ ki ki ri kɛ̀ɛ̀ ɗyomzɛ̀n.
20Ezayii à ràm à kpaa lɛ: Ɓumɓɛ ɓɛ kaakààghà ɓi mɛ, ɓɛ ǹtulii ɓi mɛ̀, ǹki rèsɛn a ɓɛ̀roɓɛ ɓɛ tɔkà ɓi mɛ com.
21Wɔ̀lɛ ɓi san ànɛ a Isirayɛl, à kpaa lɛ: Bimiɗ à ŋwos, mɛ̀ɛ m̀mɛɛ̀ nàmnam kilɔ̀ŋ ki ki kii lɛ ki yaaghrɛ̀n ki ki ɓa ri ǹtoòtèɗ ɓyàg.
ទើបបានជ្រើសរើសហើយ៖
RÒMƐŊ 10: BAFNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bafia Nouveau Testament © Bible Society of Cameroon, 2019.
RÒMƐŊ 10
10
1Ɓɔɔsoŋ̀ com ki nɗem wɛ̀m wɛɛ̀ kɔ̀nkɔ̀n, ki mɛ̀ɛ nki tɔtɔg Bɛ̀ll ɓisu waa ki ri lɛ ɓɛɛ ghɛǹ cɛɓ. 2Ɓisuulɛ ǹɗì lɛ m̀ɓa ɓɔ wusìnɛ̀ɗ ɓi rìfalɛ̀n ɗi ɓɛ ri ɓɛ̀falɛn ri Bɛ̀ll, kìɓan kifog rìfalɛ̀n ɗiǹ ɗi bas̀ ɓi zɛ̀ɗ i rìwog. 3Yɛ̀ɛ ɓɛ yighà ɓi lannɛ Bɛ̀ll à ti à kìlàg lɛ mum à ɓa lɛ saaɗ ɓi mis mii, ɓɔɔ kaakàà bee yaa yi ɓɛ ri lɛ ɓɛ ɓa miì lɛ saaɗ ɓi mis mɛ Bɛ̀ll, ɓɛ ɓeǹ kì nɔ̀ɔ̀tii bee inɛ Bɛ̀ll à ti à kìlàg ɓum miì lɛ ɓɛɛ ɓa lɛ saaɗ ɓi mis mii. 4Ɓisuulɛ Kiris à rì rìsugtɛ̀n ɗi ɓidɔ̀gsɛna, lɛ di mum ǹcèm ànɛ à gherɛɛ a ɓa lɛ saaɗ ɓi mis mɛ Bɛ̀ll.
5Ɓi kìɓan ki ki seesee rìɓa ɗi mum à rì lɛ à ɓa lɛ saaɗ ɓi mis mɛ Bɛ̀ll lɛ rìɓèŋ ɗi ɓidɔ̀gsɛna, Moyis à kàngà lɛ: Ŋwaànɛ à nɔ̀ɔ̀tii yɛ̀ɛ ɓìdɔ̀gsɛna ɓyɛɛ̀ kpaakpàà, à rì ɓiì ghɛɓì lɛ ɓyɔ. 6Wɔ̀lɛ fɛlɛ nnɛ ki ri kì kaliyɛn ɓi san ànɛ a rìɓa ɗi mum à rì lɛ à ɓa lɛ saaɗ ɓi mis mɛ Bɛ̀ll lɛ rìgherɛ̀n: Kɔ̀ɔ kpaa ɓi nɗem wɔɔ lɛ, ghɛn yɛ̀ɛ ri ɓɔɔgh gɛ aɗyoo? Fɔlɔɔ a rì lɛ ù kɔ̀sii yì Kiris wɔɔ. 7Nsoò lɛ ù kpaa lɛ: Ghɛn yɛ̀ɛ ri sɛni gɛ a nyɔ̀ɛ̀y? Fɔlɔɔ a rì lɛ ù pɛ̀ɛ̀zii tì Kiris ɓi nyìinyìm à ɓìloŋ. 8Nni ki ri min ki kaliyɛn lɛ cɛ? Jɛ̀ɛ̀ ì rì wɔ̀ jàŋbog, yɔ̀ wɔ̀ ɓi ŋwɔm, ì ki ɓa ti wɔ ɓi nɗem, jɛ̀ɛ̀ ìnɛn ì rì jɛ̀ɛ̀ ì rìgherɛ̀n ɗi ɓìsiì làalam̀ɓɛ̀n. 9I ù pinii ŋwɔm wɔɔ ɓi nyìinyìm à ɓum, ù kpaa lɛ Yeesus à rì Kan, ù ki gherɛn ɓi nɗem wɔɔ lɛ Bɛ̀ll à ghèmzìghà nyi a ɓìloŋ, ù ɓiì ɓaà rì cɛɓ. 10Ɓisuulɛ i mum à gherɛɛ rì nɗem wii, à ɓa lɛ saaɗ ɓi mis mɛ Bɛ̀ll, i a kpaakpaa ɓi ŋwɔm wii lɛ à gherɛɛ Bɛ̀ll à fa nyi cɛɓ. 11Lɛ ki ri kìkànɛn lɛ: Mum ǹcèm ànɛ à gherɛɛ nyi, àa teɗ ɓi ǹtoòrìɗ. 12Fɔɔnnɛ gasɛ̀n ì yin ɓi nyìinyìm ànɛ lɛ rì muu Ɓɛ̀yudɛ̀n, rì muu Gìrɛg, lɛ ɓɛ̀sɛ̀ɛ̀ ɓɛ̀cèm ɓɛ ri lɔŋ Kan bog ànɛ à ti à falàg ɓumɓɛ ɓɛɛ̀ rereŋi nyi ɓyom. 13Ɓisuulɛ mum ǹcèm ànɛ à ɓiì reŋii ɗii ɗi Kan, à ɓiì ghɛɛ̀ cɛɓ.
Rìkpaakpàà ɗi ɓiɓan ɓi Bɛ̀ll ɗi ghɛɓsii
14Nni lannɛ ɓɛ ri min nyi ɓiì reŋii, di ɓɛ gherɛ̀ngà ɓi nyi? Nni lannɛ ɓɛ ri min nyi ɓiì gherɛɛ di ɓɛ woogh ɓi yɛ̀ɛ ɓum ɓɛɛ̀ kpaakpaa kiɓan kii? I ɓum ɓɛ ki kpaakpaa ɓi, lannɛ ɓɔɔ ri min ɓiì woògh? 15Nni lannɛ mum à rì ɓiì kɛ̀ɛ ki kpaakpaa di ɓɛ romi ɓi nyi? Fɛlɛ yɛ̀ɛ ki ri kìkànɛn lɛ: Ki rɔɔtɛɛ yɛ̀ɛ mɛ̀nɔ̀ɓɔ̀ lɛ u ghɛǹ ɓumɓɛ ɓɛ riì rì ɓɛ̀syeesyee ɓɛ ɓɛ̀ɓɔlɛ di ɓɛɛ yùyuiy. 16Wɔ̀lɛ ɓɛ̀sɛ̀ɛ̀ ɓɛ̀cèm ɓɛ ghaɓkà ɓi Syeesyee à Ɓɔlɛ, kìɓan kiǹ kɛɛ̀ki Ezayii a kpaaghi lɛ: Kan! Ghɛn yɛɛ gherɛ̀ngà com ki tì lààlàmɓɛ̀ngà? 17Fɔlɔɔ nnɛ rìgherɛ̀n ɗi ti ɗi fuughìì ɓi kìɓan ki ŋwaà woogh; nni kìɓan ki ɓɛ ti ɓɛ wokì, ki riì ɓi jɛ̀ɛ̀ ì Kiris.
18Nni ǹtɔɔgh lɛ, ɓɛ rɔɓkà nya ɓɛ̀ kɛɛ̀ wog? Ɓɛ ɓaghà ɓi lɛ ɓɛ rɔɓ, jɛ̀ɛ̀ yaa yi wooghrɛ̀ngà zi bimiɗ, ɓìtòkì ɓyaa ɓi kpagì lɛ rì a ɓɛ̀yɔ̀ŋyɔ̀ŋ ɓɛ zi miì.
19Nni mɛ̀ ǹtɔɔgh lɛ, Isirayɛl à wokà ɓi nya yɛɛ lɔɔ? Lɛ Moyis yɛɛ loogh kì kpaà lɛ: Mɓiì kìi lɛ yɔ̀ɔ̀tì a ki mìni rì ɓumɓɛ ɓɛ yin bimiɗ à kìlɔ̀ŋ, ǹkì com ki lɛ ɓi wog bim ri kìlɔ̀ŋ ki ki ri kɛ̀ɛ̀ ɗyomzɛ̀n.
20Ezayii à ràm à kpaa lɛ: Ɓumɓɛ ɓɛ kaakààghà ɓi mɛ, ɓɛ ǹtulii ɓi mɛ̀, ǹki rèsɛn a ɓɛ̀roɓɛ ɓɛ tɔkà ɓi mɛ com.
21Wɔ̀lɛ ɓi san ànɛ a Isirayɛl, à kpaa lɛ: Bimiɗ à ŋwos, mɛ̀ɛ m̀mɛɛ̀ nàmnam kilɔ̀ŋ ki ki kii lɛ ki yaaghrɛ̀n ki ki ɓa ri ǹtoòtèɗ ɓyàg.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bafia Nouveau Testament © Bible Society of Cameroon, 2019.