Luka 22
22
Abeemilisi babandu basanjila Yesu
(Mat. 26.1-5; Mk. 14.1-2,10-11; Yoh. 11.45-53)
1Haho lisabo liOmukaate okubulamwo amamela liali ahambi okhuula, elilangwa mbu Pasaka. 2Nabo abakhulundu babakuhani nende abahandiichi bali nibakhaabanga shinga olwa ba khamwira, shichila bali nibariitsanga abandu.
3Haho Setani yeenjila muYuda owalangwa mbu Isikariote, owali mulala khubeenabo Ekhuminababili. 4Naye narula natsia, nasungana nende abakhulundu babakuhani nende abaseesia, shinga olwa yakhamukhoba mumakhono kabwe. 5Nabo nibasangaala, nibalakana ninaye okhumuheelesia amapeesa. 6Naye nafuchiilila, nakhaaba obwiyangu okhumuhaana mumakhono kabwe olwa abemikanda bakhaba nibabulaho.
Yesu yalia Pasaka halala nabeechibe
(Mat. 26.17-25; Mk. 14.12-21; Yoh. 13.21-30)
7Mana inyanga yemikaate echibulamwo amamela niyula, eya bali nibakhoyile okhumalilangakhwo Pasaka. 8Naye yaruma Petero naYohana, ari Tsie mukhukasilie Pasaka, khuliekhwo. 9Nibamureeba, bari Hali heena aha wenya khukasilie? 10Nabasunjila mbu Lole, olwa namube nimwakheenjila mwitookho, mulabukaana nende omusaatsa owituushile isiongo yamatsi; mumulondekhwo munzu ewa aleenjila. 11Mana musunjile omusaatsa omwenengo muri Omwechesia akhureeba mbu Shili heena eshisika shiobucheni omwa nendiile Pasaka halala nende abeechi banje? 12Naye alamumanyia eshisika eshikali eshiahekulu eshialilwe; mubwenomwo mukasiliemwo. 13Nibarula, nibanyoola bario shinga olwa yali nabasunjiile; nibakasia Pasaka. 14Ne olwa isaa yali niyulile, niyeekhala, nende abarume abo halala ninaye.
Okhusimikha khwelisabo liOMWAMI
(Mat. 26.16-30; Mk. 14.22-26; 1 Kor. 11.23-26)
15Nababoolela ari Okhwikomba ndiikombile okhulia nineenywe Pasaka yino nishili okhusaalila; 16okhuba emuboolela mbu shindakhaliekhwo ta okhuula olwa lilaba niliusiibwe mubwami bwaNyasaye. 17Nabukula eshikombe, ne namalile okhukhupa Orio, yasunga ari Bukule kano, mukabane inywe abeene; 18okhuba emuboolela mbu okhurula olwa leelo shindalanywa khubiamo biemitsabibu ta okhuula obwami bwaNyasaye olwa buliba nibwitsile. 19Mana nabukula omukaate, ne nnmalile okhukhupa Orio, yakusonyola, nabaheelesia, nasunga ari Kuno nomubili kwanje okuhaanwa khulweenywe; mukholenje murio nimunzitsulila. 20Eshikombe shiosi ario, olwa bali nibamalile okhulia, nasunga mbu Eshikombe shino neIndakano imbia mumabanga kanje, akeebeenela inywe. 21Ne lole, omukhono kwa oyo oukhoba kuli ninasi halala khumeesa yino. 22Okhuba toto mwene, Omwana wOmundu yeenyokha, shinga olwa kakasibwa; ne wowe khumundu oyo oumukhoba! 23Mana nibachaaka okhureebana abeene nabeene mbu niwina khubo oulakhola likhuwa elo.
Obuyingani khulwa bukhulundu
24Nibachaaka okhuyingana mbu niwina khubo oupaarwa mbu nomukhongo? 25Naye nabasunjila ari Abaruchi bAbamahanga bali nobwami khubo; nabo ababarukanga balangungwa mbu Abaami bobukoosia. 26Ne inywe shimulaba murio ta; nebutswa ouli omukhongo mwinywe, yeekhole shinga omutuutu; nouli omukhulundu, shinga oukhalabana. 27Shichila omukhongo ali heena, oyo owikhala khukhulia, nohomba oyo oukhalabana? Shiali oyo owikhala khukhulia? Ne isie endi hakari weenywe shinga oukhalabana. 28Ne inywe ninywe abahonjilenje ninasi mukhuteemwa khwanje khwosi 29nasi eraho obwami bube obweenywe, shinga Papa olwa yaraho khulwanje, 30mbu mulie nimunywa khumeesa yanje mubwami bwanje, ne muliikhala khubifumbi nimuyaasia tsimbia ekhumi natsibili tsiaIsiraeli.
Yesu yaboola khale aka Petero okhumwambakhana
(Mat. 26.31-35; Mk. 14.27-31; Yoh. 13.36-38)
31Simoni, Simoni, lola, Setani yasabile inywe, mbu amusekundule shinga ingano; 32nebutswa isie ekhusaayiile iwe, mbu obusuubilibwo buleshe okhwakama; nawe olwa olaba niwikalukhasiye, tinyia abashio. 33Namusunjila ari Omwami, nindi ninawe ndirecheeshe okhutsia kata mumbohe, kata mukhufwa. 34Naye nasunga ari Petero, ekhuboolela mbu itaywa shiyilalakula inyanga yino ta, okhuula olwa olaba niwiyambakhaane okhuula khataru mbu shiumanyile tawe.
Iloloti, nomufuuko, nolukanga
35Mana nabareeba ari Olwa ndamuruma ebulafu harali iloloti, kata omufuuko, kata ebilaaro ta, mwatambakhwo eshindu? Nabo bari Tawe. 36Nabasunjila ari Ne bulaano, ouli nende iloloti achibukule, nende omufuuko nakwo kurio; ne oubula olukanga, akusie inguboye akule. 37Shichila emuboolela mbu knno akahandiikwa kakhoyile okhuusibwa mwisie, mbu Ne yabalilwa halala nende abakhayi; shichila akali khwisie koosibungwa. 38Nibamusunjila bari Omwami, lola, tsinganga tsibili nzietsino. Nakalusia mbu Kahelile.
Yesu yasaayila mumukunda
(Mat. 26.36-46; Mk. 14.32-42)
39Mana narula, natsia ebunashikulu shiEmitseituni, eshiimashie shinga olwa shialinji, abeechi nibalondana ninave.
40Nolwa yali nali habundu tsana, yabasunjila ari Saaye mbu muleshe okhwinjila mukhuteemwa. 41Nomwene yaahukhana ninabo hatiiti shinga aha onyala okhulasa lichina; nasikama, nasaaya 42naboola mbu Papa, noba nochama, umbiniekhwo eshikombe shino; nebutswa kareekhola akokhwenya khwanje ta, habula akokhukhwo.
43Mana malaika yamuloleshela okhurula mwikulu, namumeetela amaani. 44Naye, olwa yali mumatinyu yameeta okhusaaya muno; oluchesilwe nalwo nilufwana shinga ebiroonyelesi ebikhongo biamatsayi niluroonyanga hasi.
45Ne olwa yarula mukhusaayakhwe, yabeetsela abeechi abo, nabanyoola nibali mundoolo khulwa eshibeela, 46nabasunjila ari Mukonanga mbushiina? Buushe, musaaye, mbu muleshe okhwinjila mukhuteemwa.
Yesu yakhobwa, nahambwa
(Mat. 26.47-56; Mk. 14.43-50; Yoh. 18.2-11)
47Olwa yali nashisunga, lola, omukanda ngwokwo, nende oyo owalangwa mbu Yuda mulala khwlkhuminababili abo, nakuranjilila; nasita ahambi nende Yesu mbu amutsunzuune. 48Ne Yesu namusunjila mbu Yuda, kho omukhoba Omwana wOmundu nomutsunzuuna?
49Nabo aba yali ninabo, olwa balola akeetsa okhwikhola shinga olwa kali, bareeba bari Omwami, khubareme nolukanga noho? 50Ne oundi khubo nakhupa omusumba wOmukuhani Omukhulundu namurema eshirwi shisaatsa. 51Nebutswa Yesu vakalusia, naboola ari Leshele yaho! Natiilakhwo khushirwishie, namuhonia.
52Yesu nasunjila abakhulundu babakuhani, nende abaseesia abomuhekalu, nende abakofu, abali nibarulile okhumuyinga, ari Murulile nende tsinganga netsindabushi, shinga abeetsela omunuuli? 53Olwa ndabeelenje nineenywe halala muhekalu khatsotselo, shimwachinga amakhono keenywe okhuyinga tawe; ne shino neshise shieenywe nende eshiobunyali bweshiilima.
Petero yamwambakhana Yesu
(Mat. 26.57-58,69-75; Mk. 14.53-54,66-72; Yoh. 18.12-18,25-27)
54Nibamuhamba, nibamuyila, nibamuusia ebunanzu wOmukuhani Omukhulundu. Ne Petero yali ehalekhwo namulondangakhwo. 55Ne olwa bali nibabwanile omulilo mukari mulwanyi olwo, nibeekhaale bosi halala, Petero yeekhala hakari mubo. 56Ne omukhaana undi namulola niyeekhaale aha omulilo kwashilanga, namurangaala butinyu, nasunga mbu Omusaatsa uno yesi yabeele ninaye. 57Naye niyeeyambakhana, ari Omukhasi iwe, kata shimumanyile ta. 58Hatiitikhwo, oundi namulola, nasunga mbu Nawe wesi oli mulala khubo. Naye Petero naboola ari Omusaatsa iwe, shindikhwo ta. 59Nolunyuma Iweshise shinga eshieisaa ndala, oundi yesi yatinyisia okhuboola, ari Toto mwene, omusaatsa uno yesi yabeele ninaye; shichila nomuGalilaya. 60Naye Petero naboola mbu Omusaatsa iwe, shimanyile aka osunganga ta. Habwenaho, olwa yali nashiboola itaywa niyilakula. 61Omwami nashiukhana, namuhenga Petero. Mana Petero niyeetsulila likhuwa liOmwami, shinga olwa yali namusunjiile, mbu Itaywa niyishili okhulakula leelo ta, naundiyambakhane okhuula khataru. 62Narula, nalila bululu.
Yesu yanyokhoosibwa, nanywekhwa
(Mat. 26.67-68; Mk. 14.65)
63Abandu abali nibamutiilile Yesu bamunyokhoosia, nibamuupa; 64nibamutimbia tsimoni, nibamureeba bari Okhulakulile; oukhuupile niwina? 65Khandi basunga amakhuwa kandi amanji okhumuyinga nibamunyeka.
Okhuyaasibwa khwaYesu
(Mat. 26.59-66; Mk. 14.55-64; Yoh. 18.19-24)
66Ne nibwakhashia, omukhung'aano kwabakofu babandu kwali nikukhung'aanile halala, abakhulundu babakuhani nende abahandiichi bosi; nibamuyila mushiina shiabwe, nibasunga bari 67Noba noli iwe Kristo watsana, okhuboolele. Naye nabakalusia mbu Nimba nimuboolela, shimulasuubila ta; 68kata nimba nimureeba, shimulakalusia ta. 69Ne okhurula olwa leelo Omwana wOmundu aleekhalanga khumukhono musaatsa kwobunyali bwaNyasaye. 70Bosi nibamureeba bari Kho niwe Omwana waNyasaye? Nabakalusia ari Ninywe ababoolile murio, shichila isie nisie. 71Nabo bari, Khushikhaaba obuloli bundi mbushi? Okhuba ifwe khwakhakahulila mumunwa kukwe omwene.
ទើបបានជ្រើសរើសហើយ៖
Luka 22: OUV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oluluyia Union Version © Bible Society of Kenya 1975
Luka 22
22
Abeemilisi babandu basanjila Yesu
(Mat. 26.1-5; Mk. 14.1-2,10-11; Yoh. 11.45-53)
1Haho lisabo liOmukaate okubulamwo amamela liali ahambi okhuula, elilangwa mbu Pasaka. 2Nabo abakhulundu babakuhani nende abahandiichi bali nibakhaabanga shinga olwa ba khamwira, shichila bali nibariitsanga abandu.
3Haho Setani yeenjila muYuda owalangwa mbu Isikariote, owali mulala khubeenabo Ekhuminababili. 4Naye narula natsia, nasungana nende abakhulundu babakuhani nende abaseesia, shinga olwa yakhamukhoba mumakhono kabwe. 5Nabo nibasangaala, nibalakana ninaye okhumuheelesia amapeesa. 6Naye nafuchiilila, nakhaaba obwiyangu okhumuhaana mumakhono kabwe olwa abemikanda bakhaba nibabulaho.
Yesu yalia Pasaka halala nabeechibe
(Mat. 26.17-25; Mk. 14.12-21; Yoh. 13.21-30)
7Mana inyanga yemikaate echibulamwo amamela niyula, eya bali nibakhoyile okhumalilangakhwo Pasaka. 8Naye yaruma Petero naYohana, ari Tsie mukhukasilie Pasaka, khuliekhwo. 9Nibamureeba, bari Hali heena aha wenya khukasilie? 10Nabasunjila mbu Lole, olwa namube nimwakheenjila mwitookho, mulabukaana nende omusaatsa owituushile isiongo yamatsi; mumulondekhwo munzu ewa aleenjila. 11Mana musunjile omusaatsa omwenengo muri Omwechesia akhureeba mbu Shili heena eshisika shiobucheni omwa nendiile Pasaka halala nende abeechi banje? 12Naye alamumanyia eshisika eshikali eshiahekulu eshialilwe; mubwenomwo mukasiliemwo. 13Nibarula, nibanyoola bario shinga olwa yali nabasunjiile; nibakasia Pasaka. 14Ne olwa isaa yali niyulile, niyeekhala, nende abarume abo halala ninaye.
Okhusimikha khwelisabo liOMWAMI
(Mat. 26.16-30; Mk. 14.22-26; 1 Kor. 11.23-26)
15Nababoolela ari Okhwikomba ndiikombile okhulia nineenywe Pasaka yino nishili okhusaalila; 16okhuba emuboolela mbu shindakhaliekhwo ta okhuula olwa lilaba niliusiibwe mubwami bwaNyasaye. 17Nabukula eshikombe, ne namalile okhukhupa Orio, yasunga ari Bukule kano, mukabane inywe abeene; 18okhuba emuboolela mbu okhurula olwa leelo shindalanywa khubiamo biemitsabibu ta okhuula obwami bwaNyasaye olwa buliba nibwitsile. 19Mana nabukula omukaate, ne nnmalile okhukhupa Orio, yakusonyola, nabaheelesia, nasunga ari Kuno nomubili kwanje okuhaanwa khulweenywe; mukholenje murio nimunzitsulila. 20Eshikombe shiosi ario, olwa bali nibamalile okhulia, nasunga mbu Eshikombe shino neIndakano imbia mumabanga kanje, akeebeenela inywe. 21Ne lole, omukhono kwa oyo oukhoba kuli ninasi halala khumeesa yino. 22Okhuba toto mwene, Omwana wOmundu yeenyokha, shinga olwa kakasibwa; ne wowe khumundu oyo oumukhoba! 23Mana nibachaaka okhureebana abeene nabeene mbu niwina khubo oulakhola likhuwa elo.
Obuyingani khulwa bukhulundu
24Nibachaaka okhuyingana mbu niwina khubo oupaarwa mbu nomukhongo? 25Naye nabasunjila ari Abaruchi bAbamahanga bali nobwami khubo; nabo ababarukanga balangungwa mbu Abaami bobukoosia. 26Ne inywe shimulaba murio ta; nebutswa ouli omukhongo mwinywe, yeekhole shinga omutuutu; nouli omukhulundu, shinga oukhalabana. 27Shichila omukhongo ali heena, oyo owikhala khukhulia, nohomba oyo oukhalabana? Shiali oyo owikhala khukhulia? Ne isie endi hakari weenywe shinga oukhalabana. 28Ne inywe ninywe abahonjilenje ninasi mukhuteemwa khwanje khwosi 29nasi eraho obwami bube obweenywe, shinga Papa olwa yaraho khulwanje, 30mbu mulie nimunywa khumeesa yanje mubwami bwanje, ne muliikhala khubifumbi nimuyaasia tsimbia ekhumi natsibili tsiaIsiraeli.
Yesu yaboola khale aka Petero okhumwambakhana
(Mat. 26.31-35; Mk. 14.27-31; Yoh. 13.36-38)
31Simoni, Simoni, lola, Setani yasabile inywe, mbu amusekundule shinga ingano; 32nebutswa isie ekhusaayiile iwe, mbu obusuubilibwo buleshe okhwakama; nawe olwa olaba niwikalukhasiye, tinyia abashio. 33Namusunjila ari Omwami, nindi ninawe ndirecheeshe okhutsia kata mumbohe, kata mukhufwa. 34Naye nasunga ari Petero, ekhuboolela mbu itaywa shiyilalakula inyanga yino ta, okhuula olwa olaba niwiyambakhaane okhuula khataru mbu shiumanyile tawe.
Iloloti, nomufuuko, nolukanga
35Mana nabareeba ari Olwa ndamuruma ebulafu harali iloloti, kata omufuuko, kata ebilaaro ta, mwatambakhwo eshindu? Nabo bari Tawe. 36Nabasunjila ari Ne bulaano, ouli nende iloloti achibukule, nende omufuuko nakwo kurio; ne oubula olukanga, akusie inguboye akule. 37Shichila emuboolela mbu knno akahandiikwa kakhoyile okhuusibwa mwisie, mbu Ne yabalilwa halala nende abakhayi; shichila akali khwisie koosibungwa. 38Nibamusunjila bari Omwami, lola, tsinganga tsibili nzietsino. Nakalusia mbu Kahelile.
Yesu yasaayila mumukunda
(Mat. 26.36-46; Mk. 14.32-42)
39Mana narula, natsia ebunashikulu shiEmitseituni, eshiimashie shinga olwa shialinji, abeechi nibalondana ninave.
40Nolwa yali nali habundu tsana, yabasunjila ari Saaye mbu muleshe okhwinjila mukhuteemwa. 41Nomwene yaahukhana ninabo hatiiti shinga aha onyala okhulasa lichina; nasikama, nasaaya 42naboola mbu Papa, noba nochama, umbiniekhwo eshikombe shino; nebutswa kareekhola akokhwenya khwanje ta, habula akokhukhwo.
43Mana malaika yamuloleshela okhurula mwikulu, namumeetela amaani. 44Naye, olwa yali mumatinyu yameeta okhusaaya muno; oluchesilwe nalwo nilufwana shinga ebiroonyelesi ebikhongo biamatsayi niluroonyanga hasi.
45Ne olwa yarula mukhusaayakhwe, yabeetsela abeechi abo, nabanyoola nibali mundoolo khulwa eshibeela, 46nabasunjila ari Mukonanga mbushiina? Buushe, musaaye, mbu muleshe okhwinjila mukhuteemwa.
Yesu yakhobwa, nahambwa
(Mat. 26.47-56; Mk. 14.43-50; Yoh. 18.2-11)
47Olwa yali nashisunga, lola, omukanda ngwokwo, nende oyo owalangwa mbu Yuda mulala khwlkhuminababili abo, nakuranjilila; nasita ahambi nende Yesu mbu amutsunzuune. 48Ne Yesu namusunjila mbu Yuda, kho omukhoba Omwana wOmundu nomutsunzuuna?
49Nabo aba yali ninabo, olwa balola akeetsa okhwikhola shinga olwa kali, bareeba bari Omwami, khubareme nolukanga noho? 50Ne oundi khubo nakhupa omusumba wOmukuhani Omukhulundu namurema eshirwi shisaatsa. 51Nebutswa Yesu vakalusia, naboola ari Leshele yaho! Natiilakhwo khushirwishie, namuhonia.
52Yesu nasunjila abakhulundu babakuhani, nende abaseesia abomuhekalu, nende abakofu, abali nibarulile okhumuyinga, ari Murulile nende tsinganga netsindabushi, shinga abeetsela omunuuli? 53Olwa ndabeelenje nineenywe halala muhekalu khatsotselo, shimwachinga amakhono keenywe okhuyinga tawe; ne shino neshise shieenywe nende eshiobunyali bweshiilima.
Petero yamwambakhana Yesu
(Mat. 26.57-58,69-75; Mk. 14.53-54,66-72; Yoh. 18.12-18,25-27)
54Nibamuhamba, nibamuyila, nibamuusia ebunanzu wOmukuhani Omukhulundu. Ne Petero yali ehalekhwo namulondangakhwo. 55Ne olwa bali nibabwanile omulilo mukari mulwanyi olwo, nibeekhaale bosi halala, Petero yeekhala hakari mubo. 56Ne omukhaana undi namulola niyeekhaale aha omulilo kwashilanga, namurangaala butinyu, nasunga mbu Omusaatsa uno yesi yabeele ninaye. 57Naye niyeeyambakhana, ari Omukhasi iwe, kata shimumanyile ta. 58Hatiitikhwo, oundi namulola, nasunga mbu Nawe wesi oli mulala khubo. Naye Petero naboola ari Omusaatsa iwe, shindikhwo ta. 59Nolunyuma Iweshise shinga eshieisaa ndala, oundi yesi yatinyisia okhuboola, ari Toto mwene, omusaatsa uno yesi yabeele ninaye; shichila nomuGalilaya. 60Naye Petero naboola mbu Omusaatsa iwe, shimanyile aka osunganga ta. Habwenaho, olwa yali nashiboola itaywa niyilakula. 61Omwami nashiukhana, namuhenga Petero. Mana Petero niyeetsulila likhuwa liOmwami, shinga olwa yali namusunjiile, mbu Itaywa niyishili okhulakula leelo ta, naundiyambakhane okhuula khataru. 62Narula, nalila bululu.
Yesu yanyokhoosibwa, nanywekhwa
(Mat. 26.67-68; Mk. 14.65)
63Abandu abali nibamutiilile Yesu bamunyokhoosia, nibamuupa; 64nibamutimbia tsimoni, nibamureeba bari Okhulakulile; oukhuupile niwina? 65Khandi basunga amakhuwa kandi amanji okhumuyinga nibamunyeka.
Okhuyaasibwa khwaYesu
(Mat. 26.59-66; Mk. 14.55-64; Yoh. 18.19-24)
66Ne nibwakhashia, omukhung'aano kwabakofu babandu kwali nikukhung'aanile halala, abakhulundu babakuhani nende abahandiichi bosi; nibamuyila mushiina shiabwe, nibasunga bari 67Noba noli iwe Kristo watsana, okhuboolele. Naye nabakalusia mbu Nimba nimuboolela, shimulasuubila ta; 68kata nimba nimureeba, shimulakalusia ta. 69Ne okhurula olwa leelo Omwana wOmundu aleekhalanga khumukhono musaatsa kwobunyali bwaNyasaye. 70Bosi nibamureeba bari Kho niwe Omwana waNyasaye? Nabakalusia ari Ninywe ababoolile murio, shichila isie nisie. 71Nabo bari, Khushikhaaba obuloli bundi mbushi? Okhuba ifwe khwakhakahulila mumunwa kukwe omwene.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oluluyia Union Version © Bible Society of Kenya 1975