MƐ̀KÌKÌÌ MƐ ƁƐKƐ̀NÌ-FÌTOM 26
26
Ɓìtòkì ɓi Pol ɓi mis mɛ Agiripa
1Nni Agiripa à kpaaghà Pol lɛ: Tì faa wɔ̀ ìtèɗ wulɛ, u kpaàsɛn. Fɔɔnnɛ Pol à nàmgà càg, à tumɛ̀n mɛ̀kpaà lɛ:
2Rìfòm Agiripa, ǹɗì rì kìnyàà lɛ nɗɛli gɛɛ̀nɛ ɓi mis mɔɔ, lɛ n-yɔm̀ ɓìɓan ɓi Ɓɛ̀yudɛ̀n ɓɛ ti ɓɛ sɔɔ̀sɔ̀mɛ̀n mɛ̀ miì 3ɓisuulɛ, ù yii ɓìsyɔ̀ɔ̀ ɓi Ɓɛ̀yudɛ̀n ɓìcèm lɛ syeesyee, rì ɓìɓan ɓi ɓi ti ɓi syogàg yì nyoey ɓi nyìinyìm wàà, fɔɔnnɛ m̀ɓɔ̀ŋzaagh wɔ̀ lɛ, u maàsi ǹɗem, u woòg kìtòkì kɛm̀.
4Ɓɛ̀yudɛ̀n ɓɛ̀cèm ɓɛ yii cɛɓ kɛ̀m, à tumɛ̀n di ǹkaka maa ŋwɔɓti, yɛ̀ɛ ǹghɛghɛɓi a Yorisalɛm ɓi kìlɔ̀ŋ kɛm̀. 5Ɓɛ yii mɛ̀ fìɗyàɓ, ɓaa ki rì lɛ, ɓɛ ɓa ɓɛ̀wusìnɛ̀ɗ ɓɛm di ɓɛ kɔnì, lɛ ǹghɛghɛ̀ɓkà yɛ̀ɛ Ɓɛ̀fàrìzyɛŋ ɓɛ ɓɛ ri ɓumɓɛ ɓɛ cìɓtaagh rìɓèŋ ɗi ɓisyɔ̀ɔ̀ ɓi ɓi rìgherɛ̀n ɗis. 6I ǹki rɛrɛlii gɛɛ̀nɛ ɓi ɓɛ̀yɔ̀m, ki ri ɓisuu ntyweeyi wu ɓi ǹkàg wu Bɛ̀ll à faghà ɓɛ̀seŋi ɓis. 7Nkàg wiǹ wɛɛ̀wu mɛ̀kuu mis mɛcèm ntɛ̀ɗ ɗì mɛɓɛɛ̀rɛn mɛ mɛɛ̀ ɓɔɔɓɔgsì Bɛ̀ll lɛ rì ìru rì ŋwos kɛ̀ɛ̀ rìfɔɛy, mɛ tyweetywèèyì lɛ wu ri ɓiì roni rìfòm, ɓisuu ntyweeyi wiǹ innɛ Ɓɛ̀yudɛ̀n ɓɛɛ̀ sɔmag mɛ. 8Ɓisuucɛ nnɛ mìniì teki nyoey lɛ Bɛ̀ll à yin lɛ à ghèmzì ɓìloŋ?
9Ɓi ɓɛg ànɛ a lɔ̀ŋkɛm̀ ǹfèfèkà lɛ, ki ghɛɛ̀sɛɛ lɛ nɗuù rì ɗii ɗi Yeesus ànɛ a Nazarɛt bee yicèm. 10Kìsay kiǹ kɛɛ̀ki ǹkìghà a Yorisalɛm lɛ mɛ̀ɛmiɗ m̀pìkà ɓɛ̀gherɛ̀n lɛɛ̀gwey ɓi naà-zày rì ìtèɗ wu ɓɛ̀pìrɛɛtìrɛ̀ ɓɛgwey ɓɛ faghà mɛ̀. Mɛ̀ɛ nki ti m̀ɓɛmdàg fèg wàà di ki kpaŋi lɛ ɓɛɛ wey ɓɛ̀gherɛ̀n. 11Mɛ̀ɛ nti m̀pɔnɔsàg ɓɔ ɓi naa yi bɔ̀ŋzɛ̀n yìcèm, ǹkàŋkaŋ ɓɔ lɛ, ɓɛɛ càɗ rìgherɛ̀n ɗyaa; bim yɛm̀ ìnɛ rì ɓɔ ì tèghɛ̀ngà lèg ànɛ lɛ, mɛ̀ɛ nti ǹkɛ̀ngàg ɓɔ ki ɓangii nsoò ɓi bàn yi tiràɓ.
Pol à rèsii yɛ̀ɛ à lɔ̀ɔ̀ghrɛ̀ngà ǹɗem
(Mkk. 9:1-19; 22:6-16)
12Fɔɔnnɛ ǹkɛ̀ngà ŋwos adɛŋ a Damas, di ɓɛ̀pìrɛɛtìrɛ̀ ɓɛgwey ɓɛɛ romi mɛ̀, ɓɛ fa mɛ̀ kaàtà lɛ, ɓɔɔ faa mɛ̀ ìtèɗ wulɛ nkɛǹ. 13Yɛ̀ɛ ǹkɛ̀nkɛ̀ngà di toroɓ à tiì rìfòm, fɔɔnnɛ ǹghɛngà di coo kitɛɛtɛn ki kii yì aɗyoo lɛ ŋwààɗ, ki yuis̀, ki ceŋzɛ̀n lɛ rì mɛ̀, rì ɓumɓɛ tì ɓaghà rì ɓɔ. 14Fɔɔnnɛ ɓìsi ɓɛ̀sɛ̀ɛ̀ ɓɛ̀cèm tì kpìlàkà ɓi zi, ǹwog min di jɛ̀ɛ̀ ìdɛŋ yɛ̀ɛ kakali mɛ ɓi rì èbìreegh lɛ: Sol wɔ̀ sol wɔ̀, ù yeeyeèsì mɛ̀ lɛ cɛ? Ki rì wɔ̀ ɓiì ɓaà ǹtɔɓ lɛ u kɛnkɛn asu, ù yaàghyààghrɛ̀n yɛ̀ɛ Sanìnya ànɛ à risii ɓi nkpas wu m̀ɓèŋì wìì. 15Nni ǹtɔkà nyi lɛ: Kan, wɔ̀ yɛɛ ri ghɛn? Kan à ɓàg mɛ̀ lɛ: Mɛ̀ yɛɛ ri Yeesus ànɛ u yeeyeèsì. 16Kìɓan kifog, pɛ̀sɛn aɗyoo, u rɛli mɛ̀rɛy lɛ kìɓan ki ǹɗèsɛɛ wɔ̀ miì ki ri lɛ, nkɔ̀nkɔn lɛ u ɓa ǹkìì-kìsay wɛm̀, ù ki ɓa wusìnɛ̀ɗ wɛ̀m lɛ u kakali ɓum yɛ̀ɛ wàa ghɛɛ mɛ̀ gɛɛ̀nɛ, ù rì ɓiì ki kakalii ti ɓɔ ɓìɓan ɓi ǹɗì wɔ̀ ɓiì rèsii ti. 17Ǹɗì ɓiì kàmɛɛ ri wɔ̀ ɓi nyìinyìm à Ɓɛ̀yudɛ̀n rì ɓi nyìinyìm à ɓìlɔ̀ŋ ɓizɛy ɓi ǹɗomi wɔ̀ wɔɔ, lɛ u ŋwàɗ ɓyɔ mis, 18di ɓyɛɛ pɛsɛn yì ɓi birìm, ɓyɛɛ yu ɓi kìtɛɛtɛn, ɓi leg yì ɓi rìlàmì ɗi Satàn, ɓi yuiy yɛ̀ɛ Bɛ̀ll, fɔɔnnɛ ɓɛ ri ɓiì kìi lɛ, i ɓɛ mɛ gherɛn mɛ, Bɛ̀ll à cenɛ̀n ɓɔ ɓìbe ɓyaa, à ki fa ɓɔ ìkɔ̀ɔ̀ ɓi ǹɗaŋ wu ɓum ɓii.
19Rìfòm Agiripa, fɔlɔɔ nnɛ ǹkìghà ɓi ɓɛ̀lɔg ɓi kìɓan ki ki resɛ̀ngày mɛ̀ kiǹ aɗyòò. 20Wɔ̀lɛ ǹka lokà kìkalii ɓumɓɛ a Damas ɓìɓan ɓi Bɛ̀ll, ǹkalì girig ɓumɓɛ a Yorisalɛm rì ɓɛ ɓi zi ì Zyude bimiɗ, à kpagì lɛ rì ɓumɓɛ ɓi ɓìlɔ̀ŋ ɓizɛy miì; ǹkpaakpààghà ɓɔ lɛ, ɓɛɛ lɔɔ̀ghrɛn mɛ̀rem, ɓɛɛ gherɛn Bɛ̀ll ɓɛ ki kì ɓiɓan ɓi ɓyɛɛ resi lɛ, cɛɓ kaa ki ti kìlɔ̀gtɛn. 21Kìɓan kiǹ kɛɛ̀ki Ɓɛ̀yudɛ̀n ɓɛ mɓani mɛ̀ miì ɓi naà-Bɛ̀ll, ɓɛ kɔǹ lɛ di ɓaa woli mɛ̀. 22Wɔ̀lɛ, rìɓèŋ ɗi Bɛ̀ll a ɓèŋɓeŋ mɛ, ɗyɛɛ kiì lɛ, m̀ɓaɓa ɓi cɛɓ à kpaŋ gɛɛ̀nɛ, fɔɔnnɛ ǹɗì fɛlɛ yɛ̀ɛ wusìnɛ̀ɗ ànɛ a kakali lɛ, rì ɓɔɓti, rì ɓɛ̀sɛ̀ɛ̀mɛn, ɓiɓan ɓii, kɛ̀ɛ ǹki sagti kiɓan kidɛŋ ɓi ɓìɓan ɓi ɓɛ̀kpaŋzì-ɓìɓan rì Moyis ɓɛ kpaaghà lɛ, ɓi ri ɓiì kìlɛɛ, 23ɓyɛɛ ri lɛ: Kiris à ghɛ̀ɛ̀sɛ̀ngà kìwiì, à ki ɓa ŋwaà ǹtonto ànɛ a ghemɓɛn yì a ɓìloŋ, à lòm kìtɛɛtɛn ɓi kìlɔ̀ŋ kis rì ɓi ɓìlɔ̀ŋ ɓimbog lɛ ɓyɛɛ yi lɛ ɓi ri ɓiì ɓaà rì cɛɓ.
24Yɛ̀ɛ Pol à kpaàkpààsɛ̀ngà fɔlɔɔ, nni Fɛstus à kpaaghà jɛ̀ɛ̀ aɗyoo lɛ: Pol, ù rì kìyèg, coo riyi ɗyɔɔ ɗi ɓiɓan ɗi ghaasii wɔ̀ kìyèg.
25Pol à pɛ̀ɛ̀zì nyi lɛ: Coo gìn i mum Fɛstus, ǹ-yin kiyèg, ɓìɓan ɓi nkpaakpàà ɓi ri ɓìɓan ɓi saaɗ, ɓi ki wooghrɛn, 26Rìfòm ɗi yii ɓìɓan ɓi fɔɔnnɛ nkakali nyi ɓyɔ lɛ fwàafwàày lɛ ǹkonaagh kì yiì lɛ à còmɛɛ ɓi kiɓan miì nsoò kìfog, ɓyɛ̀ kɛɛ̀ ki ɓa ɓiɓan ɓi ɓi kilɛ̀ngà a rìnyam. 27Rìfòm Agiripa, ù gherɛɛ nya ɓìɓan ɓi ɓɛ̀kpaŋzì-ɓìɓan ɓɛ kpaaghà? Mɛ̀ ǹ-yii lɛ, ù ghɛrɛɛ ɓyɔ̀.
28Nni Agiripa à kpaaghà Pol lɛ: Ki rɔɓi lɛsàg lɛ, u ki lɛ m̀ɓa kìristɛ̀n. 29Pol à ɓàg lɛ: Nsoò ki kilɛɛ ɓi fɔlɔɔ ɓigomìnɛ, rìkɔ̀n ɗyɛm̀ ɗi ri lɛ, nsoò gɛ fin, Bɛ̀ll a gherɛn lɛ rì wɔ̀, rì ɓum ɓɛ̀cèm ɓɛ ɓɛɛ̀ wowog ɓitòkì ɓyɛm̀ gɛɛ̀nɛ, ɓi ɓa ɓɛ̀gherɛ̀n yɛ̀ɛ mɛ̀, kìɓan kifog kɛ̀ ɓi ɓa ri ɓɛn yi mɛ̀ ǹɗì yi rì yɔ.
30Fɔɔnnɛ rìfòm, rì gɔmìnà, rì Berenis, rì ɓum ɓɛ̀cèm ɓɛ ɓɛ ɓaghà rì ɓɔ, ɓɛ pɛsɛ̀ngà aɗyoo, 31ɓɛ kɛǹ dwìɗ ɓɛ kpaakpàà wɔɔ ɓɔ rì ɓɔ lɛ: Ŋwaànɛ à kìi ɓi kiɓan ki ɓɛ ri lɛ ɓɛ wey nyi miì, nsoò lɛ ɓɛ foŋ nyi ɓi naà-zày. 32Nni Agiripa à kpaaghà Fɛstus lɛ, i kɛ̀ kɛɛ̀ ɓa lɛ ŋwaànɛ à tɔkà lɛ kìɓan kii kɛɛ kɛǹ yɛ̀ɛ Kaaza, di ɓɛ cari nyi.
ទើបបានជ្រើសរើសហើយ៖
MƐ̀KÌKÌÌ MƐ ƁƐKƐ̀NÌ-FÌTOM 26: BAFNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bafia Nouveau Testament © Bible Society of Cameroon, 2019.
MƐ̀KÌKÌÌ MƐ ƁƐKƐ̀NÌ-FÌTOM 26
26
Ɓìtòkì ɓi Pol ɓi mis mɛ Agiripa
1Nni Agiripa à kpaaghà Pol lɛ: Tì faa wɔ̀ ìtèɗ wulɛ, u kpaàsɛn. Fɔɔnnɛ Pol à nàmgà càg, à tumɛ̀n mɛ̀kpaà lɛ:
2Rìfòm Agiripa, ǹɗì rì kìnyàà lɛ nɗɛli gɛɛ̀nɛ ɓi mis mɔɔ, lɛ n-yɔm̀ ɓìɓan ɓi Ɓɛ̀yudɛ̀n ɓɛ ti ɓɛ sɔɔ̀sɔ̀mɛ̀n mɛ̀ miì 3ɓisuulɛ, ù yii ɓìsyɔ̀ɔ̀ ɓi Ɓɛ̀yudɛ̀n ɓìcèm lɛ syeesyee, rì ɓìɓan ɓi ɓi ti ɓi syogàg yì nyoey ɓi nyìinyìm wàà, fɔɔnnɛ m̀ɓɔ̀ŋzaagh wɔ̀ lɛ, u maàsi ǹɗem, u woòg kìtòkì kɛm̀.
4Ɓɛ̀yudɛ̀n ɓɛ̀cèm ɓɛ yii cɛɓ kɛ̀m, à tumɛ̀n di ǹkaka maa ŋwɔɓti, yɛ̀ɛ ǹghɛghɛɓi a Yorisalɛm ɓi kìlɔ̀ŋ kɛm̀. 5Ɓɛ yii mɛ̀ fìɗyàɓ, ɓaa ki rì lɛ, ɓɛ ɓa ɓɛ̀wusìnɛ̀ɗ ɓɛm di ɓɛ kɔnì, lɛ ǹghɛghɛ̀ɓkà yɛ̀ɛ Ɓɛ̀fàrìzyɛŋ ɓɛ ɓɛ ri ɓumɓɛ ɓɛ cìɓtaagh rìɓèŋ ɗi ɓisyɔ̀ɔ̀ ɓi ɓi rìgherɛ̀n ɗis. 6I ǹki rɛrɛlii gɛɛ̀nɛ ɓi ɓɛ̀yɔ̀m, ki ri ɓisuu ntyweeyi wu ɓi ǹkàg wu Bɛ̀ll à faghà ɓɛ̀seŋi ɓis. 7Nkàg wiǹ wɛɛ̀wu mɛ̀kuu mis mɛcèm ntɛ̀ɗ ɗì mɛɓɛɛ̀rɛn mɛ mɛɛ̀ ɓɔɔɓɔgsì Bɛ̀ll lɛ rì ìru rì ŋwos kɛ̀ɛ̀ rìfɔɛy, mɛ tyweetywèèyì lɛ wu ri ɓiì roni rìfòm, ɓisuu ntyweeyi wiǹ innɛ Ɓɛ̀yudɛ̀n ɓɛɛ̀ sɔmag mɛ. 8Ɓisuucɛ nnɛ mìniì teki nyoey lɛ Bɛ̀ll à yin lɛ à ghèmzì ɓìloŋ?
9Ɓi ɓɛg ànɛ a lɔ̀ŋkɛm̀ ǹfèfèkà lɛ, ki ghɛɛ̀sɛɛ lɛ nɗuù rì ɗii ɗi Yeesus ànɛ a Nazarɛt bee yicèm. 10Kìsay kiǹ kɛɛ̀ki ǹkìghà a Yorisalɛm lɛ mɛ̀ɛmiɗ m̀pìkà ɓɛ̀gherɛ̀n lɛɛ̀gwey ɓi naà-zày rì ìtèɗ wu ɓɛ̀pìrɛɛtìrɛ̀ ɓɛgwey ɓɛ faghà mɛ̀. Mɛ̀ɛ nki ti m̀ɓɛmdàg fèg wàà di ki kpaŋi lɛ ɓɛɛ wey ɓɛ̀gherɛ̀n. 11Mɛ̀ɛ nti m̀pɔnɔsàg ɓɔ ɓi naa yi bɔ̀ŋzɛ̀n yìcèm, ǹkàŋkaŋ ɓɔ lɛ, ɓɛɛ càɗ rìgherɛ̀n ɗyaa; bim yɛm̀ ìnɛ rì ɓɔ ì tèghɛ̀ngà lèg ànɛ lɛ, mɛ̀ɛ nti ǹkɛ̀ngàg ɓɔ ki ɓangii nsoò ɓi bàn yi tiràɓ.
Pol à rèsii yɛ̀ɛ à lɔ̀ɔ̀ghrɛ̀ngà ǹɗem
(Mkk. 9:1-19; 22:6-16)
12Fɔɔnnɛ ǹkɛ̀ngà ŋwos adɛŋ a Damas, di ɓɛ̀pìrɛɛtìrɛ̀ ɓɛgwey ɓɛɛ romi mɛ̀, ɓɛ fa mɛ̀ kaàtà lɛ, ɓɔɔ faa mɛ̀ ìtèɗ wulɛ nkɛǹ. 13Yɛ̀ɛ ǹkɛ̀nkɛ̀ngà di toroɓ à tiì rìfòm, fɔɔnnɛ ǹghɛngà di coo kitɛɛtɛn ki kii yì aɗyoo lɛ ŋwààɗ, ki yuis̀, ki ceŋzɛ̀n lɛ rì mɛ̀, rì ɓumɓɛ tì ɓaghà rì ɓɔ. 14Fɔɔnnɛ ɓìsi ɓɛ̀sɛ̀ɛ̀ ɓɛ̀cèm tì kpìlàkà ɓi zi, ǹwog min di jɛ̀ɛ̀ ìdɛŋ yɛ̀ɛ kakali mɛ ɓi rì èbìreegh lɛ: Sol wɔ̀ sol wɔ̀, ù yeeyeèsì mɛ̀ lɛ cɛ? Ki rì wɔ̀ ɓiì ɓaà ǹtɔɓ lɛ u kɛnkɛn asu, ù yaàghyààghrɛ̀n yɛ̀ɛ Sanìnya ànɛ à risii ɓi nkpas wu m̀ɓèŋì wìì. 15Nni ǹtɔkà nyi lɛ: Kan, wɔ̀ yɛɛ ri ghɛn? Kan à ɓàg mɛ̀ lɛ: Mɛ̀ yɛɛ ri Yeesus ànɛ u yeeyeèsì. 16Kìɓan kifog, pɛ̀sɛn aɗyoo, u rɛli mɛ̀rɛy lɛ kìɓan ki ǹɗèsɛɛ wɔ̀ miì ki ri lɛ, nkɔ̀nkɔn lɛ u ɓa ǹkìì-kìsay wɛm̀, ù ki ɓa wusìnɛ̀ɗ wɛ̀m lɛ u kakali ɓum yɛ̀ɛ wàa ghɛɛ mɛ̀ gɛɛ̀nɛ, ù rì ɓiì ki kakalii ti ɓɔ ɓìɓan ɓi ǹɗì wɔ̀ ɓiì rèsii ti. 17Ǹɗì ɓiì kàmɛɛ ri wɔ̀ ɓi nyìinyìm à Ɓɛ̀yudɛ̀n rì ɓi nyìinyìm à ɓìlɔ̀ŋ ɓizɛy ɓi ǹɗomi wɔ̀ wɔɔ, lɛ u ŋwàɗ ɓyɔ mis, 18di ɓyɛɛ pɛsɛn yì ɓi birìm, ɓyɛɛ yu ɓi kìtɛɛtɛn, ɓi leg yì ɓi rìlàmì ɗi Satàn, ɓi yuiy yɛ̀ɛ Bɛ̀ll, fɔɔnnɛ ɓɛ ri ɓiì kìi lɛ, i ɓɛ mɛ gherɛn mɛ, Bɛ̀ll à cenɛ̀n ɓɔ ɓìbe ɓyaa, à ki fa ɓɔ ìkɔ̀ɔ̀ ɓi ǹɗaŋ wu ɓum ɓii.
19Rìfòm Agiripa, fɔlɔɔ nnɛ ǹkìghà ɓi ɓɛ̀lɔg ɓi kìɓan ki ki resɛ̀ngày mɛ̀ kiǹ aɗyòò. 20Wɔ̀lɛ ǹka lokà kìkalii ɓumɓɛ a Damas ɓìɓan ɓi Bɛ̀ll, ǹkalì girig ɓumɓɛ a Yorisalɛm rì ɓɛ ɓi zi ì Zyude bimiɗ, à kpagì lɛ rì ɓumɓɛ ɓi ɓìlɔ̀ŋ ɓizɛy miì; ǹkpaakpààghà ɓɔ lɛ, ɓɛɛ lɔɔ̀ghrɛn mɛ̀rem, ɓɛɛ gherɛn Bɛ̀ll ɓɛ ki kì ɓiɓan ɓi ɓyɛɛ resi lɛ, cɛɓ kaa ki ti kìlɔ̀gtɛn. 21Kìɓan kiǹ kɛɛ̀ki Ɓɛ̀yudɛ̀n ɓɛ mɓani mɛ̀ miì ɓi naà-Bɛ̀ll, ɓɛ kɔǹ lɛ di ɓaa woli mɛ̀. 22Wɔ̀lɛ, rìɓèŋ ɗi Bɛ̀ll a ɓèŋɓeŋ mɛ, ɗyɛɛ kiì lɛ, m̀ɓaɓa ɓi cɛɓ à kpaŋ gɛɛ̀nɛ, fɔɔnnɛ ǹɗì fɛlɛ yɛ̀ɛ wusìnɛ̀ɗ ànɛ a kakali lɛ, rì ɓɔɓti, rì ɓɛ̀sɛ̀ɛ̀mɛn, ɓiɓan ɓii, kɛ̀ɛ ǹki sagti kiɓan kidɛŋ ɓi ɓìɓan ɓi ɓɛ̀kpaŋzì-ɓìɓan rì Moyis ɓɛ kpaaghà lɛ, ɓi ri ɓiì kìlɛɛ, 23ɓyɛɛ ri lɛ: Kiris à ghɛ̀ɛ̀sɛ̀ngà kìwiì, à ki ɓa ŋwaà ǹtonto ànɛ a ghemɓɛn yì a ɓìloŋ, à lòm kìtɛɛtɛn ɓi kìlɔ̀ŋ kis rì ɓi ɓìlɔ̀ŋ ɓimbog lɛ ɓyɛɛ yi lɛ ɓi ri ɓiì ɓaà rì cɛɓ.
24Yɛ̀ɛ Pol à kpaàkpààsɛ̀ngà fɔlɔɔ, nni Fɛstus à kpaaghà jɛ̀ɛ̀ aɗyoo lɛ: Pol, ù rì kìyèg, coo riyi ɗyɔɔ ɗi ɓiɓan ɗi ghaasii wɔ̀ kìyèg.
25Pol à pɛ̀ɛ̀zì nyi lɛ: Coo gìn i mum Fɛstus, ǹ-yin kiyèg, ɓìɓan ɓi nkpaakpàà ɓi ri ɓìɓan ɓi saaɗ, ɓi ki wooghrɛn, 26Rìfòm ɗi yii ɓìɓan ɓi fɔɔnnɛ nkakali nyi ɓyɔ lɛ fwàafwàày lɛ ǹkonaagh kì yiì lɛ à còmɛɛ ɓi kiɓan miì nsoò kìfog, ɓyɛ̀ kɛɛ̀ ki ɓa ɓiɓan ɓi ɓi kilɛ̀ngà a rìnyam. 27Rìfòm Agiripa, ù gherɛɛ nya ɓìɓan ɓi ɓɛ̀kpaŋzì-ɓìɓan ɓɛ kpaaghà? Mɛ̀ ǹ-yii lɛ, ù ghɛrɛɛ ɓyɔ̀.
28Nni Agiripa à kpaaghà Pol lɛ: Ki rɔɓi lɛsàg lɛ, u ki lɛ m̀ɓa kìristɛ̀n. 29Pol à ɓàg lɛ: Nsoò ki kilɛɛ ɓi fɔlɔɔ ɓigomìnɛ, rìkɔ̀n ɗyɛm̀ ɗi ri lɛ, nsoò gɛ fin, Bɛ̀ll a gherɛn lɛ rì wɔ̀, rì ɓum ɓɛ̀cèm ɓɛ ɓɛɛ̀ wowog ɓitòkì ɓyɛm̀ gɛɛ̀nɛ, ɓi ɓa ɓɛ̀gherɛ̀n yɛ̀ɛ mɛ̀, kìɓan kifog kɛ̀ ɓi ɓa ri ɓɛn yi mɛ̀ ǹɗì yi rì yɔ.
30Fɔɔnnɛ rìfòm, rì gɔmìnà, rì Berenis, rì ɓum ɓɛ̀cèm ɓɛ ɓɛ ɓaghà rì ɓɔ, ɓɛ pɛsɛ̀ngà aɗyoo, 31ɓɛ kɛǹ dwìɗ ɓɛ kpaakpàà wɔɔ ɓɔ rì ɓɔ lɛ: Ŋwaànɛ à kìi ɓi kiɓan ki ɓɛ ri lɛ ɓɛ wey nyi miì, nsoò lɛ ɓɛ foŋ nyi ɓi naà-zày. 32Nni Agiripa à kpaaghà Fɛstus lɛ, i kɛ̀ kɛɛ̀ ɓa lɛ ŋwaànɛ à tɔkà lɛ kìɓan kii kɛɛ kɛǹ yɛ̀ɛ Kaaza, di ɓɛ cari nyi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bafia Nouveau Testament © Bible Society of Cameroon, 2019.