Isr. 5
5
1Tura Yúsnan pujurniu úuntri̱ṉkia shuar anaikiamuiti tura ni takatrí̱ jímiaraiti. Yusai̱ shuarnan chicharsatniuiti. Nuya̱sha Yus suíniamun súsatniuiti tura núnisaṉ taṉkun maa Yusan súsatniuiti shuara yajauchiri̱n asakátratniun. 2Tura Yúsnan pujurniu uuntri̱ nisha shuar asa ni tujintiamun nékak shuar nékachuncha tura waak yujainia nunasha waitnentramniaiti. 3Tura nisha tujintia asa ni yajauchiri̱ncha chikichnaja̱i̱ métek tsaṉkurnarat tusa taṉkun maa Yusan súsatniuiti.
4Shuar ni enentái̱ji̱a̱i̱ṉkia Yúsnan pujurniu uuntri̱ ajaschamniaiti. Antsu Yus nu shuaran anaikiatniuiti. Núnisaṉ Araunan anaikiamiayi. 5Núniskete Krístuja̱i̱. Nisha ni enentái̱ji̱a̱i̱ Yúsnan pujurniu uuntri̱ ajaschamiayi. Antsu Yus Nin anaik nuja̱i̱ shiir awajsámiayi. Tura tímiayi
“Ame winia Uchiruitme.
Túmaitkiui yamaikia winia kakarmarun átakeajme.” YKan. 2:7
6Tura ataksha Yus Papinium jú̱nis tawai
“Mirkisetékka Yúsnan pujurin amia núnismek Amesha tuke Yúsnan pujurin átatme.” YKan. 110:4
7Kristu jú̱ nuṉkanam pujak kakantar úutuk Yusan ti seamiayi. Nin jákatniunmaya̱ uwemtikramnia asamtai seamiayi. Tura Yusa wakeramuri̱n tuke enentáiji̱a̱i̱ enentáimtakui Yus anturak ti yáiṉmiayi. 8Nuja̱i̱ Kristu Yusa Uchirí̱ntiat ni wáitsatniuja̱i̱ umirkatniun unuimiármiayi. 9Tura imiá peṉker awajnas nekas Uwemtikin ajasmiayi. Nin enentáimtuinia nuna uwemtikiar tuke iwiaaku apujsatnium nérentin ajasmiayi. 10Túramtai Yus Nin Yúsnan pujurniu uuntri̱ Mirkisetékja̱i̱ métek awajsámiayi.
Yusai̱ya̱ kanakip. Anearta
11Ju̱ tí nukap áujmatsatin awai. Túrasha ántichu asakrumin mash paant ujakchamniaitjiarme. 12Átumka yaunchu mash nekamaintrume. Túmaitiatrum ataksha yaitias Yúsnan jintintruat tusarum atsumarme. Warí kuirchia núniniaitrume. Kátsuram yútsuk muntsu muntsúatniuitrume. 13Kuírchikia uwempratin chichaman áujenak péṉker unuimiainiatsui. Tiṉkiamnumia̱ ásar tujintiainiawai. 14Apatuk kátsurman aya uunt yuámniaiti. Uunt ainia nuka péṉkernasha tura yajauchincha apatkar paant nékainiawai.
ទើបបានជ្រើសរើសហើយ៖
Isr. 5: jiv
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©2009 Avant Ministries in cooperation with Wycliffe Bible Translators, Inc. All rights reserved.
Isr. 5
5
1Tura Yúsnan pujurniu úuntri̱ṉkia shuar anaikiamuiti tura ni takatrí̱ jímiaraiti. Yusai̱ shuarnan chicharsatniuiti. Nuya̱sha Yus suíniamun súsatniuiti tura núnisaṉ taṉkun maa Yusan súsatniuiti shuara yajauchiri̱n asakátratniun. 2Tura Yúsnan pujurniu uuntri̱ nisha shuar asa ni tujintiamun nékak shuar nékachuncha tura waak yujainia nunasha waitnentramniaiti. 3Tura nisha tujintia asa ni yajauchiri̱ncha chikichnaja̱i̱ métek tsaṉkurnarat tusa taṉkun maa Yusan súsatniuiti.
4Shuar ni enentái̱ji̱a̱i̱ṉkia Yúsnan pujurniu uuntri̱ ajaschamniaiti. Antsu Yus nu shuaran anaikiatniuiti. Núnisaṉ Araunan anaikiamiayi. 5Núniskete Krístuja̱i̱. Nisha ni enentái̱ji̱a̱i̱ Yúsnan pujurniu uuntri̱ ajaschamiayi. Antsu Yus Nin anaik nuja̱i̱ shiir awajsámiayi. Tura tímiayi
“Ame winia Uchiruitme.
Túmaitkiui yamaikia winia kakarmarun átakeajme.” YKan. 2:7
6Tura ataksha Yus Papinium jú̱nis tawai
“Mirkisetékka Yúsnan pujurin amia núnismek Amesha tuke Yúsnan pujurin átatme.” YKan. 110:4
7Kristu jú̱ nuṉkanam pujak kakantar úutuk Yusan ti seamiayi. Nin jákatniunmaya̱ uwemtikramnia asamtai seamiayi. Tura Yusa wakeramuri̱n tuke enentáiji̱a̱i̱ enentáimtakui Yus anturak ti yáiṉmiayi. 8Nuja̱i̱ Kristu Yusa Uchirí̱ntiat ni wáitsatniuja̱i̱ umirkatniun unuimiármiayi. 9Tura imiá peṉker awajnas nekas Uwemtikin ajasmiayi. Nin enentáimtuinia nuna uwemtikiar tuke iwiaaku apujsatnium nérentin ajasmiayi. 10Túramtai Yus Nin Yúsnan pujurniu uuntri̱ Mirkisetékja̱i̱ métek awajsámiayi.
Yusai̱ya̱ kanakip. Anearta
11Ju̱ tí nukap áujmatsatin awai. Túrasha ántichu asakrumin mash paant ujakchamniaitjiarme. 12Átumka yaunchu mash nekamaintrume. Túmaitiatrum ataksha yaitias Yúsnan jintintruat tusarum atsumarme. Warí kuirchia núniniaitrume. Kátsuram yútsuk muntsu muntsúatniuitrume. 13Kuírchikia uwempratin chichaman áujenak péṉker unuimiainiatsui. Tiṉkiamnumia̱ ásar tujintiainiawai. 14Apatuk kátsurman aya uunt yuámniaiti. Uunt ainia nuka péṉkernasha tura yajauchincha apatkar paant nékainiawai.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©2009 Avant Ministries in cooperation with Wycliffe Bible Translators, Inc. All rights reserved.