1 Kur. 9
9
Kristu akatrámu túramu
1Ashí Kristu akatrámuri̱ túratniua nuna wisha túramniaitjiai ni akatrámuri̱ asan. Iis, wisha ii Uuntri̱ Jesusan wáinkiaitjiai tura wisha Jesukrístu takatrí̱n takaajai. Winia takatruja̱i̱ṉ átumka Yus shuar ajasuitrume. 2Chíkich shuar “Kristu akatrámuri̱nchuiti” turutainiakuisha átumka winia takatruja̱i̱ Yus shuar ajasu asakrumin nuja̱i̱ wi nekas Kristu akatrámuri̱ntiaj nu paant nekaamniaiti. Tura tu enentáimtursatniuitrume.
3Ashí shuar “Kristu akatrámuri̱nchuiti” turutainia nuna ju̱na tajai. 4Wisha Yus Chichaman etserkataj tusan shuarnum iraakun ashí ajampruinia nuna yuámniaitjiai tura umarminiaitjiai. 5Tura Pítrusha, Jesusa yachi̱sha tura chíkich akatrámusha irainiak ni nuwe̱n Yus shuar ainia nuna jukimnia áiniawai. Wisha núnisnak túramniaitjiai. 6Chíkich akatrámuka kuit akikiam Yus Chichaman etserainiawai. Wisha tura Pirnapísha núnisrik túramniaitji. Kame ¿aya íichikik akikchamu takastiniaitiajⁱ? 7Suntarka ¿ní kuítri̱ji̱a̱i̱mpiash takáa? ¿Tsanimpian aráa nu nuna nere̱n yúatsuk. Waakan wáinniua nusha muntsurí̱n úmatsuk? Núnisaṉ Yus Chichaman étsera nusha nú takasmanumia̱ yurumámniaiti. 8Aya aents enentáimmian chichaatsjai. Muisais akupkámunmasha métek tawai. 9Muisais akupkámunam áarmaiti “Waaka takaak neren pakartaj tusa nája̱kui ni nují̱ jiṉkiatáshtiniaiti. Antsu ni wakerakka yuatí.” Muis. 25:4; 1 Tim. 5:18 Tura Yus aya túrunak ju̱ja̱i̱ enentáimprachmiayi. 10Antsu iin ju̱ja̱i̱ nekaawarat tusa tímiayi. Arakri̱n araana nusha tura júukmatai saepe̱n pákana nusha nuna nere̱n mai̱ yurumátin áiniawai. Paant atí tusa Yus nuna áarmiayi. 11Tuma asamtai Yus Chicham atumíin etserkakrin nuyá̱ átum takakrumna nuja̱i̱ iin ajamsatniuitrume. ¿Nusha itiurchatkait? 12Chíkich akatrámu atumíin irutainiak ajamsamun yuámniaitkuiṉkia iikia nekas túramniaitji ii etserkamuja̱i̱ Yus shuar ajasákrumin.
Tura wikia antsu túrachuitjiai. Atsumaknasha ashí itiurchat ana nuna katsuntramjai Kristu shiir chichame̱n étserkui shuar itiurchat enentáimturara̱i̱ṉ tusan. 13Ashí shuar ni Yusri̱niun tuke pujurin ainia nu, ni Yusri̱ je̱e̱n írunna nuya̱n yurumáiniawai. Tura Yus sutai taṉkun máwar nuyá̱ yurumáiniawai. 14Núnisaṉ Yus Chichaman etserniua nuka Yúsnan takasu asamtai péṉker ajamsatniuiti. Nuna Kristu akupkámiayi. 15Tura wisha ajamsamun yuámniaitiatan tuke winia kuítruja̱i̱ yurumámjai. Tura yamaisha surusuk tusan áattsujrume. Antsu nuna túrutsuk jakaṉka maak aintjiai.
16Uwempratin chichaman wi étserkun aya núja̱i̱ṉ “tí peṉkeraitjiai” enentáimtumatsjai. Kame Yus nuna túratniun surusuncha itiurkatjak. Nuna túrachkunka ti itiurchat pujusaintjiai. 17Wakerakun étserkunka warasminiaitjiai. Tura nakitiaknasha tuke Yus surusmanka umiktiniaitjiai. 18Tura ju̱ja̱i̱ antsu nekas warasminiaitjiai. Wi túramnian iniaisan chikichnan takatsuk aya winia kuítruja̱i̱ṉ uwempratin chichaman étserjai. Nuja̱i̱ warakun akikma áintsaṉkete.
19Chíkich shuara takarniuchuitiatan ashí shuara takarniúri̱ya áintsaṉketjai Kristu shuari̱ untsurí ajasarat tusan. 20Israer shuarja̱i̱ pujakun nisha Yus shuar ajasárti tusan Israer shuara áintsaṉ ajai. Kame Muisaisa akupkámuri̱ umirkatin áiniakui wisha aun umirkashtiniaitiatnak umirniuitjiai. 21Tura Israer shuarchasha Yus shuar ajasárti tusan nu shuar Muisaisa akupkámuri̱n umirkashtin áiniakui wisha nuna umirkashtinia áintsaṉ ajai. Tura Kristu akupeana nuna umirkatin asan nekas Yus akupkámun umirniuitjiai. 22Yusja̱i̱ katsua̱rchasha tí peṉker Yus shuar ajasárti tusan wisha katsua̱rcha áintsaṉ ajai. Chíkich chíkich shuarja̱i̱ métek ajajai ishichkisha Yus shuar ajasárti tusan. 23Ashí wi túraj núnaka uwempratin chicham tuke shiir atí tusan túrajai. Tura nu chichamja̱i̱ wisha atsumtsuk shiir wekaajai.
24Shuar nekapnaisatniusha untsurí tsékeṉtin átsuk tura aya chikichik awakmatsuk. Niṉki awakmakun súsatniua nú shiirmachin achiktatui. Núnisrum kakaram ajasrum awakmak shíirmachin achiktinia áintsarum Yusna takastarum. 25Shuar nakurak nekapnaisatin ainia nuka nupetmaktaj tákuṉka ashí itit awajea nuna ikiuiniawai. Iisha núnisrik nu enentáiji̱a̱i̱ Yusna nu takastiniaitji. Nakuruinia nu shuar awakmakun tawasap súsatniua nuna achikiársha nú tawaspan wárik kajinmátkimniaiti. Antsu Yus iin amastatjinia nú tawaspaka peṉké amuukashtatui. 26Wikia náṉkamsan tsékeatsjai. Naseja̱i̱ maania áintsaṉ mániatsjai. 27Antsu winia aya̱shrun awattinia áitkiasnak umimtikiajai. Túrachkunka chikichan unuiniariatan winiasha awakmakun súsatniua nú shiirmachin Yus surustinian nakitrurainti.
ទើបបានជ្រើសរើសហើយ៖
1 Kur. 9: jiv
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©2009 Avant Ministries in cooperation with Wycliffe Bible Translators, Inc. All rights reserved.
1 Kur. 9
9
Kristu akatrámu túramu
1Ashí Kristu akatrámuri̱ túratniua nuna wisha túramniaitjiai ni akatrámuri̱ asan. Iis, wisha ii Uuntri̱ Jesusan wáinkiaitjiai tura wisha Jesukrístu takatrí̱n takaajai. Winia takatruja̱i̱ṉ átumka Yus shuar ajasuitrume. 2Chíkich shuar “Kristu akatrámuri̱nchuiti” turutainiakuisha átumka winia takatruja̱i̱ Yus shuar ajasu asakrumin nuja̱i̱ wi nekas Kristu akatrámuri̱ntiaj nu paant nekaamniaiti. Tura tu enentáimtursatniuitrume.
3Ashí shuar “Kristu akatrámuri̱nchuiti” turutainia nuna ju̱na tajai. 4Wisha Yus Chichaman etserkataj tusan shuarnum iraakun ashí ajampruinia nuna yuámniaitjiai tura umarminiaitjiai. 5Tura Pítrusha, Jesusa yachi̱sha tura chíkich akatrámusha irainiak ni nuwe̱n Yus shuar ainia nuna jukimnia áiniawai. Wisha núnisnak túramniaitjiai. 6Chíkich akatrámuka kuit akikiam Yus Chichaman etserainiawai. Wisha tura Pirnapísha núnisrik túramniaitji. Kame ¿aya íichikik akikchamu takastiniaitiajⁱ? 7Suntarka ¿ní kuítri̱ji̱a̱i̱mpiash takáa? ¿Tsanimpian aráa nu nuna nere̱n yúatsuk. Waakan wáinniua nusha muntsurí̱n úmatsuk? Núnisaṉ Yus Chichaman étsera nusha nú takasmanumia̱ yurumámniaiti. 8Aya aents enentáimmian chichaatsjai. Muisais akupkámunmasha métek tawai. 9Muisais akupkámunam áarmaiti “Waaka takaak neren pakartaj tusa nája̱kui ni nují̱ jiṉkiatáshtiniaiti. Antsu ni wakerakka yuatí.” Muis. 25:4; 1 Tim. 5:18 Tura Yus aya túrunak ju̱ja̱i̱ enentáimprachmiayi. 10Antsu iin ju̱ja̱i̱ nekaawarat tusa tímiayi. Arakri̱n araana nusha tura júukmatai saepe̱n pákana nusha nuna nere̱n mai̱ yurumátin áiniawai. Paant atí tusa Yus nuna áarmiayi. 11Tuma asamtai Yus Chicham atumíin etserkakrin nuyá̱ átum takakrumna nuja̱i̱ iin ajamsatniuitrume. ¿Nusha itiurchatkait? 12Chíkich akatrámu atumíin irutainiak ajamsamun yuámniaitkuiṉkia iikia nekas túramniaitji ii etserkamuja̱i̱ Yus shuar ajasákrumin.
Tura wikia antsu túrachuitjiai. Atsumaknasha ashí itiurchat ana nuna katsuntramjai Kristu shiir chichame̱n étserkui shuar itiurchat enentáimturara̱i̱ṉ tusan. 13Ashí shuar ni Yusri̱niun tuke pujurin ainia nu, ni Yusri̱ je̱e̱n írunna nuya̱n yurumáiniawai. Tura Yus sutai taṉkun máwar nuyá̱ yurumáiniawai. 14Núnisaṉ Yus Chichaman etserniua nuka Yúsnan takasu asamtai péṉker ajamsatniuiti. Nuna Kristu akupkámiayi. 15Tura wisha ajamsamun yuámniaitiatan tuke winia kuítruja̱i̱ yurumámjai. Tura yamaisha surusuk tusan áattsujrume. Antsu nuna túrutsuk jakaṉka maak aintjiai.
16Uwempratin chichaman wi étserkun aya núja̱i̱ṉ “tí peṉkeraitjiai” enentáimtumatsjai. Kame Yus nuna túratniun surusuncha itiurkatjak. Nuna túrachkunka ti itiurchat pujusaintjiai. 17Wakerakun étserkunka warasminiaitjiai. Tura nakitiaknasha tuke Yus surusmanka umiktiniaitjiai. 18Tura ju̱ja̱i̱ antsu nekas warasminiaitjiai. Wi túramnian iniaisan chikichnan takatsuk aya winia kuítruja̱i̱ṉ uwempratin chichaman étserjai. Nuja̱i̱ warakun akikma áintsaṉkete.
19Chíkich shuara takarniuchuitiatan ashí shuara takarniúri̱ya áintsaṉketjai Kristu shuari̱ untsurí ajasarat tusan. 20Israer shuarja̱i̱ pujakun nisha Yus shuar ajasárti tusan Israer shuara áintsaṉ ajai. Kame Muisaisa akupkámuri̱ umirkatin áiniakui wisha aun umirkashtiniaitiatnak umirniuitjiai. 21Tura Israer shuarchasha Yus shuar ajasárti tusan nu shuar Muisaisa akupkámuri̱n umirkashtin áiniakui wisha nuna umirkashtinia áintsaṉ ajai. Tura Kristu akupeana nuna umirkatin asan nekas Yus akupkámun umirniuitjiai. 22Yusja̱i̱ katsua̱rchasha tí peṉker Yus shuar ajasárti tusan wisha katsua̱rcha áintsaṉ ajai. Chíkich chíkich shuarja̱i̱ métek ajajai ishichkisha Yus shuar ajasárti tusan. 23Ashí wi túraj núnaka uwempratin chicham tuke shiir atí tusan túrajai. Tura nu chichamja̱i̱ wisha atsumtsuk shiir wekaajai.
24Shuar nekapnaisatniusha untsurí tsékeṉtin átsuk tura aya chikichik awakmatsuk. Niṉki awakmakun súsatniua nú shiirmachin achiktatui. Núnisrum kakaram ajasrum awakmak shíirmachin achiktinia áintsarum Yusna takastarum. 25Shuar nakurak nekapnaisatin ainia nuka nupetmaktaj tákuṉka ashí itit awajea nuna ikiuiniawai. Iisha núnisrik nu enentáiji̱a̱i̱ Yusna nu takastiniaitji. Nakuruinia nu shuar awakmakun tawasap súsatniua nuna achikiársha nú tawaspan wárik kajinmátkimniaiti. Antsu Yus iin amastatjinia nú tawaspaka peṉké amuukashtatui. 26Wikia náṉkamsan tsékeatsjai. Naseja̱i̱ maania áintsaṉ mániatsjai. 27Antsu winia aya̱shrun awattinia áitkiasnak umimtikiajai. Túrachkunka chikichan unuiniariatan winiasha awakmakun súsatniua nú shiirmachin Yus surustinian nakitrurainti.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©2009 Avant Ministries in cooperation with Wycliffe Bible Translators, Inc. All rights reserved.