យ៉ូហាន 4:21-26 ព្រះ‌យេស៊ូមានព្រះ‌បន្ទូលទៅនាងថា៖ «នាងអើយ ជឿខ្ញុំចុះ ដល់ពេលកំណត់ មិនមែននៅលើភ្នំនេះ ឬនៅក្រុងយេរូ‌សាឡឹមទៀតទេ ដែលអ្នករាល់គ្នានឹងថ្វាយ‌បង្គំព្រះ‌បិតា។ អ្នករាល់គ្នាមិនស្គាល់ព្ | ព្រះគម្ពីរភាសាខ្មែរបច្ចុប្បន្ន ២០០៥ (គខប)

យ៉ូហាន 4:21-26 គខប

ព្រះ‌យេស៊ូមានព្រះ‌បន្ទូលទៅនាងថា៖ «នាងអើយ ជឿខ្ញុំចុះ ដល់ពេលកំណត់ មិនមែននៅលើភ្នំនេះ ឬនៅក្រុងយេរូ‌សាឡឹមទៀតទេ ដែលអ្នករាល់គ្នានឹងថ្វាយ‌បង្គំព្រះ‌បិតា។ អ្នករាល់គ្នាមិនស្គាល់ព្រះអង្គដែលអ្នករាល់គ្នាថ្វាយ‌បង្គំទេ រីឯយើងវិញ យើងស្គាល់ព្រះអង្គដែលយើងថ្វាយ‌បង្គំ ដ្បិតការសង្គ្រោះចេញមកពីជន‌ជាតិយូដា។ ប៉ុន្តែ ដល់ពេលកំណត់ គឺឥឡូវហ្នឹងហើយ អ្នកថ្វាយ‌បង្គំដ៏ពិតប្រាកដនឹងថ្វាយ‌បង្គំព្រះ‌បិតាតាមវិញ្ញាណ និងតាមសេចក្ដីពិត ដ្បិតព្រះ‌បិតាសព្វព្រះ‌ហឫទ័យនឹងអ្នកថ្វាយ‌បង្គំបែបនេះឯង។ ព្រះ‌ជាម្ចាស់ជាវិញ្ញាណ ហេតុនេះ អស់អ្នកដែលថ្វាយ‌បង្គំព្រះអង្គត្រូវតែថ្វាយ‌បង្គំតាមវិញ្ញាណ និងតាមសេចក្ដីពិត»។ ស្ត្រីនោះទូលព្រះអង្គថា៖ «នាងខ្ញុំដឹងហើយថា ព្រះ‌មេស្ស៊ីហៅព្រះ‌គ្រិស្ត*នឹងយាងមក។ កាលណាព្រះអង្គយាងមកដល់ ព្រះអង្គនឹងប្រទានឲ្យយើងដឹងសព្វគ្រប់ទាំងអស់»។ ព្រះ‌យេស៊ូមានព្រះ‌បន្ទូលទៅនាងថា៖ «ខ្ញុំនេះហើយ គឺខ្ញុំដែលកំពុងតែនិយាយជាមួយនាង»។

អាន យ៉ូហាន 4

ស្ដាប់នូវ យ៉ូហាន 4