MATTHEW 14
14
Baptisma Diya John Mora
1Heitu homoi te Herod Raja pora Jisu laga sunam khobor hunise; 2aru tar he nijor nokor khan logot te koise, “Baptisma diya John he mora pora jinda hoise, eitu nimit te eneka asorit mahan kam tar upor te kori ase.” 3Kilemane Herod raja pora tar laga bhai Philip laga patni Herodias nimite, John ke dhori kene bandhighor te rakhi dise; 4kilemane John pora tar ke koi thakise, “Tumi tai ke saadi koribole kanoon te nai.” 5Aru Raja pora John ke morai dibole monn thakile bhi, manuh khan ke bhoi korise, kilemane manuh khan sob pora John tu ekta bhavobadi ase koi kene biswas thakise. 6Aru ketiya Herod raja laga jonom din ahhise, Herodias laga sowali pora somaj majot te nachise, aru Herod ke besi khushi kori dise, 7eitu karne tar pora kosom khai kene koise, sowali pora ki ki mangile bhi eitu dibo. 8Tai laga amaa pora phuslai diya nisna, sowali pora koise, “Eitu thali te Baptisma diya John laga matha hali kene moi ke dibi.” 9Aru Raja mon besi dukh hoise; kintu alohi khan aage te tar nijor pora ki kosom khaise, eitu nimite tar pora eitu dibole hukum dise; 10tar pora bandhighor te manuh pathai kene Baptisma diya John laga matha kati kene, 11tar laga matha tu ekta thali te anikene sowali logot di dise, aru tai anikene amaa ke dise. 12Tetiya tar laga chella khan pora John laga mora gau tu loi kene moidam dise; aru Jisu ke eitu khobor koi dise.
Jisu He Pans Hazar Khilai Diya
13Ketiya Jisu he eitu hunise, eitu jaga sharise, aru nao te bohi kene manuh nathaka khali jaga ekta te jaise. Kintu manuh khan pora eitu huni kene, nagor sob pora Tar laga piche piche te khujkarhi kene ahhise. 14Ketiya Tar samundor tu par kori kene dusera jaga phale pongchise, besi manuh jama hoi thaka dekhise; aru Tar pora taikhan ke morom lagise, aru taikhan laga kisim-kisim bemar hustho kori dise. 15Ketiya sham pongchise, chella khan ahhi kene Tar ke koise, “Eitu manuh nathaka khali jaga ase, aru etiya din tu khotom hoise; jama kori thaka manuh khan tu pathai dibi tetiya taikhan jai kene bosti te nijor nimite khua lua kinibo paribo.” 16Jisu he koise, “Taikhan jabo nalage; tumikhan pora taikhan ke kiba khabole dibi.” 17Tetiya chella khan pora Jisu logot te koise, “Amikhan laga haat te khali pansta roti aru duita maas ase.” 18Jisu he koise, “Moi laga usor te sob anibi.” 19Tetiya jama kori thaka manuh khan sob ghans laga upor te bohibole Tar he hukum dise; aru pansta roti, duita maas tu loi kene Tar sorgo phale sai kene ashish mangise, eitu pasot te bhangi kene chella khan ke dise, aru chella khan pora jama kori thaka manuh khan logot te dise. 20Aru sob manuh khai kene tripti hoise. Aru bhangi jua tukura khan barohta tukuri bhorta hoise. 21Tiruta aru bacha khan shari kene, khua manuh mota khan pans hazar nisna thakise.
Paani Upor Te Jisu Bera
22Ketiya jama kori thaka manuh khan ke pathaise, tetiya chella khan bhi ekta nao te bohi kene Tar laga aage te samundor dusera kinar phale pathai dise. 23Aru jama kora manuh khan ke pathai diya pasote, Tar ekela pahar upor te prathana koribole uthi jaise. Ketiya sham homoi hoise, tate Tar ekela he thakise, 24kintu eitu homoi te dhou paani uthi kene marise aru nao tu maati kinar pora dur te loi jai kene samundor majot te thakise; kilemane hava tu tarkhan biporit phale mari kene thakise. 25Aru ekdom phujor te Jisu he samundor paani uporte berai kene chella khan usor te ahhise. 26Kintu ketiya chella khan pora tar paani uporte berai ahha tu dekhise, tarkhan bhoi lagi kene koise, “Eitu ekta bhut ase!” aru bhoi pora tarkhan hala-gula hoise. 27Kintu loge loge Jisu he tarkhan logote kotha patise, aru koise, “Mon khushi hobi, eitu moi he ase; bhoi nakoribi.”
28Aru Peter pora Tar ke uttar di koise, “Prabhu, jodi eitu apuni hole, paani uporte apunar usor te ahhibole moi ke hukum dibi.” 29Tar he koise, “Ahhibi.” Tetiya Peter he nao pora ulai kene, paani uporte khujkarhi kene Jisu usorte jaise; 30kintu ketiya dangor hava mari thaka dekhise, tar bhoi lagise, aru paani te dhubi bole shuru hoise, eitu homoi te, tar pora hala kori koise, “Prabhu, moi ke bachabi!” 31Loge-loge Jisu he nijor haat uthai kene tar ke dhori loise, aru tar ke koise, “Hei! biswas komti manuh, tumi kile hondeh korise?” 32Aru ketiya tarkhan nao te bohise, tetiya hava tu rukhise. 33Aru nao te thaka khan pora tar ke aradhana kori koise, “Hosa bhi apuni Isor laga Putro ase.”
Jisu He Gennesaret Te Bemar Hustho Kora
34Aru samundor par kori kene Gennesaret maati kinar jaga te tarkhan ahhi jaise. 35Aru eitu jaga te thaka manuh khan pora Tar ke chini pua pasote, nagor sob phale khobor pathai kene, bemar hoi thaka manuh khan Jisu usor te anise, 36aru tar laga anchal kapoor te olop holebhi chubole onurudh korise; aru kiman manuh pora chuise taikhan sob bhall hoise.
ទើបបានជ្រើសរើសហើយ៖
MATTHEW 14: NagaMe
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.
MATTHEW 14
14
Baptisma Diya John Mora
1Heitu homoi te Herod Raja pora Jisu laga sunam khobor hunise; 2aru tar he nijor nokor khan logot te koise, “Baptisma diya John he mora pora jinda hoise, eitu nimit te eneka asorit mahan kam tar upor te kori ase.” 3Kilemane Herod raja pora tar laga bhai Philip laga patni Herodias nimite, John ke dhori kene bandhighor te rakhi dise; 4kilemane John pora tar ke koi thakise, “Tumi tai ke saadi koribole kanoon te nai.” 5Aru Raja pora John ke morai dibole monn thakile bhi, manuh khan ke bhoi korise, kilemane manuh khan sob pora John tu ekta bhavobadi ase koi kene biswas thakise. 6Aru ketiya Herod raja laga jonom din ahhise, Herodias laga sowali pora somaj majot te nachise, aru Herod ke besi khushi kori dise, 7eitu karne tar pora kosom khai kene koise, sowali pora ki ki mangile bhi eitu dibo. 8Tai laga amaa pora phuslai diya nisna, sowali pora koise, “Eitu thali te Baptisma diya John laga matha hali kene moi ke dibi.” 9Aru Raja mon besi dukh hoise; kintu alohi khan aage te tar nijor pora ki kosom khaise, eitu nimite tar pora eitu dibole hukum dise; 10tar pora bandhighor te manuh pathai kene Baptisma diya John laga matha kati kene, 11tar laga matha tu ekta thali te anikene sowali logot di dise, aru tai anikene amaa ke dise. 12Tetiya tar laga chella khan pora John laga mora gau tu loi kene moidam dise; aru Jisu ke eitu khobor koi dise.
Jisu He Pans Hazar Khilai Diya
13Ketiya Jisu he eitu hunise, eitu jaga sharise, aru nao te bohi kene manuh nathaka khali jaga ekta te jaise. Kintu manuh khan pora eitu huni kene, nagor sob pora Tar laga piche piche te khujkarhi kene ahhise. 14Ketiya Tar samundor tu par kori kene dusera jaga phale pongchise, besi manuh jama hoi thaka dekhise; aru Tar pora taikhan ke morom lagise, aru taikhan laga kisim-kisim bemar hustho kori dise. 15Ketiya sham pongchise, chella khan ahhi kene Tar ke koise, “Eitu manuh nathaka khali jaga ase, aru etiya din tu khotom hoise; jama kori thaka manuh khan tu pathai dibi tetiya taikhan jai kene bosti te nijor nimite khua lua kinibo paribo.” 16Jisu he koise, “Taikhan jabo nalage; tumikhan pora taikhan ke kiba khabole dibi.” 17Tetiya chella khan pora Jisu logot te koise, “Amikhan laga haat te khali pansta roti aru duita maas ase.” 18Jisu he koise, “Moi laga usor te sob anibi.” 19Tetiya jama kori thaka manuh khan sob ghans laga upor te bohibole Tar he hukum dise; aru pansta roti, duita maas tu loi kene Tar sorgo phale sai kene ashish mangise, eitu pasot te bhangi kene chella khan ke dise, aru chella khan pora jama kori thaka manuh khan logot te dise. 20Aru sob manuh khai kene tripti hoise. Aru bhangi jua tukura khan barohta tukuri bhorta hoise. 21Tiruta aru bacha khan shari kene, khua manuh mota khan pans hazar nisna thakise.
Paani Upor Te Jisu Bera
22Ketiya jama kori thaka manuh khan ke pathaise, tetiya chella khan bhi ekta nao te bohi kene Tar laga aage te samundor dusera kinar phale pathai dise. 23Aru jama kora manuh khan ke pathai diya pasote, Tar ekela pahar upor te prathana koribole uthi jaise. Ketiya sham homoi hoise, tate Tar ekela he thakise, 24kintu eitu homoi te dhou paani uthi kene marise aru nao tu maati kinar pora dur te loi jai kene samundor majot te thakise; kilemane hava tu tarkhan biporit phale mari kene thakise. 25Aru ekdom phujor te Jisu he samundor paani uporte berai kene chella khan usor te ahhise. 26Kintu ketiya chella khan pora tar paani uporte berai ahha tu dekhise, tarkhan bhoi lagi kene koise, “Eitu ekta bhut ase!” aru bhoi pora tarkhan hala-gula hoise. 27Kintu loge loge Jisu he tarkhan logote kotha patise, aru koise, “Mon khushi hobi, eitu moi he ase; bhoi nakoribi.”
28Aru Peter pora Tar ke uttar di koise, “Prabhu, jodi eitu apuni hole, paani uporte apunar usor te ahhibole moi ke hukum dibi.” 29Tar he koise, “Ahhibi.” Tetiya Peter he nao pora ulai kene, paani uporte khujkarhi kene Jisu usorte jaise; 30kintu ketiya dangor hava mari thaka dekhise, tar bhoi lagise, aru paani te dhubi bole shuru hoise, eitu homoi te, tar pora hala kori koise, “Prabhu, moi ke bachabi!” 31Loge-loge Jisu he nijor haat uthai kene tar ke dhori loise, aru tar ke koise, “Hei! biswas komti manuh, tumi kile hondeh korise?” 32Aru ketiya tarkhan nao te bohise, tetiya hava tu rukhise. 33Aru nao te thaka khan pora tar ke aradhana kori koise, “Hosa bhi apuni Isor laga Putro ase.”
Jisu He Gennesaret Te Bemar Hustho Kora
34Aru samundor par kori kene Gennesaret maati kinar jaga te tarkhan ahhi jaise. 35Aru eitu jaga te thaka manuh khan pora Tar ke chini pua pasote, nagor sob phale khobor pathai kene, bemar hoi thaka manuh khan Jisu usor te anise, 36aru tar laga anchal kapoor te olop holebhi chubole onurudh korise; aru kiman manuh pora chuise taikhan sob bhall hoise.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.