Isr. 13
13
Yus shiir enentáimtiksatin
1Nuamtak yachi̱a núnisrum tuke mái̱ anenai ajatarum. 2Tuke írar shiir itiaatarum. Nuna túruiniak shuar nékachminiak Yusa suntari̱n itiaawaruiti.
3Sepunam pujuinia nusha atumsha niji̱a̱i̱ pujá núnisrumek waitnentrarta. Wáitkiasarma nusha wisha núnisnak wáitsamniapitjia tusarum waitnentratarum.
4Nuatnaikiatin péṉkeraiti. Shuar ni nuwe̱ja̱i̱ tsaniṉ pujustin péṉkeraiti. Tura nuatkamu ainia nusha chikichan e̱a̱kchatniuiti. Tsanirmana núnaka Yus asutiáttawai.
5Aya kuítiak enentáimtusam pujusaip. Yuska “kanakchattajai tura peṉké ikiukchattajme” túramui.Muis. 31:6; Jus. 1:5 Tuma asamtai ame takakmena nuja̱i̱ shiir enentáimsam “máakete” titiá. 6Tiniu asamtai arantutsuk ju̱ tíminiaitji
“Winia yainnia nuka Úunt Yusaiti.
Nu asamtai shuar túrutamnia nuna ashamkashtatjai.” YKan. 118:6
7Atumín Yus Chichaman jintintrámawarmia nu enentáimtustarum. Yusan nekas enentáimtuiniak péṉker wekasarmia núnisrumek atumsha túratarum.
8Jesukrístuka tuke yapají̱tsuk nuikiya núnisaṉ yamaisha tura ukunmasha tuke núnisaṉ átatui. 9Chíkich chicham niisháa írunna nu anturkairap. Yus iin anenma asakrin kakaram ajasártai. Shuar niisháa yurumkaja̱i̱ enentái̱rui̱ kakaram ajastaj táyat peṉké yáiṉchaiti. Yurumeaj núja̱i̱nchu antsu Yusa aneṉkrattairi̱ji̱a̱i̱ ii enentái̱n kakaram ajasminiaitji.
10Yaunchu Yúsnan pujurin taṉku maar Yus susamunmaya̱n yuu ármiayi. Tura iikia Yus sutai̱ nusháa ana nu súaji. Nusha Kristu jakamu asamtai yaunchua nu Yúsnan pujurin nui̱ pachinkiachmin áiniawai. 11Israer shuarnumia̱ Yúsnan pujurniu uuntri̱ yajauch túramun asakártaj tusa taṉkú numpe̱n júkiar Imiá Shiir Tesamunam wa̱i̱n ármiayi. Tura nu namaṉ arant áesatniuyayi. 12Núnisaṉ Jesussha péprunam arant wáitkianas mantamnamiayi. Nuja̱i̱ ashí shuara tunaari̱n ni numpe̱ja̱i̱ nijiatkaiti. 13Núnisrik iisha péprunmaya̱ arant wétinia núnisrik Jesusai̱ werí Niji̱a̱i̱ métek wishiknamu katsuntutai. 14Kame ju̱ nuṉkanam amukachmin pepru atsawai. Antsu ukunam ti shiir pepru átatna nu nákaji. 15Tuma asar taṉku maar Yus sútsuk antsu shiir chicham súakur tuke Yus shiir yúmiṉkiaji. Tuke núnisar túratai. 16Péṉker túrakrum takakrum nu ajamnaisatin kajinmátnaikiirap. Nusha ti shiir Yus sútainti.
17Yus shuara uuntri̱ umirkarum shiir enentáimtikratarum. Ni takatrí̱n Yusan ujaktin ásar atumí wakaní̱n shiir wainiainiawai. Nisha itiurchatcha antsu wakerumainian túrawarat tusarum shiir yaiṉtarum. Nu túrachkumka ¿itiurak yaintmakarat?
18Iincha Yus áujsatarum. Iisha ashí péṉker túratin wakeraji. Túraji enentáimji. 19Tura Yus áujkuram Yus ataksha atumji̱a̱i̱ wainniaikiatniun wari tsaṉkatrukat tusarum seatritiarum.
Amúak shiir chichaawai
20-21Aṉkant pujustinnium apujkartinia nú Yus, ii Uuntri̱ Jesukrístun jakamunmaya̱ iniantkímia nu, ni numpé̱ kakarmari̱ji̱a̱i̱ ashí péṉker ana nuna suramsarti. Nuja̱i̱ ni wakeramu túrattarme. Tura Jesukrístu kakarmari̱ji̱a̱i̱ ashí ni wakeramun iin pujurtamas takasti. Ii Uuntri̱ Jesukrístu ashí Yus shuaran tí peṉker Wáinniuiti. Tura ni numpe̱ja̱i̱ yamaram chichaman kakaram awajsámiayi. Nu chichamsha tuke meṉkakashtatui. Aya Kristu tuke shiir awajnásti. Núnisaṉ atí.
22Yatsuru, kakaram chicharkajrumna ju̱ shiir enentáimji̱a̱i̱ anturkatarum. Kame tí warik áatrajrume. 23Yamaikia ii yachi̱ Timiutéu sepunmaya̱ jiinkí̱ aṉkant ajasái. Nuna ujajrume. Wárik támataiṉkia atumín íitiaj tusan winiakun niji̱a̱i̱ winittiajai. 24Atumí úuntri̱sha tura ashí Yus shuarsha amikmátarum. Itiaria nuṉkanmaya̱ shuarsha amikmátmainiawai.
25Ashí Yus ti shiir yaintmakarti.
Nuke atí.
ទើបបានជ្រើសរើសហើយ៖
Isr. 13: jiv
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©2009 Avant Ministries in cooperation with Wycliffe Bible Translators, Inc. All rights reserved.
Isr. 13
13
Yus shiir enentáimtiksatin
1Nuamtak yachi̱a núnisrum tuke mái̱ anenai ajatarum. 2Tuke írar shiir itiaatarum. Nuna túruiniak shuar nékachminiak Yusa suntari̱n itiaawaruiti.
3Sepunam pujuinia nusha atumsha niji̱a̱i̱ pujá núnisrumek waitnentrarta. Wáitkiasarma nusha wisha núnisnak wáitsamniapitjia tusarum waitnentratarum.
4Nuatnaikiatin péṉkeraiti. Shuar ni nuwe̱ja̱i̱ tsaniṉ pujustin péṉkeraiti. Tura nuatkamu ainia nusha chikichan e̱a̱kchatniuiti. Tsanirmana núnaka Yus asutiáttawai.
5Aya kuítiak enentáimtusam pujusaip. Yuska “kanakchattajai tura peṉké ikiukchattajme” túramui.Muis. 31:6; Jus. 1:5 Tuma asamtai ame takakmena nuja̱i̱ shiir enentáimsam “máakete” titiá. 6Tiniu asamtai arantutsuk ju̱ tíminiaitji
“Winia yainnia nuka Úunt Yusaiti.
Nu asamtai shuar túrutamnia nuna ashamkashtatjai.” YKan. 118:6
7Atumín Yus Chichaman jintintrámawarmia nu enentáimtustarum. Yusan nekas enentáimtuiniak péṉker wekasarmia núnisrumek atumsha túratarum.
8Jesukrístuka tuke yapají̱tsuk nuikiya núnisaṉ yamaisha tura ukunmasha tuke núnisaṉ átatui. 9Chíkich chicham niisháa írunna nu anturkairap. Yus iin anenma asakrin kakaram ajasártai. Shuar niisháa yurumkaja̱i̱ enentái̱rui̱ kakaram ajastaj táyat peṉké yáiṉchaiti. Yurumeaj núja̱i̱nchu antsu Yusa aneṉkrattairi̱ji̱a̱i̱ ii enentái̱n kakaram ajasminiaitji.
10Yaunchu Yúsnan pujurin taṉku maar Yus susamunmaya̱n yuu ármiayi. Tura iikia Yus sutai̱ nusháa ana nu súaji. Nusha Kristu jakamu asamtai yaunchua nu Yúsnan pujurin nui̱ pachinkiachmin áiniawai. 11Israer shuarnumia̱ Yúsnan pujurniu uuntri̱ yajauch túramun asakártaj tusa taṉkú numpe̱n júkiar Imiá Shiir Tesamunam wa̱i̱n ármiayi. Tura nu namaṉ arant áesatniuyayi. 12Núnisaṉ Jesussha péprunam arant wáitkianas mantamnamiayi. Nuja̱i̱ ashí shuara tunaari̱n ni numpe̱ja̱i̱ nijiatkaiti. 13Núnisrik iisha péprunmaya̱ arant wétinia núnisrik Jesusai̱ werí Niji̱a̱i̱ métek wishiknamu katsuntutai. 14Kame ju̱ nuṉkanam amukachmin pepru atsawai. Antsu ukunam ti shiir pepru átatna nu nákaji. 15Tuma asar taṉku maar Yus sútsuk antsu shiir chicham súakur tuke Yus shiir yúmiṉkiaji. Tuke núnisar túratai. 16Péṉker túrakrum takakrum nu ajamnaisatin kajinmátnaikiirap. Nusha ti shiir Yus sútainti.
17Yus shuara uuntri̱ umirkarum shiir enentáimtikratarum. Ni takatrí̱n Yusan ujaktin ásar atumí wakaní̱n shiir wainiainiawai. Nisha itiurchatcha antsu wakerumainian túrawarat tusarum shiir yaiṉtarum. Nu túrachkumka ¿itiurak yaintmakarat?
18Iincha Yus áujsatarum. Iisha ashí péṉker túratin wakeraji. Túraji enentáimji. 19Tura Yus áujkuram Yus ataksha atumji̱a̱i̱ wainniaikiatniun wari tsaṉkatrukat tusarum seatritiarum.
Amúak shiir chichaawai
20-21Aṉkant pujustinnium apujkartinia nú Yus, ii Uuntri̱ Jesukrístun jakamunmaya̱ iniantkímia nu, ni numpé̱ kakarmari̱ji̱a̱i̱ ashí péṉker ana nuna suramsarti. Nuja̱i̱ ni wakeramu túrattarme. Tura Jesukrístu kakarmari̱ji̱a̱i̱ ashí ni wakeramun iin pujurtamas takasti. Ii Uuntri̱ Jesukrístu ashí Yus shuaran tí peṉker Wáinniuiti. Tura ni numpe̱ja̱i̱ yamaram chichaman kakaram awajsámiayi. Nu chichamsha tuke meṉkakashtatui. Aya Kristu tuke shiir awajnásti. Núnisaṉ atí.
22Yatsuru, kakaram chicharkajrumna ju̱ shiir enentáimji̱a̱i̱ anturkatarum. Kame tí warik áatrajrume. 23Yamaikia ii yachi̱ Timiutéu sepunmaya̱ jiinkí̱ aṉkant ajasái. Nuna ujajrume. Wárik támataiṉkia atumín íitiaj tusan winiakun niji̱a̱i̱ winittiajai. 24Atumí úuntri̱sha tura ashí Yus shuarsha amikmátarum. Itiaria nuṉkanmaya̱ shuarsha amikmátmainiawai.
25Ashí Yus ti shiir yaintmakarti.
Nuke atí.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©2009 Avant Ministries in cooperation with Wycliffe Bible Translators, Inc. All rights reserved.