MARK 16
16
Ponuruthan
1Aru ketiya bisram din khotom hoise, Mary Magdalene aru James laga amaa Mary, aru Salome, taikhan gundh bhall tel loi kene Jisu ke lagai dibole ahhise. 2Aru hopta te prothom din, ekdom phujor, surjyo ulai thaka homoi te taikhan moidam te jaise. 3Aru taikhan ekjoni pora ekjoni ke koise, “Moidam mukh pora dangor pathor tu amikhan karne kon pora hatai dibo?” 4Aru tate ketiya sai sile, pathor tu hatai kene dekhise—eitu besi dangor thakise. 5Aru moidam bhitor te ketiya humai jaise, taikhan pora jawan chokra ekjon, boga kapoor pindhi kene daina haat phale bohi thaka dekhise; aru taikhan asorit paise. 6Aru tar pora taikhan ke koise, “Asorit nakoribi. Tumikhan Nazareth laga Jisu, kon kros te morise, Tar ke bisari ase. Kintu Tar jinda uthise, Tar iyate nai; tarkhan pora Tar ke rakhi diya jaga sabi. 7Kintu etiya jabi, aru chella khan aru Peter ke kobi, Tar he tumikhan laga aage te Galilee te jai ase; aru Tar pora kua nisna, tate tumikhan pora Tar ke dekhibo.” 8Aru taikhan moidam pora ulai kene polai jaise; kilemane bhoi aru asorit besi lagise; aru taikhan pora kon ke bhi eku kua nai, kilemane taikhan bhoi lagise.
[Aage te likha konuba kitab te tu 16:9-20 napabo] # 16:8 konuba purana kitab tu v.8 te he khotom kori kene ase. Aru dusera konuba kitab tu v. 9-20 likhi kene ase. Aru konuba kitab te v.8 logot te eneka likhi kene ase: Kintu taikhan pora ki dekhise, eitu Peter aru tar logot te thaka khan ke sob janai dise. Aru eitu pasot te, Jisu nijor bhi tarkhan darai, purab pora baicham tak sob jaga phale poritran laga susamachar prachar koribole dise. Eitu likha khan tu 16:9-20 te pabo
Mary Magdalene Logot Te Jisu He Ulai Dekhai Diya
9[[Hopta laga prothom din te, ekdom phujor homoi, ketiya Jisu punorai uthise, tetiya satta ohusi atma khedai diya Mary Magdalene logot te pahila dekhai dise. 10Tetiya tai jaise aru Jisu logot hodai thaka khan, kon kandi kene mon dukh hoi thakise taikhan ke koise. 11Kintu ketiya Jisu jinda hoise aru tai pora dekhise eneka Mary Magdalene pora koise, taikhan pora biswas koribole tan paise.
Chella Duijon Logot Te Jisu Dekhai Diya
12Eitu pasot te Jisu he sabole alag hoi kene nagor raasta te duijon logot tar dekhai dise. 13Tetiya tarkhan ghurai jaise aru dusera chella logot te koise, kintu taikhan biswas kora nai.
Dangor Odhikar
14Pasote ekgharo jon mez te bohi thaka homoi Jisu ulai kene dekhai dise; aru tarkhan obiswas hua aru mon tan hua nimite gali dise, kilemane Tar punorai utha pasote dekha, manuh khan laga kotha tarkhan pora biswas kora nai. 15Aru Jisu he tarkhan ke koise, “Prithibi sob jaga te jabi, aru shristi kora sob logot te susamachar prachar kori dibi. 16Kon he biswas kore aru baptisma loi taikhan sob poritran pabo; kintu kon he biswas nakore taikhan harai jabo. 17Aru biswasi manuh khan logot te eneka sign dekhibo: Moi laga nam te taikhan pora ohusi atma khedai dibo; taikhan pora notun kotha te kobo; 18taikhan haat pora sanp uthai lobo, aru jodi mori bole laga jinis kiba pi-lebhi eitu pora eku dukh nahobo; bemar manuh khan upor te taikhan haat pora chui dile, taikhan hustho hobo.”
19Eitu karne, Prabhu Jisu he tarkhan logot te kotha koi diya pasot te, Tar sorgo te uthi jaise, aru Isor laga daina haat te bohise. 20Aru taikhan jai kene sob jaga te bhall khobor prachar korise, aru Prabhu pora tarkhan darai asorit kam kori kene, taikhan pora prachar kora tu thik ase eneka sakhi dise.]]
ទើបបានជ្រើសរើសហើយ៖
MARK 16: NagaMe
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.