2 Kur. 7
7
1Tuma asamtai aneamur yatsurtiram, nusha Yus timia nu, iin túramji. Nu tuma asamtai ii aya̱shi̱ tura ii enentái̱sha yajauch ajasá̱i̱ṉ tusar ashí tunáa ana nuyá̱ kanaktiniaitji. Túrar “Yusak nekas ii úuntri̱nti” takur ii aya̱shí̱sha ii enentái̱sha takamtsuk tuke tsawant Yus íktustiniaitji.
Papru Kurintiunmaya̱ shuaran wararsamu
2Ataksha nawamnaikiatai. Iikia shuar yajauch awajsachmaji, yajauch jintintrachmaji, anaṉkachmaji. 3Makuutai tusan nuna tátsujai. Antsu nuik tíchamkajrum iwiaaku pujakrisha jakarsha átumka ii enentái̱n áchitkiarme. 4Araantutsuk shiir enentáiji̱a̱i̱ áatjarme. Itiurchatnum pujayatnak atumín enentáimtusan enentái̱rui̱ kakaram enentáimsan waraajai.
5Ju̱i̱ Masetúnianam peṉké ayamprachmaji. Antsu ti wáitsamji. Aentsnumia̱ itiurchat wainkiamji tura ii enentái̱ji̱a̱i̱ṉkia ashamkamji. 6Tura kúntuts pujakrincha Yus ikiakátmartinian nékawai. Tuma asamtai Titiun akuptúrkamai. Nuja̱i̱ winia enentái̱run ikiaká̱rmai. 7Tura átum ni ikiaká̱rmarumna nuna Titiu ujatkámai. Nuna antukan ti warasmajai. Títiuka átum íirsatin wakerarmena nuna ujatkámai. Túrunamia nuna kúntuts enentáimmiarumna nusha tura winia anentu asarum enentáimturumna nuna ujatkámai. Nuna antukan nú naṉkaamas warasmajai.
8Papí nuik akupkámaj nu áujsarum kúntuts enentáimprarme. Núnaka nékajai. Túrasha ii akupmáinchu túraitjiai tátsujai. Ee, nuikkia tímiajai túrasha yamaikia tátsujai. Papí áujsarum ishichik kúntuts enentáimprarumna nuna nekaan waraajai. 9Kame kúntuts enentáimprakrumin waraatsjai. Antsu atumí tunaarí̱ nekaarum kúntuts enentáimprarum atumí enentái̱ Yusja̱i̱ yapaji̱á asakrumin nuna nekaan waraajai. Kame Yus wakerana nútiksarmek kúntutsrum katsuntearme. Tuma asamtai iikia nu papiji̱a̱i̱ yajauch awajsachji. 10Nekaatarum. Yus wakerana nútiksaṉ kúntuts katsunteakka ni enentái̱ Yusai̱ yapaji̱áwai. Nuiṉkia ni tunaarí̱ya̱ uwempraiti. Nuka “túrumainchu túraitjiai” tíchamniaiti. Antsu Yusan enentáimtutsuk kúntuts pujakka ni enentái̱ yapaji̱áshtatui, yapají̱tsuk ni tunaarí̱ya̱ uwemtsuk jakattawai. 11Tura iistarum. Yus wakerana nútiksarmek atumí kúntutsri̱ katsuntearme. Tuma asarum wi áatjarmena nu esettsarum enentáimtusurme. Atumí túramuri̱ ujatkatajtsa wakerimiarme. Tura nu tunáa nakitramarme tura ashamkamarme. Tura yajauchin túramia nu asutiámarme. Tura winia anentu asarum wi timia tímiatrusrumek túratai tusarum ti wakerimiarme. Nu tura asakrumin péṉker túrarmena nu, paant iniakmarme. 12Kame yajauchin túramia nuna ni tunaari̱n iniaisat tusan wakerakun tura wáitias pujumia nu atak shiir enentáimsati tusan wakerakun nu papin áatramjarme. Tura nú naṉkaamas átum Yusai̱ iin anearmena nu nekamatarum tusan áatramjarme. 13Átum umikiu asarum warakrumin iisha shiir enentáimji. Tura shiir itiaamarumna nuna Titiu warak ujatkámtai nú naṉkaamas shiir waraaji. 14Atumín shiir enentáimtajrumna nuna Titiun ujakmajai. Tura nuna nekas aan Titiu nekaamai. Tuma asamtai atumín natsantrachmajrume. Kame atumín tuke nekas ana nuna tímiajrume. Núnisan atumnian Titiun tímiaj nusha nekasauyi. 15Tura Títiuka atumín enentáimturmas ti waraawai. “Jiatmaktajtsa winiatsuash” tusarum ti ashamkachurmek. Túmayatrum ni péṉker tatí tusarum pachischarme. Tura ni taa seatmarma nu umikiurme. Títiuka nuna enentáimias waraawai. 16Tura wikia, átum péṉker túramurmin nekaan tura péṉker túrawartatui tu enentáimsan waraajai.
ទើបបានជ្រើសរើសហើយ៖
2 Kur. 7: jiv
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©2009 Avant Ministries in cooperation with Wycliffe Bible Translators, Inc. All rights reserved.
2 Kur. 7
7
1Tuma asamtai aneamur yatsurtiram, nusha Yus timia nu, iin túramji. Nu tuma asamtai ii aya̱shi̱ tura ii enentái̱sha yajauch ajasá̱i̱ṉ tusar ashí tunáa ana nuyá̱ kanaktiniaitji. Túrar “Yusak nekas ii úuntri̱nti” takur ii aya̱shí̱sha ii enentái̱sha takamtsuk tuke tsawant Yus íktustiniaitji.
Papru Kurintiunmaya̱ shuaran wararsamu
2Ataksha nawamnaikiatai. Iikia shuar yajauch awajsachmaji, yajauch jintintrachmaji, anaṉkachmaji. 3Makuutai tusan nuna tátsujai. Antsu nuik tíchamkajrum iwiaaku pujakrisha jakarsha átumka ii enentái̱n áchitkiarme. 4Araantutsuk shiir enentáiji̱a̱i̱ áatjarme. Itiurchatnum pujayatnak atumín enentáimtusan enentái̱rui̱ kakaram enentáimsan waraajai.
5Ju̱i̱ Masetúnianam peṉké ayamprachmaji. Antsu ti wáitsamji. Aentsnumia̱ itiurchat wainkiamji tura ii enentái̱ji̱a̱i̱ṉkia ashamkamji. 6Tura kúntuts pujakrincha Yus ikiakátmartinian nékawai. Tuma asamtai Titiun akuptúrkamai. Nuja̱i̱ winia enentái̱run ikiaká̱rmai. 7Tura átum ni ikiaká̱rmarumna nuna Titiu ujatkámai. Nuna antukan ti warasmajai. Títiuka átum íirsatin wakerarmena nuna ujatkámai. Túrunamia nuna kúntuts enentáimmiarumna nusha tura winia anentu asarum enentáimturumna nuna ujatkámai. Nuna antukan nú naṉkaamas warasmajai.
8Papí nuik akupkámaj nu áujsarum kúntuts enentáimprarme. Núnaka nékajai. Túrasha ii akupmáinchu túraitjiai tátsujai. Ee, nuikkia tímiajai túrasha yamaikia tátsujai. Papí áujsarum ishichik kúntuts enentáimprarumna nuna nekaan waraajai. 9Kame kúntuts enentáimprakrumin waraatsjai. Antsu atumí tunaarí̱ nekaarum kúntuts enentáimprarum atumí enentái̱ Yusja̱i̱ yapaji̱á asakrumin nuna nekaan waraajai. Kame Yus wakerana nútiksarmek kúntutsrum katsuntearme. Tuma asamtai iikia nu papiji̱a̱i̱ yajauch awajsachji. 10Nekaatarum. Yus wakerana nútiksaṉ kúntuts katsunteakka ni enentái̱ Yusai̱ yapaji̱áwai. Nuiṉkia ni tunaarí̱ya̱ uwempraiti. Nuka “túrumainchu túraitjiai” tíchamniaiti. Antsu Yusan enentáimtutsuk kúntuts pujakka ni enentái̱ yapaji̱áshtatui, yapají̱tsuk ni tunaarí̱ya̱ uwemtsuk jakattawai. 11Tura iistarum. Yus wakerana nútiksarmek atumí kúntutsri̱ katsuntearme. Tuma asarum wi áatjarmena nu esettsarum enentáimtusurme. Atumí túramuri̱ ujatkatajtsa wakerimiarme. Tura nu tunáa nakitramarme tura ashamkamarme. Tura yajauchin túramia nu asutiámarme. Tura winia anentu asarum wi timia tímiatrusrumek túratai tusarum ti wakerimiarme. Nu tura asakrumin péṉker túrarmena nu, paant iniakmarme. 12Kame yajauchin túramia nuna ni tunaari̱n iniaisat tusan wakerakun tura wáitias pujumia nu atak shiir enentáimsati tusan wakerakun nu papin áatramjarme. Tura nú naṉkaamas átum Yusai̱ iin anearmena nu nekamatarum tusan áatramjarme. 13Átum umikiu asarum warakrumin iisha shiir enentáimji. Tura shiir itiaamarumna nuna Titiu warak ujatkámtai nú naṉkaamas shiir waraaji. 14Atumín shiir enentáimtajrumna nuna Titiun ujakmajai. Tura nuna nekas aan Titiu nekaamai. Tuma asamtai atumín natsantrachmajrume. Kame atumín tuke nekas ana nuna tímiajrume. Núnisan atumnian Titiun tímiaj nusha nekasauyi. 15Tura Títiuka atumín enentáimturmas ti waraawai. “Jiatmaktajtsa winiatsuash” tusarum ti ashamkachurmek. Túmayatrum ni péṉker tatí tusarum pachischarme. Tura ni taa seatmarma nu umikiurme. Títiuka nuna enentáimias waraawai. 16Tura wikia, átum péṉker túramurmin nekaan tura péṉker túrawartatui tu enentáimsan waraajai.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©2009 Avant Ministries in cooperation with Wycliffe Bible Translators, Inc. All rights reserved.