1 Tis. 2
2
1Atumsha nékarme, yatsuru, iisha ántrar atumíin jeachmaji. 2Antsu itiurchat wáinkiaitiatar arantutsuk shiir uwempratin chichaman ujakmajrume. Iis, nuik Jiripiusnum iincha katsekramkarmiaji. Tura nú arant ti itiurchat wainkiamiajai. Túmaitiatan Yus yaintkiui Yusa Chichame̱n ujakmajrume. Nuka atumsha tí peṉker nékarme. 3Warí, iisha Yus Chicham atumín ujakmiaj nu nekasauyi. Tura yajauch enentáimsan anaṉkatjarum tusan tíchamjarme. 4Antsu Yus iin péṉker enentáimturmas uwempratin chicham etserkatarum tusa akatrámpramiaji. Tuma asamtai núnisrik étsereaji. Túrasha aya aents waramtiksatai tusar étsertsuji. Antsu Niṉki Yusak ii enentái̱n nekartamin asamtai shiir enentáimtiksataitsar túraji. 5Átumka nékarme, peṉkesha shíirmach chichasan anaṉkachjarme. Nuya̱sha kuit achiktai tusar ántrar chichaschamji. Núnaka Yus nékawai. 6Iisha Kristu akatrámuri̱ntji. Tuma asar ni kakarmari̱ji̱a̱i̱ akupkatin takakuji. Páchitsuk túramniauji. Túrasha waantu ajastaj tíchamji. Nuyá̱ atumsha tura chikitcha iin waantu awajtámsataj tákuisha iikia nakitmiaji. 7Antsu uchi kuírchin ni nukurí̱ péṉker iis tsakatmana áintsarik iikia atumniaka shiir íismajrume. 8Iisha ti shiir aneajrume. Tuma asar Yus Chicham ujaktai tusar ti wakerukmaji. Tura aya ujakar iniaisatin wakerukchamji. Antsu ii jákatniuitkiursha iniaisacha̱a̱ji, atumín ti anea asarⁱ. 9Yatsuru, ii atsumaj nu sumarmaktai tusar kakaram takakmasmaj nu ¿kajinmátkintrumek? Atsá. Nékarme. Iis, uwempratin chicham étserkur tsawai̱sha káshisha takasmiaji. Nusha, akirkata ti̱i̱j tusar takakmasmiaji.
10Yatsuru, atumji̱a̱i̱ pujumiaj nui̱ iisha Yus wakerana nu túrimiaji tura yajauch túrutsuk shiir wekasamiaji. Nuja̱i̱ iincha chikichkisha yajauch chichartamkatniusha atsumiayi. Nuka atumsha nékarme tura nú arant Yus nékawai. 11Tura atumniasha aṉkant aṉkant Yusai̱ ikiaká̱rmajrumna nu nékarme. Tura apa ni uchirí̱n átsaṉkeana nútiksarik shiir enentáimtikramajrumna nusha nékarme. 12Tura Yusja̱i̱ shiir wekasatarum tímiajrume. Yus naṉkaamas uunt asa ashí akupeawai. Tura Yus shuaraitrumna nuna, Winin pachinkiarat tusa Yus untsurmarme. Yus untsurma asamtai Níniuitrume. Niniu asarum Yusa uchirí̱a núnisrumek wekasatniuitrume.
13Yus Chicham ii étserma antukrum aya aentsnumia̱ṉchaiti tímiarme. Yusai̱ya̱iti tímiarme. Nu tiniu asarum umirkamarme. Kame nekas tárume. Ii étserjinia nu nekas Yusa Chichame̱nte. Átum nu chicham umirka asakrumin atumí enentái̱n kakaram ajastinian amaawai, Yus Chicham asa. Átum Yus Chicham umirkaru asakrumin iisha tuke tsawant Yus yúmiṉkiaji. 14Yatsuru, ju̱ nekaatarum. Aya atumek wáitiatsrume. Ashí Jutanmaya̱ Israer shuar, ní shuari̱ṉketiat, Yus shuaran wáitkiascharmakia. Iis, Yus shuaran Kristu Jesusan umirkaru ásarmatai wáitkiasarmiayi. Yamaikia atumniasha atumí shuari̱ṉ wáitkiarmainiawai. Nuja̱i̱ Jutanmaya̱ Yus shuarja̱i̱ métekrak ajasurme. 15Nisha Israer shuaraitiataṉ Yus Chichaman etserin armia nuna nuamtaketiat máwarmiayi. Tura nú weak Uunt Jesusnasha máwarmiayi. Tura iincha a̱a̱ ji̱i̱ki̱ akuptámkarmiaji. Maa, nisha Yusan shiir enentáimtikiainiatsui. Tura núnisaṉ ashí aentsun kajerainiawai. 16Warí, Israer shuarcha uwempratin chicham ujaktaj tákurnisha nisha suritramainiaji. Nuna túruiniak yaunchu tunaan túriarmia núja̱i̱ṉkia naṉkaamas yamaikia túrawarai. Pai, túrasha yamaikia Yusa kajetáiri̱ imiá tsuumai̱ ana nui̱ pujusárai.
Papru ataksha irauttsa wakeramu
17Iisha, yatsuru, ishichik tsawant atumíiya̱ kanakir jeachat pujayatrik atumji̱a̱i̱sha wainniaiyachiatrik tuke ii enentái̱nkia enentáimtimjiarme. Tuma asar ataksha atumín iistai tusar ti wakerimji. 18Nekas winitiaitsar wakerimji. Imia wíkisha winitniun tí nukap enentáimsamjai. Tura iwianchi uuntri̱ Satanás tuke nuna suritrámmiaji. 19-20Atumsha shiir wekasa asakrumin iisha ti shiir enentáimsar waraaji. Nu tuma asar Uunt Jesukrístu tátintri̱ shiir enentáimsar nákaji. Ni támatai imiá warastatji. Atumín Yus shuar awajsa asar Ni támatai atumsha iiji̱a̱i̱ Jesus shiir iṉkiuṉtatji. Tuma asamtai nu enentáimsar tawasap achiktinia áintsar waraaji.
ទើបបានជ្រើសរើសហើយ៖
1 Tis. 2: jiv
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©2009 Avant Ministries in cooperation with Wycliffe Bible Translators, Inc. All rights reserved.
1 Tis. 2
2
1Atumsha nékarme, yatsuru, iisha ántrar atumíin jeachmaji. 2Antsu itiurchat wáinkiaitiatar arantutsuk shiir uwempratin chichaman ujakmajrume. Iis, nuik Jiripiusnum iincha katsekramkarmiaji. Tura nú arant ti itiurchat wainkiamiajai. Túmaitiatan Yus yaintkiui Yusa Chichame̱n ujakmajrume. Nuka atumsha tí peṉker nékarme. 3Warí, iisha Yus Chicham atumín ujakmiaj nu nekasauyi. Tura yajauch enentáimsan anaṉkatjarum tusan tíchamjarme. 4Antsu Yus iin péṉker enentáimturmas uwempratin chicham etserkatarum tusa akatrámpramiaji. Tuma asamtai núnisrik étsereaji. Túrasha aya aents waramtiksatai tusar étsertsuji. Antsu Niṉki Yusak ii enentái̱n nekartamin asamtai shiir enentáimtiksataitsar túraji. 5Átumka nékarme, peṉkesha shíirmach chichasan anaṉkachjarme. Nuya̱sha kuit achiktai tusar ántrar chichaschamji. Núnaka Yus nékawai. 6Iisha Kristu akatrámuri̱ntji. Tuma asar ni kakarmari̱ji̱a̱i̱ akupkatin takakuji. Páchitsuk túramniauji. Túrasha waantu ajastaj tíchamji. Nuyá̱ atumsha tura chikitcha iin waantu awajtámsataj tákuisha iikia nakitmiaji. 7Antsu uchi kuírchin ni nukurí̱ péṉker iis tsakatmana áintsarik iikia atumniaka shiir íismajrume. 8Iisha ti shiir aneajrume. Tuma asar Yus Chicham ujaktai tusar ti wakerukmaji. Tura aya ujakar iniaisatin wakerukchamji. Antsu ii jákatniuitkiursha iniaisacha̱a̱ji, atumín ti anea asarⁱ. 9Yatsuru, ii atsumaj nu sumarmaktai tusar kakaram takakmasmaj nu ¿kajinmátkintrumek? Atsá. Nékarme. Iis, uwempratin chicham étserkur tsawai̱sha káshisha takasmiaji. Nusha, akirkata ti̱i̱j tusar takakmasmiaji.
10Yatsuru, atumji̱a̱i̱ pujumiaj nui̱ iisha Yus wakerana nu túrimiaji tura yajauch túrutsuk shiir wekasamiaji. Nuja̱i̱ iincha chikichkisha yajauch chichartamkatniusha atsumiayi. Nuka atumsha nékarme tura nú arant Yus nékawai. 11Tura atumniasha aṉkant aṉkant Yusai̱ ikiaká̱rmajrumna nu nékarme. Tura apa ni uchirí̱n átsaṉkeana nútiksarik shiir enentáimtikramajrumna nusha nékarme. 12Tura Yusja̱i̱ shiir wekasatarum tímiajrume. Yus naṉkaamas uunt asa ashí akupeawai. Tura Yus shuaraitrumna nuna, Winin pachinkiarat tusa Yus untsurmarme. Yus untsurma asamtai Níniuitrume. Niniu asarum Yusa uchirí̱a núnisrumek wekasatniuitrume.
13Yus Chicham ii étserma antukrum aya aentsnumia̱ṉchaiti tímiarme. Yusai̱ya̱iti tímiarme. Nu tiniu asarum umirkamarme. Kame nekas tárume. Ii étserjinia nu nekas Yusa Chichame̱nte. Átum nu chicham umirka asakrumin atumí enentái̱n kakaram ajastinian amaawai, Yus Chicham asa. Átum Yus Chicham umirkaru asakrumin iisha tuke tsawant Yus yúmiṉkiaji. 14Yatsuru, ju̱ nekaatarum. Aya atumek wáitiatsrume. Ashí Jutanmaya̱ Israer shuar, ní shuari̱ṉketiat, Yus shuaran wáitkiascharmakia. Iis, Yus shuaran Kristu Jesusan umirkaru ásarmatai wáitkiasarmiayi. Yamaikia atumniasha atumí shuari̱ṉ wáitkiarmainiawai. Nuja̱i̱ Jutanmaya̱ Yus shuarja̱i̱ métekrak ajasurme. 15Nisha Israer shuaraitiataṉ Yus Chichaman etserin armia nuna nuamtaketiat máwarmiayi. Tura nú weak Uunt Jesusnasha máwarmiayi. Tura iincha a̱a̱ ji̱i̱ki̱ akuptámkarmiaji. Maa, nisha Yusan shiir enentáimtikiainiatsui. Tura núnisaṉ ashí aentsun kajerainiawai. 16Warí, Israer shuarcha uwempratin chicham ujaktaj tákurnisha nisha suritramainiaji. Nuna túruiniak yaunchu tunaan túriarmia núja̱i̱ṉkia naṉkaamas yamaikia túrawarai. Pai, túrasha yamaikia Yusa kajetáiri̱ imiá tsuumai̱ ana nui̱ pujusárai.
Papru ataksha irauttsa wakeramu
17Iisha, yatsuru, ishichik tsawant atumíiya̱ kanakir jeachat pujayatrik atumji̱a̱i̱sha wainniaiyachiatrik tuke ii enentái̱nkia enentáimtimjiarme. Tuma asar ataksha atumín iistai tusar ti wakerimji. 18Nekas winitiaitsar wakerimji. Imia wíkisha winitniun tí nukap enentáimsamjai. Tura iwianchi uuntri̱ Satanás tuke nuna suritrámmiaji. 19-20Atumsha shiir wekasa asakrumin iisha ti shiir enentáimsar waraaji. Nu tuma asar Uunt Jesukrístu tátintri̱ shiir enentáimsar nákaji. Ni támatai imiá warastatji. Atumín Yus shuar awajsa asar Ni támatai atumsha iiji̱a̱i̱ Jesus shiir iṉkiuṉtatji. Tuma asamtai nu enentáimsar tawasap achiktinia áintsar waraaji.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©2009 Avant Ministries in cooperation with Wycliffe Bible Translators, Inc. All rights reserved.