វិវរណៈ 19:11-16 បន្ទាប់មក ខ្ញុំឃើញផ្ទៃមេឃបើកចំហ ហើយឃើញសេះសមួយលេចមក។ ព្រះអង្គដែលគង់នៅលើសេះនោះ មានព្រះ‌នាមថា «ព្រះដ៏ស្មោះត្រង់ ព្រះដ៏ពិតប្រាកដ» ព្រះអង្គវិនិច្ឆ័យ និងច្បាំងប្រកបដោយយុត្តិធម | ព្រះគម្ពីរភាសាខ្មែរបច្ចុប្បន្ន ២០០៥ (គខប)

វិវរណៈ 19:11-16 គខប

បន្ទាប់មក ខ្ញុំឃើញផ្ទៃមេឃបើកចំហ ហើយឃើញសេះសមួយលេចមក។ ព្រះអង្គដែលគង់នៅលើសេះនោះ មានព្រះ‌នាមថា «ព្រះដ៏ស្មោះត្រង់ ព្រះដ៏ពិតប្រាកដ» ព្រះអង្គវិនិច្ឆ័យ និងច្បាំងប្រកបដោយយុត្តិធម៌។ ព្រះអង្គមានព្រះ‌នេត្រដូចអណ្ដាតភ្លើង ហើយមានមកុដជាច្រើននៅលើព្រះ‌សិរសាផង។ នៅលើព្រះ‌កាយព្រះអង្គមានសរសេរព្រះ‌នាមមួយ ក្រៅពីព្រះអង្គ គ្មាននរណាស្គាល់ព្រះ‌នាមនោះឡើយ ព្រះអង្គមានសម្លៀក‌បំពាក់ទទឹកឈាមជោក។ ព្រះអង្គមានព្រះ‌នាមថា «ព្រះ‌បន្ទូលរបស់ព្រះ‌ជា‌ម្ចាស់»។ កង‌ទ័ពនៅស្ថានសួគ៌នាំគ្នាជិះសេះសមកតាមព្រះអង្គ ទាំងស្លៀកពាក់សំពត់ទេស‌ឯកពណ៌ស និងបរិសុទ្ធ*។ មានដាវមួយយ៉ាងមុតចេញពីព្រះ‌ឱស្ឋរបស់ព្រះអង្គ មកប្រហារជាតិសាសន៍ទាំង‌ឡាយ ព្រះអង្គនឹងកាន់ដំបងដែកដឹកនាំគេ ហើយព្រះអង្គជាន់ទំពាំង‌បាយជូរនៅក្នុងធុង ឲ្យចេញជាស្រានៃព្រះ‌ពិរោធដ៏ខ្លាំងក្លារបស់ព្រះ‌ជា‌ម្ចាស់ដ៏មានព្រះ‌ចេស្ដាលើអ្វីៗទាំងអស់។ នៅលើព្រះ‌ភូសា និងលើភ្លៅរបស់ព្រះអង្គ មានសរសេរព្រះ‌នាមថា «ព្រះ‌មហា‌ក្សត្រលើមហា‌ក្សត្រនានា និងព្រះ‌អម្ចាស់លើអម្ចាស់នានា»។

អាន វិវរណៈ 19

ស្ដាប់នូវ វិវរណៈ 19