LUKE 4
4
Jisu Laga Porikhya
1Aru Pobitro Atma pora bhorta hoi kene, Jisu Jordan pora ghurai ahhise, aru Atma pora jungol te loi jaise 2Aru chalis din saitan pora porikhya korise. Aru heitu din te tar eku bhi khua nai; aru ketiya eitu din hekh hoise, Tar bhuk lagise. 3Aru saitan he Tar ke koise, “Jodi tumi Isor laga putro hoi, eitu pathor khan ke roti hobole hukum dibi.” 4Aru Jisu he tar ke jawab di kene koise, “Eitu likhi kene ase, ‘Khali roti pora manuh jinda nathakibo.’” 5Aru saitan pora Jisu ke upor jaga te loi jaise, aru prithibi laga rajyo sob tu ekbar te dekhai dise, 6aru Jisu ke koise, “Moi eitu laga odhikar aru mahima sob tumi ke dibo; kilemane eitu moi ke di kene ase, aru kon ke dibole monn ase, moi dibo pare. 7Eitu karne, jodi moi ke aradhana kore, tetiya eitu sob tumi laga hobo.” 8Aru Jisu he jawab di kene koise, “Eitu likhi kene ase,
“‘Tumi laga Prabhu Isor ke tumi aradhana koribi,
aru Tar ke he tumi seva koribi.’”
9Aru tar pora Jisu ke Jerusalem te loi jai kene, girja ghor upor sob pora uncha jaga te loi jaise, aru Tar ke koise, “Jodi tumi Isor laga Putro hoi, iyate pora tumi nijor niche te giri jabi; 10kilemane eneka likhi kene ase,
“‘Tumi karne sorgo dut ke hukum dibo,’
11aru
“‘tarkhan laga haat te tumi ke uthai lobo,
tetiya tumar laga theng tu pathor te nalagibo aru roikhya koribo.’”
12Aru Jisu he jawab di kene koise, “Eitu koi kene ase, ‘Tumar Prabhu Isor ke porikhya nakoribi.’” 13Aru ketiya saitan pora porikhya sob khotom hoise, tetiya bhall homoi ekta napua tak shari kene jaise.
Jisu Hei Tar Porisarjo Kam Shuru Kora
14Aru Atma laga shakti loi kene Jisu he Galilee te ghurai ahhise, aru tar laga khobor tu usor te thaka nagor sob te jaise. 15Aru Jisu pora taikhan laga girja ghor sob te sikhai dise, aru manuh khan sob pora Tar ke mahima korise.
Nazareth Te Jisu Ke Tiyag Kora
16Aru Nazareth, kot jaga te Tar thaki kene dangor hoise eitu jaga te ahhise; aru tar laga niyom nisna, bisram din te taikhan laga girja ghor te jaise. Aru Tar pora Hastro porhibole uthise; 17aru tar ke bhavobadi Isaiah laga kitab pora porhi bole di dise. Tar kitab tu khuli kene, kot jaga te eneka likhi kene thakise eitu paise,
18“Prabhu laga Atma moi laga upor te ase,
kilemane dukhiya manuh khan nimite
bhall khobor prachar kori bole moi ke basise.
Bandhi kene thaka khan ke mukti dibole moi ke pathaise,
soku andha khan laga soku khuli dibole,
atyachar te thaka khan ke mukti dibole,
19aru Prabhu he pasand kora saal prachar koribole moi ke pathaise.”
20Aru kitab tu bond kori kene girja ghor te madad kora manuh khan ke wapas dise aru bohi jaise; aru girja ghor te jama kori thaka manuh khan sob pora Tar ke sai thakise. 21Aru Tar pora taikhan ke arubhi koise, “Aji eitu hastro tu tumi khan laga kan te huni kene hidho hoise.” 22Aru sob manuh pora Tar laga bhall kotha koise, aru ki bhall kotha Tar laga mukh pora ulai dise tate asorit paise; aru taikhan he koise, “Eitu Joseph laga putro he nahoi neki?” 23Aru Tar pora taikhan ke koise, “Hosa pora moi jane, tumi khan pora moi ke eneka kobo, ‘Doctor, tumi nijor pora he hustho koribi.’ Aru tumi ki kam Capernaum te kora amikhan pora hunise, eitu tumar nijor nagor te bhi koribi.” 24Aru Tar he koise, “Hosa moi tumikhan ke kobo, bhavobadi konu bhi nijor nagor te grohon nakore. 25Kintu hosa tu moi kobo, Elijah laga din te, ketiya sorgo bond hoi kene tin saal soi mohina barish gira nai, aru ketiya prithibi jaga sob te akal thakise, tetiya Israel te bhi bidhova besi thakise, 26Aru Elijah tu dusera kon ke bhi patha nai, kintu Zarephath te Sidon laga jaga te thaka bidhova logot te he pathaise. 27Aru bhavobadi Elisha laga din te bhi Israel te kuntho-rugi besi thakise; aru eitu khan kon bhi safa hua nai, kintu Syrian manuh Naaman he hustho hoise.” 28Ketiya taikhan pora eitu hunise, girja ghor te thaka manuh khan sob khong uthise. 29Aru taikhan uthi jaise aru eitu sohor pora khedai dise, aru rangkhang ekta jaga, kon upor te taikhan laga sohor sthapon kori thakise, tate Tar ke girai dibole loi jaise. 30Kintu manuh khan majot pora Jisu he ulai kene jai jaise.
Ohusi Atma Thaka Ekjon Jisu Hei Hustho Kora
31Aru Tar Capernaum, Galilee laga sohor te nami kene jaise. Aru bisram din te tate taikhan ke sikhai dise; 32aru Tar sikhai diya te taikhan sob bhi asorit lagise, kilemane Tar kua kotha tu odhikar te koise. 33Aru eitu girja ghor te manuh ekjon, kon logot letra ohusi atma thakise, heitu manuh pora dangor awaz te koise, 34“Ah! Nazareth laga Jisu, Amikhan logot te apuni ki koribole ase? Amikhan ke nosto kori dibole apuni ahhise na? Apuni kon ase eitu moi jane, apuni he Isor laga Pobitro tu ase.” 35Kintu Jisu he tar ke gali di kene koise, “Chup chap thakibi, aru tar pora ulai jabi!” Tetiya letra ohusi atma pora manuh khan majot te eitu manuh ke girai dise, aru dukh eku nadi kene tar pora ulai jaise. 36Aru taikhan sob asorit lagise, aru ekjon pora ekjon ke koise, “Eitu keneka kotha ase, kilemane odhikar aru shakti te tar pora letra atma ke bhi hukum dise, aru eitu ulai jaise!” 37Aru Tar laga khobor tu usor te thaka nagor sob phale jaise.
Jisu He Besi Manuh Hustho Kora
38Aru Tar he girja ghor pora ulai kene Simon laga ghor te ahhise. Tetiya Simon laga sasuri bukhar uthi kene besi bemar thakise, aru tai nimite taikhan pora Jisu ke madad mangise. 39Aru Jisu he tai usor te khara kori kene bukhar ke gali dise, aru bukhar pora tai ke sharise; aru loge loge tai uthi kene tarkhan ke seva korise.
40Eitu homoi te ketiya surjyo dhup jai thakise, kisim kisim bemar manuh khan sob tu nijor nijor saathi khan pora Jisu usor te anise; aru Tar he nijor haat pora chui kene taikhan sob hustho kori dise. 41Aru ohusi atma bhi besi manuh pora ulaise, aru dangor awaz di kene koise, “Tumi he Isor laga Putro ase!” Kintu Jisu he taikhan ke gali di kene kotha kobole diya nai, kilemane taikhan pora Jisu tu Khrista ase eneka jani thakise.
Jisu He Girja ghor Te Prachar Kora
42Aru ketiya din pongchise, Jisu ekela manuh nathaka jaga te jaise. Aru manuh khan pora Tar ke bisari kene Tar logot te ahhise, aru Tar jabo nadibo karne sesta korise, 43kintu Tar pora taikhan ke koise, “Isor rajyo laga bhall khobor tu Moi dusera sohor te bhi prachar koribo lage; kilemane eitu nimite he moi ke pathaise.” 44Aru Judea nagor sob phale girja ghor te Tar pora prachar kori kene jaise.
ទើបបានជ្រើសរើសហើយ៖
LUKE 4: NagaMe
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.
LUKE 4
4
Jisu Laga Porikhya
1Aru Pobitro Atma pora bhorta hoi kene, Jisu Jordan pora ghurai ahhise, aru Atma pora jungol te loi jaise 2Aru chalis din saitan pora porikhya korise. Aru heitu din te tar eku bhi khua nai; aru ketiya eitu din hekh hoise, Tar bhuk lagise. 3Aru saitan he Tar ke koise, “Jodi tumi Isor laga putro hoi, eitu pathor khan ke roti hobole hukum dibi.” 4Aru Jisu he tar ke jawab di kene koise, “Eitu likhi kene ase, ‘Khali roti pora manuh jinda nathakibo.’” 5Aru saitan pora Jisu ke upor jaga te loi jaise, aru prithibi laga rajyo sob tu ekbar te dekhai dise, 6aru Jisu ke koise, “Moi eitu laga odhikar aru mahima sob tumi ke dibo; kilemane eitu moi ke di kene ase, aru kon ke dibole monn ase, moi dibo pare. 7Eitu karne, jodi moi ke aradhana kore, tetiya eitu sob tumi laga hobo.” 8Aru Jisu he jawab di kene koise, “Eitu likhi kene ase,
“‘Tumi laga Prabhu Isor ke tumi aradhana koribi,
aru Tar ke he tumi seva koribi.’”
9Aru tar pora Jisu ke Jerusalem te loi jai kene, girja ghor upor sob pora uncha jaga te loi jaise, aru Tar ke koise, “Jodi tumi Isor laga Putro hoi, iyate pora tumi nijor niche te giri jabi; 10kilemane eneka likhi kene ase,
“‘Tumi karne sorgo dut ke hukum dibo,’
11aru
“‘tarkhan laga haat te tumi ke uthai lobo,
tetiya tumar laga theng tu pathor te nalagibo aru roikhya koribo.’”
12Aru Jisu he jawab di kene koise, “Eitu koi kene ase, ‘Tumar Prabhu Isor ke porikhya nakoribi.’” 13Aru ketiya saitan pora porikhya sob khotom hoise, tetiya bhall homoi ekta napua tak shari kene jaise.
Jisu Hei Tar Porisarjo Kam Shuru Kora
14Aru Atma laga shakti loi kene Jisu he Galilee te ghurai ahhise, aru tar laga khobor tu usor te thaka nagor sob te jaise. 15Aru Jisu pora taikhan laga girja ghor sob te sikhai dise, aru manuh khan sob pora Tar ke mahima korise.
Nazareth Te Jisu Ke Tiyag Kora
16Aru Nazareth, kot jaga te Tar thaki kene dangor hoise eitu jaga te ahhise; aru tar laga niyom nisna, bisram din te taikhan laga girja ghor te jaise. Aru Tar pora Hastro porhibole uthise; 17aru tar ke bhavobadi Isaiah laga kitab pora porhi bole di dise. Tar kitab tu khuli kene, kot jaga te eneka likhi kene thakise eitu paise,
18“Prabhu laga Atma moi laga upor te ase,
kilemane dukhiya manuh khan nimite
bhall khobor prachar kori bole moi ke basise.
Bandhi kene thaka khan ke mukti dibole moi ke pathaise,
soku andha khan laga soku khuli dibole,
atyachar te thaka khan ke mukti dibole,
19aru Prabhu he pasand kora saal prachar koribole moi ke pathaise.”
20Aru kitab tu bond kori kene girja ghor te madad kora manuh khan ke wapas dise aru bohi jaise; aru girja ghor te jama kori thaka manuh khan sob pora Tar ke sai thakise. 21Aru Tar pora taikhan ke arubhi koise, “Aji eitu hastro tu tumi khan laga kan te huni kene hidho hoise.” 22Aru sob manuh pora Tar laga bhall kotha koise, aru ki bhall kotha Tar laga mukh pora ulai dise tate asorit paise; aru taikhan he koise, “Eitu Joseph laga putro he nahoi neki?” 23Aru Tar pora taikhan ke koise, “Hosa pora moi jane, tumi khan pora moi ke eneka kobo, ‘Doctor, tumi nijor pora he hustho koribi.’ Aru tumi ki kam Capernaum te kora amikhan pora hunise, eitu tumar nijor nagor te bhi koribi.” 24Aru Tar he koise, “Hosa moi tumikhan ke kobo, bhavobadi konu bhi nijor nagor te grohon nakore. 25Kintu hosa tu moi kobo, Elijah laga din te, ketiya sorgo bond hoi kene tin saal soi mohina barish gira nai, aru ketiya prithibi jaga sob te akal thakise, tetiya Israel te bhi bidhova besi thakise, 26Aru Elijah tu dusera kon ke bhi patha nai, kintu Zarephath te Sidon laga jaga te thaka bidhova logot te he pathaise. 27Aru bhavobadi Elisha laga din te bhi Israel te kuntho-rugi besi thakise; aru eitu khan kon bhi safa hua nai, kintu Syrian manuh Naaman he hustho hoise.” 28Ketiya taikhan pora eitu hunise, girja ghor te thaka manuh khan sob khong uthise. 29Aru taikhan uthi jaise aru eitu sohor pora khedai dise, aru rangkhang ekta jaga, kon upor te taikhan laga sohor sthapon kori thakise, tate Tar ke girai dibole loi jaise. 30Kintu manuh khan majot pora Jisu he ulai kene jai jaise.
Ohusi Atma Thaka Ekjon Jisu Hei Hustho Kora
31Aru Tar Capernaum, Galilee laga sohor te nami kene jaise. Aru bisram din te tate taikhan ke sikhai dise; 32aru Tar sikhai diya te taikhan sob bhi asorit lagise, kilemane Tar kua kotha tu odhikar te koise. 33Aru eitu girja ghor te manuh ekjon, kon logot letra ohusi atma thakise, heitu manuh pora dangor awaz te koise, 34“Ah! Nazareth laga Jisu, Amikhan logot te apuni ki koribole ase? Amikhan ke nosto kori dibole apuni ahhise na? Apuni kon ase eitu moi jane, apuni he Isor laga Pobitro tu ase.” 35Kintu Jisu he tar ke gali di kene koise, “Chup chap thakibi, aru tar pora ulai jabi!” Tetiya letra ohusi atma pora manuh khan majot te eitu manuh ke girai dise, aru dukh eku nadi kene tar pora ulai jaise. 36Aru taikhan sob asorit lagise, aru ekjon pora ekjon ke koise, “Eitu keneka kotha ase, kilemane odhikar aru shakti te tar pora letra atma ke bhi hukum dise, aru eitu ulai jaise!” 37Aru Tar laga khobor tu usor te thaka nagor sob phale jaise.
Jisu He Besi Manuh Hustho Kora
38Aru Tar he girja ghor pora ulai kene Simon laga ghor te ahhise. Tetiya Simon laga sasuri bukhar uthi kene besi bemar thakise, aru tai nimite taikhan pora Jisu ke madad mangise. 39Aru Jisu he tai usor te khara kori kene bukhar ke gali dise, aru bukhar pora tai ke sharise; aru loge loge tai uthi kene tarkhan ke seva korise.
40Eitu homoi te ketiya surjyo dhup jai thakise, kisim kisim bemar manuh khan sob tu nijor nijor saathi khan pora Jisu usor te anise; aru Tar he nijor haat pora chui kene taikhan sob hustho kori dise. 41Aru ohusi atma bhi besi manuh pora ulaise, aru dangor awaz di kene koise, “Tumi he Isor laga Putro ase!” Kintu Jisu he taikhan ke gali di kene kotha kobole diya nai, kilemane taikhan pora Jisu tu Khrista ase eneka jani thakise.
Jisu He Girja ghor Te Prachar Kora
42Aru ketiya din pongchise, Jisu ekela manuh nathaka jaga te jaise. Aru manuh khan pora Tar ke bisari kene Tar logot te ahhise, aru Tar jabo nadibo karne sesta korise, 43kintu Tar pora taikhan ke koise, “Isor rajyo laga bhall khobor tu Moi dusera sohor te bhi prachar koribo lage; kilemane eitu nimite he moi ke pathaise.” 44Aru Judea nagor sob phale girja ghor te Tar pora prachar kori kene jaise.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.