១ សាំយូអែល ពាក្យលំនាំ
ពាក្យលំនាំ
គេបានប្រើនាមរបស់លោកសាំយូអែលធ្វើជាចំណងជើងរបស់កណ្ឌគម្ពីរនេះ និងកណ្ឌគម្ពីរបន្ទាប់។ ព្យាការីសាំយូអែល ជាពួកចៅហ្វាយចុងក្រោយដែលព្រះអម្ចាស់ប្រទានមកឲ្យជនជាតិអ៊ីស្រាអែល នៅគ្រាដែលប្រជារាស្ត្ររបស់ព្រះអង្គជួបប្រទះនឹងទុក្ខលំបាក។ លោកបំពេញមុខងារពីរយ៉ាង គឺផ្នែកនយោបាយ និងផ្នែកសាសនា ក្នុងអំឡុងពេលដែលអ៊ីស្រាអែលផ្លាស់ប្ដូររបបនយោបាយគ្រប់គ្រងស្រុក(ចំពូក ១-៧)។ ជនជាតិអ៊ីស្រាអែលមិនស្កប់ចិត្តនឹងរបបគ្រប់គ្រងពីមុន ដែលមានតែពួកចៅហ្វាយជាមេដឹកនាំក្នុងគ្រាជួបអាសន្ន ដូច្នេះ ពួកគេទាមទារចង់បានរបបរាជានិយម។ ទោះបីលោកសាំយូអែលមិនពេញចិត្តនឹងសំណើរបស់ប្រជាជនក្ដី ក៏លោកបានតែងតាំងលោកសូល ជាស្ដេចទីមួយ ឲ្យគ្រប់គ្រងលើជនជាតិអ៊ីស្រាអែល ស្របតាមបញ្ជារបស់ព្រះជាម្ចាស់(ចំពូក ៨-១០)។ ក្រោយមក ដោយព្រះបាទសូលបាត់បង់ភក្ដីភាពចំពោះព្រះជាម្ចាស់ ព្រះអង្គលែងគាំទ្រព្រះបាទសូល (ចំពូក ១១-១៥) ហើយព្រះអង្គបានជ្រើសរើសយុវជនដាវីឌឲ្យធ្វើជាស្ដេចគ្រប់គ្រងលើប្រជាជនអ៊ីស្រាអែល ជំនួសព្រះបាទសូល។ មុនដំបូង យុវជនដាវីឌនៅបម្រើព្រះបាទសូល បន្ទាប់មក ធ្វើជាកូនប្រសារបស់ស្ដេច រួចរត់ភៀសខ្លួនចេញឆ្ងាយពីស្ដេច ព្រោះស្ដេចរកសម្លាប់។ ពីចំពូក ១៦ ដល់៣០ មានរៀបរាប់អំពីការចុះឱនថយរបស់ព្រះបាទសូល ហើយដាវីឌចេះតែមានកម្លាំងខ្លាំងឡើងៗ។ ចុងបញ្ចប់នៃកណ្ឌគម្ពីរសាំយូអែលទីមួយនេះ មានរៀបរាប់អំពីការសុគតរបស់ព្រះបាទសូល និងបុត្ររបស់ស្ដេច ក្នុងចម្បាំងរវាងអ៊ីស្រាអែល និងភីលីស្ទីន (ចំពូក ៣១)។
កណ្ឌគម្ពីរនេះរំឭកយើងថា មានតែព្រះជាម្ចាស់ប៉ុណ្ណោះ ដែលពិតជាព្រះមហាក្សត្រគ្រងរាជ្យលើប្រជារាស្ត្ររបស់ព្រះអង្គ។ អ្នកដែលអាចគ្រប់គ្រងលើប្រជារាស្ត្ររបស់ព្រះជាម្ចាស់បាន គឺអ្នកដែលទទួលស្គាល់ ហើយយល់ព្រមចុះចូលនឹងអំណាចរបស់ព្រះជាម្ចាស់។
ទើបបានជ្រើសរើសហើយ៖
១ សាំយូអែល ពាក្យលំនាំ: គខប
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Khmer Standard Version © 2005 United Bible Societies.