Yohana 4
4
Yesu nende omukhasi omuSamaria
1Kho olwa Omwami yamanya shinga abaFarisayo olwa bali nibahuliile mbu Yesu akholanga abandu abanii okhuba abeechi okhushila Yohana, nababatisia, 2nebutswa Yesu omwene shiyali nabatisinjia ta, habula abeechibe, 3yarula ebuYahudi, niyeenyokha nakalukha eGalilaya. 4Ne yali nakhoyile okhubirila muSamaria. 5Kho yoola khwitaala lindi lieSamaria elilangwa mbu Sikari, ahambi nomukunda okwo okwa Yakobo yaheelesia Yusufu omwanawe. 6Ne isebele yaYakobo yali ebweneyo. Kho Yesu, olwa yali nachoonyile khulwa oluchendo, yeekhala butswa ario hasebele. Yali shinga isaa yakhasasaba.
7Mana omukhasi undi omuSamaria niyeetsa okhutaha amatsi; Yesu namusaba ari Umbekhwo amatsi enywe. 8Okhuba abeechibe bali nibatsiile mwitaala okhukula ebiokhulia. 9Kho omukhasi omuSamaria namureeba ari Kali karie, iwe omuYahudi okhusaba isie amatsi, olwa endi omukhasi omuSamaria? Okhuba abaYahudi shibanyweelelananga amatsi nende abaSamaria ta. 10Yesu nakalusia namusunjila ari Niwakhamanyile eshihaanwa shiaNyasaye, nende oukhusaba mbu Umbekhwo amatsi enywe, shinga olwa ali, khane nawe wakhamusabile ye, naye yakhakhuheele amatsi amalamu. 11Omukhasi oyo namusunjila ari Omwami, kata eshiokhutayila obula ninashio, khandi liyabo lili hasi muno; kho orusia heena amatsi ako amalamu? 12Iwe oshila kuuka weefwe Yakobo, owakhuheelesia liyabo lino, omwene nanywamwo, nende abaanabe, nende emirukochie? 13Yesu nakalusia, namusunjila mbu Buli mundu ounywakhwo khumatsi kano, obuloho bulamulia khandi; 14ne omundu yesi oulanywa khumatsi aka ndalamuheelesia, obuloho shibulamulia khandi ta; ne amatsi ako aka emuheelesia kalaba muye isebele yamatsi akafututukha okhuula khubulamu bwobumeli. 15Omukhasi oyo namusunjila ari Omwami, umbekhwo amatsi ako, obuloho mana buleshenje okhundia, kata isie okhwitsanga hano okhutaha.
16Yesu namubiila ari Tsia olanje omusaatsawo, mana witse hano ninaye. 17Omukhasi nakalusia, namusunjila mbu Shindi nende omusaatsa ta. Yesu namusunjila ari Otechile noboola mbu Shindi nende omusaatsa ta; 18okhuba wateeshibwa nabasaatsa baraano; ne owa oli ninaye bulaano shiali ye omusaatsawo tawe; ako oboolile habwene. 19Naye omukhasi namusunjila mbu Omwami, ndakhalola mbu oli omunabii, 20Abakuuka beefwe beenamilanga Nyasaye mushikulu shino; neenyu muboola mbu muYerusalemu nimwo omwa abandu bakhoyile okhumwinamila. 21Yesu namuboolela mbu Mama, suubila khulianje lino, mbu eshise shiitsanga eshia muraleenamilanga Papa kata mushikulu shino, kata muYerusalemu tawe. 22Inywe mwinamilanga eshia muramanyile ta; ifwe khwinamilanga eshia khumanyile; okhuba obuhonia burula mubaYahudi. 23Nebutswa eshise shiitsanga, kata bulaano shiulile, olwa abamwinamila toto balamwinamila Papa muroho nende obwatoto; okhuba abafwana bario nibo aba Papn akhaabanga mbu bamwinamilenje. 24Nyasaye niye Roho; nabo abamwinamila bakhoyile okhumwinamilanga muroho nende obwatoto. 25Omukhasi namusunjila ari Emanyile mbu Masihi ali okhwitsa, oulangwa mbu Kristo; naye olwa alaba niyeetsile, alakhufwimbulila amakhuwa kosi. 26Yesu namuboolela mbu Isie ouboolana ninawe, ISIE NISIE.
27Habwenaho abeechibe nibeetsa; nibahuka shichila yasungana nende omukhasi; nebutswa yabulaho owareeba mbu Wenya shiina? Kata mbu Osungananga ninaye mbushiina? Tawe. 28Kho omukhasi yalekha isiongoye natsia mwitaala, naboolela abandu ari 29Mwitse mulole omundu oumbooleele kosi aka ndakhola; uno shiyakhaba nali ye Kristo watsana ta? 30Nibarula mwitaala, nibachaaka okhutsia ewa yali.
31Ne inyumawe abeechibe nibamusaaya, bari Rabi, yitsa olie. 32Naye nabasunjila ari Endi nende ebiokhulia ebia muramanyilekhwo ta. 33Abeechi nibasungana, bari Oundi akhamuleereele eshiokhulia noho? 34Yesu nababoolela mbu Ebiliibwa bianje nibio okhukhola aka owaruma yeenya, nende okhumalilisia emilimochie. 35Inywe shimuboolanga mbu chishili emiesi chine, mana lichesa liitsa, ta? Lole, isie emusunjila mbu chinguule tsimoni tsieenywe, muhenje emikunda, mbu chimalile okhulaba nichituushila lichesa. 36Ouchesa alia omushaara, nakhung'aasia ebiamo okhuula khubulamu bwobumeli; mbu mana ouraaka nende ouchesa beekhoyele halala. 37Shichila mukeenako olusungo luba olwatoto, mbu Mulala araaka, oundi achesa. 38Ndamurumile okhuchesa ebienebio ebia muranyakhanila ta; abandi nibo abanyakhana, neenyu mwayeenjiile mubunyakhani bwabwe.
39AbaSamaria abanji abomwitaala elo nibamusuubilila khulwa likhuwa liomukhasi oyo, owarumbula mbu Yambooleele kosi aka ndakhola. 40Kho olwa abaSamaria bamwitsila, bamusaaya mbu amenye ninabo; naye nakonayo khabili. 41Abandi abanji nibamusuubilila khulwa amasungoke; 42nibamusunjila omukhasi oyo bari Bulaano khusuubiile, ne shikhuli khulwa okhusunga khukhwo ta; okhuba if we abeene khuhuliile nikhumanya mbu toto mwene uno niye Omuhonia weshialo shiosi.
Yesu yahonia omwana womukhulundu
43Olunyuma lwetsindaalo etsio tsibili yarulayo natsia eGalilaya. 44Okhuba Yesu omwene yarumbula mbu omunabii shialikhwo noluyali mushialo shiabwe omwene ta. 45Mana olwa yoola eGalilaya, abaGalilaya nibamwinjisia, shichila bali nibaluutsi ako kosi aka yakhola eYerusalemu khwisabo elo; okhuba bosi bali nibatsiile khwisabo.
46Kho niyoola khandi eKana muGalilaya, ewa yakalukhasia amatsi okhuba idivai. Ne yali naliho omukhulundu nalebe weitookho, owa omwanawe yalwalila eKaperinaumu. 47Olwa yahulila mbu Yesu urulile ebuYahudi, winjiile muGalilaya, yatsia ewa yali namusaaya mbu akholomosheyo, ahonie omwanawe; shichila yali nali okhufwa. 48Kho Yesu namusunjila mbu Nimuraluutsi ebilolelo nende ebiamakana shimulasuubila nahatuutu ta. 49Omukhulundu oyo namusunjila mbu Omwami, kholomokhayo omwana wanje olwa ashili okhufwa. 50Yesu namusunjila mbu Tsia butsia; omwanawo nomulamu. Omusaatsa oyo nasuubila likhuwa elia Yesu yamusunjila, natsia butsia. 51Ne olwa yali nakholomokhanga abasumbabe nibamwakaanila, nibasunga mbu omwanawe nomulamu. 52Kho yabareeba mbu neisaa shiina olwa yachaachile okhuhona? Nabo nibamukalusia mbu Eshiabeele, khusaa yomusaafu, omurengo kwamuleshile. 53Kho samwana namanya mbu neisaa yatsana olwa Yesu yamusunjila mbu Omwanawo nomulamu; ye omwene nasuubila, halala nende abomunzuye bosi. 54Kho shino neshilolelo shiakhabili eshia Yesu yakhola narulile ebuYahudi niyeenjiile muGalilaya.
ទើបបានជ្រើសរើសហើយ៖
Yohana 4: OUV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oluluyia Union Version © Bible Society of Kenya 1975
Yohana 4
4
Yesu nende omukhasi omuSamaria
1Kho olwa Omwami yamanya shinga abaFarisayo olwa bali nibahuliile mbu Yesu akholanga abandu abanii okhuba abeechi okhushila Yohana, nababatisia, 2nebutswa Yesu omwene shiyali nabatisinjia ta, habula abeechibe, 3yarula ebuYahudi, niyeenyokha nakalukha eGalilaya. 4Ne yali nakhoyile okhubirila muSamaria. 5Kho yoola khwitaala lindi lieSamaria elilangwa mbu Sikari, ahambi nomukunda okwo okwa Yakobo yaheelesia Yusufu omwanawe. 6Ne isebele yaYakobo yali ebweneyo. Kho Yesu, olwa yali nachoonyile khulwa oluchendo, yeekhala butswa ario hasebele. Yali shinga isaa yakhasasaba.
7Mana omukhasi undi omuSamaria niyeetsa okhutaha amatsi; Yesu namusaba ari Umbekhwo amatsi enywe. 8Okhuba abeechibe bali nibatsiile mwitaala okhukula ebiokhulia. 9Kho omukhasi omuSamaria namureeba ari Kali karie, iwe omuYahudi okhusaba isie amatsi, olwa endi omukhasi omuSamaria? Okhuba abaYahudi shibanyweelelananga amatsi nende abaSamaria ta. 10Yesu nakalusia namusunjila ari Niwakhamanyile eshihaanwa shiaNyasaye, nende oukhusaba mbu Umbekhwo amatsi enywe, shinga olwa ali, khane nawe wakhamusabile ye, naye yakhakhuheele amatsi amalamu. 11Omukhasi oyo namusunjila ari Omwami, kata eshiokhutayila obula ninashio, khandi liyabo lili hasi muno; kho orusia heena amatsi ako amalamu? 12Iwe oshila kuuka weefwe Yakobo, owakhuheelesia liyabo lino, omwene nanywamwo, nende abaanabe, nende emirukochie? 13Yesu nakalusia, namusunjila mbu Buli mundu ounywakhwo khumatsi kano, obuloho bulamulia khandi; 14ne omundu yesi oulanywa khumatsi aka ndalamuheelesia, obuloho shibulamulia khandi ta; ne amatsi ako aka emuheelesia kalaba muye isebele yamatsi akafututukha okhuula khubulamu bwobumeli. 15Omukhasi oyo namusunjila ari Omwami, umbekhwo amatsi ako, obuloho mana buleshenje okhundia, kata isie okhwitsanga hano okhutaha.
16Yesu namubiila ari Tsia olanje omusaatsawo, mana witse hano ninaye. 17Omukhasi nakalusia, namusunjila mbu Shindi nende omusaatsa ta. Yesu namusunjila ari Otechile noboola mbu Shindi nende omusaatsa ta; 18okhuba wateeshibwa nabasaatsa baraano; ne owa oli ninaye bulaano shiali ye omusaatsawo tawe; ako oboolile habwene. 19Naye omukhasi namusunjila mbu Omwami, ndakhalola mbu oli omunabii, 20Abakuuka beefwe beenamilanga Nyasaye mushikulu shino; neenyu muboola mbu muYerusalemu nimwo omwa abandu bakhoyile okhumwinamila. 21Yesu namuboolela mbu Mama, suubila khulianje lino, mbu eshise shiitsanga eshia muraleenamilanga Papa kata mushikulu shino, kata muYerusalemu tawe. 22Inywe mwinamilanga eshia muramanyile ta; ifwe khwinamilanga eshia khumanyile; okhuba obuhonia burula mubaYahudi. 23Nebutswa eshise shiitsanga, kata bulaano shiulile, olwa abamwinamila toto balamwinamila Papa muroho nende obwatoto; okhuba abafwana bario nibo aba Papn akhaabanga mbu bamwinamilenje. 24Nyasaye niye Roho; nabo abamwinamila bakhoyile okhumwinamilanga muroho nende obwatoto. 25Omukhasi namusunjila ari Emanyile mbu Masihi ali okhwitsa, oulangwa mbu Kristo; naye olwa alaba niyeetsile, alakhufwimbulila amakhuwa kosi. 26Yesu namuboolela mbu Isie ouboolana ninawe, ISIE NISIE.
27Habwenaho abeechibe nibeetsa; nibahuka shichila yasungana nende omukhasi; nebutswa yabulaho owareeba mbu Wenya shiina? Kata mbu Osungananga ninaye mbushiina? Tawe. 28Kho omukhasi yalekha isiongoye natsia mwitaala, naboolela abandu ari 29Mwitse mulole omundu oumbooleele kosi aka ndakhola; uno shiyakhaba nali ye Kristo watsana ta? 30Nibarula mwitaala, nibachaaka okhutsia ewa yali.
31Ne inyumawe abeechibe nibamusaaya, bari Rabi, yitsa olie. 32Naye nabasunjila ari Endi nende ebiokhulia ebia muramanyilekhwo ta. 33Abeechi nibasungana, bari Oundi akhamuleereele eshiokhulia noho? 34Yesu nababoolela mbu Ebiliibwa bianje nibio okhukhola aka owaruma yeenya, nende okhumalilisia emilimochie. 35Inywe shimuboolanga mbu chishili emiesi chine, mana lichesa liitsa, ta? Lole, isie emusunjila mbu chinguule tsimoni tsieenywe, muhenje emikunda, mbu chimalile okhulaba nichituushila lichesa. 36Ouchesa alia omushaara, nakhung'aasia ebiamo okhuula khubulamu bwobumeli; mbu mana ouraaka nende ouchesa beekhoyele halala. 37Shichila mukeenako olusungo luba olwatoto, mbu Mulala araaka, oundi achesa. 38Ndamurumile okhuchesa ebienebio ebia muranyakhanila ta; abandi nibo abanyakhana, neenyu mwayeenjiile mubunyakhani bwabwe.
39AbaSamaria abanji abomwitaala elo nibamusuubilila khulwa likhuwa liomukhasi oyo, owarumbula mbu Yambooleele kosi aka ndakhola. 40Kho olwa abaSamaria bamwitsila, bamusaaya mbu amenye ninabo; naye nakonayo khabili. 41Abandi abanji nibamusuubilila khulwa amasungoke; 42nibamusunjila omukhasi oyo bari Bulaano khusuubiile, ne shikhuli khulwa okhusunga khukhwo ta; okhuba if we abeene khuhuliile nikhumanya mbu toto mwene uno niye Omuhonia weshialo shiosi.
Yesu yahonia omwana womukhulundu
43Olunyuma lwetsindaalo etsio tsibili yarulayo natsia eGalilaya. 44Okhuba Yesu omwene yarumbula mbu omunabii shialikhwo noluyali mushialo shiabwe omwene ta. 45Mana olwa yoola eGalilaya, abaGalilaya nibamwinjisia, shichila bali nibaluutsi ako kosi aka yakhola eYerusalemu khwisabo elo; okhuba bosi bali nibatsiile khwisabo.
46Kho niyoola khandi eKana muGalilaya, ewa yakalukhasia amatsi okhuba idivai. Ne yali naliho omukhulundu nalebe weitookho, owa omwanawe yalwalila eKaperinaumu. 47Olwa yahulila mbu Yesu urulile ebuYahudi, winjiile muGalilaya, yatsia ewa yali namusaaya mbu akholomosheyo, ahonie omwanawe; shichila yali nali okhufwa. 48Kho Yesu namusunjila mbu Nimuraluutsi ebilolelo nende ebiamakana shimulasuubila nahatuutu ta. 49Omukhulundu oyo namusunjila mbu Omwami, kholomokhayo omwana wanje olwa ashili okhufwa. 50Yesu namusunjila mbu Tsia butsia; omwanawo nomulamu. Omusaatsa oyo nasuubila likhuwa elia Yesu yamusunjila, natsia butsia. 51Ne olwa yali nakholomokhanga abasumbabe nibamwakaanila, nibasunga mbu omwanawe nomulamu. 52Kho yabareeba mbu neisaa shiina olwa yachaachile okhuhona? Nabo nibamukalusia mbu Eshiabeele, khusaa yomusaafu, omurengo kwamuleshile. 53Kho samwana namanya mbu neisaa yatsana olwa Yesu yamusunjila mbu Omwanawo nomulamu; ye omwene nasuubila, halala nende abomunzuye bosi. 54Kho shino neshilolelo shiakhabili eshia Yesu yakhola narulile ebuYahudi niyeenjiile muGalilaya.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oluluyia Union Version © Bible Society of Kenya 1975