ភីលីព 4:15-18 បងប្អូននៅក្រុងភីលីពអើយ បងប្អូនជ្រាបស្រាប់ហើយថា តាំងពីខ្ញុំបានចាប់ផ្ដើមផ្សព្វ‌ផ្សាយដំណឹង‌ល្អ គឺតាំងពីខ្ញុំបានចាកចេញពីស្រុកម៉ាសេ‌ដូនមកនោះ ក្រៅពីបងប្អូន គ្មានក្រុម‌ជំនុំ*ណា | ព្រះគម្ពីរភាសាខ្មែរបច្ចុប្បន្ន ២០០៥ (គខប)

ភីលីព 4:15-18 គខប

បងប្អូននៅក្រុងភីលីពអើយ បងប្អូនជ្រាបស្រាប់ហើយថា តាំងពីខ្ញុំបានចាប់ផ្ដើមផ្សព្វ‌ផ្សាយដំណឹង‌ល្អ គឺតាំងពីខ្ញុំបានចាកចេញពីស្រុកម៉ាសេ‌ដូនមកនោះ ក្រៅពីបងប្អូន គ្មានក្រុម‌ជំនុំ*ណាបានជួយខ្ញុំ ក្នុងការចំណាយ ឬចំណូលឡើយ។ កាលខ្ញុំនៅក្រុងថេស្សា‌ឡូនិក បងប្អូនបានផ្ញើប្រាក់ទៅជួយ តាមសេចក្ដីត្រូវការរបស់ខ្ញុំដល់ទៅពីរបីលើក។ ត្រង់ណេះ មិនមែនមានន័យថា ខ្ញុំប្រាថ្នាចង់បានជំនួយពីបងប្អូនទេ តែខ្ញុំចង់ឲ្យបងប្អូនបានទទួលព្រះ‌ពរដ៏បរិបូណ៌។ ខ្ញុំបានទទួលសព្វគ្រប់ទាំងអស់ហើយ ហើយខ្ញុំមានបរិបូណ៌ថែមទៀត ឥឡូវនេះ ខ្ញុំមានរឹតតែច្រើន ដោយបានទទួលអំណោយពីបងប្អូន តាមរយៈលោកអេប៉ា‌ប្រូឌីត។ អំណោយទាំងនេះប្រៀបបីដូចជាក្លិនក្រអូបឈ្ងុយ‌ឈ្ងប់ ជាយញ្ញ‌បូជាដែលព្រះ‌ជាម្ចាស់គាប់ព្រះ‌ហឫទ័យ និងយល់ព្រមទទួល។

អាន ភីលីព 4

ស្ដាប់នូវ ភីលីព 4