អេសាយ 54:5-8 ស្វាមីរបស់អ្នក គឺព្រះអង្គដែលបានបង្កើតអ្នក! ព្រះអង្គមានព្រះ‌នាមថា «ព្រះ‌អម្ចាស់នៃពិភពទាំងមូល»។ ព្រះដែលបានលោះអ្នកមកនោះ គឺព្រះដ៏វិសុទ្ធរបស់ជន‌ជាតិអ៊ីស្រា‌អែល ព្រះអង្គមានព្រះ‌នា | ព្រះគម្ពីរភាសាខ្មែរបច្ចុប្បន្ន ២០០៥ (គខប)

អេសាយ 54:5-8 គខប

ស្វាមីរបស់អ្នក គឺព្រះអង្គដែលបានបង្កើតអ្នក! ព្រះអង្គមានព្រះ‌នាមថា «ព្រះ‌អម្ចាស់នៃពិភពទាំងមូល»។ ព្រះដែលបានលោះអ្នកមកនោះ គឺព្រះដ៏វិសុទ្ធរបស់ជន‌ជាតិអ៊ីស្រា‌អែល ព្រះអង្គមានព្រះ‌នាមថា «ព្រះ‌ជាម្ចាស់នៃផែនដីទាំងមូល»។ អ្នកប្រៀបដូចជាស្ត្រីដែលប្ដីបោះបង់ចោល ហើយកើតទុក្ខក្រៀម‌ក្រំ តែឥឡូវនេះ ព្រះ‌អម្ចាស់ត្រាស់ហៅអ្នក ឲ្យវិលមកវិញហើយ។ ព្រះរបស់អ្នកមានព្រះ‌បន្ទូលថា: “បុរសពុំអាចបោះបង់ចោលភរិយាដែល ខ្លួនរៀបការកាលពីនៅវ័យក្មេងបានឡើយ”។ យើងបានបោះបង់អ្នកមួយ‌ភ្លែតមែន តែយើងនឹងទទួល អ្នកមកវិញ ដោយចិត្តអាណិតអាសូរពន់ពេកណាស់។ យើងបានខឹង‌សម្បារនឹងអ្នក ព្រមទាំងគេចមុខចេញពីអ្នកមួយរយៈមែន ប៉ុន្តែ យើងនឹងអាណិតមេត្តាអ្នក ព្រោះយើងស្រឡាញ់អ្នកអស់‌កល្បជានិច្ច។ នេះជាព្រះ‌បន្ទូលរបស់ព្រះ‌អម្ចាស់ ដែលលោះអ្នកមកវិញ។

អាន អេសាយ 54

ស្ដាប់នូវ អេសាយ 54

ប្រៀបធៀបគ្រប់ជំនាន់បកប្រែ: អេសាយ 54:5-8