1 Kur. 14
14
Niisháa chicham unuimiáttsuk chichastin
1Nu asamtai aneṉkratin atarum. Tura núnisrumek Yúsnan péṉkera nu takastin wakeruktarum. Imiankaska Yus Chicham etserkatin péṉkeraiti. 2Núja̱i̱ṉkia niisháa chichamja̱i̱ unuimiatsuk chichastin péṉkerchaiti. Iis, nu shuar chíkich shuarja̱i̱ chichatsuk aya Yusja̱i̱ chichaawai. Ni chichame̱ peṉké antukchamniaiti. Yusa Wakaní̱ nin chichastinian suawai túrasha tana nu nekaachminiaiti. 3Antsu Yus Chichaman étserea nuka shuaran yaya̱wai. Shuaran ikiatsuártasa tura ikiaká̱rtasa túrasha atsaṉkrattsa yaya̱wai. 4Niisháa chichamja̱i̱ unuimiatsuk chichaana nuka aya niṉki katsua̱rtinian yáintmamui. Antsu Yus Chichaman étserea nuka ashí Yus shuaran ikiatsuáwai.
5Atumsha ashí mash niisháa chichamja̱i̱ chichasku tusan wakerajrume. Túrasha nuna naṉkaamas Yus Chicham etserkaku tusan wakerajrume. Aya chichastinji̱a̱i̱ṉkia ju̱ imiá péṉkerchakait. Kame chichasma jintíakmeka maak. Nuja̱i̱ Yus shuar tsakarartatui. 6Enentáimpratarum, yatsuru. Nui̱ iraakun aya niisháa chichamja̱i̱ chichaaknaka ¿itiura yáiṉtatjarum? Antsu Yus winia jintintruamuncha tura wi nékajna nunasha étserkunka yáiṉtatjarme. Yus Chichamnasha tura ashí Yúsnancha jintinkiuncha yáiṉtatjarme.
7Peemsha tura tumaṉsha wi tájana áintsaṉ áiniawai. Péṉker tuntuiyamuka paant nekaamniaiti. Tura péṉker tuntuiyachkuiṉkia, nu tuntuiyamu nekaachminiaiti. 8Suntarsha mesetnum wénakui ni uuntri̱ ni wakeramun ujaktinian kachun umpuawai. Paant umpuakuiṉkia suntarsha ni wakeramun nekaawartatui. Tura paant umpuachkuiṉkia suntarsha ¿itiurak mesetnum wétinian iwiarat? 9Atumji̱a̱i̱sha núniskete. Nekaachmin chichamja̱i̱ chichaakminkia ¿támena nuna itiur nekaawartata? Nase chichartsumeash. 10Ju̱ nuṉkanmaya̱ chichamka ti untsurí írunui. Nu chichaman nékakka ashí antukmin áiniawai. 11Tura chíkich shuara chichame̱n ántachkunka níji̱a̱i̱ṉkia yajaya̱ apachia áintsanak ajajai. Nisha wíji̱a̱i̱ṉkia yajaya̱ apachia áintsaṉkete. 12Tuma asamtai Yusa takatri̱ ti wakera asarum ashí Yus shuaran ikiarartatna nú takat nekas wakeruktarum.
13Nu asamtai niisháa chichamja̱i̱ chichaitkiumka chichasumna nu jintiartin Yus seatá. 14Niisháa chichamja̱i̱ Yusan áujeaknaka nekas winia wakantruja̱i̱ áujeajai tura áujsajna nuna nékatsjai. 15Antsu wikia jú̱nisan enentáimjiai. Yusan áujeakun winia wakantruja̱i̱sha áujsattajai tura enentáimtsuk áujsashtatjai. Kantamkuncha kantamaj nuna enentáimkiun winia wakantruja̱i̱sha kantamáttajai. 16Amesha shuar iruntramunam aya wakanmiji̱a̱i̱ niisháa chichamja̱i̱ Yus shiir yumiṉsakmincha nekaachmin asamtai nékachuka ámiji̱a̱i̱ métek áujsatniun jeatsui. 17Ti shiir Yus yumiṉsam áujeatsmeash tura chíkichka Yusja̱i̱ ikiakáatsme. 18Ashí átum nusháa chichamja̱i̱ chicharmena nuna naṉkaamas wikia chichaajai. Nuna Yusan yumiṉsajai. 19Túmaitiatnak untsurí chichamja̱i̱ chichasan ántumtikiashtinji̱a̱i̱ṉkia naṉkaamas Yus shuar iruntramunmaṉka aya seṉku chichamchiji̱a̱i̱ṉ tiintjiai paant jintintiáwartaj tusan.
20Yatsuru, uchia áintsarum enentáimprairap. Kuirchia áintsarum yajauch túrashtin enentáimpratarum tura chíkich írunna nuja̱i̱ uunt enentáimpratniua áintsarum enentáimpratarum. 21Yus Papinium áarmaiti “Yajaya̱ shuaran akupkan niisháa chichamja̱i̱ chichastatjai. Tura núja̱i̱sha anturtukchartatui” Isa. 28:11-12 tawai Yus. 22Núja̱i̱ṉkia páantaiti, nusháa chichamja̱i̱ chichastinkia Yus shuarchan ashamtikiar enentáimtikratniun Yus súsaiti. Yus shuaran tu enentáimtikratniun súsachuiti. Antsu Yus Chichaman etserkatniunka Yus shuarchan enentáimtiktsuk Yus shuaran yáiṉtinian súsaiti. 23Tuma ai̱ṉ nékachusha tura Yus shuarchasha Yus shuar iruntramunam waya̱ṉka tura ashí niisháa chichamja̱i̱ chichainianak wainkiaṉka “mash waurka ajasárai” enentáimturmarchartatuak. 24Tura Yus Chicham étserkurminkia nékachusha tura Yus shuarchasha nui̱ waya̱ṉka ashí tárumna nuja̱i̱ ni yajauch túramuri̱n íimias enentáimturtatui. 25Núja̱i̱ṉkia ni enentái̱n ú̱mak ana nuna paant wainiak tikishmátar Yusan shiir awajsattawai. Tura “nekas Yus atumji̱a̱i̱ pujawai” títiatui.
Ashí tuke shiir takastarum
26Ayu, jú̱nisaiti yatsuru. Átum irunkurmin shuar takastinian Yus nin susamu túrati. Kantamátniuncha, jintintiátniuncha, Yus iwiainiakman ujaktinniasha, nusháa chichamja̱i̱ chichastinniasha, nusháa chichasman jintíatniuncha ashí Yus shuar Yusja̱i̱ tsakararti tusar ju̱na mash takasárti. 27Nusháa chichamja̱i̱ chichainiakka chikichik chikichik chichasarti. Tura jímiarchik menaintiuchiksha chichasarti. Tura ni timianka jintiartiniaiti. 28Jintiartin atsakuiṉkia nusháa chichamja̱i̱ iruntramunam chichaschatniuiti. Antsu niṉki Yusja̱i̱ chichasti. 29Núnisaṉ jímiarchiksha menaintiuchiksha Yus Chichaman etserkarti. Tura chíkich shuar nui̱ iruntrar ni etserkamun enentáimprarti péṉkerashit tusar. 30Tura chikichik chichaakui Yus chikichan nui̱ pujana nuna yamaram chichaman súakuiṉkia emka chicháa nu iniaisati. 31Núnisrum Yus Chicham etserkatin wakerarmena nu chikichik chikichik chichasrum ashí jeattarme. Núja̱i̱sha Yus shuar unuimiárar kaka̱rartatui. 32Yúsnan etserainia nuka tuke enentáimprar chichastin áiniawai. Enentáimtsuk náṉkamsaṉ chichasmin áiniatsui. 33Yuska pachimtak chichaman nakitiak shiir chichasmanak wakerawai.
Chíkich nuṉkanmasha ashí Yus shuar iruntramunam túrainia áintsarum atumsha túratniuitrume. 34Yus shuar iruntramunam nuwa̱ chichastin surimkiamuiti. Yus akupea núnisaṉ núwa̱ka chichatsuk umin átin áiniawai. 35Inintrústinian wakerakka ni je̱e̱n waketkin ni áishri̱n nui̱ aniasti. Ashí iruntramunam nuwa̱ chichastin natsantaiti.
36Ju̱sha enentáimpratarum. Yus Chicham atumji̱a̱i̱ naṉkamnachmai. Núnisaṉ aya atumíini̱ṉ Yus Chicham jeartámchaiti. Chíkich nuṉkanmasha Yus shuarti túrutai̱ atumsha enentáimpratniuitrume. 37Atumíin shuar “Yus Chichaman tuke etserniuitjiai” tu enentáimtumatsuash. Tura chíkich shuarsha “Yusa Wakaní̱ tuke winia akuptaiti” tu enentáimtumatsuash. Nu shuarka wi áatjarmena nuna enentáimprar “nekas Yúsnan tíniuiti” tiartí. 38Tu táchakuiṉkia nisha ántrar áiniawai.
39Nu asamtai yatsuru, Yus Chicham etserkatin wakeruktarum. Nusháa chichamja̱i̱ unuimiatsuk chichastincha surimkiairap. 40Túmaitiat antukchamin awajtsuk ashí shiir túratarum.
ទើបបានជ្រើសរើសហើយ៖
1 Kur. 14: jiv
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©2009 Avant Ministries in cooperation with Wycliffe Bible Translators, Inc. All rights reserved.
1 Kur. 14
14
Niisháa chicham unuimiáttsuk chichastin
1Nu asamtai aneṉkratin atarum. Tura núnisrumek Yúsnan péṉkera nu takastin wakeruktarum. Imiankaska Yus Chicham etserkatin péṉkeraiti. 2Núja̱i̱ṉkia niisháa chichamja̱i̱ unuimiatsuk chichastin péṉkerchaiti. Iis, nu shuar chíkich shuarja̱i̱ chichatsuk aya Yusja̱i̱ chichaawai. Ni chichame̱ peṉké antukchamniaiti. Yusa Wakaní̱ nin chichastinian suawai túrasha tana nu nekaachminiaiti. 3Antsu Yus Chichaman étserea nuka shuaran yaya̱wai. Shuaran ikiatsuártasa tura ikiaká̱rtasa túrasha atsaṉkrattsa yaya̱wai. 4Niisháa chichamja̱i̱ unuimiatsuk chichaana nuka aya niṉki katsua̱rtinian yáintmamui. Antsu Yus Chichaman étserea nuka ashí Yus shuaran ikiatsuáwai.
5Atumsha ashí mash niisháa chichamja̱i̱ chichasku tusan wakerajrume. Túrasha nuna naṉkaamas Yus Chicham etserkaku tusan wakerajrume. Aya chichastinji̱a̱i̱ṉkia ju̱ imiá péṉkerchakait. Kame chichasma jintíakmeka maak. Nuja̱i̱ Yus shuar tsakarartatui. 6Enentáimpratarum, yatsuru. Nui̱ iraakun aya niisháa chichamja̱i̱ chichaaknaka ¿itiura yáiṉtatjarum? Antsu Yus winia jintintruamuncha tura wi nékajna nunasha étserkunka yáiṉtatjarme. Yus Chichamnasha tura ashí Yúsnancha jintinkiuncha yáiṉtatjarme.
7Peemsha tura tumaṉsha wi tájana áintsaṉ áiniawai. Péṉker tuntuiyamuka paant nekaamniaiti. Tura péṉker tuntuiyachkuiṉkia, nu tuntuiyamu nekaachminiaiti. 8Suntarsha mesetnum wénakui ni uuntri̱ ni wakeramun ujaktinian kachun umpuawai. Paant umpuakuiṉkia suntarsha ni wakeramun nekaawartatui. Tura paant umpuachkuiṉkia suntarsha ¿itiurak mesetnum wétinian iwiarat? 9Atumji̱a̱i̱sha núniskete. Nekaachmin chichamja̱i̱ chichaakminkia ¿támena nuna itiur nekaawartata? Nase chichartsumeash. 10Ju̱ nuṉkanmaya̱ chichamka ti untsurí írunui. Nu chichaman nékakka ashí antukmin áiniawai. 11Tura chíkich shuara chichame̱n ántachkunka níji̱a̱i̱ṉkia yajaya̱ apachia áintsanak ajajai. Nisha wíji̱a̱i̱ṉkia yajaya̱ apachia áintsaṉkete. 12Tuma asamtai Yusa takatri̱ ti wakera asarum ashí Yus shuaran ikiarartatna nú takat nekas wakeruktarum.
13Nu asamtai niisháa chichamja̱i̱ chichaitkiumka chichasumna nu jintiartin Yus seatá. 14Niisháa chichamja̱i̱ Yusan áujeaknaka nekas winia wakantruja̱i̱ áujeajai tura áujsajna nuna nékatsjai. 15Antsu wikia jú̱nisan enentáimjiai. Yusan áujeakun winia wakantruja̱i̱sha áujsattajai tura enentáimtsuk áujsashtatjai. Kantamkuncha kantamaj nuna enentáimkiun winia wakantruja̱i̱sha kantamáttajai. 16Amesha shuar iruntramunam aya wakanmiji̱a̱i̱ niisháa chichamja̱i̱ Yus shiir yumiṉsakmincha nekaachmin asamtai nékachuka ámiji̱a̱i̱ métek áujsatniun jeatsui. 17Ti shiir Yus yumiṉsam áujeatsmeash tura chíkichka Yusja̱i̱ ikiakáatsme. 18Ashí átum nusháa chichamja̱i̱ chicharmena nuna naṉkaamas wikia chichaajai. Nuna Yusan yumiṉsajai. 19Túmaitiatnak untsurí chichamja̱i̱ chichasan ántumtikiashtinji̱a̱i̱ṉkia naṉkaamas Yus shuar iruntramunmaṉka aya seṉku chichamchiji̱a̱i̱ṉ tiintjiai paant jintintiáwartaj tusan.
20Yatsuru, uchia áintsarum enentáimprairap. Kuirchia áintsarum yajauch túrashtin enentáimpratarum tura chíkich írunna nuja̱i̱ uunt enentáimpratniua áintsarum enentáimpratarum. 21Yus Papinium áarmaiti “Yajaya̱ shuaran akupkan niisháa chichamja̱i̱ chichastatjai. Tura núja̱i̱sha anturtukchartatui” Isa. 28:11-12 tawai Yus. 22Núja̱i̱ṉkia páantaiti, nusháa chichamja̱i̱ chichastinkia Yus shuarchan ashamtikiar enentáimtikratniun Yus súsaiti. Yus shuaran tu enentáimtikratniun súsachuiti. Antsu Yus Chichaman etserkatniunka Yus shuarchan enentáimtiktsuk Yus shuaran yáiṉtinian súsaiti. 23Tuma ai̱ṉ nékachusha tura Yus shuarchasha Yus shuar iruntramunam waya̱ṉka tura ashí niisháa chichamja̱i̱ chichainianak wainkiaṉka “mash waurka ajasárai” enentáimturmarchartatuak. 24Tura Yus Chicham étserkurminkia nékachusha tura Yus shuarchasha nui̱ waya̱ṉka ashí tárumna nuja̱i̱ ni yajauch túramuri̱n íimias enentáimturtatui. 25Núja̱i̱ṉkia ni enentái̱n ú̱mak ana nuna paant wainiak tikishmátar Yusan shiir awajsattawai. Tura “nekas Yus atumji̱a̱i̱ pujawai” títiatui.
Ashí tuke shiir takastarum
26Ayu, jú̱nisaiti yatsuru. Átum irunkurmin shuar takastinian Yus nin susamu túrati. Kantamátniuncha, jintintiátniuncha, Yus iwiainiakman ujaktinniasha, nusháa chichamja̱i̱ chichastinniasha, nusháa chichasman jintíatniuncha ashí Yus shuar Yusja̱i̱ tsakararti tusar ju̱na mash takasárti. 27Nusháa chichamja̱i̱ chichainiakka chikichik chikichik chichasarti. Tura jímiarchik menaintiuchiksha chichasarti. Tura ni timianka jintiartiniaiti. 28Jintiartin atsakuiṉkia nusháa chichamja̱i̱ iruntramunam chichaschatniuiti. Antsu niṉki Yusja̱i̱ chichasti. 29Núnisaṉ jímiarchiksha menaintiuchiksha Yus Chichaman etserkarti. Tura chíkich shuar nui̱ iruntrar ni etserkamun enentáimprarti péṉkerashit tusar. 30Tura chikichik chichaakui Yus chikichan nui̱ pujana nuna yamaram chichaman súakuiṉkia emka chicháa nu iniaisati. 31Núnisrum Yus Chicham etserkatin wakerarmena nu chikichik chikichik chichasrum ashí jeattarme. Núja̱i̱sha Yus shuar unuimiárar kaka̱rartatui. 32Yúsnan etserainia nuka tuke enentáimprar chichastin áiniawai. Enentáimtsuk náṉkamsaṉ chichasmin áiniatsui. 33Yuska pachimtak chichaman nakitiak shiir chichasmanak wakerawai.
Chíkich nuṉkanmasha ashí Yus shuar iruntramunam túrainia áintsarum atumsha túratniuitrume. 34Yus shuar iruntramunam nuwa̱ chichastin surimkiamuiti. Yus akupea núnisaṉ núwa̱ka chichatsuk umin átin áiniawai. 35Inintrústinian wakerakka ni je̱e̱n waketkin ni áishri̱n nui̱ aniasti. Ashí iruntramunam nuwa̱ chichastin natsantaiti.
36Ju̱sha enentáimpratarum. Yus Chicham atumji̱a̱i̱ naṉkamnachmai. Núnisaṉ aya atumíini̱ṉ Yus Chicham jeartámchaiti. Chíkich nuṉkanmasha Yus shuarti túrutai̱ atumsha enentáimpratniuitrume. 37Atumíin shuar “Yus Chichaman tuke etserniuitjiai” tu enentáimtumatsuash. Tura chíkich shuarsha “Yusa Wakaní̱ tuke winia akuptaiti” tu enentáimtumatsuash. Nu shuarka wi áatjarmena nuna enentáimprar “nekas Yúsnan tíniuiti” tiartí. 38Tu táchakuiṉkia nisha ántrar áiniawai.
39Nu asamtai yatsuru, Yus Chicham etserkatin wakeruktarum. Nusháa chichamja̱i̱ unuimiatsuk chichastincha surimkiairap. 40Túmaitiat antukchamin awajtsuk ashí shiir túratarum.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©2009 Avant Ministries in cooperation with Wycliffe Bible Translators, Inc. All rights reserved.