LUKE 1
1
Theophilus Nimite Likha
1Amikhan majot te ki kam kori di kene ase, eitu laga khisa sob tu thik jama kori kene likhi bole besi manuh he sesta kori thaka nisna, 2Aage pora kon he nijor soku pora dekhise aru hastro kam kori kene ahhise, tarkhan pora ki kotha amikhan ke koise, 3eitu khan keneka hoise aru ketiya hoise, eitu thik likhi bole moi bhi bhall paise, eitu nimite eitu jani bole homoi besi phelai kene, mahan Theophilus apuni karne eitu likhi ase. 4tetiya apuni ke ki hosa kotha janai kene thakise, eitu thik pora janibo paribo.
Baptisma Diya John Jonom Laga Kotha Aage Te Kua
5Judea laga raja Herod din te, Abijah laga khandan pora puruhit ekjon laga nam Zechariah asile; aru tar patni tu Aaron khandan he thakise, aru tai laga nam tu Elizabeth thakise. 6Taikhan duijon bhi Isor usor te dharmik thakise, aru Isor laga kanoon aru hukum sob tu thik-thak mani thakise, aru Isor usor te galti eku thaka nai. 7Kintu taikhan bacha thaka nai, kilemane Elizabeth he bandhini thakise, aru tai duijon bhi umor besi hoi kene thakise.
8Eitu homoi te ketiya tar Isor usor te puruhit kam kori thakise, tetiya nijor laga din te, 9puruhit niyom hisap te girja ghor bhitor, Prabhu usor te dhup jola bole lot pora tar upor te girise. 10Aru dhup jola homoi, jama kori thaka manuh khan sob tu bahar te prathana kori thakise. 11Aru tate sorgo dut ekjon, dhup aru bedit laga daina haat phale ulaise aru khara kori kene tar logot dekhai dise. 12Aru Zechariah pora ketiya eitu dekhise, tar kosto hoise, aru tar upor te bhoi ahhi jaise. 13Kintu sorgo dut he tar logot te koise, “Bhoi nakoribi, Zechariah, kilemane tumi laga prathana huni loise, aru tumi laga patni Elizabeth pora ekta bacha bukhibo, aru tumi tar laga nam tu John eneka matibo. 14Aru tumi khushi aru anando hobo, aru tar jonom hua karne besi manuh khan khushi hobo, 15kilemane Prabhu usor te tar dangor hobo. Aru tar pora draikhya-roh eku napibo, aru tar tu pobitro atma pora bhorta thakibo, tar laga amaa pet te thaka homoi pora he eneka thakibo. 16Aru tar pora Israel laga bacha khan besi taikhan laga Prabhu Isor phale ghurai anibo, 17aru tar tu Prabhu aage te Elijah laga atma aru shakti te jabo, aru baba khan mon ghurai kene bacha khan logot thakibo, aru kotha namana khan thik gyan te anibo, aru Prabhu nimite manuh khan sob jugar kori dibo.”
18Aru Zechariah pora sorgo dut logot te koise, “Moi eitu keneka janibo? Kilemane moi aru moi laga patni, duijon bhi bura-buri hoise.” 19Aru sorgo dut pora jawab di koise, “Moi, Isor usor te hodai khara hoi kene thaka Gabriel tu ase, aru moi tumar usor te, eitu susamachar tu loi kene pathaise. 20Hole bhi sabi, moi ki kotha koise eitu khan sob na-hua tak, tumi kotha kobole naparibo, kilemane moi laga khobor, kon tu thik homoi te hidho hobo, eitu te tumi biswas kora nai.” 21Aru manuh khan bahar te jama kori kene Zechariah ke rukhi thakise, kintu girja ghor bhitor te tar besi dery thaka karne taikhan sob bhi asorit lagise. 22Aru ketiya tar ulai ahhise, taikhan logot kotha koribole para nai, tetiya girja ghor te tar pora ekta dorshan dekhise hobola, eneka manuh khan pora bhabna korise; aru taikhan karne tar pora sign dekhai kene koise, aru tar jiva bond hoi kene thakise. 23Aru ketiya tar laga seva kora homoi tu par hoi jaise, tar nijor ghor te ghurai jaise.
24Eitu din par hua pasot te tar laga patni Elizabeth he bacha bukhi loise, aru pans mahina tak tai pora bahar te ula nai, aru tai koise, 25“Etiya, Prabhu pora moi ke dekhi paise, aru manuh khan aage te moi laga sorom sob hatai dise.”
Jisu Jonom Kotha Aage Te Kua
26Aru soi mahina pasot te sorgo dut Gabriel tu Isor pora Galilee te thaka Nazareth sohor te arubhi pathai kene, 27David laga khandan pora Joseph logot te saadi kori bole bondobos kori thaka, kumari ekjoni laga nam Mary tai usor te ahhise. 28Aru ahhi kene koise, “Khushi koribi, Oh! tumi ashish hua, Prabhu tumar logot te ase!” 29Kintu eitu kotha huni kene tai besi mon dukh hoise, aru tai laga mon te, eitu bhi keneka laga salam kotha ase eneka bhabna kori thakise. 30Aru sorgo dut pora koise, “Mary, bhoi nakoribi, kilemane tumi Isor pora anugrah pai loise. 31Aru sabi, tumi lora bacha ekta pet te bukhi lobo, aru tumi tar laga nam Jisu eneka matibo. 32Tar dangor hobo, aru Mahan Isor laga Putro bulli matibo; aru Prabhu Isor pora Tar pitri David laga singsason tar ke di dibo, 33aru Tar pora Jacob laga khandan upor te hodai karne sason koribo; aru tar laga rajyo hekh nahobo.”
34Aru Mary pora sorgo dut ke koise, “Moi kumari ekjoni hoi kene, eitu keneka hobo?”
35Aru sorgo dut pora tai ke koise, “Pobitro Atma tumi laga upor te ahhibo, aru Mahan Prodhan laga shakti tumar upor te thakibo; eitu karne lora putro kon jonom hobole ase tar pobitro hobo—aru Isor laga Putro eneka matibo. 36Aru sabi, tumar laga khandan pora tiruta ekjoni nam Elizabeth, kon ke bandhini eneka manuh khan pora matise; tai bhi buri hua pasot te bacha bukhi kene ase. 37Kilemane Isor karne napara eku bhi nai.” 38Aru Mary pora koise, “Sabi, moi tu Prabhu laga nokorani he ase; Moi upor te apuni laga kotha nisna he hobole dibi.” Aru tai ke shari kene sorgo dut jai jaise.
Mary Pora Elizabeth Ke Logot Koribole Jua
39Aru eitu din majot te Mary ulai kene, Judah pahar nagor phale thaka sohor te joldi jaise, 40aru tai Zechariah laga ghor te ahhise aru Elizabeth ke salam janai dise. 41Aru ketiya Elizabeth he Mary laga salam kotha tu hunise, gorbho te thaka huru bacha tu jap marise; tetiya Pobitro Atma pora bhorta hoi kene Elizabeth he 42awaz dangor di kene koise, “Tiruta majot te tumi ashish ase, aru tumar gorbho laga phol ashish ase! 43Aru moi prabhu laga amaa moi usor te ahhibole, keneka moi ke eitu ashish dise? 44Kilemane sabi, ketiya tumi laga salam kotha tu moi laga kan te hunise, moi laga pet te bukhi thaka bacha tu khushi pora jap marise. 45Aru Prabhu pora kua kotha tu hidho hobo, eneka kon pora biswas korise, tai ashish ase.”
Stuti Geet
46Aru Mary he koise,
“Moi laga atma bhitor pora Prabhu ke stuti kori ase;
47aru atma te moi laga trankorta Isor logot te khushi kori ase,
48kilemane sob pora huru sevakani ke Tar pora dekhi loise.
Kilemane sabi, jugh sob te etiya pora moi ke ashish eneka matibo;
49kilemane sobse Mahan pora moi karne dangor kam kori dise,
aru Tar laga nam Pobitro ase.
50Aru kon pora Tar ke bhoi kori taikhan upor te Tar laga anugrah
jugh pora jugh tak thakibo.
51Tar laga haat pora tagot dekhai di dise;
aru phutani manuh khan mon bhabna sob bhangai dise.
52Tar pora mahan rajyo khan nijor singsason pora namai dise,
kintu kon nomro ase taikhan uthai dise;
53bhuk lagi thaka khan ke bhall jinis pora bhorta kori dise,
aru dhoni manuh khan khalli haat pathai dise.
54Tar nijor doya yaad kori kene,
Tar laga nokor Israel ke madad korise,
55keneka pitri khan logot te koi thakise,
Abraham aru tar laga khandan ke koise, eitu hodai nimite yaad kori loise.”
56Aru tin mahina nisna Mary tate he thakise, aru eitu pasot ghor te ghurai jaise.
Baptisma Diya John Jonom Kora
57Tetiya Elizabeth bacha jonom dibole homoi hoise, aru tai ekta putro ke jonom dise. 58Tetiya tai laga aspas aru khandan khan pora, keneka Isor he dangor anugrah dise eitu hunise, aru taikhan sob Elizabeth logot te khushi manise. 59Aru ath din te bacha tu sonot kori dibole tarkhan ahhise. Aru taikhan pora bacha laga nam tu tar baba Zechariah laga nam he dibole thakise, 60kintu tar laga amaa pora koise, “eneka nahoi; tar laga nam tu John eneka matibo.” 61Aru taikhan pora tai ke koise, “Tumi laga khandan kon bhi eneka nam mata nai.” 62Aru taikhan pora sign di kene, putro laga nam tu keneka matibo eitu tar baba ke hudise. 63Aru tar pora likhibole bostu mangi kene likhise, “Tar laga nam John ase.” Aru taikhan sob asorit lagise. 64Aru loge loge tar laga mukh tu khulise, aru tar laga jiva bhi dhila hoise aru Isor ke stuti kori kene koise. 65Aru aspas khan sob laga mon te bhoi lagise. Aru Judea nagor sob phale eitu kotha tu jaise, 66aru kiman jon pora eitu kotha hunise, nijor mon te kotha tu rakhise aru koise, “Tetiya hole eitu bacha tu keneka manuh ekta hobo?” Kilemane Prabhu laga haat tar logot te ase.
Zachariah Laga Bhavobani
67Aru Tar laga baba Zechariah tu Pobitro Atma pora bhorta hoi kene bhavobani di kene koise,
68“Israel laga Prabhu Isor ke ashish hobi,
kilemane Tar nijor zati logot te ahhise, aru taikhan ke udhar kori loise,
69aru Tar laga nokor David laga ghor pora,
amikhan karne poritran laga sieng ekta ulai dise,
70jeneka purana jugh te thaka pobitro bhavobadi khan mukh darai Tar koise,
71dushman pora amikhan ke bachai lobo,
aru kon he amikhan ke ghin kore taikhan laga haat pora bachabo;
72amar pitri khan logot te ki anugrah dekhai dibole kosom korise,
aru Tar laga pobitro vachan yaad koribole,
73ki amar pitri Abraham logot te kosom rakhise,
74amikhan dushman haat pora udhar koribo aru
bhoi nakori kene Tar ke seva koribo karne ase,
75tetiya amikhan tar usor te hodai din karne Isor nisna pobitro aru dharmik thakibo.
76Aru tumi, hei bacha, sobse mahan-korta laga bhavobadi eneka matibo;
kilemane tumi Prabhu laga aage te Tar laga raasta jugar kori bole jabo,
77Tar laga zati khan ke poritran laga gyan dibole,
aru taikhan paap pora khyama dibole ase,
78amar Isor laga doya karne,
Tar laga surjyo puhor tu amikhan upor te ulai dibo,
79aru andhar te bohi thaka aru mora laga sanya te thaka manuh khan sob karne sorgo pora ekta puhor ujala koribo,
tetiya eitu puhor pora amikhan laga theng shanti phale loi jabo.”
80Aru bacha dangor hoi kene uthise aru atma te bhi mozbud hoi kene uthise, aru Israel majot te ahhi kene tar laga kam nakora tak jungol te he thakise.
ទើបបានជ្រើសរើសហើយ៖
LUKE 1: NagaMe
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.
LUKE 1
1
Theophilus Nimite Likha
1Amikhan majot te ki kam kori di kene ase, eitu laga khisa sob tu thik jama kori kene likhi bole besi manuh he sesta kori thaka nisna, 2Aage pora kon he nijor soku pora dekhise aru hastro kam kori kene ahhise, tarkhan pora ki kotha amikhan ke koise, 3eitu khan keneka hoise aru ketiya hoise, eitu thik likhi bole moi bhi bhall paise, eitu nimite eitu jani bole homoi besi phelai kene, mahan Theophilus apuni karne eitu likhi ase. 4tetiya apuni ke ki hosa kotha janai kene thakise, eitu thik pora janibo paribo.
Baptisma Diya John Jonom Laga Kotha Aage Te Kua
5Judea laga raja Herod din te, Abijah laga khandan pora puruhit ekjon laga nam Zechariah asile; aru tar patni tu Aaron khandan he thakise, aru tai laga nam tu Elizabeth thakise. 6Taikhan duijon bhi Isor usor te dharmik thakise, aru Isor laga kanoon aru hukum sob tu thik-thak mani thakise, aru Isor usor te galti eku thaka nai. 7Kintu taikhan bacha thaka nai, kilemane Elizabeth he bandhini thakise, aru tai duijon bhi umor besi hoi kene thakise.
8Eitu homoi te ketiya tar Isor usor te puruhit kam kori thakise, tetiya nijor laga din te, 9puruhit niyom hisap te girja ghor bhitor, Prabhu usor te dhup jola bole lot pora tar upor te girise. 10Aru dhup jola homoi, jama kori thaka manuh khan sob tu bahar te prathana kori thakise. 11Aru tate sorgo dut ekjon, dhup aru bedit laga daina haat phale ulaise aru khara kori kene tar logot dekhai dise. 12Aru Zechariah pora ketiya eitu dekhise, tar kosto hoise, aru tar upor te bhoi ahhi jaise. 13Kintu sorgo dut he tar logot te koise, “Bhoi nakoribi, Zechariah, kilemane tumi laga prathana huni loise, aru tumi laga patni Elizabeth pora ekta bacha bukhibo, aru tumi tar laga nam tu John eneka matibo. 14Aru tumi khushi aru anando hobo, aru tar jonom hua karne besi manuh khan khushi hobo, 15kilemane Prabhu usor te tar dangor hobo. Aru tar pora draikhya-roh eku napibo, aru tar tu pobitro atma pora bhorta thakibo, tar laga amaa pet te thaka homoi pora he eneka thakibo. 16Aru tar pora Israel laga bacha khan besi taikhan laga Prabhu Isor phale ghurai anibo, 17aru tar tu Prabhu aage te Elijah laga atma aru shakti te jabo, aru baba khan mon ghurai kene bacha khan logot thakibo, aru kotha namana khan thik gyan te anibo, aru Prabhu nimite manuh khan sob jugar kori dibo.”
18Aru Zechariah pora sorgo dut logot te koise, “Moi eitu keneka janibo? Kilemane moi aru moi laga patni, duijon bhi bura-buri hoise.” 19Aru sorgo dut pora jawab di koise, “Moi, Isor usor te hodai khara hoi kene thaka Gabriel tu ase, aru moi tumar usor te, eitu susamachar tu loi kene pathaise. 20Hole bhi sabi, moi ki kotha koise eitu khan sob na-hua tak, tumi kotha kobole naparibo, kilemane moi laga khobor, kon tu thik homoi te hidho hobo, eitu te tumi biswas kora nai.” 21Aru manuh khan bahar te jama kori kene Zechariah ke rukhi thakise, kintu girja ghor bhitor te tar besi dery thaka karne taikhan sob bhi asorit lagise. 22Aru ketiya tar ulai ahhise, taikhan logot kotha koribole para nai, tetiya girja ghor te tar pora ekta dorshan dekhise hobola, eneka manuh khan pora bhabna korise; aru taikhan karne tar pora sign dekhai kene koise, aru tar jiva bond hoi kene thakise. 23Aru ketiya tar laga seva kora homoi tu par hoi jaise, tar nijor ghor te ghurai jaise.
24Eitu din par hua pasot te tar laga patni Elizabeth he bacha bukhi loise, aru pans mahina tak tai pora bahar te ula nai, aru tai koise, 25“Etiya, Prabhu pora moi ke dekhi paise, aru manuh khan aage te moi laga sorom sob hatai dise.”
Jisu Jonom Kotha Aage Te Kua
26Aru soi mahina pasot te sorgo dut Gabriel tu Isor pora Galilee te thaka Nazareth sohor te arubhi pathai kene, 27David laga khandan pora Joseph logot te saadi kori bole bondobos kori thaka, kumari ekjoni laga nam Mary tai usor te ahhise. 28Aru ahhi kene koise, “Khushi koribi, Oh! tumi ashish hua, Prabhu tumar logot te ase!” 29Kintu eitu kotha huni kene tai besi mon dukh hoise, aru tai laga mon te, eitu bhi keneka laga salam kotha ase eneka bhabna kori thakise. 30Aru sorgo dut pora koise, “Mary, bhoi nakoribi, kilemane tumi Isor pora anugrah pai loise. 31Aru sabi, tumi lora bacha ekta pet te bukhi lobo, aru tumi tar laga nam Jisu eneka matibo. 32Tar dangor hobo, aru Mahan Isor laga Putro bulli matibo; aru Prabhu Isor pora Tar pitri David laga singsason tar ke di dibo, 33aru Tar pora Jacob laga khandan upor te hodai karne sason koribo; aru tar laga rajyo hekh nahobo.”
34Aru Mary pora sorgo dut ke koise, “Moi kumari ekjoni hoi kene, eitu keneka hobo?”
35Aru sorgo dut pora tai ke koise, “Pobitro Atma tumi laga upor te ahhibo, aru Mahan Prodhan laga shakti tumar upor te thakibo; eitu karne lora putro kon jonom hobole ase tar pobitro hobo—aru Isor laga Putro eneka matibo. 36Aru sabi, tumar laga khandan pora tiruta ekjoni nam Elizabeth, kon ke bandhini eneka manuh khan pora matise; tai bhi buri hua pasot te bacha bukhi kene ase. 37Kilemane Isor karne napara eku bhi nai.” 38Aru Mary pora koise, “Sabi, moi tu Prabhu laga nokorani he ase; Moi upor te apuni laga kotha nisna he hobole dibi.” Aru tai ke shari kene sorgo dut jai jaise.
Mary Pora Elizabeth Ke Logot Koribole Jua
39Aru eitu din majot te Mary ulai kene, Judah pahar nagor phale thaka sohor te joldi jaise, 40aru tai Zechariah laga ghor te ahhise aru Elizabeth ke salam janai dise. 41Aru ketiya Elizabeth he Mary laga salam kotha tu hunise, gorbho te thaka huru bacha tu jap marise; tetiya Pobitro Atma pora bhorta hoi kene Elizabeth he 42awaz dangor di kene koise, “Tiruta majot te tumi ashish ase, aru tumar gorbho laga phol ashish ase! 43Aru moi prabhu laga amaa moi usor te ahhibole, keneka moi ke eitu ashish dise? 44Kilemane sabi, ketiya tumi laga salam kotha tu moi laga kan te hunise, moi laga pet te bukhi thaka bacha tu khushi pora jap marise. 45Aru Prabhu pora kua kotha tu hidho hobo, eneka kon pora biswas korise, tai ashish ase.”
Stuti Geet
46Aru Mary he koise,
“Moi laga atma bhitor pora Prabhu ke stuti kori ase;
47aru atma te moi laga trankorta Isor logot te khushi kori ase,
48kilemane sob pora huru sevakani ke Tar pora dekhi loise.
Kilemane sabi, jugh sob te etiya pora moi ke ashish eneka matibo;
49kilemane sobse Mahan pora moi karne dangor kam kori dise,
aru Tar laga nam Pobitro ase.
50Aru kon pora Tar ke bhoi kori taikhan upor te Tar laga anugrah
jugh pora jugh tak thakibo.
51Tar laga haat pora tagot dekhai di dise;
aru phutani manuh khan mon bhabna sob bhangai dise.
52Tar pora mahan rajyo khan nijor singsason pora namai dise,
kintu kon nomro ase taikhan uthai dise;
53bhuk lagi thaka khan ke bhall jinis pora bhorta kori dise,
aru dhoni manuh khan khalli haat pathai dise.
54Tar nijor doya yaad kori kene,
Tar laga nokor Israel ke madad korise,
55keneka pitri khan logot te koi thakise,
Abraham aru tar laga khandan ke koise, eitu hodai nimite yaad kori loise.”
56Aru tin mahina nisna Mary tate he thakise, aru eitu pasot ghor te ghurai jaise.
Baptisma Diya John Jonom Kora
57Tetiya Elizabeth bacha jonom dibole homoi hoise, aru tai ekta putro ke jonom dise. 58Tetiya tai laga aspas aru khandan khan pora, keneka Isor he dangor anugrah dise eitu hunise, aru taikhan sob Elizabeth logot te khushi manise. 59Aru ath din te bacha tu sonot kori dibole tarkhan ahhise. Aru taikhan pora bacha laga nam tu tar baba Zechariah laga nam he dibole thakise, 60kintu tar laga amaa pora koise, “eneka nahoi; tar laga nam tu John eneka matibo.” 61Aru taikhan pora tai ke koise, “Tumi laga khandan kon bhi eneka nam mata nai.” 62Aru taikhan pora sign di kene, putro laga nam tu keneka matibo eitu tar baba ke hudise. 63Aru tar pora likhibole bostu mangi kene likhise, “Tar laga nam John ase.” Aru taikhan sob asorit lagise. 64Aru loge loge tar laga mukh tu khulise, aru tar laga jiva bhi dhila hoise aru Isor ke stuti kori kene koise. 65Aru aspas khan sob laga mon te bhoi lagise. Aru Judea nagor sob phale eitu kotha tu jaise, 66aru kiman jon pora eitu kotha hunise, nijor mon te kotha tu rakhise aru koise, “Tetiya hole eitu bacha tu keneka manuh ekta hobo?” Kilemane Prabhu laga haat tar logot te ase.
Zachariah Laga Bhavobani
67Aru Tar laga baba Zechariah tu Pobitro Atma pora bhorta hoi kene bhavobani di kene koise,
68“Israel laga Prabhu Isor ke ashish hobi,
kilemane Tar nijor zati logot te ahhise, aru taikhan ke udhar kori loise,
69aru Tar laga nokor David laga ghor pora,
amikhan karne poritran laga sieng ekta ulai dise,
70jeneka purana jugh te thaka pobitro bhavobadi khan mukh darai Tar koise,
71dushman pora amikhan ke bachai lobo,
aru kon he amikhan ke ghin kore taikhan laga haat pora bachabo;
72amar pitri khan logot te ki anugrah dekhai dibole kosom korise,
aru Tar laga pobitro vachan yaad koribole,
73ki amar pitri Abraham logot te kosom rakhise,
74amikhan dushman haat pora udhar koribo aru
bhoi nakori kene Tar ke seva koribo karne ase,
75tetiya amikhan tar usor te hodai din karne Isor nisna pobitro aru dharmik thakibo.
76Aru tumi, hei bacha, sobse mahan-korta laga bhavobadi eneka matibo;
kilemane tumi Prabhu laga aage te Tar laga raasta jugar kori bole jabo,
77Tar laga zati khan ke poritran laga gyan dibole,
aru taikhan paap pora khyama dibole ase,
78amar Isor laga doya karne,
Tar laga surjyo puhor tu amikhan upor te ulai dibo,
79aru andhar te bohi thaka aru mora laga sanya te thaka manuh khan sob karne sorgo pora ekta puhor ujala koribo,
tetiya eitu puhor pora amikhan laga theng shanti phale loi jabo.”
80Aru bacha dangor hoi kene uthise aru atma te bhi mozbud hoi kene uthise, aru Israel majot te ahhi kene tar laga kam nakora tak jungol te he thakise.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.