JOHN 18
18
Thogai Diya Aru Jisu Dhora
1Ketiya Jisu pora eitu kotha koi loise, Tar chella khan logot te ulai kene Kidron bhoyam par kori kene, jon jaga te ekta bari thakise tate humai jaise. 2Ei homoi te Judas, kon pora Tar ke thogai dise, tar pora bhi eitu jaga jani kene thakise, kilemane majot majot te Jisu aru tar chella khan tate log kori thakise. 3Eitu karne prodhan puruhit aru Pharisees khan pora pathai diya sepahi khan aru solaongta khan lanterns aru torch aru tarkhan laga hathiyar bukhi kene Judas tate ahhise. 4Tetiya, Jisu pora Tar logot te ki hobole ase eitu khan sob jani kene, aage phale ulai ahhise aru tarkhan ke koise, “Tumikhan kon ke bisari ase?” 5Tarkhan pora jawab dise, “Nazareth laga Jisu.” Jisu pora tarkhan ke koise, “Moi he ase.” Tate Judas, kon pora Tar ke thogai dise, tarkhan logot te khara kori thakise. 6Ketiya Jisu pora tarkhan ke koise, “Moi he ase,” tarkhan piche phale maati te girise. 7Eitu karne Tar pora arubhi hudise, “Tumikhan kon ke bisari ase?” Aru tarkhan pora koise, “Nazareth laga Jisu.” 8Jisu he jawab dise, “Moi he ase eneka koi dise. Eitu karne jodi tumikhan pora Moi ke bisari ase, tetiya eitu khan ke jabole dibi.” 9“Apuni kon Moi logot te dise eitu khan majot te ekjon bhi hara nai.” Eitu kotha hidho hobo nimite Tar pora eitu koi dise: 10Tetiya Simon Peter, kon pora taruwal bukhi thakise, eitu ulai kene mahan puruhit laga nokor laga daina kan kati kene girai dise. (Eitu nokor laga nam tu Malchus thakise) 11Eitu karne Jisu he Peter logot te koise, “Tumi laga taruwal miyan te rakhi lobi; Pitri pora Moi ke pibole diya cup napibo neki?”
Mahan Puruhit Aage Te Jisu
12Eitu karne sepahi aru tarkhan laga senapoti aru Jews laga solaongta khan ahhi kene Jisu ke dhorise aru bandhi loise. 13Sobse pahila tarkhan pora Annas usor te loi jaise, kilemane heitu saal te tar mahan puruhit Caiaphas laga sasuri thakise. 14Eitu eke Caiaphas pora he Jews khan ke budhi di kene koise, manuh khan sob nimite te ekjon morai diya tu he bhall ase.
Peter Pora Jisu Ke Tiyag Kora
15Simon Peter pora Jisu piche te jaise, aru dusera chella ekjon bhi thakise. Kilemane eitu chella tu maha puruhit logot te china jana thaka karne tar Jisu logot te maha puruhit laga ghor varanda bhitor tak jaise, 16Kintu Peter tu bahar phale dorja usor te khara kori thakise. Eitu karne chella kon maha puruhit logot te china jana thakise, tar jai kene dorja roikhya kori thaka nokorani logot te kotha pati kene Peter bhi bhitor te anise. 17Tetiya dorja te thaka nokorani pora Peter ke koise, “Apuni bhi eitu manuh laga chella ekjon thakise nahoi neki?” Tar pora koise, “Moi tu nahoi.” 18Eitu homoi te solaongta khan aru nokor khan jama kori kene jui jolaise, kilemane eitu thanda thakise, aru tar khan sob khara kori kene gorom kori thakise. Peter bhi tarkhan usor te khara kori kene nijor bhi gorom kori thakise.
Maha Puruhit Pora Jisu Ke Prosno Kora
19Tetiya maha puruhit pora Jisu ke, tar pora sikhai diya aru Tar chella khan laga kotha hudise. 20Jisu pora tar ke jawab di kene koise, “Moi manuh khan aage te sob pora huni kene he koi thakise. Moi hodai mondoli te he sikhai thakise, aru tate Jews khan bhi sob ahhi thakise. Moi lukai kene eku kua nai. 21Apuni kile Moi ke prosno kori ase? Moi kua kotha huna khan ke Moi ki koise eitu hudibi; Moi ki koise tarkhan pora jani ase.” 22Ketiya Tar pora eitu koise, solaongta majot te ekjon Jisu usor te thakise, tar laga haat pora Jisu ke thapor mari kene koise, “Maha puruhit logot te eneka jawab di ase neki?” 23Jisu he tar ke jawab dise, “Jodi Moi kua kotha tu galti ase, tetiya galti laga sakhi dibi; kintu jodi moi kua tu thik ase, tetiya kile tumi moi ke mari ase?” 24Eitu pasot te bandhi kene Annas pora maha-puruhit, Caiaphas logot te pathaise.
Peter Pora Jisu Ke Arubhi Tiyag Kora
25Heitu homoi te Simon Peter khara kori kene nijor gorom kori thakise. Eitu homoi te tarkhan pora tar ke koise, “Tumi bhi tar laga chella ekjon nahoi neki?” Tar pora oshikar kori kene koise, “Moi tu nahoi.” 26Mahan puruhit laga nokor majot te Peter pora kan kati diya manuh laga khandan ekjon pora koise, “Moi tumi ke heitu bari te dekha nai neki?” 27Peter pora arubhi oshikar kori dise aru loge loge murga pora dag dise.
Pilate Usor Te Jisu
28Tetiya tarkhan pora Jisu ke Caiaphas laga ghor pora Rajyopal laga Rajdhani te loi jaise. Eitu ekdom phujor thakise. Tarkhan letra nahoi kene Par-Hua porokh thik khabo karne; tarkhan kon bhi Rajyopal laga Rajdhani te humai jua nai. 29Eitu karne Pilate nijor he bahar te ulaise aru koise, “Eitu manuh upor te tumikhan pora ki galti loi kene anise?” 30Tarkhan pora koise, “Eitu manuh pora jodi beya kam nakorile, amikhan pora apuni usor te nanibole thakise.” 31Pilate pora tarkhan ke koise, “Tar ke loi jabi, aru tumikhan laga kanoon hisap te bichar koribi.” Jews khan pora tar ke koise, “Manuh ekjon ke morai dibole amikhan laga kanoon te nai.” 32Jisu pora tar keneka moribole ase, eitu kotha koi di kene thaka hidho hobo nimite eneka hoise.
Moi Laga Rajyo Tu Eitu Prithibi Laga Nahoi
33Eitu karne Pilate tar nijor ghor bhitor te humai jaise, aru Jisu ke mati kene tar ke koise, “Tumi Jews laga Raja ase neki?” 34Jisu he jawab dise, “Apuni eitu kotha tu nijor bhabna pora koi ase na, nahole konuba pora Moi laga apuni ke koise?” 35Pilate pora jawab dise, “Moi Jews ase neki? Tumi nijor zati khan aru prodhan puruhit khan pora moi laga haat te tumi di dise. Tumi ki korise?” 36Jisu he jawab dise, “Moi laga rajyo tu eitu prithibi laga nahoi. Jodi Moi laga rajyo eitu prithibi laga hole, Moi Jews laga haat te nadibo karne Moi laga nokor khan larai te pathai dibole ase. Kintu Moi laga rajyo tu eitu prithibi laga nahoi.” 37Tetiya Pilate pora Tar ke koise, “Tumi raja ase?” Jisu he uttar dise, “Apuni he Moi raja ase eneka koi ase. Eitu nimite te he Moi jonom loise, aru eitu nimite he Moi prithibi te ahhise—hoityo laga sakhi dibo nimite. Kiman jon hoityo laga ase tarkhan pora Moi laga awaz huni loi.” 38Pilate pora Tar ke koise, “Hoityo tu ki ase?”
Tar pora eitu kua pasot te, arubhi bahar te ulaise aru Jews khan ke koise, “Tar logot te moi eku galti pua nai. 39Kintu Par-Hua porokh te manuh ekjon ke shari dibole tumikhan laga ekta niyom ase. Eitu karne Jews laga Raja ke shari dibole tumikhan monjur ase na nai?” 40Tarkhan jur pora chillai kene koise, “Tar ke nahoi, kintu Barabbas!” Eitu Barabbas tu dacoit thakise.
ទើបបានជ្រើសរើសហើយ៖
JOHN 18: NagaMe
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.
JOHN 18
18
Thogai Diya Aru Jisu Dhora
1Ketiya Jisu pora eitu kotha koi loise, Tar chella khan logot te ulai kene Kidron bhoyam par kori kene, jon jaga te ekta bari thakise tate humai jaise. 2Ei homoi te Judas, kon pora Tar ke thogai dise, tar pora bhi eitu jaga jani kene thakise, kilemane majot majot te Jisu aru tar chella khan tate log kori thakise. 3Eitu karne prodhan puruhit aru Pharisees khan pora pathai diya sepahi khan aru solaongta khan lanterns aru torch aru tarkhan laga hathiyar bukhi kene Judas tate ahhise. 4Tetiya, Jisu pora Tar logot te ki hobole ase eitu khan sob jani kene, aage phale ulai ahhise aru tarkhan ke koise, “Tumikhan kon ke bisari ase?” 5Tarkhan pora jawab dise, “Nazareth laga Jisu.” Jisu pora tarkhan ke koise, “Moi he ase.” Tate Judas, kon pora Tar ke thogai dise, tarkhan logot te khara kori thakise. 6Ketiya Jisu pora tarkhan ke koise, “Moi he ase,” tarkhan piche phale maati te girise. 7Eitu karne Tar pora arubhi hudise, “Tumikhan kon ke bisari ase?” Aru tarkhan pora koise, “Nazareth laga Jisu.” 8Jisu he jawab dise, “Moi he ase eneka koi dise. Eitu karne jodi tumikhan pora Moi ke bisari ase, tetiya eitu khan ke jabole dibi.” 9“Apuni kon Moi logot te dise eitu khan majot te ekjon bhi hara nai.” Eitu kotha hidho hobo nimite Tar pora eitu koi dise: 10Tetiya Simon Peter, kon pora taruwal bukhi thakise, eitu ulai kene mahan puruhit laga nokor laga daina kan kati kene girai dise. (Eitu nokor laga nam tu Malchus thakise) 11Eitu karne Jisu he Peter logot te koise, “Tumi laga taruwal miyan te rakhi lobi; Pitri pora Moi ke pibole diya cup napibo neki?”
Mahan Puruhit Aage Te Jisu
12Eitu karne sepahi aru tarkhan laga senapoti aru Jews laga solaongta khan ahhi kene Jisu ke dhorise aru bandhi loise. 13Sobse pahila tarkhan pora Annas usor te loi jaise, kilemane heitu saal te tar mahan puruhit Caiaphas laga sasuri thakise. 14Eitu eke Caiaphas pora he Jews khan ke budhi di kene koise, manuh khan sob nimite te ekjon morai diya tu he bhall ase.
Peter Pora Jisu Ke Tiyag Kora
15Simon Peter pora Jisu piche te jaise, aru dusera chella ekjon bhi thakise. Kilemane eitu chella tu maha puruhit logot te china jana thaka karne tar Jisu logot te maha puruhit laga ghor varanda bhitor tak jaise, 16Kintu Peter tu bahar phale dorja usor te khara kori thakise. Eitu karne chella kon maha puruhit logot te china jana thakise, tar jai kene dorja roikhya kori thaka nokorani logot te kotha pati kene Peter bhi bhitor te anise. 17Tetiya dorja te thaka nokorani pora Peter ke koise, “Apuni bhi eitu manuh laga chella ekjon thakise nahoi neki?” Tar pora koise, “Moi tu nahoi.” 18Eitu homoi te solaongta khan aru nokor khan jama kori kene jui jolaise, kilemane eitu thanda thakise, aru tar khan sob khara kori kene gorom kori thakise. Peter bhi tarkhan usor te khara kori kene nijor bhi gorom kori thakise.
Maha Puruhit Pora Jisu Ke Prosno Kora
19Tetiya maha puruhit pora Jisu ke, tar pora sikhai diya aru Tar chella khan laga kotha hudise. 20Jisu pora tar ke jawab di kene koise, “Moi manuh khan aage te sob pora huni kene he koi thakise. Moi hodai mondoli te he sikhai thakise, aru tate Jews khan bhi sob ahhi thakise. Moi lukai kene eku kua nai. 21Apuni kile Moi ke prosno kori ase? Moi kua kotha huna khan ke Moi ki koise eitu hudibi; Moi ki koise tarkhan pora jani ase.” 22Ketiya Tar pora eitu koise, solaongta majot te ekjon Jisu usor te thakise, tar laga haat pora Jisu ke thapor mari kene koise, “Maha puruhit logot te eneka jawab di ase neki?” 23Jisu he tar ke jawab dise, “Jodi Moi kua kotha tu galti ase, tetiya galti laga sakhi dibi; kintu jodi moi kua tu thik ase, tetiya kile tumi moi ke mari ase?” 24Eitu pasot te bandhi kene Annas pora maha-puruhit, Caiaphas logot te pathaise.
Peter Pora Jisu Ke Arubhi Tiyag Kora
25Heitu homoi te Simon Peter khara kori kene nijor gorom kori thakise. Eitu homoi te tarkhan pora tar ke koise, “Tumi bhi tar laga chella ekjon nahoi neki?” Tar pora oshikar kori kene koise, “Moi tu nahoi.” 26Mahan puruhit laga nokor majot te Peter pora kan kati diya manuh laga khandan ekjon pora koise, “Moi tumi ke heitu bari te dekha nai neki?” 27Peter pora arubhi oshikar kori dise aru loge loge murga pora dag dise.
Pilate Usor Te Jisu
28Tetiya tarkhan pora Jisu ke Caiaphas laga ghor pora Rajyopal laga Rajdhani te loi jaise. Eitu ekdom phujor thakise. Tarkhan letra nahoi kene Par-Hua porokh thik khabo karne; tarkhan kon bhi Rajyopal laga Rajdhani te humai jua nai. 29Eitu karne Pilate nijor he bahar te ulaise aru koise, “Eitu manuh upor te tumikhan pora ki galti loi kene anise?” 30Tarkhan pora koise, “Eitu manuh pora jodi beya kam nakorile, amikhan pora apuni usor te nanibole thakise.” 31Pilate pora tarkhan ke koise, “Tar ke loi jabi, aru tumikhan laga kanoon hisap te bichar koribi.” Jews khan pora tar ke koise, “Manuh ekjon ke morai dibole amikhan laga kanoon te nai.” 32Jisu pora tar keneka moribole ase, eitu kotha koi di kene thaka hidho hobo nimite eneka hoise.
Moi Laga Rajyo Tu Eitu Prithibi Laga Nahoi
33Eitu karne Pilate tar nijor ghor bhitor te humai jaise, aru Jisu ke mati kene tar ke koise, “Tumi Jews laga Raja ase neki?” 34Jisu he jawab dise, “Apuni eitu kotha tu nijor bhabna pora koi ase na, nahole konuba pora Moi laga apuni ke koise?” 35Pilate pora jawab dise, “Moi Jews ase neki? Tumi nijor zati khan aru prodhan puruhit khan pora moi laga haat te tumi di dise. Tumi ki korise?” 36Jisu he jawab dise, “Moi laga rajyo tu eitu prithibi laga nahoi. Jodi Moi laga rajyo eitu prithibi laga hole, Moi Jews laga haat te nadibo karne Moi laga nokor khan larai te pathai dibole ase. Kintu Moi laga rajyo tu eitu prithibi laga nahoi.” 37Tetiya Pilate pora Tar ke koise, “Tumi raja ase?” Jisu he uttar dise, “Apuni he Moi raja ase eneka koi ase. Eitu nimite te he Moi jonom loise, aru eitu nimite he Moi prithibi te ahhise—hoityo laga sakhi dibo nimite. Kiman jon hoityo laga ase tarkhan pora Moi laga awaz huni loi.” 38Pilate pora Tar ke koise, “Hoityo tu ki ase?”
Tar pora eitu kua pasot te, arubhi bahar te ulaise aru Jews khan ke koise, “Tar logot te moi eku galti pua nai. 39Kintu Par-Hua porokh te manuh ekjon ke shari dibole tumikhan laga ekta niyom ase. Eitu karne Jews laga Raja ke shari dibole tumikhan monjur ase na nai?” 40Tarkhan jur pora chillai kene koise, “Tar ke nahoi, kintu Barabbas!” Eitu Barabbas tu dacoit thakise.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.