1 Kur. 11
11
Nuwa̱ Yusa je̱e̱n túratin
1Kristu túramia áintsaṉ wisha takaajai. Atumsha núnisrum wi takaajna áintsarum takastarum. 2Yatsuru, átum winia tuke enentáimturarum wi tímiajrumna nu umirniuitrume. Tuma asakrumin shiir enentáimtajrume. 3Nu arantcha ujajrume. Yus Apa Krístun akupea áintsaṉ Kristu ashí áishmaṉkan akupeawai. Núnisaṉ áishmaṉsha ni nuwe̱n akupeawai. 4-5Íiji̱a̱i̱ṉkia shuar Yusan áujenak tura núnisaṉ Yus Chichaman étserainiak áishmaṉ etseṉkrukchatniuiti antsu nuwa̱ muuknum nukumáktiniaiti. Tuma asamtai áishmaṉ nui̱ etseṉkrakka natsantaiti. Tura nuwa̱ muuknum nukumákchaṉka natsantaiti. Intiashí̱n tsupimiarua áintsaṉkete. 6Nuwa̱ muuknum nukumáktinian nakitiakka intiashín nuikia tsupirti. Wátsek, nuwa̱ ni intiashí̱n tsupirtinian nakitiakka tura awampratniun natsaamakka muuknum nukumakti nuikia. 7Áishmaṉka Yusan nakumeawai. Yusna shiir ana nuna nakumkattsa Yus áishmaṉkan najanamiayi. Tuma asamtai áishmaṉka etseṉkrukchatniuiti. Antsu nuwa̱nka áishmaṉna shiir ana nuna nakumkattsa Yus najanamiayi. 8Iis, Yus aentsun najaneak nuwa̱nmaya̱n áishmaṉkan najanachmiayi antsu áishmaṉka ukunchí̱ji̱a̱i̱ nuwa̱n najanamiayi. 9Nuwa̱n yaintkiat tusa áishmaṉkan najanachmiayi antsu áishmaṉkan yaiṉkiat tusa nuwa̱n najanamiayi. 10Tuma asamtai núwa̱ka muuknum nukumáktiniaiti, nayaimpinmaya̱ aentssha íisarti tusa. 11Tura áishmaṉ nuwa̱ja̱i̱nchu atsuinti tura nuwa̱sha áishmaṉja̱i̱nchu atsuinti. Yus ju̱ nuṉkan núnisaṉ atí tusa najanaiti. 12Iis, Yus nuwa̱n áishmaṉnumia̱ najanamiayi tura áishmaṉsha nuwa̱nmaya̱ akiiniaiti. Tura Yus mai̱ najanaiti.
13Atumsha enentáimpratarum. Nuwa̱ muuknum nukumatsuk Yus áujsatin ¿péṉkerkait? 14Íi shuartikia áishmaṉ intiash ajakin natsantchakait. 15Antsu núwa̱ka intiash ajakin péṉkerchakait. Muuknum nukumáktin susamuiti. 16Wátsek, shuar tuke umiktinian nakitiakka ju̱na nekaati, iisha tura ashí Yus shuartisha aya tu enentáimji.
Kristu jakamu nampernum yajauch túramu
17Yamái áarattajrumna núja̱i̱ṉ shiir enentáimtatsjarme. Átum irunkuram yáiniaiktiniaitrume tuke péṉker wekasatin. Átum antsu iruntrarum yajauch awajnáiyarme. 18Wats, Yusa Je̱e̱n irunkuram atumshá enentáimprarum kanakurme. Kame tu ujatkarmai. Nekaschashit. 19Tuke tupa̱rtatrumek Yúsnan ti nekaana nu shuar paant nekanat tusarum. Antsu kajernaikiar kanaktin péṉkerchaiti. 20Kanakin asarum Kristu jakamu enentáimtustin nampernum átum iruntrarum yúarmena nu nekas Yúsnachuiti. 21Iis, ashí ní yurumke̱n itiaawai ai̱ yurumáttsa tura chikichan nákatsuk niá niá wari yuattsa wakerawai. Chíkichkia ishichik itiaana nu tsukamawai tura chikitcha nampekarai. 22Yurumkan ishichik itiaana nu iniatsá̱rchamek. Átum áitkiarum núnisaṉ Yusa je̱e̱n yurumáshtiniaiti. Natsantaiti. Warí, chíkich je̱a̱ átsuk ai̱ yurumátin. ¿Warimpiait. Ju̱ja̱i̱ shíirash áujsatjarum? Atsá. Ju̱ja̱i̱ shiir áujsachminiaitjiarme.
Kristu jakamu enentáimtustin námper
23Ii Uuntri̱ Kristu jintintruama núnaka ujakmajrume. Jútas tuke súratsa̱i̱ṉ, nu kashi ii Uuntri̱ Jesus apatkun jukí̱ 24Yusan yumiṉsamiayi. Nuyá̱ puur chichaak “Yuátarum. Ju̱sha winia aya̱shruiti, atumín jarutramkatta núiti. Ju̱ yúakrum Winia enentáimtursatarum” tímiayi. 25Núnisaṉ yurumá umik piniṉnasha achik chichaak “Ju̱ piniṉ yamaram chichamaiti. Tura winia numpar puármatai yamaram chicham nekas uminkiattawai tawai. Ju̱ tuke úmakrum Winia enentáimtursatarum” tímiayi. 26Tuma asamtai ju̱ apatuk yúakrum tura piniṉsha úmakrum ii Uuntri̱ Kristu jakamuri̱ enentáimtarme. Kristu táatsa̱i̱ṉ ju̱ tuke túratniuitrume.
27Tuma asamtai shuar Yusan enentáimtutsuk ju̱ apatkun yuáwar tura ju̱ piniṉnumia̱ncha umarar Kristu aya̱shi̱ncha ni numpe̱ncha yajauch enentáimta asa tunáa túraiti. 28Nu asamtai ashí shuar ju̱ apatkun yútsuk tura ju̱ piniṉnumia̱ncha úmutsuk ni enentái̱n iwiaratniuiti Yusja̱i̱. 29Kristu aya̱shí̱ jakamu enentáimtutsuk yúakka tura úmakka nuna tura asa asutniáttawai. 30Atumsha tura asarum jaarme tura pimpiruitrume. Chikitcha jákaru áiniawai. 31Imia iik íimiakrinkia Yus iin asutiámachaintji. 32Tura ii enentái̱n Yus yajauchia nuna wáiniuk asutiámji. Túrachkuṉka ashí Yus shuarchaja̱i̱ súmamtikramawaintji.
33Tuma asamtai yatsuru, iruntrar yurumáttsa matsatkurmeka nákastarum métek yurumátin. 34Shuar tsukamakka ni je̱e̱ni̱i̱ṉᵏⁱ yurumáti. Núja̱i̱ṉkia yajauchiji̱a̱i̱ irunchakrumin Yus asutiámashtatrume. Ayu, chíkich áatrururmena núnaka wi ai̱ jean iwiarattajai.
ទើបបានជ្រើសរើសហើយ៖
1 Kur. 11: jiv
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©2009 Avant Ministries in cooperation with Wycliffe Bible Translators, Inc. All rights reserved.
1 Kur. 11
11
Nuwa̱ Yusa je̱e̱n túratin
1Kristu túramia áintsaṉ wisha takaajai. Atumsha núnisrum wi takaajna áintsarum takastarum. 2Yatsuru, átum winia tuke enentáimturarum wi tímiajrumna nu umirniuitrume. Tuma asakrumin shiir enentáimtajrume. 3Nu arantcha ujajrume. Yus Apa Krístun akupea áintsaṉ Kristu ashí áishmaṉkan akupeawai. Núnisaṉ áishmaṉsha ni nuwe̱n akupeawai. 4-5Íiji̱a̱i̱ṉkia shuar Yusan áujenak tura núnisaṉ Yus Chichaman étserainiak áishmaṉ etseṉkrukchatniuiti antsu nuwa̱ muuknum nukumáktiniaiti. Tuma asamtai áishmaṉ nui̱ etseṉkrakka natsantaiti. Tura nuwa̱ muuknum nukumákchaṉka natsantaiti. Intiashí̱n tsupimiarua áintsaṉkete. 6Nuwa̱ muuknum nukumáktinian nakitiakka intiashín nuikia tsupirti. Wátsek, nuwa̱ ni intiashí̱n tsupirtinian nakitiakka tura awampratniun natsaamakka muuknum nukumakti nuikia. 7Áishmaṉka Yusan nakumeawai. Yusna shiir ana nuna nakumkattsa Yus áishmaṉkan najanamiayi. Tuma asamtai áishmaṉka etseṉkrukchatniuiti. Antsu nuwa̱nka áishmaṉna shiir ana nuna nakumkattsa Yus najanamiayi. 8Iis, Yus aentsun najaneak nuwa̱nmaya̱n áishmaṉkan najanachmiayi antsu áishmaṉka ukunchí̱ji̱a̱i̱ nuwa̱n najanamiayi. 9Nuwa̱n yaintkiat tusa áishmaṉkan najanachmiayi antsu áishmaṉkan yaiṉkiat tusa nuwa̱n najanamiayi. 10Tuma asamtai núwa̱ka muuknum nukumáktiniaiti, nayaimpinmaya̱ aentssha íisarti tusa. 11Tura áishmaṉ nuwa̱ja̱i̱nchu atsuinti tura nuwa̱sha áishmaṉja̱i̱nchu atsuinti. Yus ju̱ nuṉkan núnisaṉ atí tusa najanaiti. 12Iis, Yus nuwa̱n áishmaṉnumia̱ najanamiayi tura áishmaṉsha nuwa̱nmaya̱ akiiniaiti. Tura Yus mai̱ najanaiti.
13Atumsha enentáimpratarum. Nuwa̱ muuknum nukumatsuk Yus áujsatin ¿péṉkerkait? 14Íi shuartikia áishmaṉ intiash ajakin natsantchakait. 15Antsu núwa̱ka intiash ajakin péṉkerchakait. Muuknum nukumáktin susamuiti. 16Wátsek, shuar tuke umiktinian nakitiakka ju̱na nekaati, iisha tura ashí Yus shuartisha aya tu enentáimji.
Kristu jakamu nampernum yajauch túramu
17Yamái áarattajrumna núja̱i̱ṉ shiir enentáimtatsjarme. Átum irunkuram yáiniaiktiniaitrume tuke péṉker wekasatin. Átum antsu iruntrarum yajauch awajnáiyarme. 18Wats, Yusa Je̱e̱n irunkuram atumshá enentáimprarum kanakurme. Kame tu ujatkarmai. Nekaschashit. 19Tuke tupa̱rtatrumek Yúsnan ti nekaana nu shuar paant nekanat tusarum. Antsu kajernaikiar kanaktin péṉkerchaiti. 20Kanakin asarum Kristu jakamu enentáimtustin nampernum átum iruntrarum yúarmena nu nekas Yúsnachuiti. 21Iis, ashí ní yurumke̱n itiaawai ai̱ yurumáttsa tura chikichan nákatsuk niá niá wari yuattsa wakerawai. Chíkichkia ishichik itiaana nu tsukamawai tura chikitcha nampekarai. 22Yurumkan ishichik itiaana nu iniatsá̱rchamek. Átum áitkiarum núnisaṉ Yusa je̱e̱n yurumáshtiniaiti. Natsantaiti. Warí, chíkich je̱a̱ átsuk ai̱ yurumátin. ¿Warimpiait. Ju̱ja̱i̱ shíirash áujsatjarum? Atsá. Ju̱ja̱i̱ shiir áujsachminiaitjiarme.
Kristu jakamu enentáimtustin námper
23Ii Uuntri̱ Kristu jintintruama núnaka ujakmajrume. Jútas tuke súratsa̱i̱ṉ, nu kashi ii Uuntri̱ Jesus apatkun jukí̱ 24Yusan yumiṉsamiayi. Nuyá̱ puur chichaak “Yuátarum. Ju̱sha winia aya̱shruiti, atumín jarutramkatta núiti. Ju̱ yúakrum Winia enentáimtursatarum” tímiayi. 25Núnisaṉ yurumá umik piniṉnasha achik chichaak “Ju̱ piniṉ yamaram chichamaiti. Tura winia numpar puármatai yamaram chicham nekas uminkiattawai tawai. Ju̱ tuke úmakrum Winia enentáimtursatarum” tímiayi. 26Tuma asamtai ju̱ apatuk yúakrum tura piniṉsha úmakrum ii Uuntri̱ Kristu jakamuri̱ enentáimtarme. Kristu táatsa̱i̱ṉ ju̱ tuke túratniuitrume.
27Tuma asamtai shuar Yusan enentáimtutsuk ju̱ apatkun yuáwar tura ju̱ piniṉnumia̱ncha umarar Kristu aya̱shi̱ncha ni numpe̱ncha yajauch enentáimta asa tunáa túraiti. 28Nu asamtai ashí shuar ju̱ apatkun yútsuk tura ju̱ piniṉnumia̱ncha úmutsuk ni enentái̱n iwiaratniuiti Yusja̱i̱. 29Kristu aya̱shí̱ jakamu enentáimtutsuk yúakka tura úmakka nuna tura asa asutniáttawai. 30Atumsha tura asarum jaarme tura pimpiruitrume. Chikitcha jákaru áiniawai. 31Imia iik íimiakrinkia Yus iin asutiámachaintji. 32Tura ii enentái̱n Yus yajauchia nuna wáiniuk asutiámji. Túrachkuṉka ashí Yus shuarchaja̱i̱ súmamtikramawaintji.
33Tuma asamtai yatsuru, iruntrar yurumáttsa matsatkurmeka nákastarum métek yurumátin. 34Shuar tsukamakka ni je̱e̱ni̱i̱ṉᵏⁱ yurumáti. Núja̱i̱ṉkia yajauchiji̱a̱i̱ irunchakrumin Yus asutiámashtatrume. Ayu, chíkich áatrururmena núnaka wi ai̱ jean iwiarattajai.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©2009 Avant Ministries in cooperation with Wycliffe Bible Translators, Inc. All rights reserved.