LUKE 11
11
Prabhu Prathana
1Ekta jaga te Jisu he prathana kori thakise, aru ketiya ses hoise, Tar laga chella ekjon pora koise, “Prabhu, John pora tar chella khan ke sikhai diya nisna, amikhan ke bhi prathana sikhai dibi.” 2Aru Tar pora tarkhan ke koise, “Tumikhan ketiya prathana koribo, eneka kobi:
“Pitri, Apuni laga nam pobitro hobi.
Apuni laga rajyo ahhibi.
3Hodai din laga khua lua ahar amikhan ke dibi,
4aru amikhan laga paap khyama kori dibi,
kilemane amikhan logot te paap kora khan sob ke amikhan pora bhi khyama kori di ase.
Aru amikhan porikhya te loi najabi.”
5Aru Tar pora tarkhan ke koise, “Tumikhan majot te kon ase, kon he raati te tar laga bondhu ghor te jai kene koise, ‘Bondhu, tinta roti moi ke dhaar di thakibi, 6kilemane moi laga bondhu ekjon jatra te moi laga ghor pongchise, aru tar ke khuai dibole moi laga haat te eku nai;’ 7aru tar pora ghor bhitor pora jawab dibo, ‘Moi ke dig dar nadibi; etiya dorja bond hoi kene ase, aru moi laga bacha khan bisona te moi logot ase; moi uthi kene eku dibo naparibo?’ 8Moi tumikhan ke koi ase, tar uthi kene tar laga bondhu ke eku dibo naparile bhi, tar pora sorom nakori kene besi bar mangi thaka karne, tar uthi jabo aru ki ki lage sob dibo. 9Aru Moi tumikhan ke koi ase mangibi aru eitu tumikhan ke di dibo; bisaribi aru tumikhan pora pabo; tukurabi aru eitu tumikhan ke khulibo. 10Kilemane kiman jon pora mange, eitu di ase aru kon he bisare, eitu pai ase aru kon he tukurai, eitu khuli dibo. 11Tumikhan majot te pitri kon ase, jodi tar laga lora pora maas ekta mangile, eitu bodli sanp dibole; 12nahole jodi tar pora anda ekta mangile, tar ke bichu ekta dibole? 13Eitu karne tumikhan paapi manuh hole bhi jodi tumikhan pora nijor bacha khan karne bhall bostu dibole jane, tetiya sorgo te thaka Pitri pora kon he mange taikhan ke kiman bhi besi Pobitro Atma dibo!”
Jisu Aru Beelzebul
14Ei homoi te Jisu he buba bhut ekta ke khedai thakise; ketiya bhut tu ulai jaise, buba manuh pora kotha koise, aru manuh khan besi asorit lagise. 15Kintu konuba pora koise, “Saitan laga prodhan, Beelzebul darai Tar pora ohusi atma ke khedai ase;” 16Aru konuba pora, Tar porikhya kori kene sorgot pora sign ekta dekhai dibi eneka koise. 17Kintu Tar pora, taikhan laga bhabna jani kene, taikhan ke koise, “Ki-ki rajyo holebhi, jodi nijor majot te bhag kori kene thake, eitu nosto hobo, aru bhag kori thaka porial bhi giri jabo. 18Aru jodi saitan bhi nijor majot te bhag kori kene thake, tar laga rajyo tu keneka khara kori thakibo? Kilemane Moi Beelzebul darai bhut ke khedai ase eneka tumikhan pora koi ase. 19Aru jodi moi Beelzebul darai bhut ke khedai ase, tetiya kon darai tumi laga lora khan pora eitu ke khedabo? Eitu nimite tarkhan tu tumi laga bicharok hobo. 20Kintu jodi eitu Isor laga haat darai, Moi bhut ke khedai ase, tetiya Isor laga rajyo tu tumikhan upor te ahhi kene ase. 21Ketiya balowan ekjon, tar logot te hathiyar sob loi kene, nijor laga ghor roikhya kore, tetiya tar laga sampoti sob tu shanti te thaki jai; 22kintu ketiya tar pora arubhi besi balowan ekjon tar upor te juji kene jiti loi, tar pora biswas kori thaka larai laga hathiyar tu loi jai, aru ki sampoti ase eitu bhag kori loi. 23Kon moi logot te nai, tai moi ke birudh kore, aru kon he moi logot te jama kora nai, alag alag bhag hoi jabo.
Ohusi Atma Ekta Ghurai Ahha
24“Ketiya letra atma, manuh ekjon pora ulai jai, tar pora jungol sukhan jaga bisari kene aram koribole jai; aru napua karne tar he koi, ‘Moi laga ghor kot pora moi ulai ahhise tate ghurai jabo.’ 25Aru ketiya tar ahhi jai, eitu safa kori kene sob thik thak kori kene pai. 26Tetiya tar jai kene, tar pora bhi besi beya atma satta ke loi ahhi, aru tarkhan jai kene tate thaki jai; aru eitu manuh aage laga jivon pora tu piche laga jivon he besi beya hoi jai.”
Hosa Ashish Laga
27Jisu pora eitu koi thaka homoi te, tiruta ekjoni manuh khan majot pora awaz ulai kene, Jisu ke koise, “Kon laga pet pora apuni ke jonom dise, aru kon laga dudh pora apuni khaise, eitu he ashish!” 28Kintu Jisu he koise, “Kon pora Isor kotha hunise aru mon te rakhise, eitu khan he ashish ase!”
Jonah Laga Sign
29Ketiya manuh khan arubhi besi hoise, Tar kotha shuru hoi kene koise, “Eitu jugh manuh khan tu paapi laga purush manuh khan ase; taikhan pora sign bisari ase, kintu Jonah laga sign pora alag dusera nadibo. 30Kilemane keneka Nineveh manuh khan karne Jonah tu sign ekta thakise, teneka he Manuh laga Putro bhi eitu jugh manuh khan karne sign hobo. 31Bichar din te eitu jugh logot te dokshin laga raani uthibo aru eitu jugh ke ninda koribo; kilemane tai Solomon laga gyan kotha hunibole prithibi kinar pora ahhise, aru sabi, Solomon pora bhi mahan ekjon iyate ase. 32Bichar din te Nineveh laga manuh khan eitu jugh logot te uthibo aru ninda koribo; kilemane Jonah laga prachar kora te tarkhan mon ghuraise aru sabi, Jonah pora bhi mahan ekjon iyate ase.
Tumi Laga Puhor
33“Kon pora bhi bati jolai kene chatai niche te nahole tukuri pora bond kori kene narakhe, kintu kon ghor bhitor te ahhe taikhan puhor pabo nimite bati rakha jaga te rakhe. 34Tumi laga soku tu tumar gau karne puhor ase; ketiya tumi laga soku tu bhall thake, tumar gau sob puhor pora bhorta thakibo; kintu ketiya eitu bhall nahoi, tumar laga gau tu andhera pora bhorta thakibo. 35Eitu karne tumi logot thaka puhor tu andhar nahobo karne hushier koribi. 36Jodi, eitu nisna, tumi laga gau tu puhor pora bhorta ase, aru andhar eku bhi nai, eitu hosa puhor hobo, keneka saaki jolale puhor ahhi jai, eneka puhor hobo.”
Pharisees Aru Pondit Khan Karne Bedona
37Ketiya Jisu kotha koi thakise, pharisees ekjon pora tar logot bhojon khabole Jisu ke hudise; eitu nisna Tar jaise aru mez usor te bohise. 38Bhojon nakhua aage te haat nadhula dekhi kene, hei tu pharisees pora besi asorit lagise. 39Aru Prabhu he tar ke koise, “Tetiya hole, etiya tumi pharisees khan pora bati aru thali deksi khan bahar tu safa kore, kintu bhitor tu hole jobor josti kam laga paap pora bhorta ase. 40Tumi budhi nathaka khan! Kon pora bahar bonaise, tar pora he bhitor bhi bona nai ne ki? 41Kintu bhitor te ki ase eitu daan di dibi; aru sabi, tumi karne sob tu safa he hobo.
42“Kintu pharisees, tumikhan bedona ase! Kilemane tumikhan pora putina, rue aru sobji sob pora dos-bhag loi, kintu hosa kam aru Isor ke prem kora tu pahori ase; ekta bhi nashari kene koribo lagisile. 43Pharisees, tumikhan bedona ase! Kilemane tumikhan pora girja ghor te sob pora bhall jaga tu prem kore, aru bazar jaga te manuh khan pora sonman pabole monn ase. 44Tumikhan bedona ase! Kilemane tumikhan tu nadekhi kene thaka koborsthan nisna ase, aru manuh khan pora najani kene eitu upor te ahha jua kore.”
45Tetiya kanoon pondit ekjon uthi kene uttar di koise, “Guruji, eitu kotha pora amikhan ke bhi ninda kori ase.” 46Aru Tar pora koise, “Tumi kanoon pondit khan bhi bedona ase! Kilemane bukhibo napara tan khang tumikhan pora manuh khan ke bukhibole di ase, kintu tumikhan nijor pora tu hole anguli pora bhi nachui. 47Tumikhan karne bedona ase! Kilemane tumikhan laga pitri khan pora morai diya bhavobadi laga koborsthan tumikhan pora bonai ase. 48Eitu nimite tumikhan pora he, pitri khan pora kora kam tu hosa ase eneka sakhi di ase; kilemane tarkhan pora morai dise, aru tumikhan pora koborsthan bonai di ase. 49Eitu nimite he Isor laga gyan kotha te koise, ‘Moi bhavobadi khan aru pasonir khan tarkhan logot te pathabo, tarkhan pora konuba dondo dibo aru morai dibo,’ 50tetiya prithibi shuru homoi pora bhavobadi khan laga khoon phelai diya tu eitu purush pora mangibo, 51Abel laga khoon pora loi kene Zechariah laga khoon tak, kon aradhana jaga aru bedit majot te morai dise. Hoi, Moi koi ase, eitu purush pora tarkhan laga khoon tu mangibo. 52Tumikhan karne bedona ase kanoon pondit khan! Kilemane tumi bujibole laga gyan chabi loi jaise; tumi nijor bhi jua nai, aru kon manuh jai thakise, tar khan ke bhi rukhai dise.”
53Ketiya Tar tate pora ulai jaise, pondit khan aru pharisees khan pora Jisu laga kotha te khechera kori kene besi kotha hudise, 54aru Jisu pora kua kotha te galti dhoribole sai thakise.
ទើបបានជ្រើសរើសហើយ៖
LUKE 11: NagaMe
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.
LUKE 11
11
Prabhu Prathana
1Ekta jaga te Jisu he prathana kori thakise, aru ketiya ses hoise, Tar laga chella ekjon pora koise, “Prabhu, John pora tar chella khan ke sikhai diya nisna, amikhan ke bhi prathana sikhai dibi.” 2Aru Tar pora tarkhan ke koise, “Tumikhan ketiya prathana koribo, eneka kobi:
“Pitri, Apuni laga nam pobitro hobi.
Apuni laga rajyo ahhibi.
3Hodai din laga khua lua ahar amikhan ke dibi,
4aru amikhan laga paap khyama kori dibi,
kilemane amikhan logot te paap kora khan sob ke amikhan pora bhi khyama kori di ase.
Aru amikhan porikhya te loi najabi.”
5Aru Tar pora tarkhan ke koise, “Tumikhan majot te kon ase, kon he raati te tar laga bondhu ghor te jai kene koise, ‘Bondhu, tinta roti moi ke dhaar di thakibi, 6kilemane moi laga bondhu ekjon jatra te moi laga ghor pongchise, aru tar ke khuai dibole moi laga haat te eku nai;’ 7aru tar pora ghor bhitor pora jawab dibo, ‘Moi ke dig dar nadibi; etiya dorja bond hoi kene ase, aru moi laga bacha khan bisona te moi logot ase; moi uthi kene eku dibo naparibo?’ 8Moi tumikhan ke koi ase, tar uthi kene tar laga bondhu ke eku dibo naparile bhi, tar pora sorom nakori kene besi bar mangi thaka karne, tar uthi jabo aru ki ki lage sob dibo. 9Aru Moi tumikhan ke koi ase mangibi aru eitu tumikhan ke di dibo; bisaribi aru tumikhan pora pabo; tukurabi aru eitu tumikhan ke khulibo. 10Kilemane kiman jon pora mange, eitu di ase aru kon he bisare, eitu pai ase aru kon he tukurai, eitu khuli dibo. 11Tumikhan majot te pitri kon ase, jodi tar laga lora pora maas ekta mangile, eitu bodli sanp dibole; 12nahole jodi tar pora anda ekta mangile, tar ke bichu ekta dibole? 13Eitu karne tumikhan paapi manuh hole bhi jodi tumikhan pora nijor bacha khan karne bhall bostu dibole jane, tetiya sorgo te thaka Pitri pora kon he mange taikhan ke kiman bhi besi Pobitro Atma dibo!”
Jisu Aru Beelzebul
14Ei homoi te Jisu he buba bhut ekta ke khedai thakise; ketiya bhut tu ulai jaise, buba manuh pora kotha koise, aru manuh khan besi asorit lagise. 15Kintu konuba pora koise, “Saitan laga prodhan, Beelzebul darai Tar pora ohusi atma ke khedai ase;” 16Aru konuba pora, Tar porikhya kori kene sorgot pora sign ekta dekhai dibi eneka koise. 17Kintu Tar pora, taikhan laga bhabna jani kene, taikhan ke koise, “Ki-ki rajyo holebhi, jodi nijor majot te bhag kori kene thake, eitu nosto hobo, aru bhag kori thaka porial bhi giri jabo. 18Aru jodi saitan bhi nijor majot te bhag kori kene thake, tar laga rajyo tu keneka khara kori thakibo? Kilemane Moi Beelzebul darai bhut ke khedai ase eneka tumikhan pora koi ase. 19Aru jodi moi Beelzebul darai bhut ke khedai ase, tetiya kon darai tumi laga lora khan pora eitu ke khedabo? Eitu nimite tarkhan tu tumi laga bicharok hobo. 20Kintu jodi eitu Isor laga haat darai, Moi bhut ke khedai ase, tetiya Isor laga rajyo tu tumikhan upor te ahhi kene ase. 21Ketiya balowan ekjon, tar logot te hathiyar sob loi kene, nijor laga ghor roikhya kore, tetiya tar laga sampoti sob tu shanti te thaki jai; 22kintu ketiya tar pora arubhi besi balowan ekjon tar upor te juji kene jiti loi, tar pora biswas kori thaka larai laga hathiyar tu loi jai, aru ki sampoti ase eitu bhag kori loi. 23Kon moi logot te nai, tai moi ke birudh kore, aru kon he moi logot te jama kora nai, alag alag bhag hoi jabo.
Ohusi Atma Ekta Ghurai Ahha
24“Ketiya letra atma, manuh ekjon pora ulai jai, tar pora jungol sukhan jaga bisari kene aram koribole jai; aru napua karne tar he koi, ‘Moi laga ghor kot pora moi ulai ahhise tate ghurai jabo.’ 25Aru ketiya tar ahhi jai, eitu safa kori kene sob thik thak kori kene pai. 26Tetiya tar jai kene, tar pora bhi besi beya atma satta ke loi ahhi, aru tarkhan jai kene tate thaki jai; aru eitu manuh aage laga jivon pora tu piche laga jivon he besi beya hoi jai.”
Hosa Ashish Laga
27Jisu pora eitu koi thaka homoi te, tiruta ekjoni manuh khan majot pora awaz ulai kene, Jisu ke koise, “Kon laga pet pora apuni ke jonom dise, aru kon laga dudh pora apuni khaise, eitu he ashish!” 28Kintu Jisu he koise, “Kon pora Isor kotha hunise aru mon te rakhise, eitu khan he ashish ase!”
Jonah Laga Sign
29Ketiya manuh khan arubhi besi hoise, Tar kotha shuru hoi kene koise, “Eitu jugh manuh khan tu paapi laga purush manuh khan ase; taikhan pora sign bisari ase, kintu Jonah laga sign pora alag dusera nadibo. 30Kilemane keneka Nineveh manuh khan karne Jonah tu sign ekta thakise, teneka he Manuh laga Putro bhi eitu jugh manuh khan karne sign hobo. 31Bichar din te eitu jugh logot te dokshin laga raani uthibo aru eitu jugh ke ninda koribo; kilemane tai Solomon laga gyan kotha hunibole prithibi kinar pora ahhise, aru sabi, Solomon pora bhi mahan ekjon iyate ase. 32Bichar din te Nineveh laga manuh khan eitu jugh logot te uthibo aru ninda koribo; kilemane Jonah laga prachar kora te tarkhan mon ghuraise aru sabi, Jonah pora bhi mahan ekjon iyate ase.
Tumi Laga Puhor
33“Kon pora bhi bati jolai kene chatai niche te nahole tukuri pora bond kori kene narakhe, kintu kon ghor bhitor te ahhe taikhan puhor pabo nimite bati rakha jaga te rakhe. 34Tumi laga soku tu tumar gau karne puhor ase; ketiya tumi laga soku tu bhall thake, tumar gau sob puhor pora bhorta thakibo; kintu ketiya eitu bhall nahoi, tumar laga gau tu andhera pora bhorta thakibo. 35Eitu karne tumi logot thaka puhor tu andhar nahobo karne hushier koribi. 36Jodi, eitu nisna, tumi laga gau tu puhor pora bhorta ase, aru andhar eku bhi nai, eitu hosa puhor hobo, keneka saaki jolale puhor ahhi jai, eneka puhor hobo.”
Pharisees Aru Pondit Khan Karne Bedona
37Ketiya Jisu kotha koi thakise, pharisees ekjon pora tar logot bhojon khabole Jisu ke hudise; eitu nisna Tar jaise aru mez usor te bohise. 38Bhojon nakhua aage te haat nadhula dekhi kene, hei tu pharisees pora besi asorit lagise. 39Aru Prabhu he tar ke koise, “Tetiya hole, etiya tumi pharisees khan pora bati aru thali deksi khan bahar tu safa kore, kintu bhitor tu hole jobor josti kam laga paap pora bhorta ase. 40Tumi budhi nathaka khan! Kon pora bahar bonaise, tar pora he bhitor bhi bona nai ne ki? 41Kintu bhitor te ki ase eitu daan di dibi; aru sabi, tumi karne sob tu safa he hobo.
42“Kintu pharisees, tumikhan bedona ase! Kilemane tumikhan pora putina, rue aru sobji sob pora dos-bhag loi, kintu hosa kam aru Isor ke prem kora tu pahori ase; ekta bhi nashari kene koribo lagisile. 43Pharisees, tumikhan bedona ase! Kilemane tumikhan pora girja ghor te sob pora bhall jaga tu prem kore, aru bazar jaga te manuh khan pora sonman pabole monn ase. 44Tumikhan bedona ase! Kilemane tumikhan tu nadekhi kene thaka koborsthan nisna ase, aru manuh khan pora najani kene eitu upor te ahha jua kore.”
45Tetiya kanoon pondit ekjon uthi kene uttar di koise, “Guruji, eitu kotha pora amikhan ke bhi ninda kori ase.” 46Aru Tar pora koise, “Tumi kanoon pondit khan bhi bedona ase! Kilemane bukhibo napara tan khang tumikhan pora manuh khan ke bukhibole di ase, kintu tumikhan nijor pora tu hole anguli pora bhi nachui. 47Tumikhan karne bedona ase! Kilemane tumikhan laga pitri khan pora morai diya bhavobadi laga koborsthan tumikhan pora bonai ase. 48Eitu nimite tumikhan pora he, pitri khan pora kora kam tu hosa ase eneka sakhi di ase; kilemane tarkhan pora morai dise, aru tumikhan pora koborsthan bonai di ase. 49Eitu nimite he Isor laga gyan kotha te koise, ‘Moi bhavobadi khan aru pasonir khan tarkhan logot te pathabo, tarkhan pora konuba dondo dibo aru morai dibo,’ 50tetiya prithibi shuru homoi pora bhavobadi khan laga khoon phelai diya tu eitu purush pora mangibo, 51Abel laga khoon pora loi kene Zechariah laga khoon tak, kon aradhana jaga aru bedit majot te morai dise. Hoi, Moi koi ase, eitu purush pora tarkhan laga khoon tu mangibo. 52Tumikhan karne bedona ase kanoon pondit khan! Kilemane tumi bujibole laga gyan chabi loi jaise; tumi nijor bhi jua nai, aru kon manuh jai thakise, tar khan ke bhi rukhai dise.”
53Ketiya Tar tate pora ulai jaise, pondit khan aru pharisees khan pora Jisu laga kotha te khechera kori kene besi kotha hudise, 54aru Jisu pora kua kotha te galti dhoribole sai thakise.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.