LOPNA 27
27
Tu'da vi Paulus hay Rom, simeɗna, lumda ko goloŋo
2 Kor 11:25-26
1Hay li ma nisi col varta kay numa ma tuɗ hay Italiya, nisi vul Paulus hiɗi sa daŋgay sara'a kuɗ mul ma sojen kalam kisna, ma yum Yuliyus, ma hay vok-ma-duura vi mul ŋolla. 2Numa jik hay lumna ma hay Adramatiyum, ma min dol hay galla vi Asiya, numa tun goy way tiriŋ', Aristarkus sa ma Makedoniya ma Tesalonika ay hiɗi numa'a. 3Hay buurta ka'ta numa co hay Sidon, Yuliyus ma ka kot tuw Paulus ŋaana, vulum hagata kay nam ma tuɗ ɗuw boniyomna, kay fi gutda hay ɓisi pa kaw. 4Numa kalay ɗawni pa, sluma hay galla vi Kiprus, kay simeɗna ka biway kirma hay'. 5Hay li ma numa dol kuɗ fiyokŋa vi niyna ma ka jar Kilikiya hiɗi Pamfiliya dolla, numa co hay Mira hay nagata vi Likiya. 6Hay liy namna ɗawni, mul ma sojen kalam kisna fi lum ma Aleksandriya kep ma min kal hay Italiya, numa jik hayamu. 7Ir buura ŋolo, numa dol ŋali ŋali. Numa co vok Kinidus hiɗi lop ŋolo, ki simeɗna ka biway kirma'a, hinma co kuloɗi, numa jik gal kreta kal hay Salmone. 8Numa dol hiɗi lop ŋolo, ɦod tani ɦod tani, kuɗ fiyokŋa vi deŋella, numa co hay liy ma yum ala liyn ma gaɓ lumna ma jifiyna, goboy hiɗi hoyok-ziyn Laseya.
9Liyna kalay ŋolo, dolla vi lumna muɗi joo ŋolo kisiya, kay liyna vi laata kuruti kurut'. 10Kuɗ kayni Paulus ka vulsi dit ala: Nan wi ala dolla vi lumna muɗi mi va ma joo ŋolo kaya hiɗi ɓulakka ŋolo kaw, may kay jakŋa hiɗi lumna tutaɗi, kay irita vaya kaw. 11May mul ma sojen kalam kisna jak humam kuɗ dita vi Paulusɗi, may huma' ti dita vi sa ma musi caw lumna tuta. 12Kay liyn namna may ŋaa'a kay gaɓ lumna hayamu hay caydaɗi, ŋolsi min kay nisi ma kalays goyo hay liyn tan pa, ŋaata nisi tuɗ Feniks, liyn ma gaɓ lumna vi Kreta ma muɗi ir gal kayami, hot vulatiya hiɗi gal gaa'a, hot vulatiya kaw, kay ci cayda haya.
13Simeɗna patay hay gal ma kayamna neeɗa, biw hiɗi ŋali. Nisi var ala nisi ma co hay liy ma nisi ŋram kirsina. Nisi sli va ma tel lumna kulo'o, dolay voksiya hay galla vi Kreta kulo goboy deŋel heb'. 14May mus bugol neeɗa ɦawa, birin ŋol ma yum Eurakilon may kay jokota pa, ka biw ŋolo. 15Nam dol lumna kay donota vi simeɗna as tel lumna noŋɗi. Numa hin tuwma ays dol nala kaw. 16Hay li ma numa jik gaa kuɗ jokota goorta ya' Kauda, numa fi a suɗ lumna ma gaɓay kuɗ lumna goy kayni hiɗi lop ŋolo. 17Hay li ma numa nirimay kulo'o, junum kuɗ lumna hiɗi yal ŋolo, tireɗ zewn kay tuwamu tuwanu, numa li nar kay lumna ma ɦak kay ŋeslna vi Sirtis, nisi but sligara ma dol lumna gaa'a, hin lumna dol kay tuwam nala. 18Simeɗ ma biwna lisi ŋolo, hay buurta ka'ta nisi cuk gal jak hena goloŋo. 19hay buurta ɦidita, nisi cuk slena vi lumna goloŋo hiɗi ɓisi kay tuwsiya. 20Ir buur ŋolo, fatta hiɗi mislekŋa min vul tuwam goyɗi, simeɗna ay biw kayni hiɗi dono ŋolo, ta-ta numa var kay numa ma suɗa loɗi.
21Sumuna may tiɗi ir buur ŋolo. Nala Paulus col kulo jar sumuna disi ala: Lali nigi human humiya ni, nay as yaway goy hay Kreta paɗi, nala nigi as co vun joota ŋolda kaynɗi, nigi as ba slena vigiɗi kaw. 22Wulini nan gatgi kay nigi ma horɗi, kay sa kep jargiya ma ba irita valamu goyo mayɗi, may ba ɗawni mi lumna kepe. 23Kay hay henjet kayni, sunda vi Lawna ma nan ir valamna, ma nan sunumna kaw ma'a, colay vokanu. 24Dan ala li narɗi Paulus: Naŋ ma col vok Cesar, ɗuwaŋu, Lawn li slugotawa taŋu kay sa ka dol hiɗi naŋ kaf. 25Kay na'ta sogi tuwgiya, nisi sumuna, nan viy hay Lawna ala va ma nam dantina kayni ma li'e ki diy nala. 26May numa ɦak kulo kay joko tara kep,
27Kayn ti henjet ta doogo yam fiɗita ta numa ay ɦiwel goloŋo kay niy-lumna Adriyatikus, hay henje ta ŋolda, sa dol lumna var ki numa ka co goboyo hiɗi nagat tara'a nala. 28Nisi sir dekelemna gaa'a, nisi fi kayni ala niyn ay gaa zul ir metre dok-ɦidi yam siɗiya; ɦur voksi neeɗa, nisi sir dekelemna gaa'a lo, nisi fi ala niyn gaa zul ir metre dok-ma' yam glafandi. 29Nisi li nar kay lumna vuma'a tupa kat hiɗiyna, nisi cuk dekelemna fiɗi gaa kuɗ giɗer lumna, nisi ka cigeɗ kay liyn ma fo goyo. 30May sa dol lumna gar a pir goyo hay lumna pa, nisi gar a hin lumna sir gaa goloŋo, hay varta ta ala nisi min cuk kawayn kulo vok lumna pa. 31Paulus di tam mul ma sojen kalam kisna hiɗi segena sa hena kaw ala: La sumun lakŋi lak hay lumnaɗi, nigi as suɗ goyɗi. 32Wulini sojena ka zewna vi lum ma gaɓayna kuɗ hena, hinim sir gaa'a.
33Hay li ma nisi ka zam liyn ma fo goyna, Paulus vul teŋ-irta mi sumun kaf kay nisi ti'e, hay dita ala: vaydi kayni mi buur ma doogo yam fiɗina ma nigi ka hay cubta, ma nigi lakay bay ti va'a kaw. 34Nan ka digiya kay nigi ma ti funa, kay kayni ŋaa'a kay su'da vigiya, ɗuŋus ma kigina mara kep kaw as baɗi. 35Hay li ma nam di kayni dina, nam sli funa, gi deɓ mi Lawna voksi kaf, ɓurawamu, tun caw ti'e kaw. 36Nisi kaf fi donotawa, ti'e kaw. 37Numa ay hay lumna kaf ir kis-ma' hiɗi diram dok-siɗiya yam karkiya. 38Hay li ma nisi hobawana, nisi cuk alkamaren goloŋo, kay lumna ma muɗ hefteŋe.
39Hay li ma grawta laawa, nisi may wi nagataɗi, may wum mi digŋa kep ma ɦorta hayamna, nisi var kay jik lumna haya la fi li'e. 40Nisi yaw slen ma tel lumna kulo'o, kay hinsi tuɗ hay niy-lumna, nisi but zew ma piret caw lumna hiɗi namna, ram goy halɓati; bugolda nisi jun sligara goy vok lumna kay simeɗna ma zutumu, nisi kal hay deŋella may. 41May nisi ɦak kay ŋesl ma viriɗna kit', jar niy ma jaŋ koloy vik-vikŋa, lumna tuniya, yam-lumna pi gaa jar ŋesl kit', may geɗ loɗi, may caw lumna kus goyo kay donota vi billa. 42Varta vi segena col kaf ala nisi ci sa daŋgayna, kay kep jarsi kaw ma pira hay li ma nisi cuk hay nusnaɗi. 43May mul ma sojen kalam kisna, ma min suɗ Paulus goyo, telsi kay nisi ma li naɗi, nam vul hagata mi sa wi nusna kay cuk tuwsi goloŋ jewe kay nus kulo deŋele. 44Tam sa hena kay lak kay lumna lebo kay zeŋ-lumna kaw. Nala nisi pet suɗ goyo, co kulo deŋele. Va ne' kaw li tisiɗi.
ទើបបានជ្រើសរើសហើយ៖
LOPNA 27: Massana
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
BIBALDA TA PELDETTA © L'Alliance Biblique du Cameroun, 2001
LOPNA 27
27
Tu'da vi Paulus hay Rom, simeɗna, lumda ko goloŋo
2 Kor 11:25-26
1Hay li ma nisi col varta kay numa ma tuɗ hay Italiya, nisi vul Paulus hiɗi sa daŋgay sara'a kuɗ mul ma sojen kalam kisna, ma yum Yuliyus, ma hay vok-ma-duura vi mul ŋolla. 2Numa jik hay lumna ma hay Adramatiyum, ma min dol hay galla vi Asiya, numa tun goy way tiriŋ', Aristarkus sa ma Makedoniya ma Tesalonika ay hiɗi numa'a. 3Hay buurta ka'ta numa co hay Sidon, Yuliyus ma ka kot tuw Paulus ŋaana, vulum hagata kay nam ma tuɗ ɗuw boniyomna, kay fi gutda hay ɓisi pa kaw. 4Numa kalay ɗawni pa, sluma hay galla vi Kiprus, kay simeɗna ka biway kirma hay'. 5Hay li ma numa dol kuɗ fiyokŋa vi niyna ma ka jar Kilikiya hiɗi Pamfiliya dolla, numa co hay Mira hay nagata vi Likiya. 6Hay liy namna ɗawni, mul ma sojen kalam kisna fi lum ma Aleksandriya kep ma min kal hay Italiya, numa jik hayamu. 7Ir buura ŋolo, numa dol ŋali ŋali. Numa co vok Kinidus hiɗi lop ŋolo, ki simeɗna ka biway kirma'a, hinma co kuloɗi, numa jik gal kreta kal hay Salmone. 8Numa dol hiɗi lop ŋolo, ɦod tani ɦod tani, kuɗ fiyokŋa vi deŋella, numa co hay liy ma yum ala liyn ma gaɓ lumna ma jifiyna, goboy hiɗi hoyok-ziyn Laseya.
9Liyna kalay ŋolo, dolla vi lumna muɗi joo ŋolo kisiya, kay liyna vi laata kuruti kurut'. 10Kuɗ kayni Paulus ka vulsi dit ala: Nan wi ala dolla vi lumna muɗi mi va ma joo ŋolo kaya hiɗi ɓulakka ŋolo kaw, may kay jakŋa hiɗi lumna tutaɗi, kay irita vaya kaw. 11May mul ma sojen kalam kisna jak humam kuɗ dita vi Paulusɗi, may huma' ti dita vi sa ma musi caw lumna tuta. 12Kay liyn namna may ŋaa'a kay gaɓ lumna hayamu hay caydaɗi, ŋolsi min kay nisi ma kalays goyo hay liyn tan pa, ŋaata nisi tuɗ Feniks, liyn ma gaɓ lumna vi Kreta ma muɗi ir gal kayami, hot vulatiya hiɗi gal gaa'a, hot vulatiya kaw, kay ci cayda haya.
13Simeɗna patay hay gal ma kayamna neeɗa, biw hiɗi ŋali. Nisi var ala nisi ma co hay liy ma nisi ŋram kirsina. Nisi sli va ma tel lumna kulo'o, dolay voksiya hay galla vi Kreta kulo goboy deŋel heb'. 14May mus bugol neeɗa ɦawa, birin ŋol ma yum Eurakilon may kay jokota pa, ka biw ŋolo. 15Nam dol lumna kay donota vi simeɗna as tel lumna noŋɗi. Numa hin tuwma ays dol nala kaw. 16Hay li ma numa jik gaa kuɗ jokota goorta ya' Kauda, numa fi a suɗ lumna ma gaɓay kuɗ lumna goy kayni hiɗi lop ŋolo. 17Hay li ma numa nirimay kulo'o, junum kuɗ lumna hiɗi yal ŋolo, tireɗ zewn kay tuwamu tuwanu, numa li nar kay lumna ma ɦak kay ŋeslna vi Sirtis, nisi but sligara ma dol lumna gaa'a, hin lumna dol kay tuwam nala. 18Simeɗ ma biwna lisi ŋolo, hay buurta ka'ta nisi cuk gal jak hena goloŋo. 19hay buurta ɦidita, nisi cuk slena vi lumna goloŋo hiɗi ɓisi kay tuwsiya. 20Ir buur ŋolo, fatta hiɗi mislekŋa min vul tuwam goyɗi, simeɗna ay biw kayni hiɗi dono ŋolo, ta-ta numa var kay numa ma suɗa loɗi.
21Sumuna may tiɗi ir buur ŋolo. Nala Paulus col kulo jar sumuna disi ala: Lali nigi human humiya ni, nay as yaway goy hay Kreta paɗi, nala nigi as co vun joota ŋolda kaynɗi, nigi as ba slena vigiɗi kaw. 22Wulini nan gatgi kay nigi ma horɗi, kay sa kep jargiya ma ba irita valamu goyo mayɗi, may ba ɗawni mi lumna kepe. 23Kay hay henjet kayni, sunda vi Lawna ma nan ir valamna, ma nan sunumna kaw ma'a, colay vokanu. 24Dan ala li narɗi Paulus: Naŋ ma col vok Cesar, ɗuwaŋu, Lawn li slugotawa taŋu kay sa ka dol hiɗi naŋ kaf. 25Kay na'ta sogi tuwgiya, nisi sumuna, nan viy hay Lawna ala va ma nam dantina kayni ma li'e ki diy nala. 26May numa ɦak kulo kay joko tara kep,
27Kayn ti henjet ta doogo yam fiɗita ta numa ay ɦiwel goloŋo kay niy-lumna Adriyatikus, hay henje ta ŋolda, sa dol lumna var ki numa ka co goboyo hiɗi nagat tara'a nala. 28Nisi sir dekelemna gaa'a, nisi fi kayni ala niyn ay gaa zul ir metre dok-ɦidi yam siɗiya; ɦur voksi neeɗa, nisi sir dekelemna gaa'a lo, nisi fi ala niyn gaa zul ir metre dok-ma' yam glafandi. 29Nisi li nar kay lumna vuma'a tupa kat hiɗiyna, nisi cuk dekelemna fiɗi gaa kuɗ giɗer lumna, nisi ka cigeɗ kay liyn ma fo goyo. 30May sa dol lumna gar a pir goyo hay lumna pa, nisi gar a hin lumna sir gaa goloŋo, hay varta ta ala nisi min cuk kawayn kulo vok lumna pa. 31Paulus di tam mul ma sojen kalam kisna hiɗi segena sa hena kaw ala: La sumun lakŋi lak hay lumnaɗi, nigi as suɗ goyɗi. 32Wulini sojena ka zewna vi lum ma gaɓayna kuɗ hena, hinim sir gaa'a.
33Hay li ma nisi ka zam liyn ma fo goyna, Paulus vul teŋ-irta mi sumun kaf kay nisi ti'e, hay dita ala: vaydi kayni mi buur ma doogo yam fiɗina ma nigi ka hay cubta, ma nigi lakay bay ti va'a kaw. 34Nan ka digiya kay nigi ma ti funa, kay kayni ŋaa'a kay su'da vigiya, ɗuŋus ma kigina mara kep kaw as baɗi. 35Hay li ma nam di kayni dina, nam sli funa, gi deɓ mi Lawna voksi kaf, ɓurawamu, tun caw ti'e kaw. 36Nisi kaf fi donotawa, ti'e kaw. 37Numa ay hay lumna kaf ir kis-ma' hiɗi diram dok-siɗiya yam karkiya. 38Hay li ma nisi hobawana, nisi cuk alkamaren goloŋo, kay lumna ma muɗ hefteŋe.
39Hay li ma grawta laawa, nisi may wi nagataɗi, may wum mi digŋa kep ma ɦorta hayamna, nisi var kay jik lumna haya la fi li'e. 40Nisi yaw slen ma tel lumna kulo'o, kay hinsi tuɗ hay niy-lumna, nisi but zew ma piret caw lumna hiɗi namna, ram goy halɓati; bugolda nisi jun sligara goy vok lumna kay simeɗna ma zutumu, nisi kal hay deŋella may. 41May nisi ɦak kay ŋesl ma viriɗna kit', jar niy ma jaŋ koloy vik-vikŋa, lumna tuniya, yam-lumna pi gaa jar ŋesl kit', may geɗ loɗi, may caw lumna kus goyo kay donota vi billa. 42Varta vi segena col kaf ala nisi ci sa daŋgayna, kay kep jarsi kaw ma pira hay li ma nisi cuk hay nusnaɗi. 43May mul ma sojen kalam kisna, ma min suɗ Paulus goyo, telsi kay nisi ma li naɗi, nam vul hagata mi sa wi nusna kay cuk tuwsi goloŋ jewe kay nus kulo deŋele. 44Tam sa hena kay lak kay lumna lebo kay zeŋ-lumna kaw. Nala nisi pet suɗ goyo, co kulo deŋele. Va ne' kaw li tisiɗi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
BIBALDA TA PELDETTA © L'Alliance Biblique du Cameroun, 2001