Luka 14
14
Yesu yahonia owelibombo
1Olwa yeenjila munzu yamulala khubakhulundu babaFarisayo khuSabato okhulia ebiliibwa, bali nibamuyichilanga. 2Ne lola, yali naliho hambeliwe omundu undi owali nobulwale bwelibombo. 3Yesu nakalusia, nasunjila abakhulundu bamalako nende abaFarisayo, ari Kafuchiililwa okhuhonia khuSabato, nohomba ta? 4Nabo nibaholeela tsi. Naye namubukula, namuhonia, namuseebula. 5Mana nabareeba ari Niwina khwinywe, isishiliye kata ing'ombeye nivikwile mwiyabo liamatsi, ne narachikhwesa habwene nahabwene, achirusiemwo khunyanga yaSabato? 6Nibakhaywa okhumukalusia amakhuwa ako.
Eliechesio liabacheni nende omwene hango
7Mana nakhupa oluchelo khubalanje, olwa yalola shinga olwa balobolanga obwikhalo obukhulundu; nabasunjila ari 8Olwa omundu yesi akhulanga mwisabo lieshiselelo, oreekhala mubwikhalo obukhulundu ta; haundi oundi oukhushila iwe oluyali yakhaba nalanjilwe 9mana owakhulanga iwe ninaye yakheetsa nakhubiila mbu Omwikulile omundu uno; nawe nohambibwa tsisoni, nochaaka okhwisenda mubwikhalo obutuutu. 10Ne olwa olangwa, tsia wiyikhasie mubwikhalo obutuutu; mbu mana olwa yeetsa owakhulanga, akhubiile ari Omwitsa wanje, sitakhwo emukulu; kho orio olaba noluyali imbeli wa abo bosi aba wikhaale ninabo habiliibwa. 11Okhuba buli mundu owiyemekha omwene alatiitiyibwa; nowitiitiyia omwene aleemekhwa.
12Namusunjila oyo owali namulanjile yesi, ari Olwa oteekha lisabo, kata eliomushiteere kata eliomungoloobe, oralanga abeetsabo, kata abaana beenywe, kata abeekho, kata abamenyanibo abayinda tawe; haundi bo bakhakhulanga olundi, onyoole omukalusio. 13Ne olwa oteekha lisabo, olanje abamanani, nabalema, nabetsindieku, nababofu; 14nawe olaheebwa ikhabi; shichila bo shibali nende eshia bakhukalusilia ta; okhuba olakalusilibwa khubulamushi bwabalunjishi.
Oluchelo lwelisabo likhongo
15Ne mulala khubo aba yeekhala ninabo habiliibwa olwa yahulila amakhuwa ako, yamusunjila ari Noweikhabi oulilia ebiliibwa mubwami bwaNyasaye. 16Naye namusunjila mbu Omundu undi yateekha lisabo likhongo, nalanga abandu abanji; 17naruma omusumbawe khusaa yokhulia okhubabiila abalanjilwe, mbu Mwitse; okhuba biosi bimalile okhwirechekha. 18Ne bosi bachaaka okhuleera ebibeehele ebiokhwibalula khumunwa mulala. Owambeli yamusunjila ari Ndakulile omukunda, ekhoyile okhutsia okhukulambuula; chama undeshele. 19Oundi naboola ari Ndakulile tsing'ombe tsiamakokolo karaano; enzia okhutsiteema; chama undeshele. 20Oundi naboola ari Ndateeshiye omukhasi; khulwako shinyala okhwitsa ta. 21Omusumba oyo nakalukha, naboolela omwamiwe amakhuwa ako. Mana omwenengo nasinyikha, naboolela omusumbawe ari Rula bwangu, otsie khumihanda nende khunjila etsiomwitookho, oleere hano abamanani, nende abalema, nende ababofu, nende abetsindieku. 22Omusumba namusunjila mbu Omwami, aka olachile kamalile okhukholwa, ne obwiyangu bushiliho. 23Omwami namuboolela omusumba ari Rula otsie khumihanda nende mutsingaka, obanichilisie okhwinjila, mbu inzu yanje yitsule. 24Shichila ekhusunjila mbu abulaho khubalangwa oulakoonyelela khwisabo lianje ta.
Owenya okhuba omwechi ayililisie khumatinyu khale
25Emikanda emikhongo chiali nichilondananga ninaye; naye yashiukhana, nabasunjila mbu 26Omundu yesi naba niyanzitsila, ne narachwang'a samwana, nende nyina, nende omukhasiwe, nende abaanabe, nende abaana babwe nabambootso, toto, kata nende obulamu bubwe omwene, shianyala okhuba omwechi wanje ta. 27Oureetuushile omusalaba kukwe omwene, wanondakhwo, shianyala okhuba omwechi wanje ta 28Okhuba ali heena khwinywe, niyeenya okhuumbakha omunaara, nararanjilila weekhala nabasia obukusi, naba nali nende ebia akumalilisilia? 29Nebutswa olwa yakhaba nakhupile omuse, naranyala okhumalilisia ta, bosi abalola bakhachaaka okhumutseshelela, 30bari Omundu uno yachaaka okhuumbakha, naranyala okhumalilisia ta. 31Iiata nimuruchi shiina outsiitsanga okhwakaana nende omuruchi undi khwihe, nararanjilila weekhala nayililisia naba niyakhanyala okhwakaana nende oyo owitsa okhumuseera nende abandu ebikhumila amakhumi kabili, omwene olwa ali nende ebikhumila likhumi? 32Nebutswa oundi oyo olwa ashili ehale, aruma oburume nareeba akakhoyeele omulembe. 33Kho kario omundu yesi mwinywe ouralekha biosi ebia ali ninabio, shianyala okhuba omwechi wanje ta.
Omunyu omutsinzibu
(Mat. 5.13; Mk. 9.50)
34Kho omuunyu nomulayi; ne kata omuunyu nikuba nikutsinziibe, wakhakulunga nende shiina? 35Shikukasila kata liloba kata eshipiitsi shieimbolela ta; abandu bakusukuna butswa. Ouli namarwi akokhuhulilila, ahulile.
ទើបបានជ្រើសរើសហើយ៖
Luka 14: OUV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oluluyia Union Version © Bible Society of Kenya 1975
Luka 14
14
Yesu yahonia owelibombo
1Olwa yeenjila munzu yamulala khubakhulundu babaFarisayo khuSabato okhulia ebiliibwa, bali nibamuyichilanga. 2Ne lola, yali naliho hambeliwe omundu undi owali nobulwale bwelibombo. 3Yesu nakalusia, nasunjila abakhulundu bamalako nende abaFarisayo, ari Kafuchiililwa okhuhonia khuSabato, nohomba ta? 4Nabo nibaholeela tsi. Naye namubukula, namuhonia, namuseebula. 5Mana nabareeba ari Niwina khwinywe, isishiliye kata ing'ombeye nivikwile mwiyabo liamatsi, ne narachikhwesa habwene nahabwene, achirusiemwo khunyanga yaSabato? 6Nibakhaywa okhumukalusia amakhuwa ako.
Eliechesio liabacheni nende omwene hango
7Mana nakhupa oluchelo khubalanje, olwa yalola shinga olwa balobolanga obwikhalo obukhulundu; nabasunjila ari 8Olwa omundu yesi akhulanga mwisabo lieshiselelo, oreekhala mubwikhalo obukhulundu ta; haundi oundi oukhushila iwe oluyali yakhaba nalanjilwe 9mana owakhulanga iwe ninaye yakheetsa nakhubiila mbu Omwikulile omundu uno; nawe nohambibwa tsisoni, nochaaka okhwisenda mubwikhalo obutuutu. 10Ne olwa olangwa, tsia wiyikhasie mubwikhalo obutuutu; mbu mana olwa yeetsa owakhulanga, akhubiile ari Omwitsa wanje, sitakhwo emukulu; kho orio olaba noluyali imbeli wa abo bosi aba wikhaale ninabo habiliibwa. 11Okhuba buli mundu owiyemekha omwene alatiitiyibwa; nowitiitiyia omwene aleemekhwa.
12Namusunjila oyo owali namulanjile yesi, ari Olwa oteekha lisabo, kata eliomushiteere kata eliomungoloobe, oralanga abeetsabo, kata abaana beenywe, kata abeekho, kata abamenyanibo abayinda tawe; haundi bo bakhakhulanga olundi, onyoole omukalusio. 13Ne olwa oteekha lisabo, olanje abamanani, nabalema, nabetsindieku, nababofu; 14nawe olaheebwa ikhabi; shichila bo shibali nende eshia bakhukalusilia ta; okhuba olakalusilibwa khubulamushi bwabalunjishi.
Oluchelo lwelisabo likhongo
15Ne mulala khubo aba yeekhala ninabo habiliibwa olwa yahulila amakhuwa ako, yamusunjila ari Noweikhabi oulilia ebiliibwa mubwami bwaNyasaye. 16Naye namusunjila mbu Omundu undi yateekha lisabo likhongo, nalanga abandu abanji; 17naruma omusumbawe khusaa yokhulia okhubabiila abalanjilwe, mbu Mwitse; okhuba biosi bimalile okhwirechekha. 18Ne bosi bachaaka okhuleera ebibeehele ebiokhwibalula khumunwa mulala. Owambeli yamusunjila ari Ndakulile omukunda, ekhoyile okhutsia okhukulambuula; chama undeshele. 19Oundi naboola ari Ndakulile tsing'ombe tsiamakokolo karaano; enzia okhutsiteema; chama undeshele. 20Oundi naboola ari Ndateeshiye omukhasi; khulwako shinyala okhwitsa ta. 21Omusumba oyo nakalukha, naboolela omwamiwe amakhuwa ako. Mana omwenengo nasinyikha, naboolela omusumbawe ari Rula bwangu, otsie khumihanda nende khunjila etsiomwitookho, oleere hano abamanani, nende abalema, nende ababofu, nende abetsindieku. 22Omusumba namusunjila mbu Omwami, aka olachile kamalile okhukholwa, ne obwiyangu bushiliho. 23Omwami namuboolela omusumba ari Rula otsie khumihanda nende mutsingaka, obanichilisie okhwinjila, mbu inzu yanje yitsule. 24Shichila ekhusunjila mbu abulaho khubalangwa oulakoonyelela khwisabo lianje ta.
Owenya okhuba omwechi ayililisie khumatinyu khale
25Emikanda emikhongo chiali nichilondananga ninaye; naye yashiukhana, nabasunjila mbu 26Omundu yesi naba niyanzitsila, ne narachwang'a samwana, nende nyina, nende omukhasiwe, nende abaanabe, nende abaana babwe nabambootso, toto, kata nende obulamu bubwe omwene, shianyala okhuba omwechi wanje ta. 27Oureetuushile omusalaba kukwe omwene, wanondakhwo, shianyala okhuba omwechi wanje ta 28Okhuba ali heena khwinywe, niyeenya okhuumbakha omunaara, nararanjilila weekhala nabasia obukusi, naba nali nende ebia akumalilisilia? 29Nebutswa olwa yakhaba nakhupile omuse, naranyala okhumalilisia ta, bosi abalola bakhachaaka okhumutseshelela, 30bari Omundu uno yachaaka okhuumbakha, naranyala okhumalilisia ta. 31Iiata nimuruchi shiina outsiitsanga okhwakaana nende omuruchi undi khwihe, nararanjilila weekhala nayililisia naba niyakhanyala okhwakaana nende oyo owitsa okhumuseera nende abandu ebikhumila amakhumi kabili, omwene olwa ali nende ebikhumila likhumi? 32Nebutswa oundi oyo olwa ashili ehale, aruma oburume nareeba akakhoyeele omulembe. 33Kho kario omundu yesi mwinywe ouralekha biosi ebia ali ninabio, shianyala okhuba omwechi wanje ta.
Omunyu omutsinzibu
(Mat. 5.13; Mk. 9.50)
34Kho omuunyu nomulayi; ne kata omuunyu nikuba nikutsinziibe, wakhakulunga nende shiina? 35Shikukasila kata liloba kata eshipiitsi shieimbolela ta; abandu bakusukuna butswa. Ouli namarwi akokhuhulilila, ahulile.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oluluyia Union Version © Bible Society of Kenya 1975