2 Kur. 11
11
Ántar etserniun Papru áujmatma
1Waurua núnisnak chichastatjana nu anturtukaintrumeash. Ee, anturtuktarum tusan seajrume. 2Atumniasha Krístunak anajmamtikrajrume. Tura nuwa̱ chíkich áishmaṉkan nékatsuk ni áishri̱ji̱a̱i̱ṉᵏⁱ nuatnaiya núnisrumek átum chikicha chichame̱ umirtsuk aya ni chichame̱ṉᵏⁱ umíakrumin Kristui̱ ejetaj tusan wakerajrume. Nuna túrataj tusan atumín akasmatajrume. Nu akasmaktinian Yus surusuiti. 3Túrasha íwianch ni nekatairi̱ji̱a̱i̱ emka nuwa̱ Éwan anaṉkamia nútiksaṉ atumniasha Yusa jinti̱ya̱ awajimtikramar Kristu aneashtinian enentáimtikramprarmatai anaṉkamu ái̱rum tusan tsuutajrume. 4Warí, chíkich shuar Jesusnan nusháa etserkamuja̱i̱ táiniakuisha péṉker ántarme. Tura nusháa wakan achikiam, nusháa chichamja̱i̱ uwempramniaiti tu etserainiakuisha nekasapitia tárume. 5Kame “Yusai̱ya̱ akatrámu asar etserkatin imiá nékaitji” tuinia nuja̱i̱ naṉkaamas nékaitjiai, tu enentáimjiai. 6Tí peṉker chichastinian nékachiatnak winia nekaatairsha taamtsui. Núnaka ii túramuri̱ji̱a̱i̱ tuke paant iniakmaji.
7“Akirkata” tútsuk Yus Chichaman atumín ujakmajrumna nui̱ ¿tunáa túrajak? Átum aṉkant ajastarum tusan wikia péejchach ajasu asan “etserkamunam akirkata” tíchamjarme. 8Antsu atumín yáiṉtaj tusan pujakun chíkich Yus shuarnumia̱ kuítian súruiniakui achikmiajai. Nuna túran ni kuítri̱n ementúkmiajai. 9Tura atumji̱a̱i̱ pujusan atsumaknasha atumniaka seachjarme. Masetúnianmaya̱ Yus shuar taar wi atsummiajna nuna surusarmiayi. Nu tuma asamtai tájarme, seachjarme tura seashtatjarme. 10Ashí Akayanam nuna ujaktinian suritrukchartatui. Nuna tákun Kristu nekasri̱ji̱a̱i̱ tajai. 11¿Urukamtai nuna taja? ¿Atumín aneachu asanak taja? Atsá. Aneajrumna nuna Yus nékawai.
12Túrasha wi túrajna nuna tuke turu wétatjai. “Papru túrana núnisrik túraji” tuinia nuna tíara̱i̱ṉ tusan túrattajai. 13Warí, nisha Yusai̱ya̱ akatrachma áiniawai. Anaṉkartin áiniawai. “Kristu akatrámuri̱ntji” tumá átaj tusar wekainiawai. 14Nusha urukaku túmait tíchamniaiti. Warí, imia Satanáskesha “nayaimpinmaya̱ akatrámuitjiai” tumá átaj tusa wekaatsuk. 15Nuiṉkia imia ni suntarí̱sha péṉkeran túrawai tumá atai tusar wekasachartinkiait. Túrasha ni amúamuri̱ṉkia tunáa túriarma nuja̱i̱ métek nekapmá asutiátin átatui.
Papru wáitsamu
16Ataksha tájarme “wáurkaiti” tu enentáimtursacharti. Kame “wáurkaiti” tu enentáimturiatrumek chichastin tsaṉkatruktarum. Ishichik waantu enentáimtumastaj tusan wakerajai. 17Tura waantu enentáimtumastaj tájana nu, Uuntá tsaṉkatramuri̱ji̱a̱i̱ tátsujai. Antsu waurka núnisnak chichaajai. 18Untsurí ju̱ nuṉkanam uunt ajasár ti waantu enentáimtumainiakui wisha ishichik waantu enentáimtumastatjai. 19Imiá nékayatrum waurka ainia nu shiir enentáimtusrum ánturearme. 20Nisha atumín takamtikramainiakuisha, kasartamainiakuisha, atumí nérenniuri̱ ajainiakuisha, yajauch chichartamainiakuisha, yapimin awattámainiakuisha ashí nu katsuntearme. 21Natsaamayatnak tájarme ¡iikia nu túratin kakarmachuji! Wats, nisha araanainiatsna nuna wisha araantatsjai. (Waurka núnisnak chichaajai.) 22Nisha Ipríu shuar áiniakuisha wisha núnisnak Ipríu shuaraitjiai. Israer shuar áiniakuisha wisha núnisnak Israer shuaraitjiai. Aprajáma we̱a̱tri̱ áiniakuisha pai, wisha núnisnak. 23Kristu takarniúri̱ntji, tuíniawai. Wikia auja̱i̱ naṉkaamasaitjiai. Kame nuna tákun waurka núnisnak chichaajai. Kame niji̱a̱i̱ naṉkaamas takasuitjiai tura niji̱a̱i̱ naṉkaamas asutiámuitjiai. Niji̱a̱i̱ naṉkaamas sepunam eṉkeamuitjiai tura tí nukap jániṉkiamjai. 24Israer shuar chikichkí achirkacharmai. Antsu timiajní seṉku jeá achirkarmai. Tura emka achirkarmia nui̱ awá awatakua traintinuíwi ejeyarmiayi. Tura nu timiajní seṉku jeá achirkarmia nui̱sha nútiksaṉ nuja̱i̱ métek awatturarmiayi. 25Numiji̱a̱i̱ menaintiú awatturarmai. Kayaja̱i̱sha mantuatai tusar chikichkí tukurarmai nuyá̱ kanusha wi eṉkempran wekaimiaj nui̱ menaintiú waya̱mai. Tura nayantsanam ajapén chikichik kashi nui̱ pujusan tsawa̱rmajai tura nu tsawantcha tuke pujusmajai. 26Tí nukap wekasaitjiai. Tura entsá wekasan tsuumainian wáinkiaitjiai. Tura kasa shuarja̱i̱sha, wí shuarja̱i̱sha tura yajaya̱ shuarja̱i̱sha tsuumainian wáinkiaitjiai. Péprunmasha, kampunniunmasha, nayantsanmasha tsuumainian wáinkiaitjiai. Wait Yus shuarsha yajauch awajtústaj tusar wakeriarmai. 27Itiurchatnasha ti wáinkiaitjiai, takatnasha ti takasuitjiai. Ti untsurí kánutsuk pujusuitjiai. Tsukamaknasha, kitiamaknasha wáitsaitjiai. Tí ijiarmaitjiai. Pushir táasmatai tsetsekruí̱ wáitsaitjiai.
28Tura nuna naṉkaamas kijin júkitniua núnisnak Yus shuar péṉker wekainiawash tusan ashí tsawant ti enentáimsan pujajai. 29Chikichik Yus shuar kakarmachu pujakui wisha kakarmachu nekapeajai. Shuar chikichan tunaanum aju̱a̱warmatainkia wisha natsaamakun kajekan wáitiajai. 30Maa, waantu chichastin ákuiṉkia antsu winia kakarmachu awajtuinia nuna ujakan waantu ajasaintjiai. 31Yus, ii Uuntri̱ Jesukrístu Aparí̱ ana nu (ni naari̱ tuke shiir awajsamu atí) wi wáitratsjana nuna nékawai. 32Tamaskunam pujái̱ nu nuṉkanmaya̱ uuntri̱ winia jiṉkiá juruktiaj tusa wakerak pepru tanish téntakma wáitiri̱i̱n suntaran apujsamiayi. Aretas pepru úunt akupniuri̱ pujái̱ túramiayi. 33Túrasha uunt chaṉkinnium eṉketáwar pepru aa tanishri̱ áaṉkamunam ji̱i̱ki̱ itiararmiayi. Tu uwempramiajai.
ទើបបានជ្រើសរើសហើយ៖
2 Kur. 11: jiv
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©2009 Avant Ministries in cooperation with Wycliffe Bible Translators, Inc. All rights reserved.
2 Kur. 11
11
Ántar etserniun Papru áujmatma
1Waurua núnisnak chichastatjana nu anturtukaintrumeash. Ee, anturtuktarum tusan seajrume. 2Atumniasha Krístunak anajmamtikrajrume. Tura nuwa̱ chíkich áishmaṉkan nékatsuk ni áishri̱ji̱a̱i̱ṉᵏⁱ nuatnaiya núnisrumek átum chikicha chichame̱ umirtsuk aya ni chichame̱ṉᵏⁱ umíakrumin Kristui̱ ejetaj tusan wakerajrume. Nuna túrataj tusan atumín akasmatajrume. Nu akasmaktinian Yus surusuiti. 3Túrasha íwianch ni nekatairi̱ji̱a̱i̱ emka nuwa̱ Éwan anaṉkamia nútiksaṉ atumniasha Yusa jinti̱ya̱ awajimtikramar Kristu aneashtinian enentáimtikramprarmatai anaṉkamu ái̱rum tusan tsuutajrume. 4Warí, chíkich shuar Jesusnan nusháa etserkamuja̱i̱ táiniakuisha péṉker ántarme. Tura nusháa wakan achikiam, nusháa chichamja̱i̱ uwempramniaiti tu etserainiakuisha nekasapitia tárume. 5Kame “Yusai̱ya̱ akatrámu asar etserkatin imiá nékaitji” tuinia nuja̱i̱ naṉkaamas nékaitjiai, tu enentáimjiai. 6Tí peṉker chichastinian nékachiatnak winia nekaatairsha taamtsui. Núnaka ii túramuri̱ji̱a̱i̱ tuke paant iniakmaji.
7“Akirkata” tútsuk Yus Chichaman atumín ujakmajrumna nui̱ ¿tunáa túrajak? Átum aṉkant ajastarum tusan wikia péejchach ajasu asan “etserkamunam akirkata” tíchamjarme. 8Antsu atumín yáiṉtaj tusan pujakun chíkich Yus shuarnumia̱ kuítian súruiniakui achikmiajai. Nuna túran ni kuítri̱n ementúkmiajai. 9Tura atumji̱a̱i̱ pujusan atsumaknasha atumniaka seachjarme. Masetúnianmaya̱ Yus shuar taar wi atsummiajna nuna surusarmiayi. Nu tuma asamtai tájarme, seachjarme tura seashtatjarme. 10Ashí Akayanam nuna ujaktinian suritrukchartatui. Nuna tákun Kristu nekasri̱ji̱a̱i̱ tajai. 11¿Urukamtai nuna taja? ¿Atumín aneachu asanak taja? Atsá. Aneajrumna nuna Yus nékawai.
12Túrasha wi túrajna nuna tuke turu wétatjai. “Papru túrana núnisrik túraji” tuinia nuna tíara̱i̱ṉ tusan túrattajai. 13Warí, nisha Yusai̱ya̱ akatrachma áiniawai. Anaṉkartin áiniawai. “Kristu akatrámuri̱ntji” tumá átaj tusar wekainiawai. 14Nusha urukaku túmait tíchamniaiti. Warí, imia Satanáskesha “nayaimpinmaya̱ akatrámuitjiai” tumá átaj tusa wekaatsuk. 15Nuiṉkia imia ni suntarí̱sha péṉkeran túrawai tumá atai tusar wekasachartinkiait. Túrasha ni amúamuri̱ṉkia tunáa túriarma nuja̱i̱ métek nekapmá asutiátin átatui.
Papru wáitsamu
16Ataksha tájarme “wáurkaiti” tu enentáimtursacharti. Kame “wáurkaiti” tu enentáimturiatrumek chichastin tsaṉkatruktarum. Ishichik waantu enentáimtumastaj tusan wakerajai. 17Tura waantu enentáimtumastaj tájana nu, Uuntá tsaṉkatramuri̱ji̱a̱i̱ tátsujai. Antsu waurka núnisnak chichaajai. 18Untsurí ju̱ nuṉkanam uunt ajasár ti waantu enentáimtumainiakui wisha ishichik waantu enentáimtumastatjai. 19Imiá nékayatrum waurka ainia nu shiir enentáimtusrum ánturearme. 20Nisha atumín takamtikramainiakuisha, kasartamainiakuisha, atumí nérenniuri̱ ajainiakuisha, yajauch chichartamainiakuisha, yapimin awattámainiakuisha ashí nu katsuntearme. 21Natsaamayatnak tájarme ¡iikia nu túratin kakarmachuji! Wats, nisha araanainiatsna nuna wisha araantatsjai. (Waurka núnisnak chichaajai.) 22Nisha Ipríu shuar áiniakuisha wisha núnisnak Ipríu shuaraitjiai. Israer shuar áiniakuisha wisha núnisnak Israer shuaraitjiai. Aprajáma we̱a̱tri̱ áiniakuisha pai, wisha núnisnak. 23Kristu takarniúri̱ntji, tuíniawai. Wikia auja̱i̱ naṉkaamasaitjiai. Kame nuna tákun waurka núnisnak chichaajai. Kame niji̱a̱i̱ naṉkaamas takasuitjiai tura niji̱a̱i̱ naṉkaamas asutiámuitjiai. Niji̱a̱i̱ naṉkaamas sepunam eṉkeamuitjiai tura tí nukap jániṉkiamjai. 24Israer shuar chikichkí achirkacharmai. Antsu timiajní seṉku jeá achirkarmai. Tura emka achirkarmia nui̱ awá awatakua traintinuíwi ejeyarmiayi. Tura nu timiajní seṉku jeá achirkarmia nui̱sha nútiksaṉ nuja̱i̱ métek awatturarmiayi. 25Numiji̱a̱i̱ menaintiú awatturarmai. Kayaja̱i̱sha mantuatai tusar chikichkí tukurarmai nuyá̱ kanusha wi eṉkempran wekaimiaj nui̱ menaintiú waya̱mai. Tura nayantsanam ajapén chikichik kashi nui̱ pujusan tsawa̱rmajai tura nu tsawantcha tuke pujusmajai. 26Tí nukap wekasaitjiai. Tura entsá wekasan tsuumainian wáinkiaitjiai. Tura kasa shuarja̱i̱sha, wí shuarja̱i̱sha tura yajaya̱ shuarja̱i̱sha tsuumainian wáinkiaitjiai. Péprunmasha, kampunniunmasha, nayantsanmasha tsuumainian wáinkiaitjiai. Wait Yus shuarsha yajauch awajtústaj tusar wakeriarmai. 27Itiurchatnasha ti wáinkiaitjiai, takatnasha ti takasuitjiai. Ti untsurí kánutsuk pujusuitjiai. Tsukamaknasha, kitiamaknasha wáitsaitjiai. Tí ijiarmaitjiai. Pushir táasmatai tsetsekruí̱ wáitsaitjiai.
28Tura nuna naṉkaamas kijin júkitniua núnisnak Yus shuar péṉker wekainiawash tusan ashí tsawant ti enentáimsan pujajai. 29Chikichik Yus shuar kakarmachu pujakui wisha kakarmachu nekapeajai. Shuar chikichan tunaanum aju̱a̱warmatainkia wisha natsaamakun kajekan wáitiajai. 30Maa, waantu chichastin ákuiṉkia antsu winia kakarmachu awajtuinia nuna ujakan waantu ajasaintjiai. 31Yus, ii Uuntri̱ Jesukrístu Aparí̱ ana nu (ni naari̱ tuke shiir awajsamu atí) wi wáitratsjana nuna nékawai. 32Tamaskunam pujái̱ nu nuṉkanmaya̱ uuntri̱ winia jiṉkiá juruktiaj tusa wakerak pepru tanish téntakma wáitiri̱i̱n suntaran apujsamiayi. Aretas pepru úunt akupniuri̱ pujái̱ túramiayi. 33Túrasha uunt chaṉkinnium eṉketáwar pepru aa tanishri̱ áaṉkamunam ji̱i̱ki̱ itiararmiayi. Tu uwempramiajai.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©2009 Avant Ministries in cooperation with Wycliffe Bible Translators, Inc. All rights reserved.