Mateo 23
23
Hesus ta bisa pa tene kuidou ku dòktornan di lei i fariseonan
(Marko 12:38-40; Lukas 11:37-52; 20:45-47)
1Hesus a bisa e multitut i su disipelnan: 2‘E dòktornan di lei i e fariseonan ta sinta riba stul di Moises; nan tin outoridat ofisial pa splika lei di Moises. 3P'esei obedesé i sigui tur kos ku nan bisa, ma no hasi manera nan ta hasi sí! Pasobra nan mes no ta hasi loke nan ta bisa. 4Nan ta pone karga pisá i difísil riba lomba di hende, ma nan no ke saka niun dede pa yuda ku e karga. 5Nan ta hasi tur kos pa hende mira;#Mateo 6:1 mira kon hanchu nan kahitanan di orashon#Deuteronomio 6:8 i kon largu e kuashinan di nan paña ta.#Numbernan 15:38 6Nan gusta haña e mihó lugánan na fiesta i e lugánan di honor den snoa; 7nan gusta pa hende kumindá nan ku rèspèt riba plasa i tambe pa hende yama nan “maestro”.
8No laga niun hende yama boso sí “maestro”; ta ún maestro so boso tin i boso tur ta ruman. 9No ta yama niun hende riba mundu boso “tata” tampoko, pasobra ta e Tata den shelu so boso tin. 10Tampoko no laga niun hende yama boso “guia”, pasobra ta e Mesias so ta boso guia. 11Esun di mas importante meimei di boso, lo ta boso sirbidó.#Sirag 3:18; Mateo 20:26-27; Marko 9:35; 10:43-44; Lukas 22:26 12Ken ku alsa su mes, lo ta humiliá i ken ku humiliá su mes, lo ta alsá.#Proverbionan 29:23; Sirag 1:27; Lukas 14:11; 18:14
13Ai di boso, dòktornan di lei i fariseonan! Hipókritanan! Boso ta dal porta di reino di Dios sera den kara di hende. Boso mes no ta drenta paden, ma ora otro hende ta bai drenta, boso no ta pèrmití nan. [14Ai di boso, dòktornan di lei i fariseonan! Hipókritanan! Boso ta hòrta propiedat di biudanan i boso ta hasi orashonnan largu djis pa bista di hende. Ma boso sentensia lo ta hopi mas pisá!]
15Ai di boso, dòktornan di lei i fariseonan! Hipókritanan! Boso ta krusa laman i biaha rònt mundu pa gana un alma, ma ora boso hañ'é, boso ta dañ'é di moda ku e ta meresé di bai fièrnu dos be mas tantu ku boso!
16Ai di boso, guianan siegu ku boso ta! Boso ta siña: “Si un hende hura pa tèmpel, e no ta mará na loke el a bisa. Ma si e hura pa e oro den tèmpel, sí e ta mará na loke el a bisa.” 17Siegunan sin sintí! Kiko ta mas importante: e oro òf e tèmpel ku ta santifiká e oro? 18Tambe boso ta bisa: “Si un hende hura pa altá, e no ta mará na loke el a bisa. Ma si e hura pa e ofrenda ku ta riba altá, sí e ta mará.” 19Siegunan!#23:19 Siegunan; otro manuskrito tin: Siegunan idiot Kiko ta mas importante: e ofrenda riba altá òf e altá ku ta santifiká e ofrenda? 20Wèl, es ku hura pa altá, ta hura pa tur kos ku tin riba e altá. 21Es ku hura pa tèmpel, ta hura pa tèmpel i tambe pa Dios ku ta biba eiden. 22Es ku hura pa shelu, ta hura pa trono di Dios#Isaías 66:1; Mateo 5:34 i pa Dios ku ta sintá riba e trono.
23Ai di boso, dòktornan di lei i fariseonan! Hipókritanan! Boso ta duna Dios un désimo parti di speserei manera menta, anis i komino,#Levítiko 27:30 ma boso ta neglishá e kosnan mas importante den lei: hustisia, mizerikòrdia i fieldat. Bèrdat ta ku boso mester kumpli ku e kosnan akí, ma sin neglishá e kosnan di ménos importansia. 24Guianan siegu! Boso ta kola muskita chikí saka for di loke boso ta bebe, ma ta guli kamel grandi manda abou!
25Ai di boso, dòktornan di lei i fariseonan! Hipókritanan! Parti pafó di e tayó ku e kòpi sí boso ta limpia, ma parti paden ta yen di loke boso a haña pa medio di violensia i libertinahe. 26Fariseonan siegu, limpia parti paden di e kòpi promé, anto di mes parti pafó ta bira limpi!
27Ai di boso dòktornan di lei i fariseonan! Hipókritanan! Boso parse e grafnan blanchá blanku,#Echonan 23:3 bunita di pafó, ma ku paden ta yen di wesu di hende morto i kos putrí. 28Meskos asina di pafó boso ta mustra di ta hende hustu, ma di paden boso ta yen di hipokresia i piká.
29Ai di boso, dòktornan di lei i fariseonan! Hipókritanan! Boso ta traha graf mashá bunita pa e profetanan i boso ta dekorá Monumento na honor di esnan ku a biba hustu. 30Boso ta bisa: “Si nos a biba den tempu di nos antepasadonan, nos lo no a koperá ku matamentu di e profetanan.” 31Ke men, boso mes ta atmití di ta desendiente di e hendenan ku a mata e profetanan. 32Wèl, kaba e trabou ku boso antepasadonan a kuminsá!
33Víboranan! Rasa di kolebra,#Mateo 3:7; 12:34; Lukas 3:7 kon boso ta spera di por skapa e sentensia ku ta kondená boso pa bai fièrnu? 34Skucha bon! P'esei Mi ta manda profeta, hòmber sabí i hende vèrsá den lei pa boso. Algun boso lo mata, algun boso lo krusifiká, otro boso lo suta ku zuip den snoa i persiguí di siudat pa siudat. 35Asina e kastigu pa morto di tur hende inosente lo kai riba boso, for di morto di e hòmber hustu Abel,#Génesis 4:8 te ku morto di Zakarías,#2 Krónikanan 24:20-21 yu di Bèrèkías. E Zakarías ku boso a mata entre altá i santuario den tèmpel. 36Mi ta sigurá boso: e kastigu pa tur e kosnan akí, lo kai riba e generashon akí.
Hesus ta yora pa Herusalèm
(Lukas 13:34-35)
37Herusalèm, o Herusalèm! Abo ku ta mata e profetanan#1 Reinan 19:10; Yeremías 2:30 i piedra e mensaheronan ku Dios manda serka bo. Kuantu be Mi no a deseá di hunta bo hendenan, manera un mama galiña ta hala su puitunan bou di su ala. Ma bo no a laga Mi. 38Mira! Boso tèmpel lo keda bandoná i bashí. 39Pasobra Mi ta bisa boso: boso lo no mira Mi mas, te ora e tempu yega ku boso lo bisa: “Bendishoná ta esun ku ta bini den nòmber di Señor!” ’#Salmo 118:26
ទើបបានជ្រើសរើសហើយ៖
Mateo 23: PBDC13
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Papiamentu Bible with DC © Bible Society in Netherlands Antilles and Aruba, 2012, 2013
Mateo 23
23
Hesus ta bisa pa tene kuidou ku dòktornan di lei i fariseonan
(Marko 12:38-40; Lukas 11:37-52; 20:45-47)
1Hesus a bisa e multitut i su disipelnan: 2‘E dòktornan di lei i e fariseonan ta sinta riba stul di Moises; nan tin outoridat ofisial pa splika lei di Moises. 3P'esei obedesé i sigui tur kos ku nan bisa, ma no hasi manera nan ta hasi sí! Pasobra nan mes no ta hasi loke nan ta bisa. 4Nan ta pone karga pisá i difísil riba lomba di hende, ma nan no ke saka niun dede pa yuda ku e karga. 5Nan ta hasi tur kos pa hende mira;#Mateo 6:1 mira kon hanchu nan kahitanan di orashon#Deuteronomio 6:8 i kon largu e kuashinan di nan paña ta.#Numbernan 15:38 6Nan gusta haña e mihó lugánan na fiesta i e lugánan di honor den snoa; 7nan gusta pa hende kumindá nan ku rèspèt riba plasa i tambe pa hende yama nan “maestro”.
8No laga niun hende yama boso sí “maestro”; ta ún maestro so boso tin i boso tur ta ruman. 9No ta yama niun hende riba mundu boso “tata” tampoko, pasobra ta e Tata den shelu so boso tin. 10Tampoko no laga niun hende yama boso “guia”, pasobra ta e Mesias so ta boso guia. 11Esun di mas importante meimei di boso, lo ta boso sirbidó.#Sirag 3:18; Mateo 20:26-27; Marko 9:35; 10:43-44; Lukas 22:26 12Ken ku alsa su mes, lo ta humiliá i ken ku humiliá su mes, lo ta alsá.#Proverbionan 29:23; Sirag 1:27; Lukas 14:11; 18:14
13Ai di boso, dòktornan di lei i fariseonan! Hipókritanan! Boso ta dal porta di reino di Dios sera den kara di hende. Boso mes no ta drenta paden, ma ora otro hende ta bai drenta, boso no ta pèrmití nan. [14Ai di boso, dòktornan di lei i fariseonan! Hipókritanan! Boso ta hòrta propiedat di biudanan i boso ta hasi orashonnan largu djis pa bista di hende. Ma boso sentensia lo ta hopi mas pisá!]
15Ai di boso, dòktornan di lei i fariseonan! Hipókritanan! Boso ta krusa laman i biaha rònt mundu pa gana un alma, ma ora boso hañ'é, boso ta dañ'é di moda ku e ta meresé di bai fièrnu dos be mas tantu ku boso!
16Ai di boso, guianan siegu ku boso ta! Boso ta siña: “Si un hende hura pa tèmpel, e no ta mará na loke el a bisa. Ma si e hura pa e oro den tèmpel, sí e ta mará na loke el a bisa.” 17Siegunan sin sintí! Kiko ta mas importante: e oro òf e tèmpel ku ta santifiká e oro? 18Tambe boso ta bisa: “Si un hende hura pa altá, e no ta mará na loke el a bisa. Ma si e hura pa e ofrenda ku ta riba altá, sí e ta mará.” 19Siegunan!#23:19 Siegunan; otro manuskrito tin: Siegunan idiot Kiko ta mas importante: e ofrenda riba altá òf e altá ku ta santifiká e ofrenda? 20Wèl, es ku hura pa altá, ta hura pa tur kos ku tin riba e altá. 21Es ku hura pa tèmpel, ta hura pa tèmpel i tambe pa Dios ku ta biba eiden. 22Es ku hura pa shelu, ta hura pa trono di Dios#Isaías 66:1; Mateo 5:34 i pa Dios ku ta sintá riba e trono.
23Ai di boso, dòktornan di lei i fariseonan! Hipókritanan! Boso ta duna Dios un désimo parti di speserei manera menta, anis i komino,#Levítiko 27:30 ma boso ta neglishá e kosnan mas importante den lei: hustisia, mizerikòrdia i fieldat. Bèrdat ta ku boso mester kumpli ku e kosnan akí, ma sin neglishá e kosnan di ménos importansia. 24Guianan siegu! Boso ta kola muskita chikí saka for di loke boso ta bebe, ma ta guli kamel grandi manda abou!
25Ai di boso, dòktornan di lei i fariseonan! Hipókritanan! Parti pafó di e tayó ku e kòpi sí boso ta limpia, ma parti paden ta yen di loke boso a haña pa medio di violensia i libertinahe. 26Fariseonan siegu, limpia parti paden di e kòpi promé, anto di mes parti pafó ta bira limpi!
27Ai di boso dòktornan di lei i fariseonan! Hipókritanan! Boso parse e grafnan blanchá blanku,#Echonan 23:3 bunita di pafó, ma ku paden ta yen di wesu di hende morto i kos putrí. 28Meskos asina di pafó boso ta mustra di ta hende hustu, ma di paden boso ta yen di hipokresia i piká.
29Ai di boso, dòktornan di lei i fariseonan! Hipókritanan! Boso ta traha graf mashá bunita pa e profetanan i boso ta dekorá Monumento na honor di esnan ku a biba hustu. 30Boso ta bisa: “Si nos a biba den tempu di nos antepasadonan, nos lo no a koperá ku matamentu di e profetanan.” 31Ke men, boso mes ta atmití di ta desendiente di e hendenan ku a mata e profetanan. 32Wèl, kaba e trabou ku boso antepasadonan a kuminsá!
33Víboranan! Rasa di kolebra,#Mateo 3:7; 12:34; Lukas 3:7 kon boso ta spera di por skapa e sentensia ku ta kondená boso pa bai fièrnu? 34Skucha bon! P'esei Mi ta manda profeta, hòmber sabí i hende vèrsá den lei pa boso. Algun boso lo mata, algun boso lo krusifiká, otro boso lo suta ku zuip den snoa i persiguí di siudat pa siudat. 35Asina e kastigu pa morto di tur hende inosente lo kai riba boso, for di morto di e hòmber hustu Abel,#Génesis 4:8 te ku morto di Zakarías,#2 Krónikanan 24:20-21 yu di Bèrèkías. E Zakarías ku boso a mata entre altá i santuario den tèmpel. 36Mi ta sigurá boso: e kastigu pa tur e kosnan akí, lo kai riba e generashon akí.
Hesus ta yora pa Herusalèm
(Lukas 13:34-35)
37Herusalèm, o Herusalèm! Abo ku ta mata e profetanan#1 Reinan 19:10; Yeremías 2:30 i piedra e mensaheronan ku Dios manda serka bo. Kuantu be Mi no a deseá di hunta bo hendenan, manera un mama galiña ta hala su puitunan bou di su ala. Ma bo no a laga Mi. 38Mira! Boso tèmpel lo keda bandoná i bashí. 39Pasobra Mi ta bisa boso: boso lo no mira Mi mas, te ora e tempu yega ku boso lo bisa: “Bendishoná ta esun ku ta bini den nòmber di Señor!” ’#Salmo 118:26
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Papiamentu Bible with DC © Bible Society in Netherlands Antilles and Aruba, 2012, 2013