ទុតិយកថា 32:1-7 «ផ្ទៃមេឃអើយ ចូរត្រង‌ត្រាប់ស្ដាប់សេចក្ដី ដែលខ្ញុំនឹងថ្លែង! ផែនដីអើយ ចូរស្ដាប់ពាក្យដែលខ្ញុំនិយាយ! សូមឲ្យដំបូន្មានរបស់ខ្ញុំធ្លាក់ដូចទឹកភ្លៀង សូមឲ្យពាក្យសម្ដីរបស់ខ្ញុំស្រក់ដូច | ព្រះគម្ពីរភាសាខ្មែរបច្ចុប្បន្ន ២០០៥ (គខប)

ទុតិយកថា 32:1-7 គខប

«ផ្ទៃមេឃអើយ ចូរត្រង‌ត្រាប់ស្ដាប់សេចក្ដី ដែលខ្ញុំនឹងថ្លែង! ផែនដីអើយ ចូរស្ដាប់ពាក្យដែលខ្ញុំនិយាយ! សូមឲ្យដំបូន្មានរបស់ខ្ញុំធ្លាក់ដូចទឹកភ្លៀង សូមឲ្យពាក្យសម្ដីរបស់ខ្ញុំស្រក់ដូចសន្សើម ដូចភ្លៀងបង្អុរមកលើរុក្ខ‌ជាតិខៀវខ្ចី ឬដូចដំណក់ទឹកធ្លាក់ទៅលើស្មៅ ដ្បិតខ្ញុំនឹងប្រកាសអំពីព្រះ‌នាមព្រះ‌អម្ចាស់! ចូរលើកតម្កើងភាពថ្កុំ‌ថ្កើងរបស់ព្រះនៃយើង! ព្រះអង្គជាថ្ម‌ដា ហើយស្នាព្រះ‌ហស្ដរបស់ព្រះអង្គល្អឥតខ្ចោះ។ មាគ៌ារបស់ព្រះអង្គសុទ្ធតែទៀងត្រង់។ ព្រះអង្គជាព្រះដ៏ស្មោះត្រង់ ព្រះអង្គមិនអយុត្តិធម៌ឡើយ ដ្បិតព្រះអង្គសុចរិត និងយុត្តិធម៌។ ព្រះអង្គជ្រាបថា អ្នករាល់គ្នាក្បត់ព្រះអង្គ ដោយអ្នករាល់គ្នាមានមារយាទបែបនេះ អ្នករាល់គ្នាមិនមែនជាបុត្រ‌ធីតា របស់ព្រះអង្គទៀតទេ អ្នករាល់គ្នាជាមនុស្សអប្រិយ និងមានចិត្តវៀចវេរ។ ប្រជា‌ជនល្ងី‌ល្ងើ ឥតប្រាជ្ញាអើយ ហេតុអ្វីបានជាអ្នករាល់គ្នាប្រព្រឹត្តបែបនេះ ចំពោះព្រះអង្គ ជាព្រះ‌បិតាដែលបានបង្កើតអ្នកមក! ព្រះអង្គបានធ្វើឲ្យអ្នកទៅជាប្រជា‌ជាតិមួយ ព្រមទាំងពង្រឹងអ្នកឲ្យមាំ‌មួនទៀតផង។ ចូរនឹកចាំពីអតីតកាល ចូររិះគិតអំពីឆ្នាំនានាដែលកន្លងហួសមកហើយ ចូរសុំឲ្យឪពុក‌ម្ដាយ និងជីដូន‌ជីតារបស់អ្នក រៀបរាប់អំពីហេតុ‌ការណ៍នៅជំនាន់មុនៗ។

អាន ទុតិយកថា 32

ស្ដាប់នូវ ទុតិយកថា 32

ប្រៀបធៀបគ្រប់ជំនាន់បកប្រែ: ទុតិយកថា 32:1-7