LUKE 17
17
Paap Koribole Porikhya
1Aru Tar pora tar laga chella khan ke koise, “Paap koribo dibo nimite porikhya tu jiholebhi ahhibo, kintu kon pora eitu ahhibole di ase tar karne bedona ase! 2Aru kon pora eitu huru khan ke paap koribole diye, tar karne tu hole dhan mihin kora pathor ekta gola te bandhi kene samundor te dhubi jua, eitu he bhall ase. 3Tumikhan nijor pora dhyan kori lobi! Jodi tumi laga bhai pora paap kore, gali dibi, aru jodi tar mon ghurai ahhe, khyama dibi, 4jodi tar pora ek din te satbar tumar birudhe paap kore, aru teneka sat-bar tumar phale ghurai ahhi kene koi, ‘Moi mon ghurai ase,’ tetiya tumi khyama dibo lage.”
Amikhan laga Biswas Barhai Dibi
5Pasonir khan pora Prabhu ke koise, “Amikhan laga biswas barhai dibi!” 6Aru Prabhu he koise, “Jodi tumikhan biswas tu sorso gutti ekta nisna thaki lebhi tumi eitu mulberry gos ke kobo, ‘Hipa pora uthai kene samundor te rupai lobi,’ aru eitu mani lobo.
Jugyo Nathaka Nokor
7“Tumar majot te konuba laga nokor ekjon kheti te hal mari ase, nahole mer sai ase, ketiya malik tu kheti te ahhibo, tetiya nokor ke eneka kobo neki, ‘Ahhibi aru mez te khabo karne bohibi?’ 8Eitu laga bodli tar pora kobo, ‘Moi karne bhojon jugar kori dibi, aru kapoor thik thak pindhi kene moi khua homoi te seva koribi, aru eitu pasot te he tumi nijor khua lua koribi?’ 9Aru malik pora ki koribole hukum dise, eitu kora nimite nokor ke stuti koribo neki? 10Eitu nimite tumikhan bhi, ketiya tumikhan logot te koribole diya kam sob kori loi, tetiya kobi, ‘Amikhan tu jugyo nathaka nokor he ase, amikhan laga ki kam thakise eitu he korise.’”
Dosjon Kuntho-rugi Jisu He Hustho kora
11Jerusalem jua raasta te Tar Samaria aru Galilee majot te jaise. 12Aru Tar bosti ekta te humai jua homoi, dos-jon kuntho-rugi khan pora Tar logot te log korise, tarkhan dur te khara kori thakise 13aru awaz jor pora chillai kene tarkhan pora koise, “Hei Jisu, amikhan laga Malik, amikhan ke doya koribi.” 14Ketiya Tar pora tarkhan ke dekhise, Tar pora koise, “Jabi, aru tumikhan nijor pora puruhit khan ke dekhai dibi.” Aru tarkhan jua homoi te safa hoi jaise. 15Tetiya tarkhan majot te ekjon pora, ketiya tar safa hoise eneka janise, dangor awaz te Isor ke stuti kori kene ghurai ahhise; 16aru tar pora Jisu laga theng niche te athu karhi kene dhanyabad dise. Hei tu manuh tu Samaria manuh thakise. 17Tetiya Jisu he jawab dise, “Dosjon safa kora nai neki? Tene hole nohjon tu kot ase? 18Khali eitu pordesh manuh he ahhise kintu, dusera konu manuh pora bhi ghurai ahhi kene Isor ke stuti dibole napare neki?” 19Aru Jisu he tar ke koise, “Uthibi aru tumar raasta te jabi; tumi laga biswas pora tumi hustho hoise.”
Rajyo Ahha Laga
20Isor laga rajyo ketiya ahhibo eneka Pharisees khan pora huda te, Tar pora jawab dise, “Isor laga rajyo tu bhall pora sai thaka homoi te sign ekta di kene nahhibo, 21nahole tarkhan pora eneka bhi nakobo, ‘Sabi, eitu iyate ase!’ nahole ‘Tate ase!’ kilemane sabi, Isor laga rajyo tu tumikhan majot te he ase.”
22Aru Tar pora chella khan ke koise, “Din tu ahhi ase, ketiya tumikhan pora Manuh laga Putro din sabole itcha hobo, aru tumikhan pora eitu nadekhibo. 23Aru tarkhan pora tumi ke kobo, ‘Sabi, tate ase!’ nahole ‘Sabi iyate ase!’ ulai kene najabi, nahole tarkhan piche te najabi. 24Kilemane keneka bijuli mari kene akash te ekta kinar pora ekta kinar tak puhor hoi jai, eneka he Manuh laga Putro Tar laga din te ahhibo. 25Kintu aage te Tar besi dukh kosto hobo lagibo aru eitu jugh pora ninda koribo. 26Noah laga din te keneka thakise, eitu nisna he Manuh laga Putro din te bhi hobo. 27Jetiya Noah jahaz te humai jaise, aru ban paani ahhi kene taikhan sob nosto korise eitu din tak, taikhan khua lua kori kene aru pi kene, aru saadi koribo aru saadi koribole bhi di thakise. 28Eitu nisna, Lot laga din te keneka thakise—taikhan khua lua korise aru pi kene thakise, kinibo aru bikiri koribo, gos lagabo, ghor bonabo, 29kintu ketiya Lot Sodom pora ulai jaise, eitu din te jui aru gandhok akash pora giri kene taikhan sob nosto kori dise— 30eitu nisna Manuh laga Putro prokahit kori ahha din te bhi hobo. 31Eitu din te, kon he ghor upor te thakibo, aru tar laga bostu ghor bhitor te thakibo, eitu lobole ghurai najabi, eitu nisna kon kheti te thakibo ghurai najabi. 32Lot laga patni yaad koribi. 33Kon pora nijor jivon tu bachabole monn ase eitu harabo, kintu kon pora nijor jivon harai diye eitu bachabo. 34Moi tumi ke koi ase, eitu raati te duijon bisona te thakibo. Ekjon ke loi jabo aru ekjon shari dibo. 35Tate duijon tiruta dhan khundi thakibo. Ekjon ke loi jabo aru ekjon ke sharibo.”#17:35 based text te v. 36 tu likha nai 37Aru tarkhan pora Tar ke koise, “Prabhu eitu kot te hobo?” Tar pora koise, “Kot te mora gau ase, tate hogun khan jama koribo.”
ទើបបានជ្រើសរើសហើយ៖
LUKE 17: NagaMe
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.
LUKE 17
17
Paap Koribole Porikhya
1Aru Tar pora tar laga chella khan ke koise, “Paap koribo dibo nimite porikhya tu jiholebhi ahhibo, kintu kon pora eitu ahhibole di ase tar karne bedona ase! 2Aru kon pora eitu huru khan ke paap koribole diye, tar karne tu hole dhan mihin kora pathor ekta gola te bandhi kene samundor te dhubi jua, eitu he bhall ase. 3Tumikhan nijor pora dhyan kori lobi! Jodi tumi laga bhai pora paap kore, gali dibi, aru jodi tar mon ghurai ahhe, khyama dibi, 4jodi tar pora ek din te satbar tumar birudhe paap kore, aru teneka sat-bar tumar phale ghurai ahhi kene koi, ‘Moi mon ghurai ase,’ tetiya tumi khyama dibo lage.”
Amikhan laga Biswas Barhai Dibi
5Pasonir khan pora Prabhu ke koise, “Amikhan laga biswas barhai dibi!” 6Aru Prabhu he koise, “Jodi tumikhan biswas tu sorso gutti ekta nisna thaki lebhi tumi eitu mulberry gos ke kobo, ‘Hipa pora uthai kene samundor te rupai lobi,’ aru eitu mani lobo.
Jugyo Nathaka Nokor
7“Tumar majot te konuba laga nokor ekjon kheti te hal mari ase, nahole mer sai ase, ketiya malik tu kheti te ahhibo, tetiya nokor ke eneka kobo neki, ‘Ahhibi aru mez te khabo karne bohibi?’ 8Eitu laga bodli tar pora kobo, ‘Moi karne bhojon jugar kori dibi, aru kapoor thik thak pindhi kene moi khua homoi te seva koribi, aru eitu pasot te he tumi nijor khua lua koribi?’ 9Aru malik pora ki koribole hukum dise, eitu kora nimite nokor ke stuti koribo neki? 10Eitu nimite tumikhan bhi, ketiya tumikhan logot te koribole diya kam sob kori loi, tetiya kobi, ‘Amikhan tu jugyo nathaka nokor he ase, amikhan laga ki kam thakise eitu he korise.’”
Dosjon Kuntho-rugi Jisu He Hustho kora
11Jerusalem jua raasta te Tar Samaria aru Galilee majot te jaise. 12Aru Tar bosti ekta te humai jua homoi, dos-jon kuntho-rugi khan pora Tar logot te log korise, tarkhan dur te khara kori thakise 13aru awaz jor pora chillai kene tarkhan pora koise, “Hei Jisu, amikhan laga Malik, amikhan ke doya koribi.” 14Ketiya Tar pora tarkhan ke dekhise, Tar pora koise, “Jabi, aru tumikhan nijor pora puruhit khan ke dekhai dibi.” Aru tarkhan jua homoi te safa hoi jaise. 15Tetiya tarkhan majot te ekjon pora, ketiya tar safa hoise eneka janise, dangor awaz te Isor ke stuti kori kene ghurai ahhise; 16aru tar pora Jisu laga theng niche te athu karhi kene dhanyabad dise. Hei tu manuh tu Samaria manuh thakise. 17Tetiya Jisu he jawab dise, “Dosjon safa kora nai neki? Tene hole nohjon tu kot ase? 18Khali eitu pordesh manuh he ahhise kintu, dusera konu manuh pora bhi ghurai ahhi kene Isor ke stuti dibole napare neki?” 19Aru Jisu he tar ke koise, “Uthibi aru tumar raasta te jabi; tumi laga biswas pora tumi hustho hoise.”
Rajyo Ahha Laga
20Isor laga rajyo ketiya ahhibo eneka Pharisees khan pora huda te, Tar pora jawab dise, “Isor laga rajyo tu bhall pora sai thaka homoi te sign ekta di kene nahhibo, 21nahole tarkhan pora eneka bhi nakobo, ‘Sabi, eitu iyate ase!’ nahole ‘Tate ase!’ kilemane sabi, Isor laga rajyo tu tumikhan majot te he ase.”
22Aru Tar pora chella khan ke koise, “Din tu ahhi ase, ketiya tumikhan pora Manuh laga Putro din sabole itcha hobo, aru tumikhan pora eitu nadekhibo. 23Aru tarkhan pora tumi ke kobo, ‘Sabi, tate ase!’ nahole ‘Sabi iyate ase!’ ulai kene najabi, nahole tarkhan piche te najabi. 24Kilemane keneka bijuli mari kene akash te ekta kinar pora ekta kinar tak puhor hoi jai, eneka he Manuh laga Putro Tar laga din te ahhibo. 25Kintu aage te Tar besi dukh kosto hobo lagibo aru eitu jugh pora ninda koribo. 26Noah laga din te keneka thakise, eitu nisna he Manuh laga Putro din te bhi hobo. 27Jetiya Noah jahaz te humai jaise, aru ban paani ahhi kene taikhan sob nosto korise eitu din tak, taikhan khua lua kori kene aru pi kene, aru saadi koribo aru saadi koribole bhi di thakise. 28Eitu nisna, Lot laga din te keneka thakise—taikhan khua lua korise aru pi kene thakise, kinibo aru bikiri koribo, gos lagabo, ghor bonabo, 29kintu ketiya Lot Sodom pora ulai jaise, eitu din te jui aru gandhok akash pora giri kene taikhan sob nosto kori dise— 30eitu nisna Manuh laga Putro prokahit kori ahha din te bhi hobo. 31Eitu din te, kon he ghor upor te thakibo, aru tar laga bostu ghor bhitor te thakibo, eitu lobole ghurai najabi, eitu nisna kon kheti te thakibo ghurai najabi. 32Lot laga patni yaad koribi. 33Kon pora nijor jivon tu bachabole monn ase eitu harabo, kintu kon pora nijor jivon harai diye eitu bachabo. 34Moi tumi ke koi ase, eitu raati te duijon bisona te thakibo. Ekjon ke loi jabo aru ekjon shari dibo. 35Tate duijon tiruta dhan khundi thakibo. Ekjon ke loi jabo aru ekjon ke sharibo.”#17:35 based text te v. 36 tu likha nai 37Aru tarkhan pora Tar ke koise, “Prabhu eitu kot te hobo?” Tar pora koise, “Kot te mora gau ase, tate hogun khan jama koribo.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.