1 Kur. 13
13
Aneatin
1Ju̱ nuṉkanmaya̱ aentsu chichame̱n untsurí chichayatnak tura nayaimpinmaya̱ aentsu chichame̱ncha chichayatnak aneṉkratchaknaka jírua áintsanak tin tin ajajai nuíchuka chíkich jírua núnisan pum-pum ajajai. Peṉké ántranak chichaajai. 2Yus Chichamnasha ti shiir étseriatnak túrasha ashí ú̱kmancha tura ashí nekamniancha nékayatnak túrasha Yusan ti enentáimtusan murá umuchiayatnak, aneṉkratachkunka peṉké ántraitjiai. 3Ashí wi takakjana nuna atsumainian súayatnak tura Yusan shiir awajsattsan winia aya̱shrúncha áesawarti tusan surumayatnak tura aneṉkratchaknaka ántranak túraitjiai.
4Anenkartaka wari kajechuiti, tsáṉkaiti, anenkartaka chikicha warirí̱ íiras akasmatatsui, péejchach asa waantu enentáimtumatsui. 5Anenkartaka natsanta nuna túrichuiti, níniunak enentáimchaiti, kajechuiti, páchichuiti. 6Chikicha tunaari̱n wararchaiti antsu péṉker shuaran wararniuiti. 7Anenkartaka ashí aya katsuntniuiti. Tsanú chichamnasha nakitiawai antsu aya ashí nekasa nunak nákawiti. Tunáa shuar enentáimprati tusa tuke jintiá íimprawai. Nekasa nunak ántin asa tsanú chichamnasha nakitniuiti. Anenkartaka péṉkera nunak nákawai.
8Aneṉkrattaiṉkia peṉké amuukashtiniaiti. Antsu ju̱ nuṉka amuukmataisha Yus Chicham etserkatin atsuttawai tura niisháa chichamja̱i̱ unuimiatsuk chichastincha amuukattawai tura ashí nekanamtai unuimiártincha atsuttawai. 9Kame yamaikia aya ishichik nékaji. Yus Chichamsha amutsuk étsereaji. 10Tura ukunam mash nekanamtai yámankamtaik nekaamuka ántar átatui.
11Yaunchu wi uchich asan uchichia áintsaṉ enentáimkiun chichasmajai. Antsu yamaikia uunt ajasan uchiniun iniaisaitjiai. 12Núnisrik yamái ju̱ nuṉkanam Yus paant wáintsuji. Íspik kusurunam íimsatniua áintsaṉkete. Antsu ukunam mái̱ metek paant wainniaikiattaji. Yamaikia aya ishichik nékajai. Antsu nui̱ Yus winia nékara áintsanak nekaattajai. 13Wátsek, amuukashtin menaint áiniawai. Ju̱ áiniawai, Yus nekas enentáimtustin, shiir ana nu nákastin, tura aneṉkrattai. Ju̱ menaintiunma̱sha aneṉkrattaiṉkia ashí naṉkamakuiti.
ទើបបានជ្រើសរើសហើយ៖
1 Kur. 13: jiv
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©2009 Avant Ministries in cooperation with Wycliffe Bible Translators, Inc. All rights reserved.