២ សាំយូអែល ពាក្យលំនាំ
ពាក្យលំនាំ
កណ្ឌគម្ពីរសាំយូអែលទី ២ រៀបរាប់អំពីរាជ្យរបស់ព្រះបាទដាវីឌ។ ព្រះបាទដាវីឌជាស្ដេចទីមួយ ដែលបានគ្រងរាជ្យលើកុលសម្ព័ន្ធទាំងដប់ពីរនៃជនជាតិអ៊ីស្រាអែល។ កណ្ឌគម្ពីរនេះបង្ហាញអំពីវិរភាព និងឫទ្ធិអំណាចរបស់ព្រះបាទដាវីឌ ដែលធ្វើឲ្យស្ដេចពង្រឹងរាជសម្បត្តិ ហើយពង្រីកទឹកដីអ៊ីស្រាអែលទៅជានគរមួយយ៉ាងធំ។
ផ្នែកដំបូងនៃកណ្ឌគម្ពីរនេះ មានថ្លែងអំពីការសោយសោករបស់ព្រះបាទដាវីឌ នៅពេលស្ដេចបានទទួលដំណឹងថា ព្រះបាទសូល និងសម្ដេចយ៉ូណាថាន ជាបុត្រ សោយទិវង្គតក្នុងសមរភូមិ នៅពេលធ្វើសឹកជាមួយជនជាតិភីលីស្ទីន។ បន្ទាប់មក មានថ្លែងអំពីព្រះបាទដាវីឌគ្រងរាជ្យលើកុលសម្ព័ន្ធយូដា ដែលនៅប៉ែកខាងត្បូង (ចំពូក១-៤)។ ក្រោយមកទៀត កុលសម្ព័ន្ធនានានៃអ៊ីស្រាអែលដែលរស់នៅប៉ែកខាងជើង បានយាងព្រះបាទដាវីឌឲ្យគ្រងរាជ្យលើពួកគេដែរ (ចំពូក ៥-២០)។ ចំពូក២១ ដល់ ២៤មានរៀបរាប់អំពីព្រឹត្តិការណ៍ផ្សេងៗ កើតមានក្នុងរជ្ជកាលរបស់ព្រះបាទដាវីឌ ដែលចំពូកមុនៗមិនបានលើកយកមកបរិយាយ។
កណ្ឌគម្ពីរសាំយូអែលទី ២ បង្ហាញឲ្យឃើញភាពថ្កុំថ្កើងរុងរឿង និងឫទ្ធិអំណាចរបស់ព្រះបាទដាវីឌ ហើយក៏បង្ហាញឲ្យយើងឃើញភាពទន់ខ្សោយ និងបញ្ហាលំបាកផ្សេងៗ ដែលកើតមានក្នុងព្រះញាតិវង្សរបស់ស្ដេចអង្គនេះដែរ។ ពេលមានបញ្ហា ព្រះបាទដាវីឌផ្ញើជីវិតលើព្រះជាម្ចាស់ ហើយពេលប្រព្រឹត្តខុស ស្ដេចដាក់ខ្លួនសារភាពកំហុសនៅចំពោះព្រះភ័ក្ត្រព្រះអម្ចាស់។
ក្រោយមក ជាពិសេស នៅក្នុងពេលមានខ្មាំងសត្រូវមកយាយីបៀតបៀន ជនជាតិអ៊ីស្រាអែលចាត់ទុកព្រះបាទដាវីឌជាព្រះមហាក្សត្រគំរូមួយ ដែលព្រះជាម្ចាស់ប្រទានមក ដើម្បីសង្គ្រោះប្រជារាស្ត្ររបស់ព្រះអង្គ។ ជនជាតិអ៊ីស្រាអែលចងចាំជានិច្ចនូវព្រះបន្ទូល ដែលព្រះជាម្ចាស់បានសន្យាជាមួយព្រះបាទដាវីឌ តាមរយៈព្យាការីណាថានថា នឹងមានស្ដេចមួយអង្គដែលជាពូជពង្សរបស់ព្រះបាទដាវីឌ គ្រងរាជ្យលើជនជាតិអ៊ីស្រាអែលរហូតតរៀងទៅ។ ហេតុនេះហើយបានជានៅក្នុងគម្ពីរសម្ពន្ធមេត្រីថ្មី ពេលខ្លះ ប្រជាជនហៅព្រះយេស៊ូថា «ព្រះរាជវង្ស» ឬ«ព្រះរាជបុត្រា» របស់ព្រះបាទដាវីឌ (មថ.២០.២៩-៤០, ២១.៩)។
ទើបបានជ្រើសរើសហើយ៖
២ សាំយូអែល ពាក្យលំនាំ: គខប
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Khmer Standard Version © 2005 United Bible Societies.
២ សាំយូអែល ពាក្យលំនាំ
ពាក្យលំនាំ
កណ្ឌគម្ពីរសាំយូអែលទី ២ រៀបរាប់អំពីរាជ្យរបស់ព្រះបាទដាវីឌ។ ព្រះបាទដាវីឌជាស្ដេចទីមួយ ដែលបានគ្រងរាជ្យលើកុលសម្ព័ន្ធទាំងដប់ពីរនៃជនជាតិអ៊ីស្រាអែល។ កណ្ឌគម្ពីរនេះបង្ហាញអំពីវិរភាព និងឫទ្ធិអំណាចរបស់ព្រះបាទដាវីឌ ដែលធ្វើឲ្យស្ដេចពង្រឹងរាជសម្បត្តិ ហើយពង្រីកទឹកដីអ៊ីស្រាអែលទៅជានគរមួយយ៉ាងធំ។
ផ្នែកដំបូងនៃកណ្ឌគម្ពីរនេះ មានថ្លែងអំពីការសោយសោករបស់ព្រះបាទដាវីឌ នៅពេលស្ដេចបានទទួលដំណឹងថា ព្រះបាទសូល និងសម្ដេចយ៉ូណាថាន ជាបុត្រ សោយទិវង្គតក្នុងសមរភូមិ នៅពេលធ្វើសឹកជាមួយជនជាតិភីលីស្ទីន។ បន្ទាប់មក មានថ្លែងអំពីព្រះបាទដាវីឌគ្រងរាជ្យលើកុលសម្ព័ន្ធយូដា ដែលនៅប៉ែកខាងត្បូង (ចំពូក១-៤)។ ក្រោយមកទៀត កុលសម្ព័ន្ធនានានៃអ៊ីស្រាអែលដែលរស់នៅប៉ែកខាងជើង បានយាងព្រះបាទដាវីឌឲ្យគ្រងរាជ្យលើពួកគេដែរ (ចំពូក ៥-២០)។ ចំពូក២១ ដល់ ២៤មានរៀបរាប់អំពីព្រឹត្តិការណ៍ផ្សេងៗ កើតមានក្នុងរជ្ជកាលរបស់ព្រះបាទដាវីឌ ដែលចំពូកមុនៗមិនបានលើកយកមកបរិយាយ។
កណ្ឌគម្ពីរសាំយូអែលទី ២ បង្ហាញឲ្យឃើញភាពថ្កុំថ្កើងរុងរឿង និងឫទ្ធិអំណាចរបស់ព្រះបាទដាវីឌ ហើយក៏បង្ហាញឲ្យយើងឃើញភាពទន់ខ្សោយ និងបញ្ហាលំបាកផ្សេងៗ ដែលកើតមានក្នុងព្រះញាតិវង្សរបស់ស្ដេចអង្គនេះដែរ។ ពេលមានបញ្ហា ព្រះបាទដាវីឌផ្ញើជីវិតលើព្រះជាម្ចាស់ ហើយពេលប្រព្រឹត្តខុស ស្ដេចដាក់ខ្លួនសារភាពកំហុសនៅចំពោះព្រះភ័ក្ត្រព្រះអម្ចាស់។
ក្រោយមក ជាពិសេស នៅក្នុងពេលមានខ្មាំងសត្រូវមកយាយីបៀតបៀន ជនជាតិអ៊ីស្រាអែលចាត់ទុកព្រះបាទដាវីឌជាព្រះមហាក្សត្រគំរូមួយ ដែលព្រះជាម្ចាស់ប្រទានមក ដើម្បីសង្គ្រោះប្រជារាស្ត្ររបស់ព្រះអង្គ។ ជនជាតិអ៊ីស្រាអែលចងចាំជានិច្ចនូវព្រះបន្ទូល ដែលព្រះជាម្ចាស់បានសន្យាជាមួយព្រះបាទដាវីឌ តាមរយៈព្យាការីណាថានថា នឹងមានស្ដេចមួយអង្គដែលជាពូជពង្សរបស់ព្រះបាទដាវីឌ គ្រងរាជ្យលើជនជាតិអ៊ីស្រាអែលរហូតតរៀងទៅ។ ហេតុនេះហើយបានជានៅក្នុងគម្ពីរសម្ពន្ធមេត្រីថ្មី ពេលខ្លះ ប្រជាជនហៅព្រះយេស៊ូថា «ព្រះរាជវង្ស» ឬ«ព្រះរាជបុត្រា» របស់ព្រះបាទដាវីឌ (មថ.២០.២៩-៤០, ២១.៩)។
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Khmer Standard Version © 2005 United Bible Societies.