MATTHEW 20
20
Angur Kheti Te Hazira Kora
1“Kilemane sorgo rajyo tu, ekta ghor malik kon pora ekdom phujor te nijor angur kheti te kam koribole hazira manuh ke bisari jaise, eitu nisna ase. 2Hazira kora manuh logote denarius ekta dibole faisla kora pasote tar laga angur kheti te pathaise. 3Aru tin ghonta homoi pasote tar jai kene dusera hazira kora manuh konuba eku kam nathaki kene bazar jaga te dekhise; 4aru tar pora taikhan ke bhi koise, ‘Tumi khan bhi kheti te jabi, aru ki dibole thik ase eitu moi tumi khan ke bhi dibo.’ Teneka taikhan bhi jaise. 5Aru soi baji homoi te bhi, aru noh bhag homoi te bhi, tar eneka korise. 6Aru ekgharo baji homoi te bhi tar jai kene konuba kam nakori kene khara kori dekhise; aru tar pora taikhan ke bhi koise, ‘Kile tumikhan dinbhor ene khara kori thaki ase?’ 7Taikhan pora tar ke koise, ‘Kilemane kon manuh bhi amikhan ke hazira lua nai.’ Tar he taikhan ke bhi koise, ‘Tumi khan bhi angur kheti te jabi.’ 8Aru ketiya sham homoi pongchise, angur kheti malik pora nijor nokor khan ke koise, ‘Kam kora manuh khan tu mati kene, sob pora piche te jua manuh khan pora shuru hoi kene, aage te jua tak ke hazira di dibi.’ 9Aru ketiya ekgharo baji homoi te jua manuh khan ahhise, sob manuh ke ekta-ekta denarius dise. 10Tetiya, ketiya aage te jua manuh khan ahhise, taikhan pora bhabise, taikhan ke besi dibo; kintu taikhan ke bhi ekta-ekta denarius he dise. 11Aru ketiya eitu paise, ghor malik ke apoti korise, 12aru koise, ‘pasote ahha khan tu ek ghonta he kam korise, aru amikhan kon pora gorom din homoi te tan kam sob korise, taikhan logot eke he dise.’ 13Kintu tar pora taikhan ekjon ke jawab dise, ‘Saathi, Moi tumikhan karne eku galad kam kora nai; tumikhan pora ekta denarius karne kotha mila nai neki? 14Tumikhan laga bhag tu lobi, aru jabi; eitu piche te ahha manuh khan ke ki dise, eitu moi nijor khushi ase. 15Moi laga sampoti upor te moi ki koribole itcha ase eneka koribole napare neki? Nahole moi ki bhall kam korise tate tumi beya pai ase neki?’ 16Eitu karne piche wala tu aage, aru aage te thaka khan piche hobo.”
Jisu He Tar Moribole Laga Tinbar Kua
17Aru Jisu he Jerusalem te jua homoi, barohjon chella khan Tar pora alag loi jai kene, raasta te tarkhan ke koise, 18“Sabi, amikhan Jerusalem te jai ase; aru Manuh laga Putro tu prodhan puruhit khan aru pondit khan ke di dibo, aru tarkhan pora Tar ke morai dibole ninda koribo, 19aru porjati khan pora hinsa koribo aru sajai di kene kros te morai dibo, aru tin din pasote Tar jinda uthibo.”
Amaa Laga Onurudh
20Tetiya Zebedee putro khan laga amaa, tarkhan logote ahhise aru Tar aage te athukarhi kene onurudh korise. 21Aru Tar pora tai ke koise, “Tumi ki dorkar ase?” Tai pora Tar ke koise, “Eitu moi laga duijon putro tu, Apunar rajyo te ekta daina phale aru ekta banya phale bohibole dibi.” 22Kintu Jisu he jawab dise, “Tumi ki mangi ase, tumi najane. Moi ki cup te pibo, eitu tumi khan pora pibo paribo neki?” Taikhan pora koise, “Amikhan pora paribo.” 23Tar he taikhan ke koise, “Tumi khan pora bhi moi laga cup pora pibo, kintu Moi laga daina phale aru banya phale bohibole moi laga odhikar nahoi, kintu eitu tu hole Moi laga Pitri pora kon karne jugar kori ase taikhan karne he ase.” 24Aru ketiya dos jon pora eitu kotha hunise, tarkhan pora eitu duijon bhai logote beya paise. 25Kintu Jisu he tarkhan mati kene koise, “Tumikhan pora jane, porjati majote, solaongta khan pora bhari khang bukhibole diye, aru taikhan majote dangor manuh pora he taikhan upor te khyomota cholai. 26Tumikhan majote eneka nahobo lage; kintu kon he dangor hobo monn ase, eitu he sob laga nokor hobo lage, 27aru kon he tumar majote aage hobo monn ase, eitu tumar daasi he hobo; 28kilemane Manuh laga Putro bhi seva lobole nahoi, kintu seva dibole ahhise, aru besi manuh udhar hobo karne nijor jivon daan dibole ahhise.”
Andha Duijon Soku Khuli Diya
29Aru tarkhan Jericho shari kene jua homoi te, besi manuh khan jama kori kene Tar piche te ahhise. 30Aru sabi, duijon soku andha manuh raasta kinar te bohi thakise, ketiya tarkhan pora Jisu eitu raasta phale ahhi ase eneka hunise, chillai kene koise, “David laga Putro, amikhan ke doya koribi!” 31Jama kori thaka manuh khan pora tarkhan ke gali dise, aru chup chap thakibole koise; kintu tarkhan pora arubhi besi chillai kene koise, “Prabhu, amikhan ke doya dekhai dibi, David laga Putro!” 32Aru Jisu he rukhi jaise, aru tarkhan ke mati kene koise, “Tumikhan karne Moi ki kori dibole monn ase?” 33Tarkhan pora Tar ke koise, “Prabhu, amikhan laga soku tu khuli dibi.” 34Jisu he besi morom lagise, aru tarkhan laga soku te chuise, aru loge loge tarkhan pora dekhibole parise aru Jisu lage piche piche jaise.
ទើបបានជ្រើសរើសហើយ៖
MATTHEW 20: NagaMe
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.
MATTHEW 20
20
Angur Kheti Te Hazira Kora
1“Kilemane sorgo rajyo tu, ekta ghor malik kon pora ekdom phujor te nijor angur kheti te kam koribole hazira manuh ke bisari jaise, eitu nisna ase. 2Hazira kora manuh logote denarius ekta dibole faisla kora pasote tar laga angur kheti te pathaise. 3Aru tin ghonta homoi pasote tar jai kene dusera hazira kora manuh konuba eku kam nathaki kene bazar jaga te dekhise; 4aru tar pora taikhan ke bhi koise, ‘Tumi khan bhi kheti te jabi, aru ki dibole thik ase eitu moi tumi khan ke bhi dibo.’ Teneka taikhan bhi jaise. 5Aru soi baji homoi te bhi, aru noh bhag homoi te bhi, tar eneka korise. 6Aru ekgharo baji homoi te bhi tar jai kene konuba kam nakori kene khara kori dekhise; aru tar pora taikhan ke bhi koise, ‘Kile tumikhan dinbhor ene khara kori thaki ase?’ 7Taikhan pora tar ke koise, ‘Kilemane kon manuh bhi amikhan ke hazira lua nai.’ Tar he taikhan ke bhi koise, ‘Tumi khan bhi angur kheti te jabi.’ 8Aru ketiya sham homoi pongchise, angur kheti malik pora nijor nokor khan ke koise, ‘Kam kora manuh khan tu mati kene, sob pora piche te jua manuh khan pora shuru hoi kene, aage te jua tak ke hazira di dibi.’ 9Aru ketiya ekgharo baji homoi te jua manuh khan ahhise, sob manuh ke ekta-ekta denarius dise. 10Tetiya, ketiya aage te jua manuh khan ahhise, taikhan pora bhabise, taikhan ke besi dibo; kintu taikhan ke bhi ekta-ekta denarius he dise. 11Aru ketiya eitu paise, ghor malik ke apoti korise, 12aru koise, ‘pasote ahha khan tu ek ghonta he kam korise, aru amikhan kon pora gorom din homoi te tan kam sob korise, taikhan logot eke he dise.’ 13Kintu tar pora taikhan ekjon ke jawab dise, ‘Saathi, Moi tumikhan karne eku galad kam kora nai; tumikhan pora ekta denarius karne kotha mila nai neki? 14Tumikhan laga bhag tu lobi, aru jabi; eitu piche te ahha manuh khan ke ki dise, eitu moi nijor khushi ase. 15Moi laga sampoti upor te moi ki koribole itcha ase eneka koribole napare neki? Nahole moi ki bhall kam korise tate tumi beya pai ase neki?’ 16Eitu karne piche wala tu aage, aru aage te thaka khan piche hobo.”
Jisu He Tar Moribole Laga Tinbar Kua
17Aru Jisu he Jerusalem te jua homoi, barohjon chella khan Tar pora alag loi jai kene, raasta te tarkhan ke koise, 18“Sabi, amikhan Jerusalem te jai ase; aru Manuh laga Putro tu prodhan puruhit khan aru pondit khan ke di dibo, aru tarkhan pora Tar ke morai dibole ninda koribo, 19aru porjati khan pora hinsa koribo aru sajai di kene kros te morai dibo, aru tin din pasote Tar jinda uthibo.”
Amaa Laga Onurudh
20Tetiya Zebedee putro khan laga amaa, tarkhan logote ahhise aru Tar aage te athukarhi kene onurudh korise. 21Aru Tar pora tai ke koise, “Tumi ki dorkar ase?” Tai pora Tar ke koise, “Eitu moi laga duijon putro tu, Apunar rajyo te ekta daina phale aru ekta banya phale bohibole dibi.” 22Kintu Jisu he jawab dise, “Tumi ki mangi ase, tumi najane. Moi ki cup te pibo, eitu tumi khan pora pibo paribo neki?” Taikhan pora koise, “Amikhan pora paribo.” 23Tar he taikhan ke koise, “Tumi khan pora bhi moi laga cup pora pibo, kintu Moi laga daina phale aru banya phale bohibole moi laga odhikar nahoi, kintu eitu tu hole Moi laga Pitri pora kon karne jugar kori ase taikhan karne he ase.” 24Aru ketiya dos jon pora eitu kotha hunise, tarkhan pora eitu duijon bhai logote beya paise. 25Kintu Jisu he tarkhan mati kene koise, “Tumikhan pora jane, porjati majote, solaongta khan pora bhari khang bukhibole diye, aru taikhan majote dangor manuh pora he taikhan upor te khyomota cholai. 26Tumikhan majote eneka nahobo lage; kintu kon he dangor hobo monn ase, eitu he sob laga nokor hobo lage, 27aru kon he tumar majote aage hobo monn ase, eitu tumar daasi he hobo; 28kilemane Manuh laga Putro bhi seva lobole nahoi, kintu seva dibole ahhise, aru besi manuh udhar hobo karne nijor jivon daan dibole ahhise.”
Andha Duijon Soku Khuli Diya
29Aru tarkhan Jericho shari kene jua homoi te, besi manuh khan jama kori kene Tar piche te ahhise. 30Aru sabi, duijon soku andha manuh raasta kinar te bohi thakise, ketiya tarkhan pora Jisu eitu raasta phale ahhi ase eneka hunise, chillai kene koise, “David laga Putro, amikhan ke doya koribi!” 31Jama kori thaka manuh khan pora tarkhan ke gali dise, aru chup chap thakibole koise; kintu tarkhan pora arubhi besi chillai kene koise, “Prabhu, amikhan ke doya dekhai dibi, David laga Putro!” 32Aru Jisu he rukhi jaise, aru tarkhan ke mati kene koise, “Tumikhan karne Moi ki kori dibole monn ase?” 33Tarkhan pora Tar ke koise, “Prabhu, amikhan laga soku tu khuli dibi.” 34Jisu he besi morom lagise, aru tarkhan laga soku te chuise, aru loge loge tarkhan pora dekhibole parise aru Jisu lage piche piche jaise.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.