Ro 8
8
Ñe'me Dios Lepaqal yadalaĝat da'me qat'oyaĝac
1Chane'eja nayi male qaya'te gamachaqaega ne'uaĝanague'j gaa'me jo'ne yoqotede'uo ñe'me Cristo Jesús. 2Qa'a da'me 'lañaĝac ñe'me Dios Lepaqal jo'ne yanegue da'me 'noyaĝac 'me chiyaqayi ñe'me Cristo Jesús, jayem chiyoĝotalegue ga'me lamaĝajoĝonaĝac da'me etaĝaloĝoc nataq'aen da'me neleuaĝa jo'ne jayem yecoñedeta't. 3Qa'a ñe'me Dios male ye'et da'me jo'ne ja yañoĝot da'me ye'et da'me namaĝajoĝonaĝac jo'ne chiyoqo'ot di'me Moisés, qa'a da'me lachoĝolaĝac da'me ch'e nejiyaĝauayaĝac qama'le ja yaqanatet ta'le yomat da'me dojo'. Qama'le Dios namaĝaquena ñe'me C'oĝot ena'am da'me lachoĝolaĝac ga'me ch'e jiyaĝaua 'me loeco lo'ol nataq'aen ena'am ta'le nemenec 'me nep'aĝaneguet gaa'me loeco joga'me jiyaĝadipi, nach'eda naq'aeta da'me ena'am q'aen ga'me ch'e jiyaĝaua 'me etaĝaloĝoic chiyaqayi da'me male yolaĝachigui ga'me etaĝaloĝoc. 4Ye'et da'me dojo' qaedi qo'mi jaqanatetaq da'me qolaqa'teguelo daa'me chimadichidiñe qo'mi yepagaqatetapeque daa'me namaĝajoĝonaĝaco, qa'a male ja qolaqatalegue ga'me yepaquetapega da'me ch'e qanejiyaĝauayaĝac jo'ne etaĝaloĝoic dite ga'me jo'ne yepaquetapega ñe'me Dios Lepaqal.
5Gaa'me jo'ne quetalo'te gaa'me yepaquetapegalo da'me nejiyaĝauayaĝa'j 'me etaĝaloĝoic nach'edata uenatetedapega ga'me nedo'ta't aleua le'ec; qalaĝaja gaa'me jo'ne uetedaue ga'me yepaquetapega ñe'me Dios Lepaqal, jogaa'me uenatetapegalo gaa'me uo'oe 'me chiyaqayilo ñe'me Dios Lepaqal. 6Qama'le da'me nedo'ta't auenatetapega ga'me anejiyaĝauayaĝac 'me ch'e aleua le'ec am yaueque'tague da'me adeleuaĝa; qalaĝaja da'me qom eetapega gaa'me uo'oe jo'ne chiyaqayilo ñe'me Dios Lepaqal am yaueque'tague da'me at'oyaĝac nataq'aen da'me at'emaĝac. 7Jogaa'me jo'ne uenatetedapega da'me ch'e nejiyaĝauayaĝa'j nach'egaua nauteta ñe'me Dios qa'a ja jetaque 'yamaqate'n nataq'aen ja jetaque uetedo'ot da'me lamaĝajoĝonaĝac. 8Qo'che' ga'me jo'ne quetalegue da'me ue'toto naa'me lamaico da'me nejiyaĝauayaĝac 'me etaĝaloĝoic, joga'me ja yaqanatet ta'le 'yamaqaten ñe'me Dios.
9Qalaĝaja ami male ja oquitalo'te naa'me lamaico jo'ne yepaquetapegalo da'me anejiyaĝauayaĝaqui, dite ga'me jo'ne yepaquetapega ñe'me Dios Lepaqal, qom yataqachiñe eja ami uetauelo joñe'me. Ga'me jo'ne ja netaye ñe'me Cristo Lepaqal ja Cristo nejoĝonec. 10Qalaĝaja qom yataqachiñe Cristo ami uetauelo, ñe'me adepaqali nec'aletaye, qa'a ñe'me Dios ami yachiyoĝotauelo ga'me adaviyaĝacodi' da'me ami e'n uojotedañi, temaqaedi naa'me adoje'edi' tateda'ague da'me leleuaqa' qa'a jouaĝa't gaa'me adoecodi'. 11Nataq'aen qom ñe'me Dios Lepaqal 'me 'niyelaĝachijeguem ca'li ñe'me Jesús qom eja ami uetauelo, nach'eñe joñe'me 'me 'niyelaĝachijeguem ca'li ñe'me Cristo ami yanema naa'me adoje'edi' da'me ladalaĝa'j 'me netayelo da'me leleuaqa't qa'a chiyaqayi ñe'me Dios Lepaqal 'me ami netayelo.
12Chane'eja ami yaqaya'olqa, 'uo da'me dojo' qanaqataguec 'me qo'mi qoyanema, qalaĝaja ja naqaeda ta'le qolaqatalegue ga'me yepaquetapega da'me ch'e qanejiyaĝauayaĝac 'me etaĝaloĝoic. 13Qa'a qom oquitalo'te ga'me ch'e adamaicodi', qama'le adelevi: qalaĝaja qom jouaĝat da'me chiyaqayi ñe'me Dios Lepaqal da'me aualachi' daa'me adamaicodi', qama'le adec'aliyegue. 14Ena'uaque gaa'me jo'ne dajoteda'ye ñe'me Dios Lepaqal, mach'e Dios lec'oqo'te jogaa'me. 15Qa'a ami ja ami 'te qoyanema ñe'me nepaqal jo'ne chiyaqayi ta'le ami nelataqa jo'ne yitaĝa ami yauequeteda'ague da'me ami qolanaqayaqa, dite ñe'me Dios Lepaqal jo'ne ami e'n lec'oqo'tolqa ñe'me Dios, qama'le nach'eñe ñe'me Lepaqal da'me jec'otaĝa ñe'me Dios, nale onolqa'tape da'me qo'mi enaac: “Am Taĝadena'.” 16Qama'le nach'eñe ñe'me Dios Lepaqal uaĝayet ñe'me qadepaqal qaedi yechoĝot da'me male qo'mi lec'oqo'tolqa ñe'me Dios. 17Qama'le queda'me joote qo'mi lec'oqo'tolqa, nach'e ena'am jaconaĝaguet qomle ga'me yaqataĝañi ca'li ñe'me Dios 'me 'yaĝatetac, nach'eda da'me ñetauanaqa'uo ñe'me Cristo qom eja jaconaĝaguet da'me qadachoĝodec qa'a jouaĝat joñe'me qaedi qom'te jouaqa'tajop joñe'me da'me 'lonaĝac.
Da'me 'lonaĝac jo'ne novi' qomle
18Qa'a gaa'me qadachoĝodeco nayi da'me qat'oyaĝac qom ñaloqotenaĝaneguet da'me 'lonaĝac jo'ne jauanaĝa qomle yataqachiñe ja ena'am ga'me ñetauanaqa'uo qom'che. 19Yema gaa'me 'lonatacpi ñe'me Dios 'uo da'me lidiaĝa ga'me nolo' qomle jena'me lec'oqo'tepi ñe'me Dios da'me male qoyaloĝo'n. 20Qa'a ena'uaque ga'me 'nonataqapi yegue'm da'me yataqachiñe loiquiaqa'yaĝa'j, ja naqaeda ta'le mach'e loequenataĝanaĝa'j jogaa'me dite da'me qa'a ñe'me Dios naq'aeta da'me nach'e ena'ac q'aen; qalaĝaja nach'e eta't 'uo da'me neuataqataĝanaĝac nataq'aen da'me lapalaĝac 21da'me qoyachiyoĝotaue da'me ch'e nelatac qama'le qoyejoye qaedi yovidalegue da'me 'lonaĝa'j gaa'me Dios lec'oqo'tepi 'me qoyejodegue. 22Qa'a jayatenaq chayovida'a nayi yema gaa'me 'lonataqa 'uo da'me lachotaĝac nataq'aen lachitataic, ena'am jaga'me yauo nale nadi'ta da'me c'oe qama'le 'uo ga'me layaliaĝac.
23Nataq'aen ja jaldata da'me 'uo ga'me lachitataic jaga'me, dite da'me nach'e ena'am qo'mi, jo'ne joote ua'ajopa ñe'me Dios Lepaqal jo'ne qane'uauaĝat queda'me 'uo ga'me uoja'ega qo'mi qoyanema qomle. Yataqachiñe qaya'ñgui da'me qadachoyaĝac, jediajoqo'taguet ga'me nolo' qom ñe'me Dios qo'mi yaconegueta da'me male lec'oqo'tolqa, nach'eda male qoyejodegue naa'me qadoje'. 24Joote qo'mi qonec'alaĝatedegue, qalaĝaja nach'edata 'uo da'me qadeuataqataĝanaĝac. Qama'le nayi, qom gamachaqaega joote yec'atetac ga'me yeuatetaque, chane'eja male ja leuataqataĝanaĝac, qa'a joga'me qom joote yauana male ja yeuatetaque. 25Qalaĝaja qom jona'li jauanaĝa ga'me jeuataqataque, qama'le ja jaĝanaĝañi da'me jeuataqataque.
26Qama'le naq'aeta ñe'me Dios Lepaqal qo'mi lecochiyalo queda'me 'uo da'me qadachoĝolaĝac. Qa'a ja jayatenaq ga'me yataqachiñe lajoĝoc da'me qanetamenaĝac, qalaĝaja ñe'me Dios Lepaqal nachoĝodenot ñe'me Dios nale qo'mi dajelaĝalo'te, jo'ne 'uo da'me lachotaĝac, da'me qaya'te 'naqatac ta'le qoyadenaĝat ga'me lachotaĝac. 27Nataq'aen ñe'me Dios 'me yec'ate'tape naa'me qadai'li, yayaten ga'me jo'ne 'yaĝatetac ñe'me Lepaqal nale netamelo'te gaa'me Dios lec'oqo'tepi, qa'a da'me nachoĝodenaĝac ñe'me Nepaqal mach'e loequenataĝanaĝac ñe'me Dios.
P'ajaye qo'mi mataĝanaĝayaqa
28Jayatenaq ñe'me Dios da'me yaqataĝata'ajalo gaa'me uo'oe 'me chiyaqayi ga'me liyamaĝa'j jogaa'me jo'ne noqopideta joñe'me, nach'egaua yiyaĝanalo joca'li joñe'me da'me jetaque nec'alaĝatedegue. 29Jogaa'me jo'ne joote latetoñii's ñe'me Dios joca'li, jogaa'me yanema da'me chiyoqochiñe eda'am ñe'me Lec'oĝot, qaedi ñe'me Lec'oĝot nach'eñe nepiloĝot da'me yataqata jalcote joga'me lanoqolqapi. 30Qama'le jogaa'me jo'ne chiyoqochiñe liquiyaqapi ñe'me Dios, qama'le nataq'aen yiyaĝanalo jogaa'me; nach'egaua yataqatelo'te q'ae'n; nataq'aen jogaa'me yanema da'me chimadichidiñe, nach'e ena'am netauada'uo da'me 'lonaĝac joñe'me.
31¿Jach'e ga'me ñenaĝataĝaye laqaya? ¡Qa'a qom Dios naqaeñe qo'mi yotaua'n, qaya'te yaqanatet da'me qo'mi nautenalo! 32Qom Dios ja qo'mi 'te nematapeque, nataq'aen ñe'me mach'e C'oĝot, dite da'me yanoue da'me leleuaĝa qa'a jouaĝat qo'mi, da'me qo'mi yanema ñe'me C'oĝot, ¿qo'li ja nach'e ena'am qo'mi yanema ena'uaque gaa'me uo'oe? 33¿Jach'e ga'me yaqanatet da'me yepoleguelo'te jogaa'me Dios liquiyaqapi queda'me Dios nach'eñe e'n yataqatelo'te jogaa'me? 34¿Jach'e ga'me yaqanatet da'me yamaĝadoue da'me ne'uaĝanague'j jogaa'me? Cristo Jesús nach'eñe yeleu ca'li; maliaĝa uoja'eda nach'eñe 'niyelaĝajeguem ca'li qama'le neta'ña yayaten ñe'me Dios, qo'mi nachoĝodetapelo'te. 35¿Jach'e ga'me yaqanatet da'me qo'mi yaĝayaĝa'n qaedi qolaqa'e da'me loqopich'i ñe'me Cristo? ¿Qo'li yaqanatet ga'me qadachoĝodec, uotaĝa gaa'me qadaqalaico, uotaĝa ga'me qanaqanaguec, uotaĝa ga'me qadoqouat, uotaĝa qaya'te qadoĝot 'me janaĝaiñe, uotaĝa qom 'uo ga'me chaqae'ta uotaĝa neleuaĝa 'me qo'mi qoyalateque? 36Nach'e naq'aeta ga'me 'yaĝatetedac naa'me nedii's, eet'oi:
“Nach'e eta't qo'mi dajo'toto da'me qadeleuaĝa, qa'a jouaĝat am.
Qo'mi qo'yeteque da'me ena'am jaga'me 'naĝanaĝate nale qoyauega ga'me nalataqa'.”
37Qalaĝaja ena'uaque naa'me naajo' uo'oe 'uo da'me qadomataĝanaĝac 'me chiyaqayi ñe'me jo'ne qo'mi noqopitalo. 38Jayem jayatetelegue da'me qaya'te jenaĝa chiyaqayi ta'le qo'mi yaqanate't qaedi qolaqa'e da'me loqopich'i ñe'me Dios: uotaĝa da'me neleuaĝa, uotaĝa da'me 'noyaĝac, uotaĝa jogaa'me piyem laje', uotaĝa jogaa'me nañoqotaĝanaĝaco 'nañaĝaco 'me uedo'ot di'me piyem, uotaĝa ga'me 'uo nayi, uotaĝa ga'me na'taquena, 39uotaĝa ga'me yataqachiñe qayaje'mec, uotaĝa ga'me yataqachiñe qaya'ñgui, uotaĝa gamachaqaega uo'oe laqaya' 'me 'lonataqa ñe'me Dios. ¡Qaya'te qo'mi yaqataqate't da'me loqopich'i jo'ne Dios qo'mi yaloĝonalo 'me chiyaqayi ñe'me Cristo Jesús mach'e Qadejaliaĝanec!
ទើបបានជ្រើសរើសហើយ៖
Ro 8: TSN
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Nuevo Testament Toba del Oeste © 2010 Sociedad Bíblica Argentina
Ro 8
8
Ñe'me Dios Lepaqal yadalaĝat da'me qat'oyaĝac
1Chane'eja nayi male qaya'te gamachaqaega ne'uaĝanague'j gaa'me jo'ne yoqotede'uo ñe'me Cristo Jesús. 2Qa'a da'me 'lañaĝac ñe'me Dios Lepaqal jo'ne yanegue da'me 'noyaĝac 'me chiyaqayi ñe'me Cristo Jesús, jayem chiyoĝotalegue ga'me lamaĝajoĝonaĝac da'me etaĝaloĝoc nataq'aen da'me neleuaĝa jo'ne jayem yecoñedeta't. 3Qa'a ñe'me Dios male ye'et da'me jo'ne ja yañoĝot da'me ye'et da'me namaĝajoĝonaĝac jo'ne chiyoqo'ot di'me Moisés, qa'a da'me lachoĝolaĝac da'me ch'e nejiyaĝauayaĝac qama'le ja yaqanatet ta'le yomat da'me dojo'. Qama'le Dios namaĝaquena ñe'me C'oĝot ena'am da'me lachoĝolaĝac ga'me ch'e jiyaĝaua 'me loeco lo'ol nataq'aen ena'am ta'le nemenec 'me nep'aĝaneguet gaa'me loeco joga'me jiyaĝadipi, nach'eda naq'aeta da'me ena'am q'aen ga'me ch'e jiyaĝaua 'me etaĝaloĝoic chiyaqayi da'me male yolaĝachigui ga'me etaĝaloĝoc. 4Ye'et da'me dojo' qaedi qo'mi jaqanatetaq da'me qolaqa'teguelo daa'me chimadichidiñe qo'mi yepagaqatetapeque daa'me namaĝajoĝonaĝaco, qa'a male ja qolaqatalegue ga'me yepaquetapega da'me ch'e qanejiyaĝauayaĝac jo'ne etaĝaloĝoic dite ga'me jo'ne yepaquetapega ñe'me Dios Lepaqal.
5Gaa'me jo'ne quetalo'te gaa'me yepaquetapegalo da'me nejiyaĝauayaĝa'j 'me etaĝaloĝoic nach'edata uenatetedapega ga'me nedo'ta't aleua le'ec; qalaĝaja gaa'me jo'ne uetedaue ga'me yepaquetapega ñe'me Dios Lepaqal, jogaa'me uenatetapegalo gaa'me uo'oe 'me chiyaqayilo ñe'me Dios Lepaqal. 6Qama'le da'me nedo'ta't auenatetapega ga'me anejiyaĝauayaĝac 'me ch'e aleua le'ec am yaueque'tague da'me adeleuaĝa; qalaĝaja da'me qom eetapega gaa'me uo'oe jo'ne chiyaqayilo ñe'me Dios Lepaqal am yaueque'tague da'me at'oyaĝac nataq'aen da'me at'emaĝac. 7Jogaa'me jo'ne uenatetedapega da'me ch'e nejiyaĝauayaĝa'j nach'egaua nauteta ñe'me Dios qa'a ja jetaque 'yamaqate'n nataq'aen ja jetaque uetedo'ot da'me lamaĝajoĝonaĝac. 8Qo'che' ga'me jo'ne quetalegue da'me ue'toto naa'me lamaico da'me nejiyaĝauayaĝac 'me etaĝaloĝoic, joga'me ja yaqanatet ta'le 'yamaqaten ñe'me Dios.
9Qalaĝaja ami male ja oquitalo'te naa'me lamaico jo'ne yepaquetapegalo da'me anejiyaĝauayaĝaqui, dite ga'me jo'ne yepaquetapega ñe'me Dios Lepaqal, qom yataqachiñe eja ami uetauelo joñe'me. Ga'me jo'ne ja netaye ñe'me Cristo Lepaqal ja Cristo nejoĝonec. 10Qalaĝaja qom yataqachiñe Cristo ami uetauelo, ñe'me adepaqali nec'aletaye, qa'a ñe'me Dios ami yachiyoĝotauelo ga'me adaviyaĝacodi' da'me ami e'n uojotedañi, temaqaedi naa'me adoje'edi' tateda'ague da'me leleuaqa' qa'a jouaĝa't gaa'me adoecodi'. 11Nataq'aen qom ñe'me Dios Lepaqal 'me 'niyelaĝachijeguem ca'li ñe'me Jesús qom eja ami uetauelo, nach'eñe joñe'me 'me 'niyelaĝachijeguem ca'li ñe'me Cristo ami yanema naa'me adoje'edi' da'me ladalaĝa'j 'me netayelo da'me leleuaqa't qa'a chiyaqayi ñe'me Dios Lepaqal 'me ami netayelo.
12Chane'eja ami yaqaya'olqa, 'uo da'me dojo' qanaqataguec 'me qo'mi qoyanema, qalaĝaja ja naqaeda ta'le qolaqatalegue ga'me yepaquetapega da'me ch'e qanejiyaĝauayaĝac 'me etaĝaloĝoic. 13Qa'a qom oquitalo'te ga'me ch'e adamaicodi', qama'le adelevi: qalaĝaja qom jouaĝat da'me chiyaqayi ñe'me Dios Lepaqal da'me aualachi' daa'me adamaicodi', qama'le adec'aliyegue. 14Ena'uaque gaa'me jo'ne dajoteda'ye ñe'me Dios Lepaqal, mach'e Dios lec'oqo'te jogaa'me. 15Qa'a ami ja ami 'te qoyanema ñe'me nepaqal jo'ne chiyaqayi ta'le ami nelataqa jo'ne yitaĝa ami yauequeteda'ague da'me ami qolanaqayaqa, dite ñe'me Dios Lepaqal jo'ne ami e'n lec'oqo'tolqa ñe'me Dios, qama'le nach'eñe ñe'me Lepaqal da'me jec'otaĝa ñe'me Dios, nale onolqa'tape da'me qo'mi enaac: “Am Taĝadena'.” 16Qama'le nach'eñe ñe'me Dios Lepaqal uaĝayet ñe'me qadepaqal qaedi yechoĝot da'me male qo'mi lec'oqo'tolqa ñe'me Dios. 17Qama'le queda'me joote qo'mi lec'oqo'tolqa, nach'e ena'am jaconaĝaguet qomle ga'me yaqataĝañi ca'li ñe'me Dios 'me 'yaĝatetac, nach'eda da'me ñetauanaqa'uo ñe'me Cristo qom eja jaconaĝaguet da'me qadachoĝodec qa'a jouaĝat joñe'me qaedi qom'te jouaqa'tajop joñe'me da'me 'lonaĝac.
Da'me 'lonaĝac jo'ne novi' qomle
18Qa'a gaa'me qadachoĝodeco nayi da'me qat'oyaĝac qom ñaloqotenaĝaneguet da'me 'lonaĝac jo'ne jauanaĝa qomle yataqachiñe ja ena'am ga'me ñetauanaqa'uo qom'che. 19Yema gaa'me 'lonatacpi ñe'me Dios 'uo da'me lidiaĝa ga'me nolo' qomle jena'me lec'oqo'tepi ñe'me Dios da'me male qoyaloĝo'n. 20Qa'a ena'uaque ga'me 'nonataqapi yegue'm da'me yataqachiñe loiquiaqa'yaĝa'j, ja naqaeda ta'le mach'e loequenataĝanaĝa'j jogaa'me dite da'me qa'a ñe'me Dios naq'aeta da'me nach'e ena'ac q'aen; qalaĝaja nach'e eta't 'uo da'me neuataqataĝanaĝac nataq'aen da'me lapalaĝac 21da'me qoyachiyoĝotaue da'me ch'e nelatac qama'le qoyejoye qaedi yovidalegue da'me 'lonaĝa'j gaa'me Dios lec'oqo'tepi 'me qoyejodegue. 22Qa'a jayatenaq chayovida'a nayi yema gaa'me 'lonataqa 'uo da'me lachotaĝac nataq'aen lachitataic, ena'am jaga'me yauo nale nadi'ta da'me c'oe qama'le 'uo ga'me layaliaĝac.
23Nataq'aen ja jaldata da'me 'uo ga'me lachitataic jaga'me, dite da'me nach'e ena'am qo'mi, jo'ne joote ua'ajopa ñe'me Dios Lepaqal jo'ne qane'uauaĝat queda'me 'uo ga'me uoja'ega qo'mi qoyanema qomle. Yataqachiñe qaya'ñgui da'me qadachoyaĝac, jediajoqo'taguet ga'me nolo' qom ñe'me Dios qo'mi yaconegueta da'me male lec'oqo'tolqa, nach'eda male qoyejodegue naa'me qadoje'. 24Joote qo'mi qonec'alaĝatedegue, qalaĝaja nach'edata 'uo da'me qadeuataqataĝanaĝac. Qama'le nayi, qom gamachaqaega joote yec'atetac ga'me yeuatetaque, chane'eja male ja leuataqataĝanaĝac, qa'a joga'me qom joote yauana male ja yeuatetaque. 25Qalaĝaja qom jona'li jauanaĝa ga'me jeuataqataque, qama'le ja jaĝanaĝañi da'me jeuataqataque.
26Qama'le naq'aeta ñe'me Dios Lepaqal qo'mi lecochiyalo queda'me 'uo da'me qadachoĝolaĝac. Qa'a ja jayatenaq ga'me yataqachiñe lajoĝoc da'me qanetamenaĝac, qalaĝaja ñe'me Dios Lepaqal nachoĝodenot ñe'me Dios nale qo'mi dajelaĝalo'te, jo'ne 'uo da'me lachotaĝac, da'me qaya'te 'naqatac ta'le qoyadenaĝat ga'me lachotaĝac. 27Nataq'aen ñe'me Dios 'me yec'ate'tape naa'me qadai'li, yayaten ga'me jo'ne 'yaĝatetac ñe'me Lepaqal nale netamelo'te gaa'me Dios lec'oqo'tepi, qa'a da'me nachoĝodenaĝac ñe'me Nepaqal mach'e loequenataĝanaĝac ñe'me Dios.
P'ajaye qo'mi mataĝanaĝayaqa
28Jayatenaq ñe'me Dios da'me yaqataĝata'ajalo gaa'me uo'oe 'me chiyaqayi ga'me liyamaĝa'j jogaa'me jo'ne noqopideta joñe'me, nach'egaua yiyaĝanalo joca'li joñe'me da'me jetaque nec'alaĝatedegue. 29Jogaa'me jo'ne joote latetoñii's ñe'me Dios joca'li, jogaa'me yanema da'me chiyoqochiñe eda'am ñe'me Lec'oĝot, qaedi ñe'me Lec'oĝot nach'eñe nepiloĝot da'me yataqata jalcote joga'me lanoqolqapi. 30Qama'le jogaa'me jo'ne chiyoqochiñe liquiyaqapi ñe'me Dios, qama'le nataq'aen yiyaĝanalo jogaa'me; nach'egaua yataqatelo'te q'ae'n; nataq'aen jogaa'me yanema da'me chimadichidiñe, nach'e ena'am netauada'uo da'me 'lonaĝac joñe'me.
31¿Jach'e ga'me ñenaĝataĝaye laqaya? ¡Qa'a qom Dios naqaeñe qo'mi yotaua'n, qaya'te yaqanatet da'me qo'mi nautenalo! 32Qom Dios ja qo'mi 'te nematapeque, nataq'aen ñe'me mach'e C'oĝot, dite da'me yanoue da'me leleuaĝa qa'a jouaĝat qo'mi, da'me qo'mi yanema ñe'me C'oĝot, ¿qo'li ja nach'e ena'am qo'mi yanema ena'uaque gaa'me uo'oe? 33¿Jach'e ga'me yaqanatet da'me yepoleguelo'te jogaa'me Dios liquiyaqapi queda'me Dios nach'eñe e'n yataqatelo'te jogaa'me? 34¿Jach'e ga'me yaqanatet da'me yamaĝadoue da'me ne'uaĝanague'j jogaa'me? Cristo Jesús nach'eñe yeleu ca'li; maliaĝa uoja'eda nach'eñe 'niyelaĝajeguem ca'li qama'le neta'ña yayaten ñe'me Dios, qo'mi nachoĝodetapelo'te. 35¿Jach'e ga'me yaqanatet da'me qo'mi yaĝayaĝa'n qaedi qolaqa'e da'me loqopich'i ñe'me Cristo? ¿Qo'li yaqanatet ga'me qadachoĝodec, uotaĝa gaa'me qadaqalaico, uotaĝa ga'me qanaqanaguec, uotaĝa ga'me qadoqouat, uotaĝa qaya'te qadoĝot 'me janaĝaiñe, uotaĝa qom 'uo ga'me chaqae'ta uotaĝa neleuaĝa 'me qo'mi qoyalateque? 36Nach'e naq'aeta ga'me 'yaĝatetedac naa'me nedii's, eet'oi:
“Nach'e eta't qo'mi dajo'toto da'me qadeleuaĝa, qa'a jouaĝat am.
Qo'mi qo'yeteque da'me ena'am jaga'me 'naĝanaĝate nale qoyauega ga'me nalataqa'.”
37Qalaĝaja ena'uaque naa'me naajo' uo'oe 'uo da'me qadomataĝanaĝac 'me chiyaqayi ñe'me jo'ne qo'mi noqopitalo. 38Jayem jayatetelegue da'me qaya'te jenaĝa chiyaqayi ta'le qo'mi yaqanate't qaedi qolaqa'e da'me loqopich'i ñe'me Dios: uotaĝa da'me neleuaĝa, uotaĝa da'me 'noyaĝac, uotaĝa jogaa'me piyem laje', uotaĝa jogaa'me nañoqotaĝanaĝaco 'nañaĝaco 'me uedo'ot di'me piyem, uotaĝa ga'me 'uo nayi, uotaĝa ga'me na'taquena, 39uotaĝa ga'me yataqachiñe qayaje'mec, uotaĝa ga'me yataqachiñe qaya'ñgui, uotaĝa gamachaqaega uo'oe laqaya' 'me 'lonataqa ñe'me Dios. ¡Qaya'te qo'mi yaqataqate't da'me loqopich'i jo'ne Dios qo'mi yaloĝonalo 'me chiyaqayi ñe'me Cristo Jesús mach'e Qadejaliaĝanec!
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Nuevo Testament Toba del Oeste © 2010 Sociedad Bíblica Argentina