Ex 17
17
A aej max eltek bay sat ch'en.
(Nm 20.1-13)
1Cax max el masanil eb israel bay takin tx'otx' yet Sin, cax c'ojanc'ulal max yun bey eb, atac'ala' chi yun tx'oxon Jehová. Max lajwi tu xin, cax max apni oc eb bay Refidim, palta c'am a' aej chi je' yuq'uen eb bay tu'.
2Yuj tu' max tit pax yowal eb yin cham Moisés:
—A tinani' ak' ja' juq'uej, ẍi eb.
—¿Tzet yuj xan chex awji oc win? ¿tzet yuj xan che yak' porobal Jehová? ẍi cham.
3Palta eb conob caw wal chi cam eb yuj takintial, xan max aj yaw eb bay cham Moisés, max yalon eb:
—¿Tzet yuj xan max on eiltek bay Egipto? ¿Tom asan yuj co cam yuj takintial yetok eb juninal, c'al yetok co jobbejal no'? ẍi eb.
4Caw wal max tac is c'ul cham Moisés, cax max oc pax tean cham yin Jehová:
—¿Tzet wal chi wut eb anima ti'? Ijan wal chin is k'okch'ennej eb, ẍi cham.
5Cax max tak'wi Jehová bay cham:
—A tinani', babjantok satak eb anima, cax cheontok jaywanok eb yicham winakil conob ti' etok; cax cheon c'apaxtok te' a k'okoch, te' max ak'balnej a mak'on sat a' Nilo. 6Ayin ok in babjok a satak bay ch'en ch'en bay Horeb, axa yet chach apni oc xin, cax cha mak'on sat ch'en yetok a k'okoch, cax ok elol aej bay sat ch'en, axa yuq'uen a' eb anima tu', ẍi Jehová.
Caytu' max yut cham Moisés satak eb yicham winakil conob Israel. 7Cax max yak'on yik jun lugar tu' Meriba, yujtol yob max yal eb yin cham Moisés. Cax max yak'on c'apax yik Masah, yujtol max yak' porobal eb Jehová, max yalon eb: Ma tol wal ayic' Jehová co xol, ma tol wal c'amak xin, ẍi eb.
Max oc owal yetok eb amalecita
8A yet ayic' eb israel bay Refidim, a yet tu' cax max apni oc eb amalecita yak'on owal yin eb. 9Yuj wal tu xin max yal cham Moisés bay Josué:
—Siq'uil jaywanok eb co soldado yet chi toj eb ak'oj owal yin eb amalecita. Yet yecal yet puch k'inibalil chin toj bay chon tzalan, cax ibil oc te k'okochej wuj, te' chi k'anbalnej Dios, ẍi cham.
10Max yikej Josué tzet max yal cham Moisés, max toj yak'on owal yin eb amalecita. Axa cham Moisés yetok cham Aarón c'al yetok cham Hur, max toj eb bay chon tzalan tu'. 11A yet chi yion aj cham Moisés is k'ab can, cax chi ayc'ay eb amalecita yuj eb israel. Axa yet chi yion ay cham is k'ab xin, cax ijan chi ayc'ay eb israel. 12Palta tutun caw wal chi c'unbi is k'ab cham Moisés yaj q'uetxan can, xan max say Aarón c'al Hur jun ch'en ch'en bay max ay chotan cham, axa eb max mitx'on aj k'ab cham, junjunc'al eb bay is tz'eyil, masantac'al yet max toj c'u. 13Axca wal tu' max yun yak'on lajwok Josué eb amalecita.
14Lajwi tu xin, max yalon Jehová bay cham Moisés:
—Tz'ibelayokab juntzan ti' bay yul junok un yet ok nalaytek. Al c'apax bay Josué tol ayin ok in c'ayil masanil eb amalecita yin junelnej, c'amxa bay ok nalaytek eb, ẍi Cham.
15Max lajwi tu', cax max watx'nen aj cham Moisés jun altar, cax max yak'on yik: A ton Jehová in bandera. 16Max yalon axca ti':
¡Max yiaj Amalec is k'ab yin is trono Jehová, xan a Cham ok yak'c'al owal yetok Amalec yin tojbalk'inal! ẍi cham.
ទើបបានជ្រើសរើសហើយ៖
Ex 17: ATBYK89
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Kanjobal (Q’anjob’al) © Sociedad Bíblica de Guatemala 1989
Ex 17
17
A aej max eltek bay sat ch'en.
(Nm 20.1-13)
1Cax max el masanil eb israel bay takin tx'otx' yet Sin, cax c'ojanc'ulal max yun bey eb, atac'ala' chi yun tx'oxon Jehová. Max lajwi tu xin, cax max apni oc eb bay Refidim, palta c'am a' aej chi je' yuq'uen eb bay tu'.
2Yuj tu' max tit pax yowal eb yin cham Moisés:
—A tinani' ak' ja' juq'uej, ẍi eb.
—¿Tzet yuj xan chex awji oc win? ¿tzet yuj xan che yak' porobal Jehová? ẍi cham.
3Palta eb conob caw wal chi cam eb yuj takintial, xan max aj yaw eb bay cham Moisés, max yalon eb:
—¿Tzet yuj xan max on eiltek bay Egipto? ¿Tom asan yuj co cam yuj takintial yetok eb juninal, c'al yetok co jobbejal no'? ẍi eb.
4Caw wal max tac is c'ul cham Moisés, cax max oc pax tean cham yin Jehová:
—¿Tzet wal chi wut eb anima ti'? Ijan wal chin is k'okch'ennej eb, ẍi cham.
5Cax max tak'wi Jehová bay cham:
—A tinani', babjantok satak eb anima, cax cheontok jaywanok eb yicham winakil conob ti' etok; cax cheon c'apaxtok te' a k'okoch, te' max ak'balnej a mak'on sat a' Nilo. 6Ayin ok in babjok a satak bay ch'en ch'en bay Horeb, axa yet chach apni oc xin, cax cha mak'on sat ch'en yetok a k'okoch, cax ok elol aej bay sat ch'en, axa yuq'uen a' eb anima tu', ẍi Jehová.
Caytu' max yut cham Moisés satak eb yicham winakil conob Israel. 7Cax max yak'on yik jun lugar tu' Meriba, yujtol yob max yal eb yin cham Moisés. Cax max yak'on c'apax yik Masah, yujtol max yak' porobal eb Jehová, max yalon eb: Ma tol wal ayic' Jehová co xol, ma tol wal c'amak xin, ẍi eb.
Max oc owal yetok eb amalecita
8A yet ayic' eb israel bay Refidim, a yet tu' cax max apni oc eb amalecita yak'on owal yin eb. 9Yuj wal tu xin max yal cham Moisés bay Josué:
—Siq'uil jaywanok eb co soldado yet chi toj eb ak'oj owal yin eb amalecita. Yet yecal yet puch k'inibalil chin toj bay chon tzalan, cax ibil oc te k'okochej wuj, te' chi k'anbalnej Dios, ẍi cham.
10Max yikej Josué tzet max yal cham Moisés, max toj yak'on owal yin eb amalecita. Axa cham Moisés yetok cham Aarón c'al yetok cham Hur, max toj eb bay chon tzalan tu'. 11A yet chi yion aj cham Moisés is k'ab can, cax chi ayc'ay eb amalecita yuj eb israel. Axa yet chi yion ay cham is k'ab xin, cax ijan chi ayc'ay eb israel. 12Palta tutun caw wal chi c'unbi is k'ab cham Moisés yaj q'uetxan can, xan max say Aarón c'al Hur jun ch'en ch'en bay max ay chotan cham, axa eb max mitx'on aj k'ab cham, junjunc'al eb bay is tz'eyil, masantac'al yet max toj c'u. 13Axca wal tu' max yun yak'on lajwok Josué eb amalecita.
14Lajwi tu xin, max yalon Jehová bay cham Moisés:
—Tz'ibelayokab juntzan ti' bay yul junok un yet ok nalaytek. Al c'apax bay Josué tol ayin ok in c'ayil masanil eb amalecita yin junelnej, c'amxa bay ok nalaytek eb, ẍi Cham.
15Max lajwi tu', cax max watx'nen aj cham Moisés jun altar, cax max yak'on yik: A ton Jehová in bandera. 16Max yalon axca ti':
¡Max yiaj Amalec is k'ab yin is trono Jehová, xan a Cham ok yak'c'al owal yetok Amalec yin tojbalk'inal! ẍi cham.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Kanjobal (Q’anjob’al) © Sociedad Bíblica de Guatemala 1989