JOHN 9
9
Jonom Pora Andha Thaka Jisu He Hustho Kora
1Tar jai thaka homoi te, jonom din pora andha thaka manuh ekjon dekhise. 2Aru Tar laga chella khan pora hudise, “Rabbi, eitu kon laga paap, tar laga na, nahole amaa baba laga paap pora eitu manuh andha jonom hoise?” 3Jisu he uttar dise, “Eitu tar laga nahoi, nahole amaa baba laga bhi nahoi, kintu Isor laga kam tar pora dekhai dibo karne he ase. 4Ketiya din ase, eitu homoi te kon pora Moi ke pathaise Tar laga kam koribo lage; raati ahhi ase, ketiya kon pora bhi kam koribo naparibo. 5Moi ketiya tak prithibi te ase, Moi he prithibi laga puhor tu ase.” 6Eitu kotha koi kene, maati te Tar laga thuk phelai dise aru eitu thuk pora buka bonaise. Tetiya eitu manuh laga soku te buka tu lagai dise 7aru tar ke koise, “Jabi, aru Siloam laga pukhuri te safa kori lobi” (eitu laga matlab ase, Pathaise).
8Aspas khan aru kon pora aage te tar raasta kinar te bhikhari kora dekhise, eitu khan pora koise, “Eitu manuh tu tate bohi kene bhikhya mangi thaka tu nahoi neki?” 9Konuba pora koise, “Eitu tar ase.” Dusera konuba he koise, “Nahoi, kintu eitu tar nisna ekjon ase.” Tetiya tar pora koise, “Eitu manuh tu moi he ase.” 10Eitu karne tarkhan pora tar ke koise, “Tenehole keneka tumi laga soku khulise?” 11Tar jawab dise, “Jisu koi kene ekjon manuh pora buka bonaise aru moi laga soku te lagai dise aru koise, ‘Siloam te jabi, aru dhulabi.’ Eitu karne moi jaise aru dhula homoi te moi dekhise.” 12Tarkhan pora tar ke koise, “Tar kot ase?” Tar he uttar dise, “Moi najane.”
13Aage te soku andha thaka manuh tu tarkhan pora pharisees khan usor te anise. 14Etiya Jisu he buka lagai kene heitu manuh laga soku hustho kori diya tu bisram din thakise. 15Keneka hoi kene dekhise eitu pharisees khan pora arubhi tar ke hudise. Aru tar pora tarkhan ke koise, “Tar pora moi laga soku te buka lagai dise, aru moi dhulaise, aru dekhi loise.” 16Pharisees khan konuba pora koise, “Eitu manuh tu Isor pora nahoi, kilemane Tar pora bisram din thik narakhe.” Kintu dusera pora koise, “Paapi manuh ekjon pora eneka asorit sign keneka koribo paribo?” Aru tarkhan majot te bhag kori jaise. 17Eitu karne soku andha thaka manuh ke arubhi tarkhan pora hudise, “Tar tu kon ase eneka tumi koi, kilemane Tar pora tumi laga soku khuli dise?” Tar pora koise, “Tar tu bhavobadi ekjon ase.”
18Heitu manuh laga amaa baba mati kene nahuda tak, Jews khan pora tar tu soku andha thakise aru hustho hoise eneka biswas koribole para nai, 19eitu karne taikhan pora hudise, “Eitu tumikhan laga lora, kon jonom din pora soku andha thakise eneka tumikhan pora koise? Tetiya tar keneka etiya dekhi ase?” 20Tar laga amaa baba pora jawab di koise, “Amikhan pora jane, tar tu amikhan laga lora ase, aru jonom din pora soku andha thakise. 21Kintu keneka hoi kene etiya dekhise, amikhan pora najane, nahole kon pora soku khuli dise eitu bhi najane. Tar ke he hudibi; tar bhi dangor manuh ase. Tar nijor karne kobo paribo.” 22(tar laga amaa baba pora eneka koise, kilemane taikhan pora Jews khan ke bhoi korise, kilemane jodi konuba pora Jisu tu Khrista eneka shikar korile girja ghor pora hatai dibole) Jews khan pora kotha mili kene thakise, 23Eitu karne tar laga amaa baba pora koise, “tar dangor hoise, tar ke he hudibi.”
24Eitu karne soku andha thaka manuh tu duibar mati kene tar ke koise, “Isor ke he mahima dibi. Amikhan pora jane, eitu manuh tu paapi manuh ase.” 25Tar pora jawab dise, “Tar paapi manuh ase na nahoi, eitu moi najane. Moi ekta he jane, moi andha thakisile, kintu etiya moi dekhi ase.” 26Tarkhan pora tar ke koise, “Tar pora tumi karne ki korise? Tumi laga soku keneka khuli dise?” 27Tar pora jawab dise, “Moi apunikhan ke koise, aru apunikhan pora nahuni. Kile arubhi hunibole monn ase? Apunikhan bhi Tar laga chella hobole monn ase neki?” 28Aru tarkhan pora tar ke gali dise aru koise, “Tumi he Tar laga chella ase, amikhan tu Moses laga ase. 29Amikhan pora jane, Isor pora Moses logot te kotha patise, kintu eitu manuh tu kot pora ahhise amikhan pora najane.” 30Eitu manuh pora uttar di koise, “Eitu asorit kam ekta nahoi neki! Apunikhan pora Tar kot pora ahhise eitu najane, kintu Tar pora moi laga soku khuli dise. 31Amikhan pora jane, Isor pora paapi khan laga kotha nahuni, kintu konuba pora jodi Isor ke aradhana kore aru Tar itcha kore, Isor pora tarkhan ke huni loi. 32Manuh ekjon soku andha hoi kene jonom kora soku khuli diya prithibi shuru din pora ketiya bhi huna nai. 33Jodi eitu manuh tu Isor pora nahoi, Tar pora eku koribo naparibo.” 34Tarkhan pora jawab dise, “Tumi dangor paap te he jonom hoise, aru tumi amikhan ke sikhai dibo pare?” Aru tarkhan pora tar ke khedai dise.
35Tarkhan pora eitu manuh khedai dise eneka Jisu he hunise, aru tar ke log kori kene tar ke koise, “Manuh laga Putro logot te tumi biswas kori ase neki?” 36Tar pora koise, “Moi Tar logot biswas koribole, Tar tu kon ase, sahab?” 37Jisu he tar ke koise, “Tumi Tar ke dekhi ase, aru tumi logot te kotha kora tu Tar ase.” 38Tar pora koise, “Prabhu, moi biswas kori ase,” aru tar pora Jisu ke aradhana korise. 39Jisu he koise, “Eitu prithibi te bichar koribo nimite moi ahhise, kon pora dekha nai tarkhan pora dekhibo, aru kon pora dekhi ase tarkhan andha hobo.” 40Pharisees konuba Tar usor te thaka khan pora eitu hunise, aru Tar ke koise, “Amikhan bhi andha ase neki?” 41Jisu he tarkhan ke koise, “Jodi tumikhan soku andha thakise hole, tumikhan eku galti nathakibole thakise; kintu etiya tumikhan pora koi, ‘Amikhan pora dekhi ase,’ tumikhan galti thaki jabo.
ទើបបានជ្រើសរើសហើយ៖
JOHN 9: NagaMe
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.
JOHN 9
9
Jonom Pora Andha Thaka Jisu He Hustho Kora
1Tar jai thaka homoi te, jonom din pora andha thaka manuh ekjon dekhise. 2Aru Tar laga chella khan pora hudise, “Rabbi, eitu kon laga paap, tar laga na, nahole amaa baba laga paap pora eitu manuh andha jonom hoise?” 3Jisu he uttar dise, “Eitu tar laga nahoi, nahole amaa baba laga bhi nahoi, kintu Isor laga kam tar pora dekhai dibo karne he ase. 4Ketiya din ase, eitu homoi te kon pora Moi ke pathaise Tar laga kam koribo lage; raati ahhi ase, ketiya kon pora bhi kam koribo naparibo. 5Moi ketiya tak prithibi te ase, Moi he prithibi laga puhor tu ase.” 6Eitu kotha koi kene, maati te Tar laga thuk phelai dise aru eitu thuk pora buka bonaise. Tetiya eitu manuh laga soku te buka tu lagai dise 7aru tar ke koise, “Jabi, aru Siloam laga pukhuri te safa kori lobi” (eitu laga matlab ase, Pathaise).
8Aspas khan aru kon pora aage te tar raasta kinar te bhikhari kora dekhise, eitu khan pora koise, “Eitu manuh tu tate bohi kene bhikhya mangi thaka tu nahoi neki?” 9Konuba pora koise, “Eitu tar ase.” Dusera konuba he koise, “Nahoi, kintu eitu tar nisna ekjon ase.” Tetiya tar pora koise, “Eitu manuh tu moi he ase.” 10Eitu karne tarkhan pora tar ke koise, “Tenehole keneka tumi laga soku khulise?” 11Tar jawab dise, “Jisu koi kene ekjon manuh pora buka bonaise aru moi laga soku te lagai dise aru koise, ‘Siloam te jabi, aru dhulabi.’ Eitu karne moi jaise aru dhula homoi te moi dekhise.” 12Tarkhan pora tar ke koise, “Tar kot ase?” Tar he uttar dise, “Moi najane.”
13Aage te soku andha thaka manuh tu tarkhan pora pharisees khan usor te anise. 14Etiya Jisu he buka lagai kene heitu manuh laga soku hustho kori diya tu bisram din thakise. 15Keneka hoi kene dekhise eitu pharisees khan pora arubhi tar ke hudise. Aru tar pora tarkhan ke koise, “Tar pora moi laga soku te buka lagai dise, aru moi dhulaise, aru dekhi loise.” 16Pharisees khan konuba pora koise, “Eitu manuh tu Isor pora nahoi, kilemane Tar pora bisram din thik narakhe.” Kintu dusera pora koise, “Paapi manuh ekjon pora eneka asorit sign keneka koribo paribo?” Aru tarkhan majot te bhag kori jaise. 17Eitu karne soku andha thaka manuh ke arubhi tarkhan pora hudise, “Tar tu kon ase eneka tumi koi, kilemane Tar pora tumi laga soku khuli dise?” Tar pora koise, “Tar tu bhavobadi ekjon ase.”
18Heitu manuh laga amaa baba mati kene nahuda tak, Jews khan pora tar tu soku andha thakise aru hustho hoise eneka biswas koribole para nai, 19eitu karne taikhan pora hudise, “Eitu tumikhan laga lora, kon jonom din pora soku andha thakise eneka tumikhan pora koise? Tetiya tar keneka etiya dekhi ase?” 20Tar laga amaa baba pora jawab di koise, “Amikhan pora jane, tar tu amikhan laga lora ase, aru jonom din pora soku andha thakise. 21Kintu keneka hoi kene etiya dekhise, amikhan pora najane, nahole kon pora soku khuli dise eitu bhi najane. Tar ke he hudibi; tar bhi dangor manuh ase. Tar nijor karne kobo paribo.” 22(tar laga amaa baba pora eneka koise, kilemane taikhan pora Jews khan ke bhoi korise, kilemane jodi konuba pora Jisu tu Khrista eneka shikar korile girja ghor pora hatai dibole) Jews khan pora kotha mili kene thakise, 23Eitu karne tar laga amaa baba pora koise, “tar dangor hoise, tar ke he hudibi.”
24Eitu karne soku andha thaka manuh tu duibar mati kene tar ke koise, “Isor ke he mahima dibi. Amikhan pora jane, eitu manuh tu paapi manuh ase.” 25Tar pora jawab dise, “Tar paapi manuh ase na nahoi, eitu moi najane. Moi ekta he jane, moi andha thakisile, kintu etiya moi dekhi ase.” 26Tarkhan pora tar ke koise, “Tar pora tumi karne ki korise? Tumi laga soku keneka khuli dise?” 27Tar pora jawab dise, “Moi apunikhan ke koise, aru apunikhan pora nahuni. Kile arubhi hunibole monn ase? Apunikhan bhi Tar laga chella hobole monn ase neki?” 28Aru tarkhan pora tar ke gali dise aru koise, “Tumi he Tar laga chella ase, amikhan tu Moses laga ase. 29Amikhan pora jane, Isor pora Moses logot te kotha patise, kintu eitu manuh tu kot pora ahhise amikhan pora najane.” 30Eitu manuh pora uttar di koise, “Eitu asorit kam ekta nahoi neki! Apunikhan pora Tar kot pora ahhise eitu najane, kintu Tar pora moi laga soku khuli dise. 31Amikhan pora jane, Isor pora paapi khan laga kotha nahuni, kintu konuba pora jodi Isor ke aradhana kore aru Tar itcha kore, Isor pora tarkhan ke huni loi. 32Manuh ekjon soku andha hoi kene jonom kora soku khuli diya prithibi shuru din pora ketiya bhi huna nai. 33Jodi eitu manuh tu Isor pora nahoi, Tar pora eku koribo naparibo.” 34Tarkhan pora jawab dise, “Tumi dangor paap te he jonom hoise, aru tumi amikhan ke sikhai dibo pare?” Aru tarkhan pora tar ke khedai dise.
35Tarkhan pora eitu manuh khedai dise eneka Jisu he hunise, aru tar ke log kori kene tar ke koise, “Manuh laga Putro logot te tumi biswas kori ase neki?” 36Tar pora koise, “Moi Tar logot biswas koribole, Tar tu kon ase, sahab?” 37Jisu he tar ke koise, “Tumi Tar ke dekhi ase, aru tumi logot te kotha kora tu Tar ase.” 38Tar pora koise, “Prabhu, moi biswas kori ase,” aru tar pora Jisu ke aradhana korise. 39Jisu he koise, “Eitu prithibi te bichar koribo nimite moi ahhise, kon pora dekha nai tarkhan pora dekhibo, aru kon pora dekhi ase tarkhan andha hobo.” 40Pharisees konuba Tar usor te thaka khan pora eitu hunise, aru Tar ke koise, “Amikhan bhi andha ase neki?” 41Jisu he tarkhan ke koise, “Jodi tumikhan soku andha thakise hole, tumikhan eku galti nathakibole thakise; kintu etiya tumikhan pora koi, ‘Amikhan pora dekhi ase,’ tumikhan galti thaki jabo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.