២ ពេត្រុស 1:12-19 ហេតុនេះ ខ្ញុំនឹងរំឭកដាស់‌តឿនបងប្អូនអំពីសេចក្ដីទាំងនោះជានិច្ច ទោះបីបងប្អូនបានដឹង និងនៅតែកាន់តាមសេចក្ដីពិត ដែលបងប្អូនបានទទួលយ៉ាងខ្ជាប់ខ្ជួនហើយក៏ដោយ។ ដរាបណាខ្ញុំនៅមានជីវិ | ព្រះគម្ពីរភាសាខ្មែរបច្ចុប្បន្ន ២០០៥ (គខប)

២ ពេត្រុស 1:12-19 គខប

ហេតុនេះ ខ្ញុំនឹងរំឭកដាស់‌តឿនបងប្អូនអំពីសេចក្ដីទាំងនោះជានិច្ច ទោះបីបងប្អូនបានដឹង និងនៅតែកាន់តាមសេចក្ដីពិត ដែលបងប្អូនបានទទួលយ៉ាងខ្ជាប់ខ្ជួនហើយក៏ដោយ។ ដរាបណាខ្ញុំនៅមានជីវិតរស់ក្នុងលោកីយ៍នេះនៅឡើយ ខ្ញុំយល់ឃើញថា ត្រូវតែរំឭកបងប្អូនឲ្យភ្ញាក់ស្មារតី។ ខ្ញុំដឹងថា ខ្ញុំនឹងត្រូវលាចាកលោកនេះក្នុងពេលឆាប់ៗខាងមុខ ដូចព្រះ‌យេស៊ូគ្រិស្តជាព្រះ‌អម្ចាស់នៃយើងបានសម្តែងឲ្យខ្ញុំដឹងស្រាប់។ ប៉ុន្តែ ខ្ញុំនឹងខ្នះ‌ខ្នែងធ្វើយ៉ាងណាឲ្យបងប្អូនអាចនឹកឃើញសេចក្ដីទាំងនោះ គ្រប់កាលៈ‌ទេសៈទាំងអស់ ក្រោយពេលខ្ញុំចាកលោកនេះទៅ។ យើងពុំបានយករឿងប្រឌិតផ្សេងៗមកណែ‌នាំបងប្អូន ឲ្យស្គាល់ឫទ្ធា‌នុភាពរបស់ព្រះ‌យេស៊ូគ្រិស្ត*ជាព្រះ‌អម្ចាស់នៃយើង និងឲ្យដឹងថា ព្រះអង្គត្រូវយាងមកនោះឡើយ គឺយើងបានឃើញភាពថ្កុំ‌ថ្កើងរុងរឿងរបស់ព្រះអង្គផ្ទាល់នឹងភ្នែកតែម្ដង ដ្បិតព្រះអង្គបានទទួលកិត្តិនាម និងសិរី‌រុងរឿងពីព្រះ‌ជា‌ម្ចាស់ជាព្រះ‌បិតាមក នៅពេលដែលមានព្រះ‌សូរសៀងលាន់ឮ ចេញពីសិរី‌រុងរឿងដ៏ឧត្តុង្គ‌ឧត្ដមមកកាន់ព្រះអង្គថា: “នេះជាព្រះ‌បុត្រាដ៏ជាទីស្រឡាញ់របស់យើង យើងគាប់ចិត្តនឹងព្រះអង្គណាស់!”។ យើងបានឮព្រះ‌សូរសៀងនេះពីលើមេឃមក កាលយើងនៅជាមួយព្រះអង្គនៅលើភ្នំដ៏វិសុទ្ធ ។ យើងក៏មានពាក្យព្យាការី*បានថ្លែងទុកមកផងដែរ ដែលជាគោលមួយដ៏មាំ‌មួន។ បើបងប្អូនផ្ចង់ចិត្តទៅកាន់ពាក្យនេះ ពិតជាត្រឹមត្រូវហើយ ព្រោះពាក្យនេះប្រៀបបាននឹងចង្កៀងដែលបំភ្លឺក្នុងទីងងឹត រហូតដល់ថ្ងៃរះ និងរហូតដល់ផ្កាយព្រឹករះឡើង ក្នុងចិត្តបងប្អូន។

អាន ២ ពេត្រុស 1

ស្ដាប់នូវ ២ ពេត្រុស 1

ប្រៀបធៀបគ្រប់ជំនាន់បកប្រែ: ២ ពេត្រុស 1:12-19