LOPNA 25
25
Paulus vok Festus
1Hay li ma Festus mus kay lopna vi guverner kay nagata musna, buur ɦidi bugolda nam fokay hay hay Sesariya kal hay Yerusalem. 2Muliyan ŋulo sa-ɗifinna hiɗi sa ŋulona jar sa Yudiyana yi vokomu kay Paulus. 3Nisi giɗelem delemu, jobomu kay nam mar Paulus hay Yerusalem; hay kayni nisi kot tuwsi kay baramu, cum goy mati kaw hay hagata. 4Festus hot dita ala: Paulus ka ŋomi hay Sesariya, hini ne' ɦawa, nam kay tuwam ma kala kaw. 5Nam di'e: La sum sara jargiya as tuɗ hiɗi nanu, la va ma joo'o ka kay san kayni, nisi ma di lawta kalamu. 6Festus may li buur jarsi suw glafandi hiɗi doogoɗi, bugolda nam kalay hay Sesariya. Hay buurta ka'ta, hay li ma nam mus kay zlamda-kitata, nam vul hagata kay nisi ma mar Paulus ay goyo. 7Hay li ma san kayni kalay goy kalla, sa Yudiyana sa may Yerusalem pana ŋuyum gaa cusl', nisi pi law ma ŋulona dak-dak kalamu, law ma nisi kaw fum cawam goyɗi. 8Wulini Paulus di kay sem lawta valam ala: Nan may li suluk noŋ ne' kat gatta vi sa Yudiyanɗi, kat Tempellaɗi, kat Cesarɗi kaw.
9May Festus dar kay ɗek tuwam goy ŋaa'a vok sa Yudiyana, nam hot dita tam Paulus ala: Naŋ min tuɗ kulo Yerusalem kay nan ma ka kitata vaŋis ɗawni su? 10Paulus di'e: Nan colay zawn vok liyn ma kitana vi Cesar, nala kitata van ka ɗawn hay liy namna kaw. Nan may li va ma joo'o tam sa Yudiyan noŋ ne'ɗi, ki naŋ kay tuwaŋ kaw wum goy ŋaa ŋolo nala. 11La joota van ka'a, la nan li va mara ma nagay kay mitta, nan may hulot tuwan goy vun mittaɗi; may lawta ta nisi pa' kanta la va ma gasi may haya'ɗi, sa ma as vulan goy hay ɓisi mayɗi. Nan ka raw kitata vanu vok Cesar. 12Hay li ma Festus law hiɗi sa ɗiger-lawta goy valam lawna, nam hot dita ala: Naŋ raw kitata vaŋawa vok Cesar, naŋ ma tuɗ vok Cesar kaw.
Paulus vok Agripa
13Bugol buur ca, mulla Agripa hiɗi Bernike co hay Sesariya kay gi deɓ mi Festus. 14Ki nisi musay ɗawni ir buur ŋolo, Festus vi labara vi Paulus mi mulla di'e: Feliks hin sa ays daŋgay kep, 15sa namna hay li ma nan ay hay Yerusalem, muliyan ŋulo sa-ɗifinna hiɗi sa maariyana vi sa Yudiyana yi kalamu, job kaw ala gum daŋgaya. 16Nan hotsi dit ala: Kuɗ dita vi sa Romena, vul san goy tam mitta kayni, nisi ma fi tuwsi vun kitata hiɗi sa ma pi lawt kalamna, say nam vi sem lawta valam goy tuwa. 17Nisi co tani, nan cub va loɗi, hay buurta ka'ta nan mus kay zlamda-kitata, vul hagata kay nisi mar san kayn aya. 18Sa pi lawt kalamna coy kulo lak kaw, may nisi fi lawta joota kalamu ki nan varay naɗi; 19may kay nisi ci wayt hiɗi namu kuɗ hagata vi tapta visiya, ci way kaw kay sa kep yum Yesu, ma mitiya, may Paulus di kalam ala nam ka iriya. 20May nanu, nan fi va kay di kuɗ lawta kayniɗi, nan jobomu la nam min tuɗ Yerusalem kay kitata valamu ma kaays ɗawni. 21May Paulus jok kitat voko, kay lawta valam ma liys ŋomay hay gaŋeraŋa vi Cesar, nan vul hagata kay nisi ma ŋomomu ta-ta nan gum tam Cesar. 22Agripa di tam Festus: Nan kaw min kay hum san kayni. Nam hot dita: grawta naŋ ma humumu.
23Hay buurta ka'ta, Agripa hiɗi Bernike co hiɗi sum sa ŋulon kuɗsiya, cuk kalaf hay ziyda ta kitana hiɗi komandaŋayna hiɗi sum sa ŋulona vi hoyok-ziyna. Kuɗ dita vi Festus, nisi mar Paulus kalafi. 24Festus di'e: Mulla Agripa, hiɗi sum sa dakay tan kaf hiɗi numa'a kaw, ɗuwgi san zawni, ma vokŋa vi sa Yudiyan kaf, la hay Yerusalem, la tani kaw, mar lawta kalam tanu, hiɗi siwelda kuɗum ŋolo ala nam fi mus iriɗi. 25kan nanu, nan wi goy haraŋ ala nam li va ma joo'o ma nagay kay mittaɗi, may nam kay tuwam job kay kitata valam ma jok vok Cesar, van kayni ɗuw kiran ŋaa'a kay gum tam Cesar kaw. 26Va ma nan ma ɗom mi Cesar goy haraŋ nala kay lawta valamu may kiranɗi, kuɗ na'ta nan maramawa vokgiya, suw pet vokaŋ naŋ mulla Agripa, kay bugol job ma nay ma jobomna, nan ma fi va kay ɗo'o kla. 27Kay gi sa ma daŋgayna voko bay ɗo lawta ta kalamta goyo ni, kayni ɗuw kiran gulu.
ទើបបានជ្រើសរើសហើយ៖
LOPNA 25: Massana
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
BIBALDA TA PELDETTA © L'Alliance Biblique du Cameroun, 2001
LOPNA 25
25
Paulus vok Festus
1Hay li ma Festus mus kay lopna vi guverner kay nagata musna, buur ɦidi bugolda nam fokay hay hay Sesariya kal hay Yerusalem. 2Muliyan ŋulo sa-ɗifinna hiɗi sa ŋulona jar sa Yudiyana yi vokomu kay Paulus. 3Nisi giɗelem delemu, jobomu kay nam mar Paulus hay Yerusalem; hay kayni nisi kot tuwsi kay baramu, cum goy mati kaw hay hagata. 4Festus hot dita ala: Paulus ka ŋomi hay Sesariya, hini ne' ɦawa, nam kay tuwam ma kala kaw. 5Nam di'e: La sum sara jargiya as tuɗ hiɗi nanu, la va ma joo'o ka kay san kayni, nisi ma di lawta kalamu. 6Festus may li buur jarsi suw glafandi hiɗi doogoɗi, bugolda nam kalay hay Sesariya. Hay buurta ka'ta, hay li ma nam mus kay zlamda-kitata, nam vul hagata kay nisi ma mar Paulus ay goyo. 7Hay li ma san kayni kalay goy kalla, sa Yudiyana sa may Yerusalem pana ŋuyum gaa cusl', nisi pi law ma ŋulona dak-dak kalamu, law ma nisi kaw fum cawam goyɗi. 8Wulini Paulus di kay sem lawta valam ala: Nan may li suluk noŋ ne' kat gatta vi sa Yudiyanɗi, kat Tempellaɗi, kat Cesarɗi kaw.
9May Festus dar kay ɗek tuwam goy ŋaa'a vok sa Yudiyana, nam hot dita tam Paulus ala: Naŋ min tuɗ kulo Yerusalem kay nan ma ka kitata vaŋis ɗawni su? 10Paulus di'e: Nan colay zawn vok liyn ma kitana vi Cesar, nala kitata van ka ɗawn hay liy namna kaw. Nan may li va ma joo'o tam sa Yudiyan noŋ ne'ɗi, ki naŋ kay tuwaŋ kaw wum goy ŋaa ŋolo nala. 11La joota van ka'a, la nan li va mara ma nagay kay mitta, nan may hulot tuwan goy vun mittaɗi; may lawta ta nisi pa' kanta la va ma gasi may haya'ɗi, sa ma as vulan goy hay ɓisi mayɗi. Nan ka raw kitata vanu vok Cesar. 12Hay li ma Festus law hiɗi sa ɗiger-lawta goy valam lawna, nam hot dita ala: Naŋ raw kitata vaŋawa vok Cesar, naŋ ma tuɗ vok Cesar kaw.
Paulus vok Agripa
13Bugol buur ca, mulla Agripa hiɗi Bernike co hay Sesariya kay gi deɓ mi Festus. 14Ki nisi musay ɗawni ir buur ŋolo, Festus vi labara vi Paulus mi mulla di'e: Feliks hin sa ays daŋgay kep, 15sa namna hay li ma nan ay hay Yerusalem, muliyan ŋulo sa-ɗifinna hiɗi sa maariyana vi sa Yudiyana yi kalamu, job kaw ala gum daŋgaya. 16Nan hotsi dit ala: Kuɗ dita vi sa Romena, vul san goy tam mitta kayni, nisi ma fi tuwsi vun kitata hiɗi sa ma pi lawt kalamna, say nam vi sem lawta valam goy tuwa. 17Nisi co tani, nan cub va loɗi, hay buurta ka'ta nan mus kay zlamda-kitata, vul hagata kay nisi mar san kayn aya. 18Sa pi lawt kalamna coy kulo lak kaw, may nisi fi lawta joota kalamu ki nan varay naɗi; 19may kay nisi ci wayt hiɗi namu kuɗ hagata vi tapta visiya, ci way kaw kay sa kep yum Yesu, ma mitiya, may Paulus di kalam ala nam ka iriya. 20May nanu, nan fi va kay di kuɗ lawta kayniɗi, nan jobomu la nam min tuɗ Yerusalem kay kitata valamu ma kaays ɗawni. 21May Paulus jok kitat voko, kay lawta valam ma liys ŋomay hay gaŋeraŋa vi Cesar, nan vul hagata kay nisi ma ŋomomu ta-ta nan gum tam Cesar. 22Agripa di tam Festus: Nan kaw min kay hum san kayni. Nam hot dita: grawta naŋ ma humumu.
23Hay buurta ka'ta, Agripa hiɗi Bernike co hiɗi sum sa ŋulon kuɗsiya, cuk kalaf hay ziyda ta kitana hiɗi komandaŋayna hiɗi sum sa ŋulona vi hoyok-ziyna. Kuɗ dita vi Festus, nisi mar Paulus kalafi. 24Festus di'e: Mulla Agripa, hiɗi sum sa dakay tan kaf hiɗi numa'a kaw, ɗuwgi san zawni, ma vokŋa vi sa Yudiyan kaf, la hay Yerusalem, la tani kaw, mar lawta kalam tanu, hiɗi siwelda kuɗum ŋolo ala nam fi mus iriɗi. 25kan nanu, nan wi goy haraŋ ala nam li va ma joo'o ma nagay kay mittaɗi, may nam kay tuwam job kay kitata valam ma jok vok Cesar, van kayni ɗuw kiran ŋaa'a kay gum tam Cesar kaw. 26Va ma nan ma ɗom mi Cesar goy haraŋ nala kay lawta valamu may kiranɗi, kuɗ na'ta nan maramawa vokgiya, suw pet vokaŋ naŋ mulla Agripa, kay bugol job ma nay ma jobomna, nan ma fi va kay ɗo'o kla. 27Kay gi sa ma daŋgayna voko bay ɗo lawta ta kalamta goyo ni, kayni ɗuw kiran gulu.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
BIBALDA TA PELDETTA © L'Alliance Biblique du Cameroun, 2001