Marko 7
7
E Devleskere zapovedija hem o manuškane adetija
1Uza ko Isus khedisalile le o fariseja hem nesave učitejla e Zakoneskere, so ale taro Erusalim. 2I dikhle nesave taro leskere učenikija, sar hana maro bi thovde vastencar – so značinela deka tane melale. 3Adaleske so o fariseja hem sa o Evreja ikerena sine o adetija e phurengere, adaleja so na hana maro dži kote na thovena pe vasta šukar. 4Hem koga iranena pe sine khere taro pazari, dži kote na thovena šukar pe vasta na hana sine maro, hem sine panda but adetija so ikerena: thojba čaše, bukajla hem čare.
5Adaleske o fariseja hem o učitejla e Zakoneskere pučle e Isuse: “Soske te učenikija hana maro melale vastencar, a na ikerena pe ko adetija amare phurengere?”
6A o Isus odgovoringja lenge: “Šukar prorokujngja o prorok Isaija bašo tumaro dujmujalipe, sar soj pišimo:
‘Akala manuša samo pe mujeja poštojnena man,
a pe srceja dur tane mandar.
7Džabe poštojnena man;
sikavindor manušikane adetija.’
8Tumen e Devleskere zapovedija mukhena, a ikerena o manušikane adetija.”
9Hem vakergja lenge: “Tumen ko asavko lošno način mangena te čhinaven o zapovedija e Devleskere, te šaj ikerena tumare adetija! 10Soske o Mojsej phengja: ‘Poštojn te dade hem te daja’ hem, ‘Koj ka del armanja pe dade hem pe daja, te ovel kaznimo meribaja.’ 11A tumen vakerena deka o manuš šaj te phenel pe dadeske ili pe dajake: ‘Sa soleja šaj sine te pomožinav tut ko životo, više halum sovli deka ka dav le e Devleske sar korbani (so značinela poklon e Devleske).’ 12Agjar na mukhena leske ništo soleja šaj te pomožinel pe dade ili pe daja. 13Sikavindor javeren tumare adetija, činavena o lafi e Devleskoro. Hem isi panda but bukja asavke so kerena.”
O Isus vakerela so mejlarela e manuše
14O Isus palem vikingja sa e narodo ki peste hem vakergja lenge: “Šunen man sarine hem svatinen akava: 15Ništo avrijaldan, so khuvela andre ko manuš, našti te kerel le melalo. Ama adava so iklola andral taro manuš, adava kerela le melalo. 16[Kas isi kana neka šunel!]”
17Koga cidisalilo e narodostar, khugja ko jekh kher hem o učenikija pučle le baši akaja parabola. 18I o Isus pučlja len: “Tumen da li na svatingen? Na svatingen li deka ništo avrijaldan, so khuvela andre ko manuš našti te kerel le melalo? 19Soske adava na khuvela ko srce, nego ko vogi, hem palo adava iklola taro leskoro telo.”
(Agjar sa o hajbe o Isus proglasingja deka tano čisto.)
20Hem panda vakergja lenge: “Adava, so iklola andral taro manuš, adava kerela e manuše melalo. 21Soske andral, taro srce e manušeskoro, iklona o lošna misle, o bludstvo, o čoriba, o mudariba, 22i preljuba, alčnost, lošnipe, zavist, hovajbe, o huliba, gordost, faliba, dilinipe. 23Sa akava lošnipe, so iklola andral taro manuš, mejlarela le.”
I vera jekhe romnakiri so nane Evrejka
24Palo adava o Isus gelo tari Galileja ko thana taro Tir. Khugja ko jekh kher hem na mangla nikoj te džanel deka tano adathe, ama našti sine te garavel pe. 25Soske šungja leske jekh romni, so lakiri čhaj sine la lošno duho, oj ali hem peli ko kočaka anglo leskere pre. 26Adaja romni sine Grkinka, bijami ki Sirisko Fenikija. I molingja e Isuse te ikalel e demone tari lakiri čhaj.
27O Isus phengja lake: “Mukh prvo te han o čhave hem te čajloven, adaleske so nane šukar te le pe lendar o maro hem te frdel pe e džukelenge.”
28A oj odgovoringja leske: “Oja, Gospode! Ama o džukela da hana o troške telo astali so perena taro čhave.”
29Togaš o Isus phengja lake: “Bašo akava lafi so vakergjan mange, šaj te dža khere. O demoni iklilo te čhajatar.”
30Koga oj irangja pe khere, arakhla pe čhija sar pašlola sine ki postela, a o demoni više iklilo latar.
O Isus sasljarela jekhe manuše soj kašuko hem laloro
31I palem o Isus iklilo taro Tir gelo ko Sidon hem palo adava gelo ko Galilejsko ezero, hem ko thana taro Dekapolis. 32Nesave manuša ange ko Isus jekhe manuše, so sine kašuko hem phareste kerela sine lafi, i molinge le te čhivel po vas upro leste.
33O Isus koga cidingja le ki jekh strana podur taro manuša hem čhigja pe naja ko leskere kana. Togaš čhungargja ko pe naja hem pipingja leskiri čhib. 34Palo adava o Isus dikhla upre ko nebo, hor izdišingja hem vakergja leske: “Effata!” (So značinela: “Phravgjov!”). 35Odma phravdile leskere kana hem leskiri čhib, i počmingja šukar te kerel lafi.
36I o Isus zapovedingja e manušenge nikaske te na vakeren bašo akava. Ama kozom zapovedinela sine lenge te na vakeren, ola poviše vakerena sine. 37A o manuša but čudinena pe sine hem vakerena: “Sa šukar kerela – dži o kašuke te šunen hem o lalore te keren lafi.”
ទើបបានជ្រើសរើសហើយ៖
Marko 7: MAR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Marko 7
7
E Devleskere zapovedija hem o manuškane adetija
1Uza ko Isus khedisalile le o fariseja hem nesave učitejla e Zakoneskere, so ale taro Erusalim. 2I dikhle nesave taro leskere učenikija, sar hana maro bi thovde vastencar – so značinela deka tane melale. 3Adaleske so o fariseja hem sa o Evreja ikerena sine o adetija e phurengere, adaleja so na hana maro dži kote na thovena pe vasta šukar. 4Hem koga iranena pe sine khere taro pazari, dži kote na thovena šukar pe vasta na hana sine maro, hem sine panda but adetija so ikerena: thojba čaše, bukajla hem čare.
5Adaleske o fariseja hem o učitejla e Zakoneskere pučle e Isuse: “Soske te učenikija hana maro melale vastencar, a na ikerena pe ko adetija amare phurengere?”
6A o Isus odgovoringja lenge: “Šukar prorokujngja o prorok Isaija bašo tumaro dujmujalipe, sar soj pišimo:
‘Akala manuša samo pe mujeja poštojnena man,
a pe srceja dur tane mandar.
7Džabe poštojnena man;
sikavindor manušikane adetija.’
8Tumen e Devleskere zapovedija mukhena, a ikerena o manušikane adetija.”
9Hem vakergja lenge: “Tumen ko asavko lošno način mangena te čhinaven o zapovedija e Devleskere, te šaj ikerena tumare adetija! 10Soske o Mojsej phengja: ‘Poštojn te dade hem te daja’ hem, ‘Koj ka del armanja pe dade hem pe daja, te ovel kaznimo meribaja.’ 11A tumen vakerena deka o manuš šaj te phenel pe dadeske ili pe dajake: ‘Sa soleja šaj sine te pomožinav tut ko životo, više halum sovli deka ka dav le e Devleske sar korbani (so značinela poklon e Devleske).’ 12Agjar na mukhena leske ništo soleja šaj te pomožinel pe dade ili pe daja. 13Sikavindor javeren tumare adetija, činavena o lafi e Devleskoro. Hem isi panda but bukja asavke so kerena.”
O Isus vakerela so mejlarela e manuše
14O Isus palem vikingja sa e narodo ki peste hem vakergja lenge: “Šunen man sarine hem svatinen akava: 15Ništo avrijaldan, so khuvela andre ko manuš, našti te kerel le melalo. Ama adava so iklola andral taro manuš, adava kerela le melalo. 16[Kas isi kana neka šunel!]”
17Koga cidisalilo e narodostar, khugja ko jekh kher hem o učenikija pučle le baši akaja parabola. 18I o Isus pučlja len: “Tumen da li na svatingen? Na svatingen li deka ništo avrijaldan, so khuvela andre ko manuš našti te kerel le melalo? 19Soske adava na khuvela ko srce, nego ko vogi, hem palo adava iklola taro leskoro telo.”
(Agjar sa o hajbe o Isus proglasingja deka tano čisto.)
20Hem panda vakergja lenge: “Adava, so iklola andral taro manuš, adava kerela e manuše melalo. 21Soske andral, taro srce e manušeskoro, iklona o lošna misle, o bludstvo, o čoriba, o mudariba, 22i preljuba, alčnost, lošnipe, zavist, hovajbe, o huliba, gordost, faliba, dilinipe. 23Sa akava lošnipe, so iklola andral taro manuš, mejlarela le.”
I vera jekhe romnakiri so nane Evrejka
24Palo adava o Isus gelo tari Galileja ko thana taro Tir. Khugja ko jekh kher hem na mangla nikoj te džanel deka tano adathe, ama našti sine te garavel pe. 25Soske šungja leske jekh romni, so lakiri čhaj sine la lošno duho, oj ali hem peli ko kočaka anglo leskere pre. 26Adaja romni sine Grkinka, bijami ki Sirisko Fenikija. I molingja e Isuse te ikalel e demone tari lakiri čhaj.
27O Isus phengja lake: “Mukh prvo te han o čhave hem te čajloven, adaleske so nane šukar te le pe lendar o maro hem te frdel pe e džukelenge.”
28A oj odgovoringja leske: “Oja, Gospode! Ama o džukela da hana o troške telo astali so perena taro čhave.”
29Togaš o Isus phengja lake: “Bašo akava lafi so vakergjan mange, šaj te dža khere. O demoni iklilo te čhajatar.”
30Koga oj irangja pe khere, arakhla pe čhija sar pašlola sine ki postela, a o demoni više iklilo latar.
O Isus sasljarela jekhe manuše soj kašuko hem laloro
31I palem o Isus iklilo taro Tir gelo ko Sidon hem palo adava gelo ko Galilejsko ezero, hem ko thana taro Dekapolis. 32Nesave manuša ange ko Isus jekhe manuše, so sine kašuko hem phareste kerela sine lafi, i molinge le te čhivel po vas upro leste.
33O Isus koga cidingja le ki jekh strana podur taro manuša hem čhigja pe naja ko leskere kana. Togaš čhungargja ko pe naja hem pipingja leskiri čhib. 34Palo adava o Isus dikhla upre ko nebo, hor izdišingja hem vakergja leske: “Effata!” (So značinela: “Phravgjov!”). 35Odma phravdile leskere kana hem leskiri čhib, i počmingja šukar te kerel lafi.
36I o Isus zapovedingja e manušenge nikaske te na vakeren bašo akava. Ama kozom zapovedinela sine lenge te na vakeren, ola poviše vakerena sine. 37A o manuša but čudinena pe sine hem vakerena: “Sa šukar kerela – dži o kašuke te šunen hem o lalore te keren lafi.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល