និក្ខមនំ 3:11-15 លោកម៉ូសេទូលព្រះ‌ជាម្ចាស់ថា៖ «តើទូលបង្គំមានឋានៈអ្វីបានជាទូលបង្គំត្រូវទៅជួបព្រះចៅផារ៉ោន និងនាំជន‌ជាតិអ៊ីស្រា‌អែលចេញពីស្រុកអេស៊ីបដូច្នេះ?»។ ព្រះ‌ជាម្ចាស់មានព្រះ‌បន្ទូលថា៖ «យើង | ព្រះគម្ពីរភាសាខ្មែរបច្ចុប្បន្ន ២០០៥ (គខប)

និក្ខមនំ 3:11-15 គខប

លោកម៉ូសេទូលព្រះ‌ជាម្ចាស់ថា៖ «តើទូលបង្គំមានឋានៈអ្វីបានជាទូលបង្គំត្រូវទៅជួបព្រះចៅផារ៉ោន និងនាំជន‌ជាតិអ៊ីស្រា‌អែលចេញពីស្រុកអេស៊ីបដូច្នេះ?»។ ព្រះ‌ជាម្ចាស់មានព្រះ‌បន្ទូលថា៖ «យើងនៅជាមួយអ្នកហើយ! កាលណាអ្នកនាំជន‌ជាតិអ៊ីស្រា‌អែលចេញផុតពីស្រុកអេស៊ីប អ្នករាល់គ្នាត្រូវមកគោរពបម្រើយើងនៅលើភ្នំនេះ ដែលជាទីសម្គាល់ថា យើងបានចាត់អ្នកឲ្យទៅមែន»។ លោកម៉ូសេទូលព្រះ‌ជាម្ចាស់ថា៖ «បពិត្រព្រះ‌ជាម្ចាស់! ទូលបង្គំនឹងទៅជួបជន‌ជាតិអ៊ីស្រា‌អែល ហើយប្រាប់ពួកគេថា: ព្រះរបស់បុព្វបុរសអ្នករាល់គ្នាបានចាត់ខ្ញុំឲ្យមកជួបអ្នករាល់គ្នា។ ប្រសិនបើពួកគេសួរថា ព្រះអង្គព្រះ‌នាមអ្វីនោះ តើទូលបង្គំប្រាប់ពួកគេដូចម្ដេច?»។ ព្រះ‌ជាម្ចាស់មានព្រះ‌បន្ទូលមកលោកម៉ូសេថា៖ «យើងជាព្រះ‌អម្ចាស់ដែលមានព្រះ‌ជន្មគង់នៅ ។ អ្នកត្រូវប្រាប់ជន‌ជាតិអ៊ីស្រា‌អែលថា “ព្រះ‌អម្ចាស់ដែលមានជីវិតគង់នៅ” ចាត់ខ្ញុំឲ្យមកជួបអ្នករាល់គ្នា»។ ព្រះ‌ជាម្ចាស់មានព្រះ‌បន្ទូលថែមទៀតថា៖ «ចូរប្រាប់ជន‌ជាតិអ៊ីស្រា‌អែលដូចតទៅនេះ: “ព្រះ‌អម្ចាស់ជាព្រះរបស់បុព្វបុរសអ្នករាល់គ្នា គឺព្រះរបស់លោកអប្រាហាំ លោកអ៊ីសាក និងលោកយ៉ាកុប ចាត់ខ្ញុំឲ្យមកជួបអ្នករាល់គ្នា”។ នេះជានាមរបស់យើង ដែលនៅស្ថិត‌ស្ថេរអស់‌កល្បជានិច្ច សម្រាប់ឲ្យមនុស្សលោកនឹកដល់យើងអស់‌កល្បជាអង្វែងតរៀងទៅ។

អាន និក្ខមនំ 3

ស្ដាប់នូវ និក្ខមនំ 3