Mattêuse 26
26
Jêsusib mingoartauninganik Betâniame. Ilijininganik Komunionimik. Tuksiarninganik Getsêmaneme. Pijauninganik. Toᴋotaksaunerartauninganik. Misiarutigijauninganik Pêtrusemut.
1Jêsusiblo oᴋautsine tamakkoa nâgamigit, ilinniartine oᴋautivait.
2Nalungilase, uvluk maggûk nâkpanik aularviksiorviolârmat; Inûblo Erninga pititaulârmat, kikiaktortauᴋovlugo ᴋejungmut saningajolingmut.
3Taipsomane ajoᴋertuijoksuit, aglangniglo ilisimajut, inuillo angajoᴋângit katilerput, ajoᴋertuijoksûb Kaifasemik atiliub igloᴋsoanganut.
4Kaggimiovlutiglo, ᴋanok Jêsuse pingitsertorlutik tigulugo toᴋodlugolo.
5Oᴋarpulle: Aularviksiorvingme pinago, inuit pikablâdlarᴋonagit.
6Jêsusele Betaniamêtilugo, Sîmonib kalaᴋadlalauktub iglungane;
7Arnak tâpsomunga tikipok, publaujatsialijarlune pivianartovaksoarmik imalingmik, niaᴋoanullo kovivâ, nerrimârvingme iksivatilugo.
8Ilinniartingita tamanna takogamitsuk, idluaringilât oᴋarlutiglo: Tâmna sôk kovijauvâ?
9Mingoarut tâmna pisiangonajalaurune, akkeᴋarajarpok unuktunik, aklujunut tunijaksanik.
10Jêsusib tamanna tussaramiuk, oᴋautivait: Arnak una sôk kiksartipisiûk? Ajungitomik pivânga.
11Aklujunik illaᴋatsainarpose; uvangale najortigitsainangilapsinga.
12Mingoarut tâmna timimnut kovigamiuk, piniarutigivâ iluvertauniksara pivlugo.
13Âhamarik oᴋaupapse: Nane oᴋautsit tussarnertut ukkua oᴋautigijaukpatta silaksoarme ilûnâne, oᴋartoᴋarniarivok tâpsoma piniarninganik uvamnut, erᴋaumajaujutiksanganik.
14Tagva 12 it ilangat, Judasemik Iskâriotemik atilik, aivok ajoᴋertuijoksoarnut,
15Oᴋarlunalo: Sumîk tunitjivigijomavisingâ? Ilipsingnut pititsomavara. Kênaujaniglo 30 nik tunitjivigijomavlugo oᴋarput.
16Tamattomangat pitjutiksarsiorpok pititsomavlugo.
17Pudjusauteᴋangitunigle ᴋakᴋôjaᴋtorviub uvlungita sivorlingane ilinniartut Jêsuse tikipât, oᴋautilâllo: Nane âᴋiksoijartorᴋovitigût (saugârsungmik) aularviksiorutiksamik nerriniartarnîk?
18Oᴋautivait: Iglugasaksoarnut aileritse, angut tagvanetok oᴋautisiuk: Ajoᴋertuijub oᴋautjauᴋovâtit: Piviksara naliutingmat, aularviksioromavunga ilingne ilinniartikka illagivlugit.
19Ilinniartingillo piniarput perᴋojaunermiktut Jêsusemut, saugârsuglo aularviksiorutiksak âᴋiksorpât.
20Unnulermallo 12 it illagivlugit nerrimârvingmut ingipok.
21Nerrivlutiglo oᴋarpok: Âhamarik, oᴋaupapse, illapse pitilârpânga.
22Angijomiglo kiksalerput aperivâllo neleᴋârdlutik: Nâlegak, uvangauniarpîk?
23Kiovait, oᴋarlunalo: Aggangminut pôgutamut misukseᴋatima pitilârpânga.
24Inûb Erninga ainiaralloarpok, sorlo tâpsominga aglaksimajoᴋarmat; inugle tâmna kappianamêk, Inûb Erninganik pititsiniartok! Inungmut tâpsomunga idluarnersaunajarpok, erniangongikune.
25Tagva Judasib, pititiginiartangata, aperivâ oᴋarlunalo: Rabbi, uvangauniarpîk? Oᴋautivâ: Oᴋartotit!
26Nerrivlutigle, Jêsusib ᴋakᴋôjaᴋ tiguvâ, ᴋujalivlunalo avgorpâ, ilinniartiminullo tunivâ, oᴋarlunalo: Tigulugo nerrisiuk, tagva timiga.
27Ermgusiarsuk tigugivâ, ᴋujalivlunalo tunivâ tâpkununga oᴋarlunalo: Ilûnase tagvangat imeritse;
28Tagva auga, Testamentitâb (aunga), kovijauniartok unuktut pivlugit, ajornerit issumagijaujungnairutiksanginut.
29Oᴋaupapse: Mattoma kingorngagut imerniarungnairpunga ôminga napârtub vaineliksab iptinganik, uvlok tâmna naliuterᴋârtinago, nutâmik imileromârupko illagivluse Atâtama nâlegauviane.
30Tuksiarutsillo nertordlerutiksat nâgamigit, anivut ᴋakᴋamut orᴋsuᴋtalingmut.
31Tagva Jêsusib oᴋautivait: Unnuame tamattomane tamapse sinaungajutigilârpapsinga. Aglaksimangmat: Mianersijok unatadlarniarpara, saukallo siamartidlarniarput.
32Makikumale (toᴋungajunit), sivunapsingne Galilêamut aijomavunga.
33Pêtrusible kiovâ, oᴋautivlugolo: Ilûnamatsiatik sinaungajutigigalloarpatit, uvanga sinaungajuteᴋarniatsangilanga.
34Jêsusib oᴋautivâ: Âhamarik, oᴋaupagit; Unnuarme tamattomane, angutaunek niplerᴋârtinago misiarutigilârparma pingasuertorlutit.
35Pêtrusib oᴋautivâ: Toᴋoᴋatigijaksarigupkillônêt, misiarutigijomangilagit. Taimâktauk ilinniartut ilûnatik oᴋarivut.
36Tagva Jêsuse ilinniartine illagivlugit perorsêvingmut avaluliorsimajomut tikipok, Getsêmanemik atilingmut, ilinniartinalo oᴋautivait; Tamaunga ingititse, taikunga tuksiariartortilunga.
37Pêtruselo Zebedêusiblo ernîgik illagivait, kiksalerlunalo kappiaktoadlalerpok.
38Tagva Jêsusib oᴋautivait: Tarniga kiksarpok toᴋo tikidlugo; tagvanêtitse pigârᴋatigilunga.
39ᴋanitomullo aivok, pâmakterlunalo tuksiarpok, oᴋarlunalo: Atâtak, ajornangipat, ermgusiarsuk una pêrle uvamnit; pijomajaraungitorle, pijomajat pile.
40Ilinniartullo siniktut tikipait, Pêtruselo oᴋautivâ: Stundemik atautsemik pigârᴋatigijungnangilapsingâ?
41Pigârluselo tuksiaritse, ôktortaulungnermut perᴋonase. Anernek pijomagalloarpok, uvinigle sangêpok.
42Aipanganik ama tuksiariartorpok, oᴋarlunalo: Atâtak, ajornarpat, ermgusiârsuk pêrlugo uvamnit, imingikupko, tagva pijomajat pile.
43Amalo siniktut tikinivait, ijingillo uerngarnermut oᴋumaiput.
44Tagvungalo ᴋemakpait, pingajuangniglo ama tuksiariartorpok, oᴋautsit taipkoatsainait atorlugit.
45Tagva ilinniartine tikipait oᴋautivlugillo: Mâna sinikluselo merngoerseromavisê? Ahâk, stunde naliusimavok, Inûb Erningata pititaulervinga idluitulijut agganginut.
46Makititse, aularta; ahâk, tamânêpok uvamnik pititsijok.
47Sullelo taimâk oᴋartilugo ahâk, Jûdase 12 it ilangat tikilerpok, inugasaksuit illagivlugit, saviksoalijarlutik ajaupialijarlarmiglo, ajoᴋertuijoksoarnit inuillo angajoᴋânginit pijut.
48Pititsiniartublo nalunaikutaksamik (ilitarsijutiksanganik) oᴋautilaukpait, oᴋarlunalo: Kunilârtara, taimnauvok; tigusiuk!
49Tagvainarlo Jêsuse aivigivâ, oᴋarlunalo: Rabbi, salutitaulerit! Kuniklâlo.
50Jêsusible oᴋautivâ; Ilannâra, sôk tamaungarᴋêt? Tagva tikipât, Jêsuselo aktorpât aggangmingnut, tigulugolo.
51Ahâglo, illagijangita ilangata aggane issakpait, saviksoane amuvlugo, ajoᴋertuijoksûblo kivganga ilimavlugo, siutâ nakappâ.
52Tagva Jêsusib oᴋautivâ: Saviksuit kênailitanganut pôleruk; saviksoarmik atortok, saviksoarmut nungutaksaungmat.
53Issumavîllônêt, Atâtaga tuksiarvigijungnanginapko, uvamnut tiliklerᴋovlugo Engelinik Legioninit 12 nit ununersanîk?
54Aglaille ᴋanok nalautsinajarᴋât? Taimaituksauvok.
55Stundeme tapsomane Jêsusib inugasaksuit oᴋautivait: Sorlo inuartomut anivose, saviksoalijarluse ajaupialijarluselo, tigujomavlunga. Uvlut tamaita iksivaᴋatigilauralloarpapse, ajoᴋertuivlungalo katimaviksoarme, tigulaungilapsingalo.
56Tamakkoale ilûnatik taimailivut, nalautaijut aglangit nalautserᴋovlugit. Tâva ilinniartingita ilûnatik ᴋemakpât, ᴋemâvlutiglo.
57Jesusemigle tigusijut ajoᴋertuijoksoarmut Kaifasemut âpât, aglangnik ilisimajut angajoᴋâllo tagvane katimangmatta.
58Pêtrusible alivasiklune malikpâ ajoᴋertuijoksûb iglunganut; iterlunalo, kivgat sanianut ingipok, takunâromavlune ᴋanok iliortauniarmangât.
59Ajoᴋertuijoksuille angajoᴋâllo ᴋaggimiojullo ilûnatik saglutiksarsiorput Jêsuse pivlugo, toᴋotsomavlugo.
60Nagvângilalle. Unuktullo pasiklertut sakᴋeralloarmatta, sulinginivut. Kingorliovlutik maggûk saglovlutik pasiklertuk sakᴋerpuk.
61Oᴋarlutiglo: Una oᴋalaukpok: Gûdib iglunga asserortitsungnartara, uvlunalo pingasune ama sanavlugo.
62Tagva ajoᴋertuijoksûb nikovidlunalo oᴋautivâ: Kiungilatît tamakkonunga, ukkua passiklerninginût?
63Jêsusele niplingilak. Ajoᴋertuijoksûblo kiovlugolo oᴋautivâ: Gûdib ômajub kênangata sângane aperivagit, oᴋautitigut Kristûseomangârpit, Gûdib Erninga.
64Jêsusib oᴋautivâ: Nelâgut oᴋarpotit. Oᴋautivapsele, mânamit Inûb Erninga takojomârpase iksivajoᴋ pitsartunerub talerpiata tungâne, ᴋilaublo nuvujangitigut akᴋartok.
65Tagva ajoᴋertuijoksûb annorâne alikpait, oᴋarlunalo: Gûde oᴋarnerlûtigivâ; kigligiutjuteᴋariaᴋarungnairpogut! Ahâk, mâna Gûdemik oᴋarnerlujininga tussarpase.
66ᴋanok issumavisê? Kiovut oᴋarlutiglo: Toᴋotaksauvok.
67Tagva kênanga ᴋetserarpât, tigluklugolo. Ilangitale kênangagut tiglukpât,
68Oᴋarlutiglo: Nalautalertigut, Kristûse, tigluktit kinauvâ?
69Pêtrusele avalut illuane iksivavok. Kivgallo arnat ilangata tikipâ oᴋarlunalo: Igvittauk Jêsuse Galilêamiok illagilaukpat.
70Misiarporle ilûnatik tussartilugit, oᴋarlunalo: Oᴋautsitit nalovakka.
71Upkuakulle aningmat, assiata (arnab) takogivâ, tagvanêtullo oᴋautivait: Tâpsoma Jêsuse Nazarêmiok illagilaurivâ.
72Misiarivorlo ama, Gûde taivlugo oᴋauserluklune: Inuk tâmna ilitaringilara.
73Kingornganegalâk tagvane nangertut tikiput, Pêtrusemullo oᴋarput: Ahamarik, igvittauk tâpkua illagivâtit; oᴋautsivît nalunailingmatit.
74Tagva ingminik oᴋarnerlulerdlune Gûdelo taivlugo oᴋarpok: Inuk tâmna ilitaringilara; tagvainarlo angutauneᴋ niplerpok.
75Tagva Pêtrusib Jêsusib oᴋausingit erᴋarpait, oᴋautilaungmago: Angutaunek niplerᴋârtinago, misiarutigilârparma pingasuertorlutit. Anivok tagva ᴋeavlunalo kiksadlarlune.
ទើបបានជ្រើសរើសហើយ៖
Mattêuse 26: LIHB08
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Labrador Inuttitut Heritage Bible © Canadian Bible Society, 2008.
Mattêuse 26
26
Jêsusib mingoartauninganik Betâniame. Ilijininganik Komunionimik. Tuksiarninganik Getsêmaneme. Pijauninganik. Toᴋotaksaunerartauninganik. Misiarutigijauninganik Pêtrusemut.
1Jêsusiblo oᴋautsine tamakkoa nâgamigit, ilinniartine oᴋautivait.
2Nalungilase, uvluk maggûk nâkpanik aularviksiorviolârmat; Inûblo Erninga pititaulârmat, kikiaktortauᴋovlugo ᴋejungmut saningajolingmut.
3Taipsomane ajoᴋertuijoksuit, aglangniglo ilisimajut, inuillo angajoᴋângit katilerput, ajoᴋertuijoksûb Kaifasemik atiliub igloᴋsoanganut.
4Kaggimiovlutiglo, ᴋanok Jêsuse pingitsertorlutik tigulugo toᴋodlugolo.
5Oᴋarpulle: Aularviksiorvingme pinago, inuit pikablâdlarᴋonagit.
6Jêsusele Betaniamêtilugo, Sîmonib kalaᴋadlalauktub iglungane;
7Arnak tâpsomunga tikipok, publaujatsialijarlune pivianartovaksoarmik imalingmik, niaᴋoanullo kovivâ, nerrimârvingme iksivatilugo.
8Ilinniartingita tamanna takogamitsuk, idluaringilât oᴋarlutiglo: Tâmna sôk kovijauvâ?
9Mingoarut tâmna pisiangonajalaurune, akkeᴋarajarpok unuktunik, aklujunut tunijaksanik.
10Jêsusib tamanna tussaramiuk, oᴋautivait: Arnak una sôk kiksartipisiûk? Ajungitomik pivânga.
11Aklujunik illaᴋatsainarpose; uvangale najortigitsainangilapsinga.
12Mingoarut tâmna timimnut kovigamiuk, piniarutigivâ iluvertauniksara pivlugo.
13Âhamarik oᴋaupapse: Nane oᴋautsit tussarnertut ukkua oᴋautigijaukpatta silaksoarme ilûnâne, oᴋartoᴋarniarivok tâpsoma piniarninganik uvamnut, erᴋaumajaujutiksanganik.
14Tagva 12 it ilangat, Judasemik Iskâriotemik atilik, aivok ajoᴋertuijoksoarnut,
15Oᴋarlunalo: Sumîk tunitjivigijomavisingâ? Ilipsingnut pititsomavara. Kênaujaniglo 30 nik tunitjivigijomavlugo oᴋarput.
16Tamattomangat pitjutiksarsiorpok pititsomavlugo.
17Pudjusauteᴋangitunigle ᴋakᴋôjaᴋtorviub uvlungita sivorlingane ilinniartut Jêsuse tikipât, oᴋautilâllo: Nane âᴋiksoijartorᴋovitigût (saugârsungmik) aularviksiorutiksamik nerriniartarnîk?
18Oᴋautivait: Iglugasaksoarnut aileritse, angut tagvanetok oᴋautisiuk: Ajoᴋertuijub oᴋautjauᴋovâtit: Piviksara naliutingmat, aularviksioromavunga ilingne ilinniartikka illagivlugit.
19Ilinniartingillo piniarput perᴋojaunermiktut Jêsusemut, saugârsuglo aularviksiorutiksak âᴋiksorpât.
20Unnulermallo 12 it illagivlugit nerrimârvingmut ingipok.
21Nerrivlutiglo oᴋarpok: Âhamarik, oᴋaupapse, illapse pitilârpânga.
22Angijomiglo kiksalerput aperivâllo neleᴋârdlutik: Nâlegak, uvangauniarpîk?
23Kiovait, oᴋarlunalo: Aggangminut pôgutamut misukseᴋatima pitilârpânga.
24Inûb Erninga ainiaralloarpok, sorlo tâpsominga aglaksimajoᴋarmat; inugle tâmna kappianamêk, Inûb Erninganik pititsiniartok! Inungmut tâpsomunga idluarnersaunajarpok, erniangongikune.
25Tagva Judasib, pititiginiartangata, aperivâ oᴋarlunalo: Rabbi, uvangauniarpîk? Oᴋautivâ: Oᴋartotit!
26Nerrivlutigle, Jêsusib ᴋakᴋôjaᴋ tiguvâ, ᴋujalivlunalo avgorpâ, ilinniartiminullo tunivâ, oᴋarlunalo: Tigulugo nerrisiuk, tagva timiga.
27Ermgusiarsuk tigugivâ, ᴋujalivlunalo tunivâ tâpkununga oᴋarlunalo: Ilûnase tagvangat imeritse;
28Tagva auga, Testamentitâb (aunga), kovijauniartok unuktut pivlugit, ajornerit issumagijaujungnairutiksanginut.
29Oᴋaupapse: Mattoma kingorngagut imerniarungnairpunga ôminga napârtub vaineliksab iptinganik, uvlok tâmna naliuterᴋârtinago, nutâmik imileromârupko illagivluse Atâtama nâlegauviane.
30Tuksiarutsillo nertordlerutiksat nâgamigit, anivut ᴋakᴋamut orᴋsuᴋtalingmut.
31Tagva Jêsusib oᴋautivait: Unnuame tamattomane tamapse sinaungajutigilârpapsinga. Aglaksimangmat: Mianersijok unatadlarniarpara, saukallo siamartidlarniarput.
32Makikumale (toᴋungajunit), sivunapsingne Galilêamut aijomavunga.
33Pêtrusible kiovâ, oᴋautivlugolo: Ilûnamatsiatik sinaungajutigigalloarpatit, uvanga sinaungajuteᴋarniatsangilanga.
34Jêsusib oᴋautivâ: Âhamarik, oᴋaupagit; Unnuarme tamattomane, angutaunek niplerᴋârtinago misiarutigilârparma pingasuertorlutit.
35Pêtrusib oᴋautivâ: Toᴋoᴋatigijaksarigupkillônêt, misiarutigijomangilagit. Taimâktauk ilinniartut ilûnatik oᴋarivut.
36Tagva Jêsuse ilinniartine illagivlugit perorsêvingmut avaluliorsimajomut tikipok, Getsêmanemik atilingmut, ilinniartinalo oᴋautivait; Tamaunga ingititse, taikunga tuksiariartortilunga.
37Pêtruselo Zebedêusiblo ernîgik illagivait, kiksalerlunalo kappiaktoadlalerpok.
38Tagva Jêsusib oᴋautivait: Tarniga kiksarpok toᴋo tikidlugo; tagvanêtitse pigârᴋatigilunga.
39ᴋanitomullo aivok, pâmakterlunalo tuksiarpok, oᴋarlunalo: Atâtak, ajornangipat, ermgusiarsuk una pêrle uvamnit; pijomajaraungitorle, pijomajat pile.
40Ilinniartullo siniktut tikipait, Pêtruselo oᴋautivâ: Stundemik atautsemik pigârᴋatigijungnangilapsingâ?
41Pigârluselo tuksiaritse, ôktortaulungnermut perᴋonase. Anernek pijomagalloarpok, uvinigle sangêpok.
42Aipanganik ama tuksiariartorpok, oᴋarlunalo: Atâtak, ajornarpat, ermgusiârsuk pêrlugo uvamnit, imingikupko, tagva pijomajat pile.
43Amalo siniktut tikinivait, ijingillo uerngarnermut oᴋumaiput.
44Tagvungalo ᴋemakpait, pingajuangniglo ama tuksiariartorpok, oᴋautsit taipkoatsainait atorlugit.
45Tagva ilinniartine tikipait oᴋautivlugillo: Mâna sinikluselo merngoerseromavisê? Ahâk, stunde naliusimavok, Inûb Erningata pititaulervinga idluitulijut agganginut.
46Makititse, aularta; ahâk, tamânêpok uvamnik pititsijok.
47Sullelo taimâk oᴋartilugo ahâk, Jûdase 12 it ilangat tikilerpok, inugasaksuit illagivlugit, saviksoalijarlutik ajaupialijarlarmiglo, ajoᴋertuijoksoarnit inuillo angajoᴋânginit pijut.
48Pititsiniartublo nalunaikutaksamik (ilitarsijutiksanganik) oᴋautilaukpait, oᴋarlunalo: Kunilârtara, taimnauvok; tigusiuk!
49Tagvainarlo Jêsuse aivigivâ, oᴋarlunalo: Rabbi, salutitaulerit! Kuniklâlo.
50Jêsusible oᴋautivâ; Ilannâra, sôk tamaungarᴋêt? Tagva tikipât, Jêsuselo aktorpât aggangmingnut, tigulugolo.
51Ahâglo, illagijangita ilangata aggane issakpait, saviksoane amuvlugo, ajoᴋertuijoksûblo kivganga ilimavlugo, siutâ nakappâ.
52Tagva Jêsusib oᴋautivâ: Saviksuit kênailitanganut pôleruk; saviksoarmik atortok, saviksoarmut nungutaksaungmat.
53Issumavîllônêt, Atâtaga tuksiarvigijungnanginapko, uvamnut tiliklerᴋovlugo Engelinik Legioninit 12 nit ununersanîk?
54Aglaille ᴋanok nalautsinajarᴋât? Taimaituksauvok.
55Stundeme tapsomane Jêsusib inugasaksuit oᴋautivait: Sorlo inuartomut anivose, saviksoalijarluse ajaupialijarluselo, tigujomavlunga. Uvlut tamaita iksivaᴋatigilauralloarpapse, ajoᴋertuivlungalo katimaviksoarme, tigulaungilapsingalo.
56Tamakkoale ilûnatik taimailivut, nalautaijut aglangit nalautserᴋovlugit. Tâva ilinniartingita ilûnatik ᴋemakpât, ᴋemâvlutiglo.
57Jesusemigle tigusijut ajoᴋertuijoksoarmut Kaifasemut âpât, aglangnik ilisimajut angajoᴋâllo tagvane katimangmatta.
58Pêtrusible alivasiklune malikpâ ajoᴋertuijoksûb iglunganut; iterlunalo, kivgat sanianut ingipok, takunâromavlune ᴋanok iliortauniarmangât.
59Ajoᴋertuijoksuille angajoᴋâllo ᴋaggimiojullo ilûnatik saglutiksarsiorput Jêsuse pivlugo, toᴋotsomavlugo.
60Nagvângilalle. Unuktullo pasiklertut sakᴋeralloarmatta, sulinginivut. Kingorliovlutik maggûk saglovlutik pasiklertuk sakᴋerpuk.
61Oᴋarlutiglo: Una oᴋalaukpok: Gûdib iglunga asserortitsungnartara, uvlunalo pingasune ama sanavlugo.
62Tagva ajoᴋertuijoksûb nikovidlunalo oᴋautivâ: Kiungilatît tamakkonunga, ukkua passiklerninginût?
63Jêsusele niplingilak. Ajoᴋertuijoksûblo kiovlugolo oᴋautivâ: Gûdib ômajub kênangata sângane aperivagit, oᴋautitigut Kristûseomangârpit, Gûdib Erninga.
64Jêsusib oᴋautivâ: Nelâgut oᴋarpotit. Oᴋautivapsele, mânamit Inûb Erninga takojomârpase iksivajoᴋ pitsartunerub talerpiata tungâne, ᴋilaublo nuvujangitigut akᴋartok.
65Tagva ajoᴋertuijoksûb annorâne alikpait, oᴋarlunalo: Gûde oᴋarnerlûtigivâ; kigligiutjuteᴋariaᴋarungnairpogut! Ahâk, mâna Gûdemik oᴋarnerlujininga tussarpase.
66ᴋanok issumavisê? Kiovut oᴋarlutiglo: Toᴋotaksauvok.
67Tagva kênanga ᴋetserarpât, tigluklugolo. Ilangitale kênangagut tiglukpât,
68Oᴋarlutiglo: Nalautalertigut, Kristûse, tigluktit kinauvâ?
69Pêtrusele avalut illuane iksivavok. Kivgallo arnat ilangata tikipâ oᴋarlunalo: Igvittauk Jêsuse Galilêamiok illagilaukpat.
70Misiarporle ilûnatik tussartilugit, oᴋarlunalo: Oᴋautsitit nalovakka.
71Upkuakulle aningmat, assiata (arnab) takogivâ, tagvanêtullo oᴋautivait: Tâpsoma Jêsuse Nazarêmiok illagilaurivâ.
72Misiarivorlo ama, Gûde taivlugo oᴋauserluklune: Inuk tâmna ilitaringilara.
73Kingornganegalâk tagvane nangertut tikiput, Pêtrusemullo oᴋarput: Ahamarik, igvittauk tâpkua illagivâtit; oᴋautsivît nalunailingmatit.
74Tagva ingminik oᴋarnerlulerdlune Gûdelo taivlugo oᴋarpok: Inuk tâmna ilitaringilara; tagvainarlo angutauneᴋ niplerpok.
75Tagva Pêtrusib Jêsusib oᴋausingit erᴋarpait, oᴋautilaungmago: Angutaunek niplerᴋârtinago, misiarutigilârparma pingasuertorlutit. Anivok tagva ᴋeavlunalo kiksadlarlune.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Labrador Inuttitut Heritage Bible © Canadian Bible Society, 2008.