1 Tis. 5
5
1Túrasha, yatsuru, ni tátintri̱ waritiṉin tura warí tsawantai̱k nuka áatnartinkia atsumatsrume. 2Ni tátintri̱ jú̱nis átin nékarme. Kiritniunam kasá shuar kasamkataj tusa tátatna nu nekaachminiaiti. Núnisaṉ nákatsuk pujuiniai̱ Uunt Kristu tsawantri̱ jeattawai. 3Ashí shuar “Pai, yamaikia ti nekas shiir péṉker pujuiniaji” tu matsatainiai̱ aya aneachma nuṉka mesertin tsawant jeattawai. Nuwa̱ ajamtin aya aneachma jatema áintsaṉ nékachmanum átatui. Túmakui̱ pisartin peṉké atsuttawai. 4Túrasha, yatsuru, átumka ujakmaitrume. Nu tsawant atumsha aneara pujarmin jeattawai. Atumsha aneara pujá asakrumin kasá áintsaṉ tarutrámashtatui. 5Enta, átumka tsáapninium wekáa asarum Yus shuartirmeka nékaitrume. Iikia kiritniumia̱nchuitji. 6Nu tuma asar chíkich uruka núnisrik ii enentái̱n kanartinia núnisrik “Warí, winia itiurtawa” tíchami. Antsu naka enentáimsar anearmi. 7Iis, kashi kanarchatniukait. Tura nampeena nu kashi nampenawai. 8Túrasha iikia shiir tsáapninium wekainiaj nuka naka enentáimprar tuke nampetsuk pujustiniaitji. Suntar ni nemasri̱ anaṉkruawa̱i̱ṉ tusa anear wekasatniuiti. Tura iisha núnisrik íwianch yajauch awajtámsa̱i̱j tusar anearmi. Yus enentáimtusar aneetniuitji. Tura núnisrik iisha ju̱ nuṉkanmaya̱ uwemprar Yusai̱ tuke pujustatji, tu enentáimprar wetái. 9Páantchakait. “Jinium wéchatniuitrume” Yus iincha túramji. Antsu ii Uuntri̱ Jesukrístuja̱i̱ uwempratniun tsaṉkatramkaitji. 10Niji̱a̱i̱ métekrak iwiaaku amí tusa Jesukrístu iin jarutramkamiaji. Nu tuma asamtai iisha ii aya̱shi̱ji̱a̱i̱ iwiaaku pujakrisha Niji̱a̱i̱ iwiaakji tura ii aya̱shi̱ji̱a̱i̱ jáakrisha Niji̱a̱i̱ tuke iwiaakji. 11Tuma asamtai tuke túrarmena núnisrumek shiir enentáimtiknaisarum mai̱ ikiakánai ajatarum.
Papru Yus shuaran jintinma
12Yatsuru, ju̱na seajrume. Atumji̱a̱i̱ pujuinia nú shuar Yúsnan takakmainiakui shiir enentáimtustarum. Jintintramuk chichartamainiakui umirkatarum. 13Yúsnan takainia ásarmatai tí peṉker enentáimtusrum aneetarum. Tura yajauch awajnaitsuk ti shiir nawamnaikiarum matsamsatarum. 14Tura ju̱nasha seajrume, yatsuru. Takastinian nakitiana nusha chicharkatarum. Tura yawe̱e̱na nusha ataksha enentáimtikrarum ikiaká̱rtarum. Kakarmachu ana nusha yaiṉtarum. Tura ashí shuarja̱i̱ kajetsuk katsuntrarum wekasatarum.
15Aneartarum, yatsuru. Chíkich yajauch túrutmamtai amesha nútiksamek yapajkiaip. Antsu nuka túrutsuk átumka mái̱ peṉker awajnai ajatarum. Tura nú arant ashí nuṉkanmasha ashí shuarsha nútiksarmek túratarum. 16Tuke shiir warasrum pujustarum. 17Tuke tsawant iniaitsuk Yus áujsatarum. 18Péṉker pujakmesha, itiurchat pujakmesha ashí warí wáiniam nui̱sha Yus shiir yumiṉsatarum. Kristu Jesusai̱ Yus shuar ajasutiram nu túratniun Yus wakerawai.
19Ji ikiajniáktinia núnisaṉ Yusa Wakaní̱ enentáimin keana nuka tunaaja̱i̱ téenmamtikiarum ikiajniákairap.
20Yus jintintrar akupkámu asa péṉker chichaman etserainia nu nakitrairap.
21Ashí etserkamu ana nu nekasashit tusarum nekaatarum. Túrarum aya péṉker ana nuke achiktarum. 22Ashí yajauch ana nuya̱ṉka kanaktiarum.
23Yuska, imiatkinchanum wekasatniun amaana nu, atumín takamtsuk shiir awajtámsarti. Tura ii Uuntri̱ Jesukrístu táatsa̱i̱ṉ atumí wakaní̱ atumí enentái̱ tura atumí aya̱shí̱sha mash métek tunaaja̱i̱nchu awajtámsati. 24Yus atumín untsurmakmarumna nu tímianak uminiaiti. Ni tana nuna yawe̱tsuk túrattawai.
Amúamunam amikmamu
25Ashí yatsurtiram winiasha Yus áujtursatarum. 26Ashí Yus shuar árum nu, amikmániatarum. 27Winia Uuntru Jesukrístu chichame̱ja̱i̱ ju̱na tájarme. Ju̱ papí ashí Yus shuar antukarti tusarum ashí iruntramunam áujsatarum. 28Ii Uuntri̱ Jesukrístu waitnentrama ásarmatai atumín yaintmakarti.
Nu atí.
ទើបបានជ្រើសរើសហើយ៖
1 Tis. 5: jiv
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©2009 Avant Ministries in cooperation with Wycliffe Bible Translators, Inc. All rights reserved.
1 Tis. 5
5
1Túrasha, yatsuru, ni tátintri̱ waritiṉin tura warí tsawantai̱k nuka áatnartinkia atsumatsrume. 2Ni tátintri̱ jú̱nis átin nékarme. Kiritniunam kasá shuar kasamkataj tusa tátatna nu nekaachminiaiti. Núnisaṉ nákatsuk pujuiniai̱ Uunt Kristu tsawantri̱ jeattawai. 3Ashí shuar “Pai, yamaikia ti nekas shiir péṉker pujuiniaji” tu matsatainiai̱ aya aneachma nuṉka mesertin tsawant jeattawai. Nuwa̱ ajamtin aya aneachma jatema áintsaṉ nékachmanum átatui. Túmakui̱ pisartin peṉké atsuttawai. 4Túrasha, yatsuru, átumka ujakmaitrume. Nu tsawant atumsha aneara pujarmin jeattawai. Atumsha aneara pujá asakrumin kasá áintsaṉ tarutrámashtatui. 5Enta, átumka tsáapninium wekáa asarum Yus shuartirmeka nékaitrume. Iikia kiritniumia̱nchuitji. 6Nu tuma asar chíkich uruka núnisrik ii enentái̱n kanartinia núnisrik “Warí, winia itiurtawa” tíchami. Antsu naka enentáimsar anearmi. 7Iis, kashi kanarchatniukait. Tura nampeena nu kashi nampenawai. 8Túrasha iikia shiir tsáapninium wekainiaj nuka naka enentáimprar tuke nampetsuk pujustiniaitji. Suntar ni nemasri̱ anaṉkruawa̱i̱ṉ tusa anear wekasatniuiti. Tura iisha núnisrik íwianch yajauch awajtámsa̱i̱j tusar anearmi. Yus enentáimtusar aneetniuitji. Tura núnisrik iisha ju̱ nuṉkanmaya̱ uwemprar Yusai̱ tuke pujustatji, tu enentáimprar wetái. 9Páantchakait. “Jinium wéchatniuitrume” Yus iincha túramji. Antsu ii Uuntri̱ Jesukrístuja̱i̱ uwempratniun tsaṉkatramkaitji. 10Niji̱a̱i̱ métekrak iwiaaku amí tusa Jesukrístu iin jarutramkamiaji. Nu tuma asamtai iisha ii aya̱shi̱ji̱a̱i̱ iwiaaku pujakrisha Niji̱a̱i̱ iwiaakji tura ii aya̱shi̱ji̱a̱i̱ jáakrisha Niji̱a̱i̱ tuke iwiaakji. 11Tuma asamtai tuke túrarmena núnisrumek shiir enentáimtiknaisarum mai̱ ikiakánai ajatarum.
Papru Yus shuaran jintinma
12Yatsuru, ju̱na seajrume. Atumji̱a̱i̱ pujuinia nú shuar Yúsnan takakmainiakui shiir enentáimtustarum. Jintintramuk chichartamainiakui umirkatarum. 13Yúsnan takainia ásarmatai tí peṉker enentáimtusrum aneetarum. Tura yajauch awajnaitsuk ti shiir nawamnaikiarum matsamsatarum. 14Tura ju̱nasha seajrume, yatsuru. Takastinian nakitiana nusha chicharkatarum. Tura yawe̱e̱na nusha ataksha enentáimtikrarum ikiaká̱rtarum. Kakarmachu ana nusha yaiṉtarum. Tura ashí shuarja̱i̱ kajetsuk katsuntrarum wekasatarum.
15Aneartarum, yatsuru. Chíkich yajauch túrutmamtai amesha nútiksamek yapajkiaip. Antsu nuka túrutsuk átumka mái̱ peṉker awajnai ajatarum. Tura nú arant ashí nuṉkanmasha ashí shuarsha nútiksarmek túratarum. 16Tuke shiir warasrum pujustarum. 17Tuke tsawant iniaitsuk Yus áujsatarum. 18Péṉker pujakmesha, itiurchat pujakmesha ashí warí wáiniam nui̱sha Yus shiir yumiṉsatarum. Kristu Jesusai̱ Yus shuar ajasutiram nu túratniun Yus wakerawai.
19Ji ikiajniáktinia núnisaṉ Yusa Wakaní̱ enentáimin keana nuka tunaaja̱i̱ téenmamtikiarum ikiajniákairap.
20Yus jintintrar akupkámu asa péṉker chichaman etserainia nu nakitrairap.
21Ashí etserkamu ana nu nekasashit tusarum nekaatarum. Túrarum aya péṉker ana nuke achiktarum. 22Ashí yajauch ana nuya̱ṉka kanaktiarum.
23Yuska, imiatkinchanum wekasatniun amaana nu, atumín takamtsuk shiir awajtámsarti. Tura ii Uuntri̱ Jesukrístu táatsa̱i̱ṉ atumí wakaní̱ atumí enentái̱ tura atumí aya̱shí̱sha mash métek tunaaja̱i̱nchu awajtámsati. 24Yus atumín untsurmakmarumna nu tímianak uminiaiti. Ni tana nuna yawe̱tsuk túrattawai.
Amúamunam amikmamu
25Ashí yatsurtiram winiasha Yus áujtursatarum. 26Ashí Yus shuar árum nu, amikmániatarum. 27Winia Uuntru Jesukrístu chichame̱ja̱i̱ ju̱na tájarme. Ju̱ papí ashí Yus shuar antukarti tusarum ashí iruntramunam áujsatarum. 28Ii Uuntri̱ Jesukrístu waitnentrama ásarmatai atumín yaintmakarti.
Nu atí.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©2009 Avant Ministries in cooperation with Wycliffe Bible Translators, Inc. All rights reserved.