ម៉ាថាយ 4:12-17 កាលព្រះ‌យេស៊ូជ្រាបដំណឹងថា គេបានចាប់លោកយ៉ូហានយកទៅឃុំ‌ឃាំងហើយ ព្រះអង្គក៏ភៀសចេញទៅស្រុកកាលី‌ឡេ។ ព្រះអង្គចាកចេញពីភូមិណាសា‌រ៉ែតទៅស្នាក់នៅក្រុងកាពើ‌ណិម ជិតមាត់សមុទ្រ ក្នុងតំបន់ | ព្រះគម្ពីរភាសាខ្មែរបច្ចុប្បន្ន ២០០៥ (គខប)

ម៉ាថាយ 4:12-17 គខប

កាលព្រះ‌យេស៊ូជ្រាបដំណឹងថា គេបានចាប់លោកយ៉ូហានយកទៅឃុំ‌ឃាំងហើយ ព្រះអង្គក៏ភៀសចេញទៅស្រុកកាលី‌ឡេ។ ព្រះអង្គចាកចេញពីភូមិណាសា‌រ៉ែតទៅស្នាក់នៅក្រុងកាពើ‌ណិម ជិតមាត់សមុទ្រ ក្នុងតំបន់សាប់យូ‌ឡូន និងតំបន់ណែប‌ថាលី ដើម្បីឲ្យបានស្របនឹងសេចក្ដីដែលមានចែងទុកតាមរយៈព្យាការីអេសាយថា៖ «ដែនដីសាប់យូ‌ឡូន និងដែនដីណែប‌ថាលី ដែលស្ថិតនៅតាមផ្លូវទៅកាន់សមុទ្រអើយ! ស្រុកខាងនាយទន្លេយ័រដាន់ ស្រុកកាលី‌ឡេដែលសាសន៍ដទៃរស់នៅអើយ! ប្រជា‌ជនដែលអង្គុយនៅក្នុងទីងងឹត បានឃើញពន្លឺមួយដ៏ភ្លឺខ្លាំង ហើយមានពន្លឺមួយ លេចឡើង បំភ្លឺពួកអ្នករស់ក្នុងស្រុកដែល ស្ថិតនៅក្រោមអំណាចនៃសេចក្ដីស្លាប់» ។ តាំងពីគ្រានោះមក ព្រះ‌យេស៊ូចាប់ផ្ដើមប្រកាសថា៖ «ចូរកែប្រែចិត្តគំនិត ដ្បិតព្រះ‌រាជ្យ*នៃស្ថានបរម‌សុខនៅជិតបង្កើយហើយ!»។

អាន ម៉ាថាយ 4

ស្ដាប់នូវ ម៉ាថាយ 4

ប្រៀបធៀបគ្រប់ជំនាន់បកប្រែ: ម៉ាថាយ 4:12-17