Luka 24
24
Kusanguka ca Yesu
(Mateu28:1-10; Mako16:1-8; Yiuano20:1-10)
1Omo kuacele cimene mene lia calumingu vampuevo vayile ku cihilo, vambatele mazi avavuahesele. 2Kaha vauanene livue liakama vana lihumisa ku cikolo ca cihilo. 3Nankuma vakovelelemo vuno honi kuuanenemo muvila ua Muene Yesu. 4Vemanene kuje tele valikomokela, kaha hajevene kuasholokele vamala vavali vaje vemanene kuli vakevo mu vuzalo vuakuviakuma. 5Vaje vampuevo vovuile liova cikuma kaha vakotamene ha mavu, vaje vamala vavehuile nguavo, “Vika mutondela muka muono ku vantsi? 6Uahiko kuno nasanguka laja. Vulukeni muje muahandekele kuli yeni tele acili mu Ngalileya. 7‘Muna Muntu vaka muhana ku mavako a vantu va vipi, vaka mushukika, kaha vaka musangula hanima ya matangua atatu.’”
8Ambahoni vaje vampuevo vavulukile mezi endi. 9Kaha vahumine kuje ku cihilo vakalekele viuma vioshe vivamuene kuli vaje likumi na umo lia vandongisi na vakuavo voshe. 10Vaje vampuevo vapuile Maliya Mangandalena, na Njuana, na Maliya vaina ya Yakomba na vampuevo vakuavo vaje valekele evi viuma ku tunganda. 11Vuno honi tunganda vasinganiekele ngue vije vivahandekele vaje vampuevo keti viaseho kaha kuva vatsilielelele. 12Vuno honi Petulu uakatukile na kushatukila ku cihilo, uakotamenenemo kaha uamuenemo lika vintanga na ceka cahi. Kaha uahilukile kuimbo na kulikomokela ha viuma vije vialingiuile.
Kuenda kuya ku Emausi
(Mako16:12-13)
13Ha litangua lijevene vandongisi vavali va Yesu vakele na kuya ku limbo lije livatumbuile nguavo Emausi, ntunda yapuile makilomita likumi na imo kuhuma ku Yelusalema. 14Vakele nakuhandeka kuli umo na mukuavo ha viuma vioshe vije vialingiuile. 15Tele vacili nakuhandeka na kuliyongola, Yesu uezile hayehi navo nakuenda navo. 16Vamumuene vuno honi kuvamuzivukile. 17Yesu uahandekele kuli vakevo nguendi, “Nkuma vimpande muka muli nakuhandeka oku muenda?” Vemanene kaha vihanga viavo viasholokele mu vusiua. 18Kaha umo uavo lizina liendi Kolopase, uamuhuile nguendi, “Nkuma yove u mungezi muno mu Yelusalema ndi? Muomu yove lika uje kazivuka vije vinalingiua mu matangua ano.”
19Kaha uavehuile nguendi, “Viuma muka?”
Vamutavele nguavo, “Via Yesu uaku Nazaleta. Yala ou uapuile kananguizi ua nzili muvilinga na mu mezi kuli Njambi naku vantu voshe 20Kaha vakuluntu vetu va vasasendote na vaka kuyula vamuhanene kuli nguvulu linga amuhise na kumutsiha, kaha vamushukikile ha cilindakano. 21Vuno honi tuatsilielele nguetu ikeye akapatula Isaleli! Kaha lelo linapu litangua lia mucitatu kuhuma haje vialingiuile viuma evi. 22Vampuevo vamo hakati ketu vatukomokesele, vamenekelele ku cihilo cimene mene, 23vuno honi kuvakauanene muvila uendi. Kaha vahilukile nguavo vakamuene cimona ca tungelo vaje vavalekele nguavo ali nakuyoya. 24Kaha vamo hakati ketu vayileko ku cihilo, kaha vakauanene ngue muje muvahandekelele vaje vampuevo, vuno honi kuvamumuene.”
25Ambahoni Yesu uahandekele kuli vakevo nguendi, “Yeni vilema, musimbula vatihoni kutsiliela vije vioshe vivahandekele tunanguizi! 26Nkuma Kilistu kapandele kuyanda ha viuma evi nakukovela mu vumpau vuendi ndi?” 27Kaha Yesu uaputukile kuvalumbuinina viuma vioshe vije vahandekele mu visoneka hali ikeye, kuputukila mu mavulu a Mosesa na kutuala ku visoneka via tunanguizi voshe.
28Omo vahetele kuyehi na limbo kuje vakele nakuya, Yesu ualingile ngue atuvakana kamandende kuya kulutue, 29Vuno honi vamulombele na kuhandeka nguavo, “Tumama netu muomu cinapu cinguezi kaha na litangua liatoko.” Kaha uayile na kukala navo. 30Omo uatumamene navo mukulia kaha uambatele mbolo naku ikuisula uaipazuile na kuvahanayo. 31Kaha mesho avo ashokolokele vazivukile nguavo nkumani ikeye, vuno honi ualavukile kuli vakevo. 32Kaha valihandekesele umo na mukuavo nguavo, “Nkumani mukemo mitima yetu yovuile kuvuahelela cikuma omo uakele nakuhandeka netu mu ngila na kutulumbunuina viuma via mu Visoneka.”
33Vakatukile ha ntsimbu ijevene vahilukile ku Yelusalema, vauanene vandongisi likumi na umo vanalikungulula hamo na vakuavo veka naua. 34Vahandekele nguavo, “Muavusunga vene Muene nasanguka! Nalisholola kuli Simoni!”
35Kaha vaje vavali vambuluile vije vialingiuile mu ngila, namuje vazivukilile nguavo nkuma ikeye Muene Yesu omo uatavuile mbolo.
Yesu Alisholola kuli Vandongisi Vendi
(Mateu28:16-20; Mako16:14-18; Yiuano20:19-23; Vilinga1:6-8)
36Tele ntsimbu vaje vavali vakele nakuvaleka viuma evi, vuasi vuasi Yesu vavenia uemanene hakati kavo uahandekele nguendi, “Ciyulo cikale neni.”
37Kaha vovuile liova cikuma, muomu vasinganiekele nguavo vanamono ndumba ya muntu. 38Vuno honi uahandekele kuli vakevo nguendi, “Nkuma vikahoni munalijujukila? Nkuma vika muli na kulikanouela mu mitima yeni? 39Taleni mu mavoko ange na mu viliato viange. Taleni yange vene. Njikuateni, kaha mukazivuka muomu nduma ya muntu kakele na ntsitu na vitsiha ngue evi muamono vinjili navio.”
40Uahandekele evi na kuvamuesa mu mavoko na mu viliato viendi. 41Cipue ngoco vene kuvatsilielele muomu vavuahelele cikuma na kulikomokela kaha Yesu uavehuile nguendi, “Muli na viakulia linga njilie ndi?” 42Kaha vamuhanene mbazuvuila ya intsi uakuoca. 43Kaha uaitambuile na kulia ha mesho avo.
44Ambahoni uahandekele kuli vakevo nguendi, “Evi vikevio viuma vije njamilekele omo njakele neni nguange viuma vioshe vije vivasonekele hali yange mu Lishiko lia Mosesa, na visoneka via tunanguizi na mu miaso viapande kulishulisisa.”
45Ambahoni uashokoluele mana avo linga vovuisise visoneka, 46na kuhandeka kuli vakevo nguendi, “Visoneka viahandeka nguavio, Kilistu napande kuyanda kaha vakamusangula hanima ya matangua atatu.” 47Visoneka viahandeka naua nguavio ngeci kutenguluka na kukonekela ca vipi vanapande kuviambulula mu lizina liendi ku mafuti oshe, kuputukila mu Yelusalema. 48Yeni munapu vakaleho ha viuma evi. 49Kaha yange njikatuma kuli yeni cije cakulahesele Tate. Vuno honi muapande kuvandamena mu nganda noho mukatambula nzili eyi kuhuminina muilu.
Yesu Vamutuala Muilu
(Mako16:19-20; Vilinga1:9-11)
50Ambahoni uahumine navo mu nganda uavatualele kuyehi na Mbeteni kuje uajunduile mavoko endi nakuvakuisula. 51Tele ali nakuvakuisula, ualisezele navo nakumutuala muilu. 52Vamulemesele kaha vahilukile mu Yelusalema na kuvuahelela cikuma. 53Kaha vakele ntsimbu yoshe mu njivo ya Njambi na kusantsela Njambi.
ទើបបានជ្រើសរើសហើយ៖
Luka 24: NNTZ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Luka 24
24
Kusanguka ca Yesu
(Mateu28:1-10; Mako16:1-8; Yiuano20:1-10)
1Omo kuacele cimene mene lia calumingu vampuevo vayile ku cihilo, vambatele mazi avavuahesele. 2Kaha vauanene livue liakama vana lihumisa ku cikolo ca cihilo. 3Nankuma vakovelelemo vuno honi kuuanenemo muvila ua Muene Yesu. 4Vemanene kuje tele valikomokela, kaha hajevene kuasholokele vamala vavali vaje vemanene kuli vakevo mu vuzalo vuakuviakuma. 5Vaje vampuevo vovuile liova cikuma kaha vakotamene ha mavu, vaje vamala vavehuile nguavo, “Vika mutondela muka muono ku vantsi? 6Uahiko kuno nasanguka laja. Vulukeni muje muahandekele kuli yeni tele acili mu Ngalileya. 7‘Muna Muntu vaka muhana ku mavako a vantu va vipi, vaka mushukika, kaha vaka musangula hanima ya matangua atatu.’”
8Ambahoni vaje vampuevo vavulukile mezi endi. 9Kaha vahumine kuje ku cihilo vakalekele viuma vioshe vivamuene kuli vaje likumi na umo lia vandongisi na vakuavo voshe. 10Vaje vampuevo vapuile Maliya Mangandalena, na Njuana, na Maliya vaina ya Yakomba na vampuevo vakuavo vaje valekele evi viuma ku tunganda. 11Vuno honi tunganda vasinganiekele ngue vije vivahandekele vaje vampuevo keti viaseho kaha kuva vatsilielelele. 12Vuno honi Petulu uakatukile na kushatukila ku cihilo, uakotamenenemo kaha uamuenemo lika vintanga na ceka cahi. Kaha uahilukile kuimbo na kulikomokela ha viuma vije vialingiuile.
Kuenda kuya ku Emausi
(Mako16:12-13)
13Ha litangua lijevene vandongisi vavali va Yesu vakele na kuya ku limbo lije livatumbuile nguavo Emausi, ntunda yapuile makilomita likumi na imo kuhuma ku Yelusalema. 14Vakele nakuhandeka kuli umo na mukuavo ha viuma vioshe vije vialingiuile. 15Tele vacili nakuhandeka na kuliyongola, Yesu uezile hayehi navo nakuenda navo. 16Vamumuene vuno honi kuvamuzivukile. 17Yesu uahandekele kuli vakevo nguendi, “Nkuma vimpande muka muli nakuhandeka oku muenda?” Vemanene kaha vihanga viavo viasholokele mu vusiua. 18Kaha umo uavo lizina liendi Kolopase, uamuhuile nguendi, “Nkuma yove u mungezi muno mu Yelusalema ndi? Muomu yove lika uje kazivuka vije vinalingiua mu matangua ano.”
19Kaha uavehuile nguendi, “Viuma muka?”
Vamutavele nguavo, “Via Yesu uaku Nazaleta. Yala ou uapuile kananguizi ua nzili muvilinga na mu mezi kuli Njambi naku vantu voshe 20Kaha vakuluntu vetu va vasasendote na vaka kuyula vamuhanene kuli nguvulu linga amuhise na kumutsiha, kaha vamushukikile ha cilindakano. 21Vuno honi tuatsilielele nguetu ikeye akapatula Isaleli! Kaha lelo linapu litangua lia mucitatu kuhuma haje vialingiuile viuma evi. 22Vampuevo vamo hakati ketu vatukomokesele, vamenekelele ku cihilo cimene mene, 23vuno honi kuvakauanene muvila uendi. Kaha vahilukile nguavo vakamuene cimona ca tungelo vaje vavalekele nguavo ali nakuyoya. 24Kaha vamo hakati ketu vayileko ku cihilo, kaha vakauanene ngue muje muvahandekelele vaje vampuevo, vuno honi kuvamumuene.”
25Ambahoni Yesu uahandekele kuli vakevo nguendi, “Yeni vilema, musimbula vatihoni kutsiliela vije vioshe vivahandekele tunanguizi! 26Nkuma Kilistu kapandele kuyanda ha viuma evi nakukovela mu vumpau vuendi ndi?” 27Kaha Yesu uaputukile kuvalumbuinina viuma vioshe vije vahandekele mu visoneka hali ikeye, kuputukila mu mavulu a Mosesa na kutuala ku visoneka via tunanguizi voshe.
28Omo vahetele kuyehi na limbo kuje vakele nakuya, Yesu ualingile ngue atuvakana kamandende kuya kulutue, 29Vuno honi vamulombele na kuhandeka nguavo, “Tumama netu muomu cinapu cinguezi kaha na litangua liatoko.” Kaha uayile na kukala navo. 30Omo uatumamene navo mukulia kaha uambatele mbolo naku ikuisula uaipazuile na kuvahanayo. 31Kaha mesho avo ashokolokele vazivukile nguavo nkumani ikeye, vuno honi ualavukile kuli vakevo. 32Kaha valihandekesele umo na mukuavo nguavo, “Nkumani mukemo mitima yetu yovuile kuvuahelela cikuma omo uakele nakuhandeka netu mu ngila na kutulumbunuina viuma via mu Visoneka.”
33Vakatukile ha ntsimbu ijevene vahilukile ku Yelusalema, vauanene vandongisi likumi na umo vanalikungulula hamo na vakuavo veka naua. 34Vahandekele nguavo, “Muavusunga vene Muene nasanguka! Nalisholola kuli Simoni!”
35Kaha vaje vavali vambuluile vije vialingiuile mu ngila, namuje vazivukilile nguavo nkuma ikeye Muene Yesu omo uatavuile mbolo.
Yesu Alisholola kuli Vandongisi Vendi
(Mateu28:16-20; Mako16:14-18; Yiuano20:19-23; Vilinga1:6-8)
36Tele ntsimbu vaje vavali vakele nakuvaleka viuma evi, vuasi vuasi Yesu vavenia uemanene hakati kavo uahandekele nguendi, “Ciyulo cikale neni.”
37Kaha vovuile liova cikuma, muomu vasinganiekele nguavo vanamono ndumba ya muntu. 38Vuno honi uahandekele kuli vakevo nguendi, “Nkuma vikahoni munalijujukila? Nkuma vika muli na kulikanouela mu mitima yeni? 39Taleni mu mavoko ange na mu viliato viange. Taleni yange vene. Njikuateni, kaha mukazivuka muomu nduma ya muntu kakele na ntsitu na vitsiha ngue evi muamono vinjili navio.”
40Uahandekele evi na kuvamuesa mu mavoko na mu viliato viendi. 41Cipue ngoco vene kuvatsilielele muomu vavuahelele cikuma na kulikomokela kaha Yesu uavehuile nguendi, “Muli na viakulia linga njilie ndi?” 42Kaha vamuhanene mbazuvuila ya intsi uakuoca. 43Kaha uaitambuile na kulia ha mesho avo.
44Ambahoni uahandekele kuli vakevo nguendi, “Evi vikevio viuma vije njamilekele omo njakele neni nguange viuma vioshe vije vivasonekele hali yange mu Lishiko lia Mosesa, na visoneka via tunanguizi na mu miaso viapande kulishulisisa.”
45Ambahoni uashokoluele mana avo linga vovuisise visoneka, 46na kuhandeka kuli vakevo nguendi, “Visoneka viahandeka nguavio, Kilistu napande kuyanda kaha vakamusangula hanima ya matangua atatu.” 47Visoneka viahandeka naua nguavio ngeci kutenguluka na kukonekela ca vipi vanapande kuviambulula mu lizina liendi ku mafuti oshe, kuputukila mu Yelusalema. 48Yeni munapu vakaleho ha viuma evi. 49Kaha yange njikatuma kuli yeni cije cakulahesele Tate. Vuno honi muapande kuvandamena mu nganda noho mukatambula nzili eyi kuhuminina muilu.
Yesu Vamutuala Muilu
(Mako16:19-20; Vilinga1:9-11)
50Ambahoni uahumine navo mu nganda uavatualele kuyehi na Mbeteni kuje uajunduile mavoko endi nakuvakuisula. 51Tele ali nakuvakuisula, ualisezele navo nakumutuala muilu. 52Vamulemesele kaha vahilukile mu Yelusalema na kuvuahelela cikuma. 53Kaha vakele ntsimbu yoshe mu njivo ya Njambi na kusantsela Njambi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល