MƐ̀KÌKÌÌ MƐ ƁƐKƐ̀NÌ-FÌTOM 24
24
Sɔmìnà ànɛ Ɓɛ̀yudɛ̀n ɓɛ Sɔmɛɛ Pol, yɛ̀ɛ gɔmìnà ànɛ lɛ Felis
1Ajɛ̀m ì mɛ̀ru mɛtaǹ, nni pìrɛɛtìrɛ̀ àgwey ànɛ lɛ Ananyas à sɛngày a Sezare, ǹɗaŋ rì ɓɛ̀sɛ̀ɛ̀mɛn ɓɛ Ɓɛ̀yudɛ̀n ɓɛdɛŋ, rì loyà àdɛŋ ɗii lɛ Tɛrityul. Fɔɔnnɛ ɓɛ sɔmɛ̀ngà Pol rì gɔmìnà.
2Nni ɓɛ reŋìghày Pol, Tɛrityul à tumɛ̀n rìkpaa ɗi kiɓan ǹŋwèe lɛ:
3Gɔmìnà àgwey, coo syeesyee wɔ̀ɔ̀ a rìkɛ̀ɛ̀kɛ̀ɛ̀sì, rì nyɔɔnyɔn à rìwòŋzì ɗi ɓiɓan anɛ ù mɛ wòŋzì ɓi kìrɔɔ ki kilɔ̀ŋ kis, ɓi mɛ kì lɛ, ti ɓa rì fyòoog, tì ki nyàanyaàrɛ̀n rì ɓɛ̀syeesyee ɓɛ ɓiɓan ɓɛǹ ɓyààmɛ̀n ɓìcèm, jàŋbimiɗ, tì ki fafa ti wɔ̀ ɓìtògsɛ̀n. 4Ɓi ɗi lɛ tyɛ̀ ki ɓiisɛn wɔ kìyeesii, m̀ɓɔ̀ŋzii wɔ̀ lɛ, u ram̀ mɛ̀reè, u wog kìɓan ki nkìki lɛ ǹɗesi wɔ̀ kìden lɛ cɔs. 5Tìi ǹghɛɛ lɛ ŋwaànɛ à rì fìɓàg, a ɓiighɓigtì kìyoòyòò ɓi nyìinyìm à Ɓɛ̀yudɛ̀n ɓi Zi bimiɗ. Nnyɛɛ ki rìtì rìfòm ɗi righerɛ̀n ɗi nyɔn ɗi ɓumɓɛ a Nazarɛt. 6Àa mɛɛ̀ kì gi lɛ, a yogsi rìɓa ɗi naà-Bɛ̀ll yìs, ɗi ì rì kìcèlì nni tìi mɓani nyi, tì fèg lɛ ti yɔmzi nyi ɓi ɓìdɔ̀gsɛna ɓis. 7Kìɓan kifog, ǹkɔ̀mɛ̀n ɓɛ̀sujàà àgwey ànɛ lɛ Lizyas, àa n-yùu yì rì coo kigùg, à ɓàtɛ̀n nyi ɓi ɓyàg ɓis, 8à ki kpaa lɛ, ɓumɓɛ anɛ̀n ɓɛ kiɓan, ɓɛn ɓɛɛ yuiy fɛ a lɔ̀ŋkɔɔ; yɛ̀ɛ ù rì nyi ɓiì tɔɔ̀gh mɛ̀tɔɔ́ghtɔɔgh, nnɛ wɛ̀ɛmiɗ ù rì ɓiì ghɛɛ̀ saaɗ ànɛ ɓi ɓìɓan ɓi tì sɔmɛɛ nyi ɓi miì.
9Ɓɛ̀yudɛ̀n ɓɛ ɓɛm̀dɛ̀ngà rìkpaa ɗi Tɛrityul ɗiǹ, ɓɛ kpaa lɛ fɔlɔɔ nnɛ kiǹ ki nɗì.
Pol à kpaasɛɛ rì Ɓɛ̀yudɛ̀n ɓi mis mɛ gɔmìnà ànɛ lɛ Felis
10Nni gɔmìnà à reɓsìghà Pol rì càg lɛ, ànɛ̀n a toòghrɛn, fɔɔnnɛ à kpaaghà min lɛ:
Mɛ̀ ǹ-yii lɛ ki mɛ finɛn bàlì yi bèg, yɛ̀ɛ waà yɔ̀myɔ̀m ɓìɓan fɛ ɓi kìlɔ̀ŋ kis, fɔɔnnɛ ǹɗì rì ǹtyweeyi ɓi nɗem ɓi kìɓan kɛm̀ yɛ̀ɛ ǹti ɓiì kpaasɛɛ lɛ. 11Ù rì lɛ ù tɔg rì ɓum ɓɛdɛŋ ǹkòo ki mɛ cee mɛru ntɛ̀ɗ rì mɛɓɛɛ̀, yɛ̀ɛ mɛ̀ɛ mɓɔɔgh a Yorisalɛm lɛ mɓɔgsi Bɛ̀ll. 12Fɔɔnnɛ nsoò ɓi naà-Bɛ̀ll, nsoò ɓi naa yi bɔ̀ŋzɛ̀n, nsoò ɓi bàn, ŋwaàdɛŋ à tanɛɛ ɓi mɛ di ǹnyoonyolɛ̀n rì ɓum, nsoò; 13ɓumɓɛ ɓɛ ri ɓɛ, ɓɛ yin ɗi kìɓan kidɛŋ ki ɓɛ ri lɛ ɓɛ ɓaàzì sɔmìnà wàà miì yɛ̀ɛ ɓɛ rɛrɛlii lɔ̀ɔ̀. 14Kìɓan ki mɛ̀ ǹ-yii ki ri lɛ, nkìki Bɛ̀ll à ɓɛ̀seŋi ɓis kisay ɓi bee inɛ ɓɔɔ̀ rereŋi lɛ rìgherɛ̀n ɗi nyɔ̀n. Ǹgherɛɛ ɓìɓan ɓìcèm ɓi ɓi ri ɓi kaàtà à ɓìdɔ̀gsɛna ɓis, rì ɓi ɓɛ̀kpaŋzì-ɓìɓan ɓɛ kangà; 15ǹɗi rì dyàɓɛn yɛ̀ɛ Bɛ̀ll, nsoò ɓɔ girig, lɛ ɓumɓɛ ɓɛ ri lɛ saaɗ, nsoò ɓɛ ɓɛ yin lɛ saaɗ, ɓɛ ri ɓiì ghèmɓɛɛ ŋwosi righèmɓɛ̀n ɗi ɓilòŋ. 16Kìɓan kin kɛɛ̀ki mɛ̀ girig ntèeteèsì nyoo ɓyààmɛ̀n ɓìcèm lɛ, ǹɗem wɛ̀m wɛɛ ɓa kɛ̀ɛ̀ bɛ̀lɛn ɓi mis mɛ Bɛ̀ll, rì ɓi mis mɛ ɓum. 17Di ki mɛ finɛn bèg lɛɛ̀gwey yɛ̀ɛ ǹghaghìghà, nnɛ mɛ̀ɛ n-yùu rì ɓyom lɛ nkaɓsag rì ɓumɓɛ nyìighnyìg ɓɛ ɓi kìlɔ̀ŋ kɛm̀, ǹki fùnɛn ɓituwe ɓi rìɓɔgsì ɗi Bɛ̀ll. 18Nni fɔɔnnɛ ɓɛ ntanɛɛ mɛ̀ ɓi naà-Bɛ̀ll di ǹti ɓiì lègsii zòghɛ̀n yɛ̀m, nsoò cììba ki ɓum, nsoò kìyoòyòò, com ɗì com ki n-yìn. 19Kìɓan kifog, Ɓɛ̀yudɛ̀n ɓɛdɛŋ ɓɛ a Azii ɓɔ yɛɛ nghɛ̀ɛ̀sɛɛ mɛ̀ kì yùu ki sɔmɛɛ a lɔ̀ŋkɔɔ, di ɓɛ nki rì lɛ, ɓɛ ɓa rì kìɓan ki ɓɛɛ cɔɓɛn ɓɛ raɗ ɗì mɛ̀. 20I ki yin fɔlɔɔ, ɓumɓɛ ɓɛɛ kali min kiɓan kiɓeɓtɛn ki ɓɛ nghɛɛ lɛ ǹkìi ŋwos anɛ ɓɛ n-yɔ̀mzii mɛ̀ ɓi Sànèdìrɛŋ. 21I ki cee ɓi lɛ, jɛ̀ɛ̀ ìnɛ mɛ̀ɛ nkalii ɓi nyìinyìm wàà lɛ: M̀mɛ rɛli ɓɛyɔ̀m gɛɛ̀nɛ ɓi mis min lɛ, kìɓan ki righèmɓɛ̀n ɗi ɓiloŋ wa?
22Fɔɔnnɛ Felis ànɛ à konàkà kì yiì kìɓan ki ɓi dɔgtɛ̀n ìnɛn, à pɛ̀ɛ̀zìghà kìɓan rijɛ̀m à kpaa ɓɔ lɛ: Ǹɗì ɓiì yɔ̀mi kiɓan kin di ǹkɔ̀mɛ̀n ɓɛ̀sujàà àgwey ànɛ lɛ Lizyas à mɛ kpaŋ fɛ. 23Nni à reɓsìghà ǹkɔ̀mɛ̀n ɓɛ̀sùjàà àsàg lɛ, a pɛɛ̀zi Pol ɓi naà-zày, ɓɛ̀ kɛɛ̀ ɓiisɛn nyi kìɓèŋɓeŋi, ɓɛ kɛɛ̀ ki règ ɓum ɓii lɛ ɓɛɛ ghɛɛ̀ghɛ̀ɓsì nyi.
24Yɛ̀ɛ̀ ɓɔɔ mɛru ɓɛ ghaghìghà, Felis à yùy ɓɛɛ̀ giy anɛ lɛ Durusil, ànɛ à ɓaghà gɔ̀n ì Ɓɛ̀yudɛ̀n, nni à kpaaghà lɛ ɓɛɛ regiì nyi Pol. Nni Pol à kpaaghà nyi kìɓan ki ki seesee ǹtyweeyi wu ɓi Kiris Yeesus. 25Wɔ̀lɛ yɛ̀ɛ ɓìtòkì ɓi ɓaghà di ɓyaa kɛ̀n ki kòmi saaɗ ànɛ a kɔ̀ngi Bɛ̀ll, rì rìɓan ɗi ǹɗem ɗi lɛ mum kɛ̀ɛ kì ɓiɓan ɓi ɓeɓtɛn, rì yɛ̀ɛ Bɛ̀ll à ri ren ɓum ɓìɓan, nni Felis à risìghà, à kpaa lɛ: Ɓigomìnɛ ù rì lɛ, ù ka sugtì, ǹɗì wɔ̀ ɓiì regii ti di ǹghɛɛ kìrɔŋiɗ. 26À mììmìngàkà tìtyɛɛ̀ lɛ Pol à rì nyi ɓiì faà mɔ̀ɔ̀ni. Fɔɔnnɛ à kìkìghà lɛ, rì ŋwos rì ŋwos à reŋì nyi lɛ ɓɛɛ tokì.
27Yɛ̀ɛ bèg yi ghaghìghà yiɓɛɛ̀, nni ɓɛ romgày gɔmìnà àdɛŋ ɗii lɛ Pɔrisyus-Fɛstus ɓi-kɔ̀ɔ̀ wu Felis. Yɛ̀ɛ Felis à kɔ̀nkɔ̀ngà lɛ a puɓsi Ɓɛ̀yudɛ̀n ǹɗem, nni à càɗkà Pol ɓi naà-zày.
ទើបបានជ្រើសរើសហើយ៖
MƐ̀KÌKÌÌ MƐ ƁƐKƐ̀NÌ-FÌTOM 24: BAFNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bafia Nouveau Testament © Bible Society of Cameroon, 2019.
MƐ̀KÌKÌÌ MƐ ƁƐKƐ̀NÌ-FÌTOM 24
24
Sɔmìnà ànɛ Ɓɛ̀yudɛ̀n ɓɛ Sɔmɛɛ Pol, yɛ̀ɛ gɔmìnà ànɛ lɛ Felis
1Ajɛ̀m ì mɛ̀ru mɛtaǹ, nni pìrɛɛtìrɛ̀ àgwey ànɛ lɛ Ananyas à sɛngày a Sezare, ǹɗaŋ rì ɓɛ̀sɛ̀ɛ̀mɛn ɓɛ Ɓɛ̀yudɛ̀n ɓɛdɛŋ, rì loyà àdɛŋ ɗii lɛ Tɛrityul. Fɔɔnnɛ ɓɛ sɔmɛ̀ngà Pol rì gɔmìnà.
2Nni ɓɛ reŋìghày Pol, Tɛrityul à tumɛ̀n rìkpaa ɗi kiɓan ǹŋwèe lɛ:
3Gɔmìnà àgwey, coo syeesyee wɔ̀ɔ̀ a rìkɛ̀ɛ̀kɛ̀ɛ̀sì, rì nyɔɔnyɔn à rìwòŋzì ɗi ɓiɓan anɛ ù mɛ wòŋzì ɓi kìrɔɔ ki kilɔ̀ŋ kis, ɓi mɛ kì lɛ, ti ɓa rì fyòoog, tì ki nyàanyaàrɛ̀n rì ɓɛ̀syeesyee ɓɛ ɓiɓan ɓɛǹ ɓyààmɛ̀n ɓìcèm, jàŋbimiɗ, tì ki fafa ti wɔ̀ ɓìtògsɛ̀n. 4Ɓi ɗi lɛ tyɛ̀ ki ɓiisɛn wɔ kìyeesii, m̀ɓɔ̀ŋzii wɔ̀ lɛ, u ram̀ mɛ̀reè, u wog kìɓan ki nkìki lɛ ǹɗesi wɔ̀ kìden lɛ cɔs. 5Tìi ǹghɛɛ lɛ ŋwaànɛ à rì fìɓàg, a ɓiighɓigtì kìyoòyòò ɓi nyìinyìm à Ɓɛ̀yudɛ̀n ɓi Zi bimiɗ. Nnyɛɛ ki rìtì rìfòm ɗi righerɛ̀n ɗi nyɔn ɗi ɓumɓɛ a Nazarɛt. 6Àa mɛɛ̀ kì gi lɛ, a yogsi rìɓa ɗi naà-Bɛ̀ll yìs, ɗi ì rì kìcèlì nni tìi mɓani nyi, tì fèg lɛ ti yɔmzi nyi ɓi ɓìdɔ̀gsɛna ɓis. 7Kìɓan kifog, ǹkɔ̀mɛ̀n ɓɛ̀sujàà àgwey ànɛ lɛ Lizyas, àa n-yùu yì rì coo kigùg, à ɓàtɛ̀n nyi ɓi ɓyàg ɓis, 8à ki kpaa lɛ, ɓumɓɛ anɛ̀n ɓɛ kiɓan, ɓɛn ɓɛɛ yuiy fɛ a lɔ̀ŋkɔɔ; yɛ̀ɛ ù rì nyi ɓiì tɔɔ̀gh mɛ̀tɔɔ́ghtɔɔgh, nnɛ wɛ̀ɛmiɗ ù rì ɓiì ghɛɛ̀ saaɗ ànɛ ɓi ɓìɓan ɓi tì sɔmɛɛ nyi ɓi miì.
9Ɓɛ̀yudɛ̀n ɓɛ ɓɛm̀dɛ̀ngà rìkpaa ɗi Tɛrityul ɗiǹ, ɓɛ kpaa lɛ fɔlɔɔ nnɛ kiǹ ki nɗì.
Pol à kpaasɛɛ rì Ɓɛ̀yudɛ̀n ɓi mis mɛ gɔmìnà ànɛ lɛ Felis
10Nni gɔmìnà à reɓsìghà Pol rì càg lɛ, ànɛ̀n a toòghrɛn, fɔɔnnɛ à kpaaghà min lɛ:
Mɛ̀ ǹ-yii lɛ ki mɛ finɛn bàlì yi bèg, yɛ̀ɛ waà yɔ̀myɔ̀m ɓìɓan fɛ ɓi kìlɔ̀ŋ kis, fɔɔnnɛ ǹɗì rì ǹtyweeyi ɓi nɗem ɓi kìɓan kɛm̀ yɛ̀ɛ ǹti ɓiì kpaasɛɛ lɛ. 11Ù rì lɛ ù tɔg rì ɓum ɓɛdɛŋ ǹkòo ki mɛ cee mɛru ntɛ̀ɗ rì mɛɓɛɛ̀, yɛ̀ɛ mɛ̀ɛ mɓɔɔgh a Yorisalɛm lɛ mɓɔgsi Bɛ̀ll. 12Fɔɔnnɛ nsoò ɓi naà-Bɛ̀ll, nsoò ɓi naa yi bɔ̀ŋzɛ̀n, nsoò ɓi bàn, ŋwaàdɛŋ à tanɛɛ ɓi mɛ di ǹnyoonyolɛ̀n rì ɓum, nsoò; 13ɓumɓɛ ɓɛ ri ɓɛ, ɓɛ yin ɗi kìɓan kidɛŋ ki ɓɛ ri lɛ ɓɛ ɓaàzì sɔmìnà wàà miì yɛ̀ɛ ɓɛ rɛrɛlii lɔ̀ɔ̀. 14Kìɓan ki mɛ̀ ǹ-yii ki ri lɛ, nkìki Bɛ̀ll à ɓɛ̀seŋi ɓis kisay ɓi bee inɛ ɓɔɔ̀ rereŋi lɛ rìgherɛ̀n ɗi nyɔ̀n. Ǹgherɛɛ ɓìɓan ɓìcèm ɓi ɓi ri ɓi kaàtà à ɓìdɔ̀gsɛna ɓis, rì ɓi ɓɛ̀kpaŋzì-ɓìɓan ɓɛ kangà; 15ǹɗi rì dyàɓɛn yɛ̀ɛ Bɛ̀ll, nsoò ɓɔ girig, lɛ ɓumɓɛ ɓɛ ri lɛ saaɗ, nsoò ɓɛ ɓɛ yin lɛ saaɗ, ɓɛ ri ɓiì ghèmɓɛɛ ŋwosi righèmɓɛ̀n ɗi ɓilòŋ. 16Kìɓan kin kɛɛ̀ki mɛ̀ girig ntèeteèsì nyoo ɓyààmɛ̀n ɓìcèm lɛ, ǹɗem wɛ̀m wɛɛ ɓa kɛ̀ɛ̀ bɛ̀lɛn ɓi mis mɛ Bɛ̀ll, rì ɓi mis mɛ ɓum. 17Di ki mɛ finɛn bèg lɛɛ̀gwey yɛ̀ɛ ǹghaghìghà, nnɛ mɛ̀ɛ n-yùu rì ɓyom lɛ nkaɓsag rì ɓumɓɛ nyìighnyìg ɓɛ ɓi kìlɔ̀ŋ kɛm̀, ǹki fùnɛn ɓituwe ɓi rìɓɔgsì ɗi Bɛ̀ll. 18Nni fɔɔnnɛ ɓɛ ntanɛɛ mɛ̀ ɓi naà-Bɛ̀ll di ǹti ɓiì lègsii zòghɛ̀n yɛ̀m, nsoò cììba ki ɓum, nsoò kìyoòyòò, com ɗì com ki n-yìn. 19Kìɓan kifog, Ɓɛ̀yudɛ̀n ɓɛdɛŋ ɓɛ a Azii ɓɔ yɛɛ nghɛ̀ɛ̀sɛɛ mɛ̀ kì yùu ki sɔmɛɛ a lɔ̀ŋkɔɔ, di ɓɛ nki rì lɛ, ɓɛ ɓa rì kìɓan ki ɓɛɛ cɔɓɛn ɓɛ raɗ ɗì mɛ̀. 20I ki yin fɔlɔɔ, ɓumɓɛ ɓɛɛ kali min kiɓan kiɓeɓtɛn ki ɓɛ nghɛɛ lɛ ǹkìi ŋwos anɛ ɓɛ n-yɔ̀mzii mɛ̀ ɓi Sànèdìrɛŋ. 21I ki cee ɓi lɛ, jɛ̀ɛ̀ ìnɛ mɛ̀ɛ nkalii ɓi nyìinyìm wàà lɛ: M̀mɛ rɛli ɓɛyɔ̀m gɛɛ̀nɛ ɓi mis min lɛ, kìɓan ki righèmɓɛ̀n ɗi ɓiloŋ wa?
22Fɔɔnnɛ Felis ànɛ à konàkà kì yiì kìɓan ki ɓi dɔgtɛ̀n ìnɛn, à pɛ̀ɛ̀zìghà kìɓan rijɛ̀m à kpaa ɓɔ lɛ: Ǹɗì ɓiì yɔ̀mi kiɓan kin di ǹkɔ̀mɛ̀n ɓɛ̀sujàà àgwey ànɛ lɛ Lizyas à mɛ kpaŋ fɛ. 23Nni à reɓsìghà ǹkɔ̀mɛ̀n ɓɛ̀sùjàà àsàg lɛ, a pɛɛ̀zi Pol ɓi naà-zày, ɓɛ̀ kɛɛ̀ ɓiisɛn nyi kìɓèŋɓeŋi, ɓɛ kɛɛ̀ ki règ ɓum ɓii lɛ ɓɛɛ ghɛɛ̀ghɛ̀ɓsì nyi.
24Yɛ̀ɛ̀ ɓɔɔ mɛru ɓɛ ghaghìghà, Felis à yùy ɓɛɛ̀ giy anɛ lɛ Durusil, ànɛ à ɓaghà gɔ̀n ì Ɓɛ̀yudɛ̀n, nni à kpaaghà lɛ ɓɛɛ regiì nyi Pol. Nni Pol à kpaaghà nyi kìɓan ki ki seesee ǹtyweeyi wu ɓi Kiris Yeesus. 25Wɔ̀lɛ yɛ̀ɛ ɓìtòkì ɓi ɓaghà di ɓyaa kɛ̀n ki kòmi saaɗ ànɛ a kɔ̀ngi Bɛ̀ll, rì rìɓan ɗi ǹɗem ɗi lɛ mum kɛ̀ɛ kì ɓiɓan ɓi ɓeɓtɛn, rì yɛ̀ɛ Bɛ̀ll à ri ren ɓum ɓìɓan, nni Felis à risìghà, à kpaa lɛ: Ɓigomìnɛ ù rì lɛ, ù ka sugtì, ǹɗì wɔ̀ ɓiì regii ti di ǹghɛɛ kìrɔŋiɗ. 26À mììmìngàkà tìtyɛɛ̀ lɛ Pol à rì nyi ɓiì faà mɔ̀ɔ̀ni. Fɔɔnnɛ à kìkìghà lɛ, rì ŋwos rì ŋwos à reŋì nyi lɛ ɓɛɛ tokì.
27Yɛ̀ɛ bèg yi ghaghìghà yiɓɛɛ̀, nni ɓɛ romgày gɔmìnà àdɛŋ ɗii lɛ Pɔrisyus-Fɛstus ɓi-kɔ̀ɔ̀ wu Felis. Yɛ̀ɛ Felis à kɔ̀nkɔ̀ngà lɛ a puɓsi Ɓɛ̀yudɛ̀n ǹɗem, nni à càɗkà Pol ɓi naà-zày.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bafia Nouveau Testament © Bible Society of Cameroon, 2019.