នាងរស់ ពាក្យលំនាំ
ពាក្យលំនាំ
កណ្ឌគម្ពីរ «នាងរស់» រៀបរាប់អំពីរឿងដែលកើតមាននៅជំនាន់ពួកចៅហ្វាយ (១.១)ក្នុងគោលបំណងបង្ហាញនូវរបៀបដែលស្ត្រីមួយរូបជាសាសន៍ដទៃ បានមកចូលរួមក្នុងប្រជារាស្ដ្ររបស់ព្រះជាម្ចាស់។
កណ្ឌគម្ពីរនេះសង្កត់ទៅលើភក្ដីភាពរបស់នាងរស់ ដែលជាស្ត្រីសាសន៍ម៉ូអាប់ ចំពោះក្រុមគ្រួសារប្ដីរបស់នាង និងភក្ដីភាពរបស់នាងចំពោះព្រះនៃជនជាតិអ៊ីស្រាអែល។ ព្រះជាម្ចាស់ឆ្លើយតបនឹងភក្ដីភាពរបស់នាង ដោយស្រោចស្រង់នាង និងម្ដាយក្មេករបស់នាង ឲ្យរួចផុតពីភាពកម្សត់ទុគ៌ត ហើយប្រោសប្រទានឲ្យនាងបានសម្បូណ៌សប្បាយ និងមានសុភមង្គល។ កណ្ឌគម្ពីរនេះនាំយកមេរៀនដ៏វិសេសមកអប់រំយើង អំពីភក្ដីភាពរវាងមនុស្ស និងមនុស្ស ព្រមទាំងការទុកចិត្តលើព្រះជាម្ចាស់។
កំណើតកូនប្រុសរបស់នាងរស់ជាចំណុចមួយដ៏សំខាន់ក្នុងរឿងនេះ ព្រោះក្រោយមក កូនប្រុសរបស់នាងត្រូវជាជីតារបស់ព្រះបាទដាវីឌ។ ហេតុនេះហើយបានជានាងរស់មានឈ្មោះនៅក្នុងបញ្ជីរាយនាមបុព្វបុរសរបស់ព្រះយេស៊ូ (ម៉ាថាយ ១.៥)។
ទើបបានជ្រើសរើសហើយ៖
នាងរស់ ពាក្យលំនាំ: គខប
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Khmer Standard Version © 2005 United Bible Societies.