រ៉ូម 5:1-5 ដូច្នេះ ដោយព្រះ‌ជា‌ម្ចាស់ប្រោសយើងឲ្យសុចរិត ព្រោះតែយើងមានជំនឿ យើងក៏មានសន្តិ‌ភាពជាមួយនឹងព្រះអង្គ តាមរយៈព្រះ‌យេស៊ូ‌គ្រិស្ត ជាអម្ចាស់នៃយើងដែរ។ ដោយសារព្រះ‌គ្រិស្ត និងដោយ‌សារជំនឿ យ | ព្រះគម្ពីរភាសាខ្មែរបច្ចុប្បន្ន ២០០៥ (គខប)

រ៉ូម 5:1-5 គខប

ដូច្នេះ ដោយព្រះ‌ជា‌ម្ចាស់ប្រោសយើងឲ្យសុចរិត ព្រោះតែយើងមានជំនឿ យើងក៏មានសន្តិ‌ភាពជាមួយនឹងព្រះអង្គ តាមរយៈព្រះ‌យេស៊ូ‌គ្រិស្ត ជាអម្ចាស់នៃយើងដែរ។ ដោយសារព្រះ‌គ្រិស្ត និងដោយ‌សារជំនឿ យើងមានមាគ៌ាចូលទៅកាន់ជីវិតថ្មី ហើយយើងក៏ស្ថិតនៅក្នុងជីវិតថ្មីនេះយ៉ាងខ្ជាប់ខ្ជួនទាំងខ្ពស់មុខ ដោយសង្ឃឹមថានឹងបានទទួលសិរី‌រុងរឿងរបស់ព្រះ‌ជា‌ម្ចាស់។ មិនតែប៉ុណ្ណោះសោត នៅពេលយើងរងទុក្ខវេទនា យើងនៅតែខ្ពស់មុខដដែល ព្រោះយើងដឹងថា ទុក្ខវេទនានឹងនាំឲ្យយើងចេះអត់‌ធ្មត់ ការអត់‌ធ្មត់នាំឲ្យយើងចេះស៊ូ‌ទ្រាំ ហើយការស៊ូ‌ទ្រាំនាំឲ្យយើងមានសេចក្ដីសង្ឃឹម។ សេចក្ដីសង្ឃឹមមិនធ្វើឲ្យយើងខកចិត្តឡើយ ព្រោះព្រះ‌ជា‌ម្ចាស់បានចាក់បង្ហូរព្រះ‌ហឫទ័យស្រឡាញ់របស់ព្រះអង្គមកក្នុងចិត្តយើង ដោយប្រទានព្រះ‌វិញ្ញាណដ៏វិសុទ្ធមកយើង។

អាន រ៉ូម 5

ស្ដាប់នូវ រ៉ូម 5